ജില്ലാ പഞ്ചായത്തില്‍ ചേര്‍ന്ന ജില്ലാ ജാഗ്രത സമിതി മുമ്പാകെ ലഭിച്ച  നാഗലശ്ശേരി ഗ്രാമപഞ്ചായത്തിലെ കൂരിപറമ്പ്- കോതച്ചിറ -പെരിങ്ങോട് നിവാസികളായ  ദമ്പതികളെ 11 വര്‍ഷമായി  ഊരുവിലക്കിയ പരാതിയില്‍ നിയമ നടപടി സ്വീകരിക്കുമെന്നും കൂടാതെ മനുഷ്യാവകാശ-വനിതാ കമ്മീഷനുകളിലും മുഖ്യമന്ത്രി, പട്ടികജാതി-പട്ടികവര്‍ഗ്ഗ വകുപ്പ് മന്ത്രി, എസ്.പി എന്നിവര്‍ക്ക് പരാതി  നല്‍കുമെന്നും ജാഗ്രതാ സമിതി അറിയിച്ചു.  ് ദമ്പതികള്‍ പ്രണയിച്ച വിവാഹം ചെയ്തതിനാലാണ് ഊരുവിലക്കിയത്. ഈ കാരണത്താല്‍ തങ്ങള്‍ക്ക് സ്വന്തം കുടുംബത്തിലോ  സമുദായത്തിലോ പ്രവേശനമില്ലെന്ന് കാണിച്ചാണ് ദമ്പതികള്‍ സമിതിക്ക് മുമ്പാകെ പരാതി നല്‍കിയത്.

പൊതുജനാരോഗ്യവുമായി (കൊവിഡ് 19) പൊതു പരിപാടികള്‍ ഒഴിവാക്കണമെന്ന ആരോഗ്യവകുപ്പിന്റെ ജാഗ്രതാ നിര്‍ദ്ദേശത്തിനടിസ്ഥാനത്തില്‍ നോര്‍ക്ക റൂട്ട്‌സില്‍ ഇന്ന് (മാര്‍ച്ച് 12)മുതല്‍ ഇനിയൊരു അറിയിപ്പ് ഉണ്ടാകുന്നത് വരെ സര്‍ട്ടിഫിക്കറ്റ് അറ്റസ്റ്റേഷന്‍ ഉണ്ടായിരിക്കില്ല. കൂടാതെ നോര്‍ക്ക പുനരധിവാസ പദ്ധതി (ചഉജഞഋങ) സാന്ത്വന പദ്ധതി എന്നിവയുമായി ബന്ധപ്പെട്ട് എല്ലാ ജില്ലകളിലും നടത്താന്‍ നിശ്ചയിച്ച പരിശീലനം/സ്‌ക്രീനിംഗ് എന്നിവ ഉണ്ടാവില്ലെന്ന് ചീഫ് എക്‌സിക്യൂട്ടിവ് ഓഫീസര്‍ അറിയിച്ചു.

കൊറോണ(കോവിഡ്-19) പ്രതിരോധ പ്രവര്‍ത്തനങ്ങളുടെ ഭാഗമായി മാര്‍ച്ച് 31 വരെ നടത്താനിരുന്ന പാലക്കാട് മെയിന്റനന്‍സ് ട്രൈബ്യൂണലിലെ മാതാപിതാക്കളുടെയും മുതിര്‍ന്ന പൗരന്മാരുടെയും കേസുകളും റവന്യൂ ഡിവിഷണല്‍ ഓഫിസിന് കീഴിലുള്ള മറ്റ് കേസുകളും മാറ്റിവെച്ചു. പുതുക്കിയ തിയതി പിന്നീട് അറിയിക്കുമെന്ന്  മെയ്ന്റനന്‍സ് ട്രൈബൂണല്‍ പ്രിസൈഡിങ്ങ് ഓഫീസറായ പാലക്കാട് റവന്യൂ ഡിവിഷണല്‍ ഓഫീസര്‍ പി. എ വിഭൂഷണ്‍  അറിയിച്ചു.

കേരള ലളിതകലാ അക്കാദമി വിവിധ ജില്ലകളിലെ ആര്‍ട്ട് ഗ്യാലറികളില്‍ മാര്‍ച്ച് 31 വരെ നടത്താനിരുന്ന കലാപ്രദര്‍ശനങ്ങള്‍ കൊറോണ ജാഗ്രതാ നിര്‍ദ്ദേശത്തെ തുടര്‍ന്ന് റദ്ദാക്കിയതായി സെക്രട്ടറി അറിയിച്ചു.

കൊറോണ (കൊവിഡ് -19) വൈറസ് ബാധയുടെ പശ്ചാത്തലത്തില്‍ മുന്‍കരുതല്‍ നടപടികളുടെ ഭാഗമായി കോഴിക്കോട് ഇറിഗേഷന്‍ പ്രോജക്ട്‌സ് കാര്യാലയത്തിനു കീഴിലുളള മംഗലം, പോത്തുണ്ടി, മലമ്പുഴ ഡാം, റിസര്‍വ്വോയര്‍ എന്നിവിടങ്ങളില്‍ ടൂറിസ്റ്റ്, പൊതുജന പ്രവേശനം നിര്‍ത്തിവച്ചതായി ചീഫ് എഞ്ചിനീയര്‍ അറിയിച്ചു.

മലപ്പുറം ജില്ലയിലെ മേലെ കോഴിച്ചെനയിലുളള ക്ലാരി ആര്‍.ആര്‍.ആര്‍.എഫ് ക്യാമ്പിലെ വിവിധ ഇനങ്ങളില്‍പ്പെട്ട 31 മരങ്ങള്‍ മാര്‍ച്ച് 21 ന് രാവിലെ 11 ന് ക്ലാരി ആര്‍.ആര്‍.ആര്‍.എഫ് ക്യാമ്പില്‍ ലേലം ചെയ്യും. 60000 രൂപയാണ് നിരതദ്രവ്യം. കമാണ്ടന്റിന്റെ അനുമതിയോടെ ഓഫീസ് പ്രവൃത്തി ദിവസങ്ങളില്‍ ഉച്ചയ്ക്ക് മൂന്ന് മുതല്‍ അഞ്ച് വരെ മരങ്ങള്‍ പരിശോധിക്കാം. ഫോണ്‍ : 0494-2489398.

മങ്കര ഗ്രാമപഞ്ചായത്തിലെ വസ്തു നികുതി ഇളവിന് അര്‍ഹരായ വിമുക്ത ഭടന്‍/വിമുക്ത ഭടന്റെ ഭാര്യ/വിധവ എന്നിവര്‍ മാര്‍ച്ച് 31 നകം ഇളവ് ലഭിക്കുന്നതിനുളള സാക്ഷ്യപത്രം പഞ്ചായത്ത് ഓഫീസില്‍ എത്തിക്കണം. നിശ്ചിത സമയത്തിന് ശേഷം ലഭിക്കുന്ന അപേക്ഷകള്‍ വസ്തു നികുതി ഇളവിന് പരിഗണിക്കുന്നതല്ലെന്ന് സെക്രട്ടറി അറിയിച്ചു.

മണ്ണാര്‍ക്കാട് താലൂക്കിലെ കൊടക്കാട് ക്ഷേത്രത്തില്‍ ട്രസ്റ്റിമാരാവാന്‍ (തികച്ചും സന്നദ്ധ സേവനം) താത്പര്യമുളളവര്‍ മാര്‍ച്ച് 25 നകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ് കമ്മീഷണര്‍ക്ക് നിശ്ചിത ഫോറത്തില്‍ അപേക്ഷ നല്‍കണം. പാലക്കാട് അസിസ്റ്റന്റ് കമ്മീഷ്ണറുടെ ഓഫീസിലും പെരിന്തല്‍മണ്ണ ഡിവിഷന്‍ ഇന്‍സ്‌പെക്ടറുടെ ഓഫീസിലും www.malabardevaswom.kerala.gov.in ലും അപേക്ഷാഫോറം ലഭിക്കും. ഫോണ്‍ : 0491-2505777.