ഗാര്‍ഹികാവശ്യങ്ങള്‍ക്കുള്ള തേക്ക് തടിയുടെ ചില്ലറ വില്‍പ്പന പുനലൂര്‍ തടി വില്‍പ്പന ഡിവിഷന് കീഴിലുള്ള തുയ്യം സര്‍ക്കാര്‍ തടി ഡിപ്പോയില്‍ മാര്‍ച്ച് 28 മുതല്‍ ആരംഭിക്കും. വീട് നിര്‍മിക്കുന്നതിന് വേണ്ടി തദ്ദേശ സ്വയംഭരണ സ്ഥാപനങ്ങളില്‍ നിന്നും ലഭിച്ച അനുമതി പത്രം, അംഗീകൃത പ്ലാന്‍, സ്‌കെച്ച്, പാന്‍ കാര്‍ഡ്, തിരിച്ചറിയല്‍ കാര്‍ഡ് എന്നിവയുടെ പകര്‍പ്പും അഞ്ചു രൂപയുടെ കോര്‍ട്ട് ഫീ സ്റ്റാമ്പും സഹിതം ഡിപ്പോയില്‍ ഹാജരാക്കി അഞ്ച് ക്യൂബിക് മീറ്റര്‍വരെ തേക്ക് തടി നേരിട്ട് വാങ്ങാം.

  കിഴക്കേകല്ലട കൃഷിഭവന്‍ കാര്‍ഷിക കര്‍മസേനയിലേക്ക് കൃഷി ടെക്‌നീഷ്യ•ാരെ തിരഞ്ഞെടുക്കുന്നതിന് അപേക്ഷ ക്ഷണിച്ചു. കിഴക്കേകല്ലട പഞ്ചായത്തിലെ സ്ഥിരതാമസക്കാരായ 18 നും 55 നും ഇടയില്‍ പ്രായമുള്ളവരെയാണ് പരിഗണിക്കുന്നത്.  പത്താം ക്ലാസ് ജയിച്ചതും കൃഷിപ്പണി ചെയ്യാന്‍ സന്നദ്ധത ഉള്ളവരും ആയിരിക്കണം അപേക്ഷകര്‍. വി എച്ച് എസ് ഇ അഗ്രികള്‍ച്ചര്‍ യോഗ്യത അഭിലഷണീയം.

സ്‌കോള്‍ കേരള മുഖേന 2018-20 ബാച്ചില്‍ ഹയര്‍ സെക്കണ്ടറി ഓപ്പണ്‍ റെഗുലര്‍ കോഴ്‌സിന് ഒന്ന്, അഞ്ച്, 39 എന്നീ സബ്ജക്ട് കോമ്പിനേഷനുകളില്‍ പ്രവേശനം നേടിയ കോഴ്‌സ് ഫീസ് പൂര്‍ണമായി അടച്ചവര്‍ കോഷന്‍ ഡിപ്പോസിറ്റ് തുക തിരികെ ലഭിക്കുന്നതിനുള്ള രസീത് മാര്‍ച്ച് 25 നകം സമര്‍പ്പിക്കണം.

കൊല്ലം സിറ്റിയിലെ വിവിധ പോലീസ് സ്റ്റേഷനുകളില്‍ സൂക്ഷിച്ചിരിക്കുന്ന അവകാശികളില്ലാത്ത 262 വാഹനങ്ങള്‍ അണ്‍ക്ലെയിംഡ് വാഹനങ്ങളായി പരിഗണിച്ച് ലേലം ചെയ്യും. വാഹനങ്ങളി•േല്‍ ആര്‍ക്കെങ്കിലും അവകാശവാദം ഉന്നിയിക്കാനുണ്ടെങ്കില്‍ മൂന്നു മാസത്തിനകം രേഖകള്‍ സഹിതം സ്റ്റേഷന്‍ ഹൗസ് ഓഫീസര്‍ മുമ്പകെയോ സിറ്റി ജില്ലാ പോലീസ് ഓഫീസിലെ പോലീസ് അഡീഷണല്‍ ഡെപ്യൂട്ടി കമ്മീഷണര്‍ മുമ്പാകെയോ ഹാജരായി രേഖാമൂലം അറിയിക്കാം. അവകാശവാദം ഉന്നയിക്കാത്ത വാഹനങ്ങള്‍ ഇ-ലേലം നടത്തും.

കൊട്ടാരക്കര കില ഇ ടി സി മെഡിസിനല്‍ ഗാര്‍ഡന്‍ - നക്ഷത്രവനം, (ഔഷധസസ്യങ്ങളുടെ നവീകരണ പുനരുദ്ധാരണം) ഉള്‍പ്പെടെയുള്ള മൂന്നു നിര്‍മ്മാണ പ്രവൃത്തികള്‍ക്ക് ഇ-ടെന്‍ഡറുകള്‍ ക്ഷണിച്ചു. മാര്‍ച്ച് 20 ന് വൈകിട്ട് അഞ്ചുവരെ സമര്‍പ്പിക്കാം.

കോവിഡ് 19 വ്യാപനം തടയുന്നതിനായി ഫ്‌ളാറ്റുകളിലും എടിഎമ്മുകളിലും ശുചിത്വം പാലിക്കാൻ ആവശ്യമായ ക്രമീകരണം ഏർപ്പെടുത്തണമെന്ന് റസിഡന്റ് അസോസിയേഷനുകൾക്കും ബാങ്കുകൾക്കും ജില്ലാ കളക്ടർ എസ് ഷാനവാസ് നിർദ്ദേശം നൽകി. ലിഫ്റ്റുകൾ, പൊതുപ്രവേശന മാർഗ്ഗങ്ങൾ, വാതിലുകൾ എന്നിവ ശുചിയായി സൂക്ഷിക്കണം. കൈകൾ വൃത്തിയാക്കുന്നതിനുളള സാമഗ്രികളും വെളളവും ഇവിടങ്ങളിൽ സൂക്ഷിക്കണം. സെക്യൂരിറ്റി ജീവനക്കാർ അവരവരുടെ ശുചിത്വം ഉറപ്പുവരുത്തുന്നതോടൊപ്പം സന്ദർശകർക്ക് ഇത്തരം സൗകര്യം ഒരുക്കി നൽകണമെന്നും കളക്ടർ നിർദ്ദേശിച്ചു.

കോവിഡ് 19 പ്രതിരോധത്തിന്റെ ഭാഗമായി റെയിൽവേ സ്റ്റേഷനുകളിൽ സ്ഥാപിച്ചിട്ടുളള ടച്ച് സ്‌ക്രീൻ പകരണങ്ങളുടെ പ്രവർത്തനം നിർത്തിവെയ്ക്കാൻ ജില്ലാ കളക്ടർ സ്റ്റേഷൻ ഡയറക്ടർമാർക്കും മാനേജർമാർക്കും നിർദ്ദേശം നൽകി. രോഗവ്യാപനം തടയുന്നതിനാണ് ഈ നിർദ്ദേശം പുറപ്പെടുവിച്ചത്.

സംസ്ഥാനത്ത് കൊവിഡ് 19ന്റെ അടിസ്ഥാനത്തിൽ ജാഗ്രത നിർദ്ദേശം പുറപ്പെടുവിച്ചിരിക്കുന്നതിനാൽ സർക്കാർ അനലിസ്റ്റ് ലബോറട്ടറിയിൽ 18,19,20 തിയതികളിൽ ജൂനിയർ ലാബ് അസിസ്റ്റന്റ് തസ്തികയിൽ താത്കാലിക നിയമനത്തിനുളള അഭിമുഖം മാറ്റിവച്ചു. പുതുക്കിയ തിയതി പിന്നീട് അറിയിക്കും.

നോർക്ക റൂട്ട്സിന്റെ  തിരുവനന്തപുരം, കൊച്ചി, കോഴിക്കോട്  മേഖലാ ഓഫീസുകളിൽ താൽക്കാലികമായി നിർത്തിവച്ചിരിക്കുന്ന സർട്ടിഫിക്കറ്റ് അറ്റസ്റ്റേഷനും മറ്റ് സേവനങ്ങളും 16 മുതൽ പുനരാരംഭിക്കുമെന്ന് ചീഫ് എക്സിക്യൂട്ടീവ് ഓഫീസർ അറിയിച്ചു.
പി.എൻ.എക്സ്.1042/2020