കോവിഡ് 19  ലോകാരോഗ്യ സംഘടന മഹാവ്യാധിയായി പ്രഖ്യാപിച്ച സാഹചര്യത്തില്‍ രോഗപ്രതിരോധത്തിന് എല്ലാവരും സഹകരിക്കണമെന്നും മതപരമായ ചടങ്ങുകളിലും ഉത്സവങ്ങളിലും ആള്‍ക്കൂട്ടം സൃഷ്ടിക്കുന്നത് ഒഴിവാക്കണമെന്നും  ജില്ലാ കലക്ടര്‍ ബി അബ്ദുല്‍ നാസര്‍ പറഞ്ഞു.

പുനലൂര്‍ ടൗണില്‍ കൃഷ്ണന്‍ കോവിലിന് സമീപം പ്രവര്‍ത്തിക്കുന്ന ഇംപീരിയല്‍ കിച്ചണ്‍, ഇംപീരിയില്‍ ബേക്കറി എന്നീ സ്ഥാപനങ്ങളില്‍ മാര്‍ച്ച് രണ്ടിന് വൈകിട്ട് 3.30 നും 4.30 നും ഇടയില്‍ സന്ദര്‍ശനം നടത്തിയവര്‍ അടിയന്തരമായി പുനലൂര്‍ താലൂക്ക് ആശുപത്രി സൂപ്രണ്ടുമായി ബന്ധപ്പെടണം. ഫോണ്‍: 9447051097.

വിഷരഹിതമായ ചീരയും പയറും വീടിന്റെ മട്ടുപ്പാവില്‍ വിളയിച്ച് മറ്റുള്ളവര്‍ക്ക് വഴികാട്ടുകയാണ് കടയ്ക്കല്‍ ഗ്രാമപഞ്ചായത്ത് പ്രസിഡന്റ് ആര്‍ എസ് ബിജു.  വെണ്ടയും പാവലും കോളിഫ്‌ളവറും കാബേജും വരെ മട്ടുപ്പാവ് കൃഷിത്തോട്ടത്തിലുണ്ട്.

ജില്ലാ ലൈബ്രറി കൗണ്‍സിലിന്റെ പുതിയ പ്രസിഡന്റായി കെ ബി മുരളീകൃഷ്ണനെയും സെക്രട്ടറിയായി ഡി സുകേശനെയും തിരഞ്ഞെടുത്തു.

വിവാഹ ജീവിതത്തിലേക്ക്  മികച്ച വഴികാട്ടിയായി കുടുംബശ്രീ മാട്രിമോണി.

നെടുമ്പന സാമൂഹിക ആരോഗ്യ കേന്ദ്രത്തില്‍ കരാര്‍ അടിസ്ഥാനത്തില്‍ മെഡിക്കല്‍ ഓഫീസര്‍ തസ്തികയില്‍ നിയമനം നടത്തുന്നതിന് അപേക്ഷ ക്ഷണിച്ചു. എം ബി ബി എസ് ബിരുദധാരികള്‍ക്ക് അപേക്ഷിക്കാം. സര്‍ട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകര്‍പ്പ് സഹിതം അപേക്ഷ മാര്‍ച്ച് 16 ന് ഉച്ചയ്ക്ക് രണ്ടുവരെ സമര്‍പ്പിക്കാം.

കൊല്ലം, പത്തനംതിട്ട ജില്ലകളിലെ വനം വകുപ്പില്‍ ഫോറസ്റ്റ് ഡ്രൈവര്‍ (കാറ്റഗറി നമ്പര്‍ 120/17) തസ്തികയുടെ ചുരുക്കപ്പട്ടികയില്‍ ഉള്‍പ്പെട്ടവര്‍ക്കായി മാര്‍ച്ച് 17 ന് ലാല്‍ ബഹദൂര്‍ ശാസ്ത്രി സ്റ്റേഡിയത്തില്‍ നടത്താന്‍ നിശ്ചയിച്ചിരുന്ന കായികക്ഷമതാ പരീക്ഷ മാറ്റിവച്ചു.

പൊതുമരാമത്ത് വകുപ്പ് ദേശീയപാതാ ഉപവിഭാഗം അസിസ്റ്റന്റ് എക്‌സിക്യൂട്ടീവ് എഞ്ചിനീയറുടെ ഓഫീസ് ആവശ്യത്തിന് വാഹനം വാടകയ്ക്ക് നല്‍കുന്നതിന് ക്വട്ടേഷന്‍ ക്ഷണിച്ചു.  മാര്‍ച്ച് 16 ന് വൈകിട്ട് നാലുവരെ സമര്‍പ്പിക്കാം

കൊല്ലം സിറ്റിയിലെ അഞ്ചാലുംമൂട്, ഓച്ചിറ, ശക്തികുളങ്ങര, കൊല്ലം വെസ്റ്റ് പോലീസ് സ്റ്റേഷന്‍ പരിസരത്ത് സൂക്ഷിച്ചിട്ടുള്ള 74 വാഹനങ്ങള്‍ മാര്‍ച്ച് 20 ന് രാവിലെ 11 മുതല്‍ ഉച്ചയ്ക്ക് 3.30 വരെ ഇ-ലേലം ചെയ്യും.