പെരിന്തല്‍മണ്ണ പൂക്കോയ തങ്ങള്‍ മെമ്മോറിയല്‍ ഗവണ്‍മെന്റ് കോളജില്‍ യു.ജി മൂന്നാം സെമസ്റ്റര്‍ മാത്തമാറ്റിക്‌സ് ഒരു ഒഴിവുണ്ട്.താത്പര്യമുള്ള വിദ്യാര്‍ത്ഥികള്‍ ജൂണ്‍ 17ന് മുമ്പായി ഓഫീസില്‍ നേരിട്ട് അപേക്ഷ സമര്‍പ്പിക്കണം. ഫോണ്‍04933 227370.

       കുടുംബശ്രീ വഴി നടപ്പാക്കുന്ന കേന്ദ്രാവിഷ്‌കൃത നൗപുണ്യ വികസന പദ്ധതിയായ ദീന്‍ദയാല്‍ ഉപാധ്യായ ഗ്രാമീണ്‍ കൗശല്യയോജനയിലൂടെ പ്ലസ്ടു പാസായ  ഗ്രാമീണ മേഖലയിലെ 18-നും 35-നും ഇടയില്‍ പ്രായമുള്ള യുവതികള്‍ക്ക് സൗജന്യ തൊഴില്‍ പരിശീലനവും തൊഴിലും നല്‍കുന്നു.   ജൂണ്‍ 20-ന് ആരംഭിക്കുന്ന ആറ് മാസം ദൈര്‍ഘ്യമുള്ള ഫാഷന്‍ ഡിസൈനിംഗ് സൗജന്യ കോഴ്‌സുകളിലേക്ക് കോഴിക്കോട് ഹോളിക്രോസ് കോളേജിലെ ട്രെയിനിംഗ് സെന്ററില്‍ അപേക്ഷ നല്‍കാം. ഫോണ്‍-: 7594 06 60 60.

   കാസര്‍ ഗോഡ് മുതല്‍ വിഴിഞ്ഞം വരെയുള്ള കേരള തീരത്ത് ജൂണ്‍ 15 രാത്രി 11.30വരെ  മൂന്നു മുതല്‍ 3.9 മീറ്റര്‍ വരെ ഉയരത്തില്‍ തിരമാലകള്‍ ഉണ്ടാകാന്‍ സാധ്യതയുണ്ടെന്ന് ദേശീയ സമുദ്ര സ്ഥിതിപഠന കേന്ദ്രം അറിയിച്ചു. കേരള തീരത്തോട് ചേര്‍ന്ന് കിടക്കുന്ന സമുദ്ര പ്രദേശത്തും ഉയര്‍ന്ന തിരമാലക്ക് സാധ്യതയുണ്ട്.

     മലമ്പുഴ ഐ.റ്റി.ഐ ക്ക് സമീപമുള്ള മൃഗസംരക്ഷണ   പരിശീലനകേന്ദ്രത്തില്‍  ജൂണ്‍ 20 മുതല്‍ 22 വരെ ഇറച്ചിക്കോഴി വളര്‍ത്തലില്‍ മൂന്നു ദിവസത്തെ സൗജന്യ പരിശീലനം  സംഘടിപ്പിക്കുന്നു.   താത്പര്യമുളളവര്‍  നേരിട്ടോ ഫോണ്‍ മുഖേനയോ ഓഫീസ് സമയങ്ങളില്‍ മുന്‍കൂട്ടി പേര് രജിസ്റ്റര്‍ ചെയ്യണം.  ഫോണ്‍ -04912815454.

        മലപ്പുറം ഗവണ്‍മെന്റ് കോളജില്‍ ഇംഗ്ലീഷ് വിഷയത്തില്‍ ഗസ്റ്റ് അധ്യാപകരെ ആവശ്യമുണ്ട്. കോഴിക്കോട് കോളജ് വിദ്യാഭ്യാസ വകുപ്പ് ഡെപ്യൂട്ടി ഡയറക്ടര്‍ തയ്യാറാക്കിയ ലിസ്റ്റില്‍ ഉള്‍പ്പെട്ട ഉദ്യോഗാര്‍ത്ഥികള്‍ അസ്സല്‍ സര്‍ട്ടിഫിക്കറ്റുകളും, ബയോഡാറ്റയും സഹിതം ജൂണ്‍ 17ന് രാവിലെ 10.30ന് നടക്കുന്ന അഭിമുഖത്തില്‍ പങ്കെടുക്കണം. നെറ്റ് യോഗ്യതയുള്ളവരുടെ അഭാവത്തില്‍ മാത്രമേ നെറ്റ് ഇല്ലാത്തവരെയും പരിഗണിക്കുകയള്ളൂ. ഫോണ്‍- 0483 2734918.

മലപ്പുറം അര്‍ബന്‍ ഐ.സി.ഡി.എസ് പ്രൊജക്ട് ഓഫീസില്‍ ഔദ്യോഗിക ആവശ്യത്തിന് ടാക്‌സ് പെര്‍മിറ്റുള്ള കാര്‍/ജീപ്പ് വാടകയ്ക്ക് നല്‍കാന്‍ താത്പര്യമുള്ള വ്യക്തികള്‍/സ്ഥാപനങ്ങളില്‍ നിന്നും ടെണ്ടര്‍ ക്ഷണിച്ചു. പൂരിപ്പിച്ച ടെണ്ടര്‍ ഫോറം ജൂണ്‍ 27 ഉച്ചയ്ക്ക് 12നകം  ഓഫീസില്‍ ലഭിക്കണം. ടെണ്ടര്‍ഫോറം ജൂണ്‍ 27 ഉച്ചയ്ക്ക് 11 വരെ ലഭിക്കും. ഫോണ്‍-0483-2730950.