നെല്ലിക്കാല ഗവ എല്‍പി സ്‌കൂളിന്റെ പുതിയ കെട്ടിട നിര്‍മാണ ഉദ്ഘാടനം വീണാ ജോര്‍ജ് എംഎല്‍എ നിര്‍വഹിച്ചു. എംഎല്‍എ ആസ്തി വികസന ഫണ്ടില്‍ നിന്ന് 70 ലക്ഷം രൂപ ഉപയോഗിച്ചാണു പുതിയ കെട്ടിടം നിര്‍മിക്കുന്നത്. 

ജില്ലയില്‍ വനം വകുപ്പില്‍ ബീറ്റ്  ഫോറസ്റ്റ്  ഓഫീസര്‍ (പാര്‍ട്ട് 1 ഡയറക്ട്- കാറ്റഗറി നമ്പര്‍ 582/17), (പാര്‍ട്ട് 2-ബൈട്രാന്‍സ്ഫര്‍-കാറ്റഗറി നമ്പര്‍ 583, 584, 585/17) തസ്തികയിലേക്കുള്ള റാങ്ക് പട്ടിക പി.എസ്.സി പ്രസിദ്ധീകരിച്ചു.        (പിഎന്‍പി 2551/20)

പെരിയാര്‍ ഫൗണ്ടേഷന്റെ സഹായത്തോടെ റാന്നി ഫോറസ്റ്റ് ഡിവിഷനിലെ 13 ആദിവാസി കോളനികളില്‍ കുട്ടികള്‍ക്ക് പഠിക്കുന്നതിനായി 13 ടെലിവിഷനും                  സ്റ്റെബിലൈസറും ഡിഷും രാജു എബ്രഹാം എംഎല്‍എ വിതരണം ചെയ്തു. റാന്നി ഡിവിഷണല്‍ ഫോറസ്റ്റ് ഓഫീസില്‍ നടന്ന ചടങ്ങില്‍ ഡിഎഫ്ഒ എം.ഉണ്ണികൃഷ്ണന്‍, അസിസ്റ്റന്റ് കണ്‍സര്‍വേറ്റര്‍  കെ.വി.ഹരികൃഷ്ണന്‍, വനസംരക്ഷണ സമിതി ഭാരവാഹികള്‍  തുടങ്ങിയവര്‍ പങ്കെടുത്തു.                    (പിഎന്‍പി 2550/20)

ജില്ലയിലെ പട്ടികവര്‍ഗ വിദ്യാര്‍ഥികള്‍ക്ക് ഓണ്‍ലൈന്‍ പഠനസൗകര്യങ്ങള്‍ പ്രദാനം     ചെയ്യുന്നതിന് ബ്രാന്‍ഡഡ് ഡിടിഎച്ച് സംവിധാനങ്ങള്‍ (15 എണ്ണം) വിതരണം ചെയ്യുന്നതിന് ക്വട്ടേഷന്‍ ക്ഷണിച്ചു. ക്വട്ടേഷനുകള്‍ ഈ മാസം 15നകം ട്രൈബല്‍ ഡവലപ്‌മെന്റ് ഓഫീസര്‍, ട്രൈബല്‍ ഡവലപ്‌മെന്റ്  ഓഫീസ്, റാന്നി എന്ന വിലാസത്തില്‍ ലഭിക്കണം.  ഫോണ്‍: 04735 227703.          (പിഎന്‍പി 2549/20)

റാന്നി പെരുനാട് ഗ്രാമപഞ്ചായത്തില്‍ ലൈഫ്മിഷന്‍ പദ്ധതിപ്രകാരം ഭൂമിയുള്ള ഭവനരഹിത പട്ടികയിലും ഭൂരഹിത ഭവനരഹിത പട്ടികയിലും ഉള്‍പ്പെടാത്ത പട്ടികജാതി പട്ടികവര്‍ഗ വിഭാക്കാര്‍ ജാതി സര്‍ട്ടിഫിക്കറ്റ്, റേഷന്‍ കാര്‍ഡിന്റെ പകര്‍പ്പ് എന്നിവ സഹിതം ഈ മാസം 20നകം പഞ്ചായത്തില്‍ അപേക്ഷ നല്‍കണമെന്ന് സെക്രട്ടറി അറിയിച്ചു. അപേക്ഷയില്‍ ഫോണ്‍ നമ്പരും ഉള്‍പ്പെടുത്തണം.

പത്തനംതിട്ട നഗരസഭയുടെ പരിധിയില്‍ വളര്‍ത്തുന്ന കറവപ്പശുക്കള്‍ക്ക് മൃഗസംരക്ഷണ വകുപ്പ് ജില്ലാ വെറ്ററിനറി കേന്ദ്രം വഴി സൗജന്യമായി ധാതുലവണ മിശ്രിതം വിതരണം ചെയ്യും. ഒന്ന് മുതല്‍ 10 വരെ വാര്‍ഡുകളിലേത് 15നും 11 മുതല്‍ 21 വരെ 16നും 22 മുതല്‍ 32 വരെ വാര്‍ഡുകളിലേത് 17നും രാവിലെ 10 മുതല്‍ ഉച്ചയ്ക്ക് രണ്ട് വരെയാണ് വിതരണം. കര്‍ഷകര്‍ റേഷന്‍ കാര്‍ഡും കാര്‍ഡിന്റെ പകര്‍പ്പും സഹിതം ഹാജരാകണം. ഫോണ്‍: 0468 2270908.        

നിസാമുദീന്‍-എറണാകുളം, മുംബൈ-തിരുവനന്തപുരം സ്‌പെഷ്യല്‍ ട്രെയിനുകളിലായി ബുധനാഴ്ച്ച (ജൂണ്‍ 10) പത്തനംതിട്ട ജില്ലക്കാരായ 27 പേര്‍കൂടി എത്തി. നിസാമുദീന്‍-എറണാകുളം സ്‌പെഷ്യല്‍ ട്രെയില്‍ അഞ്ച് സ്ത്രീകളും എട്ട് പുരുഷന്‍ന്മാരും ഒരു കുട്ടിയും ഉള്‍പ്പെടെ ജില്ലക്കാരായ 14 പേരാണെത്തിയത്. ഇവരില്‍ ഒരാളെ കോവിഡ് കെയര്‍ സെന്ററിലും 13 പേരെ വീടുകളിലും നിരീക്ഷണത്തിലാക്കി.

ജില്ലയിലെ 21 തദ്ദേശസ്വയംഭരണ സ്ഥാപനങ്ങളുടെ  2020-21 വാര്‍ഷിക പദ്ധതി ഭേദഗതികള്‍ക്ക് ജില്ലാപഞ്ചായത്ത് പ്രസിഡന്റ് അന്നപൂര്‍ണാദേവിയുടെ അധ്യക്ഷതയില്‍ ചേര്‍ന്ന ജില്ലാ ആസൂത്രണസമിതി അംഗീകാരം നല്‍കി. 

പത്തനംതിട്ട ജില്ലയില്‍ ഇന്ന് (11) അഞ്ച് കോവിഡ്-19 കേസുകള്‍ സ്ഥിരീകരിച്ചു. 1) മേയ് 30ന് മഹാരാഷ്ട്രയില്‍ നിന്നും എത്തിയ കോയിപ്രം സ്വദേശിനിയായ 27 വയസുകാരി. 2) ജൂണ്‍ ആറിന്് ഡല്‍ഹിയില്‍ നിന്നും എത്തിയ പയ്യനാമണ്‍ സ്വദേശിയായ 40 വയസുകാരന്‍. 3) ജൂണ്‍ ആറിന്് ഡല്‍ഹിയില്‍ നിന്നും എത്തിയ പയ്യനാമണ്‍ സ്വദേശിനിയായ 36 വയസുകാരി. 4)ജൂണ്‍ ആറിന്് ഡല്‍ഹിയില്‍ നിന്നും എത്തിയ പയ്യനാമണ്‍ സ്വദേശിനിയായ ഏഴു വയസുകാരി. 5) ജൂണ്‍ ആറിന്് ഡല്‍ഹിയില്‍ നിന്നും എത്തിയ പയ്യനാമണ്‍ സ്വദേശിനിയായ അഞ്ചു വയസുകാരി എന്നിവര്‍ക്കാണ് ഇന്ന് (11) രോഗം സ്ഥിരീകരിച്ചത്.