നെന്മാറ ബ്ലോക്ക് പഞ്ചായത്ത്  2019 -20 വാര്‍ഷിക പദ്ധതിയുടെ ഭാഗമായി 20 വനിതകള്‍ക്ക് ഓട്ടോറിക്ഷ വാങ്ങാന്‍ 75000 രൂപ വീതം സബ്സിഡി നല്‍കുന്നു.  ഫോര്‍/ത്രീ വീലര്‍ ലൈസന്‍സുള്ള 60 വയസിന് താഴെയുള്ള വനിതകള്‍ക്ക് അപേക്ഷിക്കാം. കുടുംബ വാര്‍ഷിക വരുമാനം രണ്ട് ലക്ഷം രൂപയില്‍ താഴെയായിരിക്കണം. താത്പര്യമുള്ളവര്‍ മാര്‍ച്ച് 20 ന് വൈകിട്ട് അഞ്ചിനകം നെന്മാറ ബ്ലോക്ക് പഞ്ചായത്ത് ഓഫീസില്‍ അപേക്ഷ സമര്‍പ്പിക്കണം. ഫോണ്‍: 8281131219.

ജില്ലാ ലൈബ്രറി കൗണ്‍സില്‍ വികസന സമിതിയുടെ നേതൃത്വത്തില്‍ മാര്‍ച്ച് 17 ന് ഇ. പത്മനാഭന്‍ സ്മാരക മന്ദിരത്തില്‍ 'സാംസ്‌കാരികരംഗം പ്രതിരോധത്തിന്റെ പടക്കളം' എന്ന വിഷയത്തില്‍ നടത്താനിരുന്ന ജില്ലാ സെമിനാര്‍ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് ജില്ലാ സെക്രട്ടറി എം. കാസിം അറിയിച്ചു.

ഭാരതീയ ചികിത്സാ വകുപ്പ് ജില്ലയില്‍ മെയ്  21 ന് നടത്താനിരുന്ന ഡോ. പി.വി. ഗംഗാധരന്റെ കാന്‍സര്‍ ബോധവത്കരണ ക്ലാസ് മാറ്റിവെച്ചതായി ജില്ലാ മെഡിക്കല്‍ ഓഫീസര്‍ (ആയുര്‍വേദം) ഡോ. എസ്. ഷിബു അറിയിച്ചു. കോവിഡ് 19 വ്യാപനം നടയുന്നതിന്റെ ഭാഗമായി സര്‍ക്കാര്‍ പൊതുപരിപാടികള്‍ക്ക് നിയന്ത്രണം ഏര്‍പ്പെടുത്തിയ സാഹചര്യത്തിലാണ് മാറ്റിയത്.

മുഖാവരണം, ശുചീകരണ വസ്തുക്കള്‍ വില്‍പ്പന ശാലകളില്‍ നടത്തിയ മിന്നല്‍ പരിശോധനയില്‍ 16 സ്ഥാപനങ്ങള്‍ക്കെതിരെ ലീഗല്‍ മെട്രോളജി വകുപ്പ് നടപടിയെടുത്തു. വിലവര്‍ധിപ്പിച്ചും വില തിരുത്തിയും പ്രഖ്യാപനങ്ങള്‍ രേഖപ്പെടുത്താതെയും വസ്തുക്കള്‍ വില്‍പ്പന നടത്തിയതിനാണ് നടപടി. എറണാകുളം, തൃശൂര്‍, പാലക്കാട്, ഇടുക്കി എന്നീ ജില്ലകളിലെ 121 വ്യാപാര സ്ഥാപനങ്ങളിലാണ് മിന്നല്‍ പരിശോധന നടത്തിയത്. മെഡിക്കല്‍ സ്റ്റോറുകള്‍ കൂടാതെ സര്‍ജിക്കല്‍ ഷോപ്പുകള്‍, സൂപ്പര്‍ മാര്‍ക്കറ്റുകള്‍ എന്നിവിടങ്ങളിലും പരിശോധനകള്‍ നടത്തി. പാക്കേജ്ഡ് കമ്മോഡിറ്റീസ് നിയമം ലംഘിച്ച വില്‍പനശാലകള്‍ക്കെതിരെയാണ് നടപടി.

മണ്ണാര്‍ക്കാട് താലൂക്ക്, തച്ചനാട്ടുകര, ഇളംകുന്ന് ക്ഷേത്രത്തില്‍ ട്രസ്റ്റി നിയമനം നടത്തുന്നു. (തികച്ചും സന്നദ്ധ സേവനം) താത്പര്യമുളള ഹിന്ദുമത വിശ്വാസികള്‍ മാര്‍ച്ച് 31 ന് വൈകിട്ട് അഞ്ചിനകം മലബാര്‍ ദേവസ്വം ബോര്‍ഡ് പാലക്കാട് അസിസ്റ്റന്റ് കമ്മീഷ്ണര്‍ക്ക് നിശ്ചിത ഫോറത്തില്‍ അപേക്ഷ നല്‍കണം. അപേക്ഷാഫോറം പാലക്കാട് അസിസ്റ്റന്റ് കമ്മീഷണറുടെ ഓഫീസ് പെരിന്തല്‍മണ്ണ ഡിവിഷന്‍ ഇന്‍സ്‌പെക്ടര്‍ ഓഫീസ്, www.malabardevaswom.kerala.gov.in ലും ലഭിക്കും

പാലക്കാട് പൊതുമരാമത്ത് വകുപ്പ് നിരത്തു വിഭാഗം അസിസ്റ്റന്റ് എഞ്ചിനീയര്‍ ഓഫീസ് പരിധിയിലുളള വിവിധ മരം/മരത്തിന്റെ ശാഖകള്‍ ലേലം ചെയ്യും. പാലക്കാട് - പെരിന്തല്‍മണ്ണ റോഡിലുളള കാഞ്ഞിക്കുളം സര്‍വ്വീസ് കോ-ഓപറേറ്റീവ് ബാങ്കിന് എതിര്‍വശത്തെ ബദാം, കുന്നപ്പളളിക്കാവിലെ അക്വേഷ്യ, വാക മരം, പാലക്കാട് - പെരിന്തല്‍മണ്ണ റോഡിലെ ആല്‍മരത്തിന്റെ മൂന്ന് ശാഖകള്‍ എന്നിവ മാര്‍ച്ച് 24 ന് മരം നില്‍ക്കുന്ന സ്ഥലങ്ങളില്‍ രാവിലെ 11, 11.30, ഉച്ചയ്ക്ക് 12 നും ലേലം ചെയ്യും. താത്പര്യമുളളവര്‍ 500, 500, 100 എന്നിങ്ങനെ നിരതദ്രവ്യം കെട്ടിവെച്ച് ലേലത്തില്‍ പങ്കെടുക്കണമെന്ന് അസിസ്റ്റന്റ് എഞ്ചിനീയര്‍ അറിയിച്ചു.