ജലകൃഷി വികസന ഏജൻസി, കേരള (അഡാക്ക്) വയനാട് ബാണാസുരസാഗർ കേജ് ഫാമിംഗ് പദ്ധതിയിലേക്ക് ഒരു വർഷത്തെയ്ക്ക് ഫാം മാനേജർ തസ്തികയിലേക്ക് കരാർ നിയമനം നടത്തുന്നു. ഫിഷറീസ് സയൻസിലുളള ബി.എഫ്.എസ്.സി ബിരുദം, മറ്റു ഫിഷറീസ് മേഖലയിലോ സുവോളജിയിലോ ഉളള ബിരുദാനന്തര ബിരുദം (എം എസ്‌സി. സുവോളജി, അക്വാടിക് ബയോളജി, ഇൻഡസ്ട്രിയൽ ഫിഷറീസ്, മറൈൻ ബയോളജി) യോഗ്യതയുളളവർ വിശദമായ ബയോഡാറ്റ, സർട്ടിഫിക്കറ്റുകളുടെ ശരിപകർപ്പുകൾ എന്നിവ സഹിതം അപേക്ഷിക്കണം.

തിരുവനന്തപുരത്തെ സാംസ്‌കാരിക വകുപ്പു ഡയറക്ടറുടെ കാര്യാലത്തിൽ ഒഴിവുളള രണ്ടു സീനിയർ ക്ലാർക്ക് തസ്തികയിലേക്ക് ഒരു വർഷത്തേയ്ക്ക് ഡെപ്യൂട്ടേഷൻ നിയമനത്തിന് അപേക്ഷ ക്ഷണിച്ചു. സംസ്ഥാന സർക്കാർ വകുപ്പുകളിൽ ക്ലാർക്ക്, സീനിയർ ക്ലാർക്ക് തസ്തികയിൽ ജോലി ചെയ്യുന്ന ഉദ്യോഗസ്ഥർക്ക് മേലധികാരി മുഖേന നിശ്ചിത പ്രൊഫോർമയിൽ അപേക്ഷിക്കാം. അപേക്ഷകർ കേരള പബ്ലിക് സർവ്വീസ് കമ്മീഷൻ മുഖേന നിയമനം നേടിയവരും 25200-54000 ശമ്പള സ്‌കെയിലിലോ അതിനു താഴെയുളള സ്‌കെയിലിലോ ജോലി ചെയ്യുന്നവരുമായിരിക്കണം.

പൊതുജനസേവന രംഗത്തെ നൂതന ആശയ ആവിഷ്‌ക്കാരത്തിനുളള (ഇന്നവേഷൻസ്) മുഖ്യമന്ത്രിയുടെ 2018 ലെ അവാർഡുകൾക്ക് അപേക്ഷിക്കാനുളള തിയതി ജൂലൈ 31 വരെ ദീർഘിപ്പിച്ചു. സർക്കാർ വകുപ്പുകൾ, തദ്ദേശ സ്വയംഭരണ സ്ഥാപനങ്ങൾ, സാമൂഹ്യവികസന/ സ്വയംസഹായ/അയൽപ്പക്കസംഘങ്ങൾ, പൊതുമേഖലാസ്ഥാനങ്ങൾ/സർക്കാർ നിയന്ത്രണത്തിലുളള സ്വയംഭരണ സ്ഥാപനങ്ങൾ, സർക്കാരിതര സ്ഥാപനങ്ങൾ എന്നിവയിൽ 2018 ൽ നടപ്പാക്കിയ നൂതന ആശയാവിഷ്‌കാരത്തിനുളള അംഗീകാരമായാണ് അവാർഡുകൾ നൽകുന്നത്. പബ്‌ളിക് സർവ്വീസ് ഡെലിവറി, പേഴ്‌സണൽ മാനേജ്‌മെന്റ്, പ്രൊസീഡ്വറൽ ഇന്റർവെൻഷൻസ്, ഡെവലപ്‌മെന്റൽ ഇന്റർവെൻഷൻസ്, എന്നീ നാലു വിഭാഗങ്ങൾക്കാണ് അവാർഡുകൾ.

സംസ്ഥാന വിദ്യാഭ്യാസ ഗവേഷണ പരിശീലന സമിതി (എസ്.സി.ഇ.ആർ.ടി) കേരളയുടെ നവീകരിച്ച വെബ്‌സൈറ്റ് പൊതുവിദ്യാഭ്യാസ വകുപ്പുമന്ത്രി പ്രൊഫ. സി.രവിന്ദ്രനാഥ് ഉദ്ഘാടനം ചെയ്തു. വിദ്യാഭ്യാസ രംഗത്തെ കാലാനുസൃതമായ മാറ്റങ്ങൾക്കനുസരിച്ചാണ് വെബ്‌സൈറ്റ് തയാറാക്കിയിട്ടുളളത്. ദിവസേന നടക്കുന്ന അക്കാദമിക പരിപാടിയുടെ വിവരങ്ങൾ, ഓൺലൈൻ അധ്യാപക പരിവർത്തന പരിപാടി, കൈറ്റ് വിക്‌ടേഴ്‌സ് ചാനലിൽ സംപ്രേഷണം ചെയ്യുന്ന ക്ലാസ്സുകൾ തുടങ്ങിയവ പുതിയ വെബ്‌സൈറ്റിലൂടെ ( https://scert.kerala.gov.in ) ലഭിക്കും.

സംസ്ഥാന വിദ്യാഭ്യാസ ഗവേഷണ പരിശീലന സ്ഥാപനമായ എസ്.സി.ഇ.ആർ.ടി (കേരള) യിലേക്ക് ഉറുദു കന്നഡ ഭാഷകളിൽ റിസർച്ച് ഓഫീസർ തസ്തികയിൽ ഡെപ്യൂട്ടേഷൻ നിയമനം നടത്തുന്നു. ഇതിലേക്കായി സർക്കാർ സ്‌കൂളുകൾ, അധ്യാപക പരിശീലന കേന്ദ്രങ്ങൾ, കോളേജുകൾ, ട്രെയിനിംഗ് കോളേജുകൾ, യൂണിവേഴ്‌സിറ്റികൾ എന്നിവയിൽ ജോലി ചെയ്യുന്ന അധ്യാപകരിൽ നിന്നും നിശ്ചിത മാതൃകയിൽ അപേക്ഷ ക്ഷണിച്ചു. അപേക്ഷ വകുപ്പു മേലധികാരികളുടെ എൻ.ഒ.സി സഹിതം ജൂൺ 30 നു മുമ്പ് ഡയറക്ടർ, എസ്.സി.ഇ.ആർ.ടി, വിദ്യാഭവൻ, പൂജപ്പുര, തിരുവനന്തപുരം 12 എന്ന വിലാസത്തിൽ ലഭ്യമാക്കണം. അപേക്ഷകരുമായി അഭിമുഖം നടത്തിയായിരിക്കും നിയമനത്തിനായുളളവരെ തെരെഞ്ഞെടുക്കുന്നത്.

തിരുവനന്തപുരം ഗവൺമെന്റ് ആയുർവേദ കോളേജിലെ റിസർച്ച് ഒ.പി. (നമ്പർ 1), ദ്രവ്യഗുണ വിജ്ഞാന വിഭാഗത്തിൽ തിങ്കൾ, വ്യാഴം ദിവസങ്ങളിൽ രാവിലെ എട്ട് മുതൽ 12.30 വരെ, സ്ത്രീകൾക്ക് ആർത്തവ സംബന്ധമായി ഉണ്ടാകുന്ന അമിതമായ രക്തസ്രാവത്തിന് (ഡി.എൻ.ബി) ഗവേഷണാടിസ്ഥാനത്തിൽ സൗജന്യ ചികിത്സ ലഭ്യമാണ്. വിവരങ്ങൾക്ക് 9446511932.
പി.എൻ.എക്സ്. 2102/2020

ലൈഫ് മിഷന്‍ മൂന്നാംഘട്ടം അംഗീകൃത ഗുണഭോക്തൃ പട്ടികയില്‍ ഉള്‍പ്പെട്ട ഗുണഭോക്താക്കളില്‍ രേഖാ പരിശോധന വേളയില്‍ രേഖകള്‍ സമര്‍പ്പിക്കാന്‍ സാധിക്കാത്തവര്‍ക്ക് ജൂണ്‍ 15 വരെ സമര്‍പ്പിക്കാന്‍ അവസരം. രേഖകള്‍ സമര്‍പ്പിച്ചിട്ടില്ലാത്ത മുഴുവന്‍ ഗുണഭോക്താക്കളും ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളില്‍ ഹാജരായി അര്‍ഹത തെളിയിക്കാമെന്ന് ലൈഫ് മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.
(പി.ആര്‍.കെ നമ്പര്‍ 1605/2020)

ഗുണനിലവാരമുള്ള മത്സ്യക്കുഞ്ഞുങ്ങൾ കർഷകർക്ക് ലഭ്യമാക്കുന്നതിന്റെ  ഭാഗമായി സംസ്ഥാനത്ത് പ്രവർത്തിക്കു മത്സ്യവിത്ത് ഉല്പാദന കേന്ദ്രങ്ങളും സീഡ് ഫാമുകളും സംസ്ഥാന മത്സ്യവിത്ത് കേന്ദ്രത്തിൽ പേര്, സ്ഥാപനം എന്നിവ രജിസ്റ്റർ ചെയ്ത് ലൈസൻസ് എടുക്കണമെന്ന്  ഫിഷറീസ് വകുപ്പ് മന്ത്രി ജെ. മേഴ്സിക്കുട്ടി അമ്മ അറിയിച്ചു.

ശക്തികുളങ്ങര പ്രഥമികാരോഗ്യ കേന്ദ്രത്തില്‍ ആശുപത്രി വികസന സമിതി മുഖേന ക്ലീനിംഗ് സ്റ്റാഫിനെ നിയമിക്കുന്നതിനുള്ള അഭിമുഖം ജൂണ്‍ 17 ന് രാവിലെ 10.30 ന് നടക്കും. ശക്തികുളങ്ങര പ്രാഥമികാരോഗ്യ കേന്ദ്രം ഏഴാം ഡിവിഷന്‍ പരിധിയിലുള്ളവരെ മാത്രം പരിഗണിക്കും. വിശദ വിവരങ്ങള്‍ ആശുപത്രി ഓഫീസിലും 0474-2772388 നമ്പരിലും ലഭിക്കും.
(പി.ആര്‍.കെ നമ്പര്‍ 1604/2020)

കേരള മത്സ്യവിത്ത് നിയമം 2015 പ്രകാരം സംസ്ഥാനത്ത് പ്രവര്‍ത്തിക്കുന്ന എല്ലാ മത്സ്യവിത്തുല്‍പാദന കേന്ദ്രങ്ങളും സീഡ് ഫാമുകളും സംസ്ഥാന  മത്സ്യവിത്ത് കേന്ദ്രത്തില്‍ രജിസ്റ്റര്‍ ചെയ്ത് ലൈസന്‍സ് എടുക്കണമെന്ന് സംസ്ഥാന ഫിഷ് സീഡ് സെന്റര്‍ മെമ്പര്‍ സെക്രട്ടറി അറിയിച്ചു.