പട്ടാമ്പി താലൂക്ക് ആശുപത്രി ലബോറട്ടറിയിലേക്ക് ഹോര്‍മോണ്‍ അനലൈസര്‍ ഉപകരണം സ്ഥാപിക്കുകയും ഉപകരണത്തിന് വേണ്ട റീഏജന്റ്‌സുകള്‍ രണ്ട് വര്‍ഷത്തേക്ക് വിതരണം ചെയ്യുന്നതിനും താത്പര്യമുളള കമ്പനികളില്‍ നിന്നും ടെന്‍ഡര്‍ ക്ഷണിച്ചു. 5000 രൂപയാണ് നിരതദ്രവ്യം. ടെന്‍ഡറുകള്‍ മാര്‍ച്ച് 21 ന് ഉച്ചയ്ക്ക് രണ്ട് വരെ സ്വീകരിക്കും. അന്നേ ദിവസം മൂന്നിന് തുറക്കും. ടെന്‍ഡര്‍ നിബന്ധനകള്‍ക്കും കൂടുതല്‍ വിവരങ്ങള്‍ക്കും ആശുപത്രി ഓഫീസുമായി ബന്ധപ്പെടാം. ഫോണ്‍ : 0466-2213769.

പാലക്കാട് പൊതുമരാമത്ത്  വകുപ്പ് നിരത്ത് വിഭാഗം അസിസ്റ്റന്റ് എഞ്ചിനീയര്‍ ഓഫീസ് പരിധിയിലുളള വിവിധ മരം/മരത്തിന്റെ ശാഖകള്‍ മാര്‍ച്ച് 17 ന് ലേലം ചെയ്യുന്നു. താത്പര്യമുളളവര്‍ നിരതദ്രവ്യം കെട്ടിവെച്ച് ലേലത്തില്‍ പങ്കെടുക്കണമെന്ന് അസിസ്റ്റന്റ് എഞ്ചിനീയര്‍ അറിയിച്ചു. പാലക്കാട് പെരിന്തല്‍മണ്ണ റോഡ്, പത്തിരിപ്പാല- കോങ്ങാട് റോഡ് എന്നിവിടങ്ങളില്‍ വീണ് കിടക്കുന്നതും മുറിച്ചിട്ടതുമായ അക്യേഷ്യ, അവിരം, ഗുല്‍മോഹല്‍, മാവ്, മഴ, മട്ടി തുടങ്ങിയ മരങ്ങളാണ് രാവിലെ 11 മുതല്‍ ലേലം ചെയ്യുക. വിശദവിവരങ്ങള്‍ പ്രവൃത്തി ദിവസങ്ങളില്‍ ഓഫീസില്‍ നിന്ന് ലഭിക്കും.

      ജില്ലയുടെ സമഗ്ര വികസനം ലക്ഷ്യമിടുന്ന പദ്ധതികളുമായി ജില്ലാ പഞ്ചായത്ത് വികസന സെമിനാര്‍. വിവിധ മേഖലയിലെ 224 പ്രോജക്ടുകളിലായി 56.8 കോടി രൂപയുടെ പദ്ധതികളാണ് 2020-21 വാര്‍ഷിക പദ്ധതിയില്‍ നടപ്പാക്കുന്നത്. അര്‍ബുദ രോഗികളായ സ്ത്രീകള്‍ക്കും വയോജനങ്ങള്‍ക്കും പ്രതീക്ഷയായി 1.20 കോടി രൂപ ചെലവില്‍  പ്രത്യാശ പദ്ധതി നടപ്പാക്കും. വനിതകള്‍ക്ക് 20 ലക്ഷം രൂപയും വയോജനങ്ങള്‍ക്ക് 1 കോടി രൂപയുമാണ് ചെലവിടുക. 60 വയസ്സിന് മുകളില്‍ പ്രായമുള്ള വയോജനങ്ങളും സ്ത്രീകളുമായിരിക്കും പദ്ധതിയുടെ ഗുണഭോക്താക്കള്‍. സംസ്ഥാനത്ത് അര്‍ബുദ ചികിത്സ നടക്കുന്ന ആസ്പത്രികളുമായി സഹകരിച്ചാണ് പ്രത്യാശ പദ്ധതി നടപ്പാക്കുക.

സംസ്ഥാന ന്യൂനപക്ഷ കമ്മീഷന്‍ മാര്‍ച്ച് 17 ന് തൃശ്ശൂര്‍ ജില്ലാ പഞ്ചായത്ത് കോണ്‍ഫറന്‍സ് ഹാളില്‍ രാവിലെ 11  ന് നടത്താന്‍ തീരുമാനിച്ച തൃശ്ശൂര്‍, പാലക്കാട് ജില്ലകള്‍ക്കുളള സിറ്റിംഗ് മാറ്റിയതായി മെമ്പര്‍ സെക്രട്ടറി അറിയിച്ചു. കോവിഡ് - 19 രോഗബാധ തടയുന്നതിന്റെ ഭാഗമായുളള സര്‍ക്കാര്‍ നിര്‍ദ്ദേശപ്രകാരമാണ് യോഗം മാറ്റിയത്.  പുതുക്കിയ തീയതി പിന്നീട് അറിയിക്കും.

(മുഖ്യമന്ത്രിയുടെ ഓഫീസ്)

കേരളത്തില്‍ ഏറ്റവുമൊടുവില്‍ ആറുപേര്‍ക്ക് കൂടി കൊറോണ വൈറസ് ബാധ സ്ഥിരീകരിച്ചതോടെ സംസ്ഥാനത്ത് ആകെ കോവിഡ് 19 ബാധിച്ചവരുടെ എണ്ണം 15 ആയതായി മുഖ്യമന്ത്രി പിണറായി വിജയന്‍ തിരുവനന്തപുരത്ത് നടത്തിയ വാര്‍ത്തസമ്മേളനത്തില്‍ അറിയിച്ചു. അതില്‍ മൂന്നുപേരുടെ രോഗം പൂര്‍ണമായി മാറി. ഇപ്പോള്‍ ചികിത്സയിലുള്ള 12 പേരില്‍ നാലുപേര്‍ ഇറ്റലിയില്‍നിന്ന് വന്നവരാണ്. എട്ടുപേര്‍ അവരുമായി സമ്പര്‍ക്കം പുലര്‍ത്തിയവരും.

· മാര്‍ച്ച് 15 നകം  ബ്രാന്‍ഡുകള്‍ രജിസ്റ്റര്‍ ചെയ്യണം
· ഒരു ലൈസന്‍സിക്ക് വിപണനം ഒരു ബ്രാന്‍ഡ് വെളിച്ചെണ്ണ മാത്രം