കേരളത്തിലെ ആദ്യ റാപ്പിഡ് ടെസ്റ്റ് വാഹനത്തിന്റെ  താക്കോല്‍ എന്‍.എം.ആര്‍ ഫൗണ്ടേഷന്‍ ചെയര്‍മാന്‍ എന്‍.എം രാജു പത്തനംതിട്ട ജില്ലാ കളക്ടര്‍ പി.ബി നൂഹിന് കൈമാറി. ഇരവിപേരൂര്‍ ഒ ഇ എം പബ്ലിക് സ്‌കൂളില്‍ നടന്ന ചടങ്ങില്‍ ആന്റോ ആന്റണി എം.പി റാപ്പിഡ് ടെസ്റ്റ് ആംബുലന്‍സ് വാഹനം ഫ്‌ളാഗ് ഓഫ് ചെയ്തു. 

     ദുരന്ത നിവാരണ പ്രവര്‍ത്തനങ്ങള്‍ക്ക് ഉപയോഗിക്കുന്നതിനായി  മഴ കോട്ട്, കയ്യുറകള്‍, ഗം ബൂട്ട്‌സ്, കുട, പവര്‍ ബാങ്ക്, കമ്പ്യൂട്ടര്‍, ലാപ്‌ടോപ്പ്, പോര്‍ട്ടബിള്‍ പ്രൊജക്ടര്‍ എന്നിവ വിതരണം ചെയ്യുന്നതിനായി കേരള സ്റ്റോര്‍സ് ആന്റ് പര്‍ച്ചേസ് മാന്വല്‍ പ്രകാരം വിതരണക്കാരില്‍ നിന്നും ടെണ്ടര്‍ ക്ഷണിച്ചു. ടെണ്ടര്‍ ഫോം അനുബന്ധ രേഖകള്‍ എന്നിവ കളക്‌ട്രേറ്റില്‍ നിന്നും 600 രൂപ നിരക്കില്‍ ലഭിക്കും. ഫോണ്‍. 04936204151 .
 

ഐ.സി. ബാലകൃഷ്ണന്‍ എം.എല്‍.എ.യുടെ ആസ്തി വികസന പദ്ധതി ഫണ്ടില്‍ ഉള്‍പ്പെടുത്തി നെന്മേനി ഗ്രാമപഞ്ചായത്തിലെ പാലാക്കുനി കുരിശ് വെട്ടാളിക്കര റോഡ് ടാറിംഗിന് 10 ലക്ഷം രൂപയും നമ്പിക്കൊല്ലി കഴമ്പ് റോഡ് നവീകരണത്തിന് 15 ലക്ഷം രൂപയും താഴത്തൂര്‍ കൊമ്മാട് റോഡ് ടാറിംഗിന് 10 ലക്ഷം രൂപയും അനുവദിച്ചു.
 

ജില്ലാ വെറ്ററിനറി കേന്ദ്രത്തിന്റെ കോമ്പൗണ്ടില്‍ നില്‍ക്കുന്ന മരങ്ങള്‍ മുറിച്ചു നീക്കം ചെയ്യുന്നതിനുള്ള ലേലം ജൂണ്‍ 18 ന് രാവിലെ 11 ന് ഓഫീസ് പരിസരത്ത് നടക്കും.  ലേലത്തില്‍ പങ്കെടുക്കുന്നവര്‍ക്ക് പ്രവൃത്തി ദിവസങ്ങളില്‍ രാവിലെ 11 മുതല്‍ വൈകീട്ട് 4 വരെ ചീഫ് വെറ്ററനറി ഓഫീസറുടെ അനുമതിയോടുകൂടി മരങ്ങള്‍ പരിശോധിക്കാം.

കുപ്പിവെള്ളത്തിന് അമിത വില ഈടാക്കുന്നതായി വ്യാപക പരാതി ലഭിക്കുന്നതിനെ തുടര്‍ന്ന് പരിശോധന ശക്തമാക്കി ലീഗല്‍ മെട്രോളജി വകുപ്പ്.  നിലവിലെ സര്‍ക്കാര്‍ ഉത്തരവ് പ്രകാരം ഒരു ലിറ്റര്‍ കുപ്പിവെള്ളത്തിന് ഈടാക്കാവുന്ന പരമാവധി വില 13 രൂപയും  അര ലിറ്റര്‍ വെള്ളത്തിന് 6.രൂപ 50 പൈസയുമാണ്. അതില്‍ കൂടുതല്‍ വില ഈടാക്കുന്നത് ശ്രദ്ധയില്‍പ്പെട്ടാല്‍ ശക്തമായ നിയമ നടപടി സ്വീകരിക്കുമെന്നും ഡെപ്യൂട്ടി കണ്‍ട്രോളര്‍ രാജേഷ് സാം അറിയിച്ചു.

കുടുംബശ്രീ ഉല്‍പന്നങ്ങള്‍ കമ്മീഷന്‍ വ്യവസ്ഥയില്‍ വില്‍പ്പന നടത്തുന്നതിന് കുടുംബശ്രീ ഹോംഷോപ്പ് മാര്‍ക്കറ്റിംഗ് എക്‌സിക്യൂട്ടീവുകളെ തെരഞ്ഞെടുക്കുന്നു. 18 നും 45 നും ഇടയില്‍ പ്രായമുള്ള പത്താംതരം പാസായ കുടുംബശ്രീ അംഗങ്ങള്‍ക്കോ  കുടുംബാംഗങ്ങള്‍ക്കോ അപേക്ഷിക്കാം. വെള്ളക്കടലാസില്‍ തയ്യാറാക്കിയ അപേക്ഷ, ബയോഡാറ്റ, സര്‍ട്ടിഫിക്കറ്റുകള്‍ എന്നിവ സഹിതം ജില്ലാ മിഷന്‍ കോഓര്‍ഡിനേറ്റര്‍, കുടുംബശ്രീ മിഷന്‍, പോപ്പുലര്‍ ബില്‍ഡിംഗ്, സിവില്‍ സ്റ്റേഷന് എതിര്‍വശം, കല്‍പ്പറ്റ നോര്‍ത്ത് എന്ന വിലാസത്തില്‍ തപാലായോ നേരിട്ടോ അപേക്ഷിക്കാം. അപേക്ഷകള്‍ ജൂണ്‍ 20 നകം ലഭിക്കണം. ഫോണ്‍ 9400206640, 04936-206589.

   കോവിഡ് 19 പ്രതിരോധത്തിന്റെ ഭാഗമായി കണ്ടെന്‍മെന്റ് സോണില്‍ ഉള്‍പ്പെടുത്തിയിരുന്ന മുട്ടില്‍ ഗ്രാമപഞ്ചായത്തിലെ 4,5,6 വാര്‍ഡുകള്‍, തവിഞ്ഞാല്‍ പഞ്ചായത്തിലെ 8,9,10 വാര്‍ഡുകള്‍, മീനങ്ങാടി പഞ്ചായത്തിലെ 8,11,12,13,14,15,18 വാര്‍ഡുകള്‍, പനമരം പഞ്ചായത്തിലെ 19,23 വാര്‍ഡുകള്‍ എന്നിവയെ  കണ്ടെന്‍മെന്റ് സോണില്‍ നിന്നൊഴിവാക്കിയതായി ജില്ലാ കളക്ടര്‍ അറിയിച്ചു.