സംസ്ഥാന യുവജനക്ഷേമ ബോര്‍ഡിന്റെ  സ്വാമി വിവേകാനന്ദന്‍  യുവപ്രതിഭാ പുരസ്‌കാരത്തിന് അപേക്ഷ ക്ഷണിച്ചു. വ്യക്തിഗത അവാര്‍ഡിനായി 18 നും 40 നും ഇടയില്‍  പ്രായമുള്ള യുവജനങ്ങള്‍ക്ക് അപേക്ഷിക്കാം. സാമൂഹ്യപ്രവര്‍ത്തനം, മാധ്യമപ്രവര്‍ത്തനം,  കല, സാഹിത്യം, ഫൈന്‍ ആര്‍ട്‌സ്, കായികം (വനിത), കായികം (പുരുഷന്‍്), ശാസ്ത്രം, സംരംഭകത്വം, കൃഷി, എന്നീ മേഖലകളില്‍ നിന്നും മികച്ച ഓരോ വ്യക്തിയെയാണ് പുരസ്‌ക്കാരത്തിന് തിരഞ്ഞെടുക്കുന്നത്. പുരസ്‌ക്കാരത്തിന് അര്‍ഹരാകുന്നവര്‍ക്ക് 50,000 രൂപയും പ്രശസ്തി പത്രവും    പുരസ്‌കാരവും ലഭിക്കും.

സാമൂഹ്യ പ്രശ്‌നങ്ങള്‍ നേരിടുന്ന മിശ്ര വിവാഹ ദമ്പതികള്‍ക്ക് ഒരു വര്‍ഷം സുരക്ഷിതമായി താമസിക്കുന്നതിന് സേഫ് ഹോമുകള്‍ തുടങ്ങുന്നു. ഒരു ഹോമില്‍ 10 ദമ്പതികള്‍ക്ക് താമസ സൗകര്യമൊരുക്കാന്‍ താത്പര്യമുള്ള സന്നദ്ധ സംഘടനകള്‍ക്ക്   പ്രൊപ്പോസില്‍ സമര്‍പ്പിക്കാം.  വിശദമായ പ്രൊപ്പോസലുകള്‍ മാര്‍ച്ച് 20 നകം ജില്ലാ സാമൂഹ്യനീതി ഓഫീസില്‍ ലഭിക്കണം.

ജില്ലയുടെ വികസന പ്രവര്‍ത്തനങ്ങള്‍ ത്വരിതപ്പെടുത്തുന്നതിനും സുതാര്യമാക്കുന്നതിനും ജില്ലാ വികസന സമിതി മാതൃകയാവുന്നു. ജില്ലാ വികസന സമിതിയില്‍ ഒരു വര്‍ഷത്തിനിടെ പരിഹാരം കണ്ടെത്തിയത് 400 ഓളം വിഷയങ്ങളിലാണ്. ചുവപ്പുനാടയില്‍ കുരുങ്ങി കിടക്കാന്‍ സാധ്യതയുണ്ടായിരുന്ന സാങ്കേതിക അനുമതി ആവശ്യമുള്ള വിഷയങ്ങളും ഇതില്‍പെടുന്നു. ജില്ലാ കളക്ടര്‍ ഡോ.ഡി.സജിത് ബാബു അധ്യക്ഷനായ സമിതിയാണ് സത്വര വേഗത്തില്‍ വിവിധ പ്രശ്നങ്ങളില്‍ നടപടി കൈകൊണ്ട് ജില്ലയുടെ വികസന സ്വപ്നങ്ങള്‍ക്ക് പച്ചക്കൊടി വീശുന്നത്.

* GOK Direct മൊബൈൽ ആപ്പ് മുഖ്യമന്ത്രി ഉദ്ഘാടനം ചെയ്തു
*ടെക്സ്റ്റ് മെസേജ് അലർട്ട് സംവിധാനത്തിലൂടെ സാധാരണ ഫോണിലും വിവരം ലഭിക്കും
കോവിഡ് 19 നെക്കുറിച്ചുള്ള യഥാർത്ഥ വിവരങ്ങൾ ജനങ്ങളിലേക്ക് ഇനി നേരിട്ടെത്തും. ഇതിനായി ജിഒകെ ഡയറക്ട്  (GOK Direct) മൊബൈൽ ആപ്പ് സർക്കാർ തയ്യാറാക്കി. ഇൻഫർമേഷൻ പബ്ളിക് റിലേഷൻസ് വകുപ്പ് തയ്യാറാക്കിയ മൊബൈൽ ആപ്പ് മുഖ്യമന്ത്രി പിണറായി വിജയൻ ഉദ്ഘാടനം ചെയ്തു. ആധുനിക സാങ്കേതിക വിദ്യയുടെ സഹായത്തോടെ കോവിഡ് 19നെ നേരിടുന്നതിന്റെ ഭാഗമായാണ് മൊബൈൽ ആപ്പ് പി. ആർ. ഡി തയ്യാറാക്കിയത്.

കോവിഡ് 19  ലോകാരോഗ്യ സംഘടന മഹാവ്യാധിയായി പ്രഖ്യാപിച്ച സാഹചര്യത്തില്‍ രോഗപ്രതിരോധത്തിന് എല്ലാവരും സഹകരിക്കണമെന്നും മതപരമായ ചടങ്ങുകളിലും ഉത്സവങ്ങളിലും ആള്‍ക്കൂട്ടം സൃഷ്ടിക്കുന്നത് ഒഴിവാക്കണമെന്നും  ജില്ലാ കലക്ടര്‍ ബി അബ്ദുല്‍ നാസര്‍ പറഞ്ഞു.

പുനലൂര്‍ ടൗണില്‍ കൃഷ്ണന്‍ കോവിലിന് സമീപം പ്രവര്‍ത്തിക്കുന്ന ഇംപീരിയല്‍ കിച്ചണ്‍, ഇംപീരിയില്‍ ബേക്കറി എന്നീ സ്ഥാപനങ്ങളില്‍ മാര്‍ച്ച് രണ്ടിന് വൈകിട്ട് 3.30 നും 4.30 നും ഇടയില്‍ സന്ദര്‍ശനം നടത്തിയവര്‍ അടിയന്തരമായി പുനലൂര്‍ താലൂക്ക് ആശുപത്രി സൂപ്രണ്ടുമായി ബന്ധപ്പെടണം. ഫോണ്‍: 9447051097.

വിഷരഹിതമായ ചീരയും പയറും വീടിന്റെ മട്ടുപ്പാവില്‍ വിളയിച്ച് മറ്റുള്ളവര്‍ക്ക് വഴികാട്ടുകയാണ് കടയ്ക്കല്‍ ഗ്രാമപഞ്ചായത്ത് പ്രസിഡന്റ് ആര്‍ എസ് ബിജു.  വെണ്ടയും പാവലും കോളിഫ്‌ളവറും കാബേജും വരെ മട്ടുപ്പാവ് കൃഷിത്തോട്ടത്തിലുണ്ട്.