മെന്റര്‍ ടീച്ചര്‍ നിയമനം

ലോക്ക് ഡൗണ്‍ മൂലം നിര്‍ത്തിവെച്ച സാമൂഹിക-സാമ്പത്തിക സര്‍വെ, പീരിയോഡിക് ലേബര്‍ ഫോഴ്‌സ് സര്‍വ്വേ, അര്‍ബന്‍ ഫ്രയിം സര്‍വെ എന്നിവ നാഷണല്‍ സ്റ്റാറ്റിസ്റ്റിക്കല്‍ ഓഫീസിന്റെ ആഭിമുഖ്യത്തില്‍ കോവിഡ് -19 മാനദണ്ഡങ്ങള്‍ പാലിച്ച് പുനരാരംഭിച്ചതായി റീജ്യനല്‍ ഹെഡും ഡയറക്ടറുമായ എഫ്. മുഹമ്മദ് യാസിര്‍ അറിയിച്ചു. കോവിഡ് -19 മായി ബന്ധപ്പെട്ട് പ്രാദേശികമായ നിബന്ധനകള്‍ പാലിച്ച് അനുവദനീയമായ മേഖലകളില്‍ മാത്രമാണ് സര്‍വേ നടത്തുന്നത്.

കോട്ടയം താലൂക്കിലെ കാലവര്‍ഷ ദുരന്തനിവാരണ മുന്നൊരുക്കങ്ങള്‍ തിരുവഞ്ചൂര്‍ രാധാകൃഷ്ണന്‍ എം.എല്‍.എയുടെ അധ്യക്ഷതയില്‍ ചേര്‍ന്ന യോഗം വിലയിരുത്തി. ദുരിതാശ്വാസ ക്യാമ്പുകളുടെ ക്രമീകരണം ഉള്‍പ്പെടെയുള്ള പ്രവര്‍ത്തനങ്ങൾ സംസ്ഥാന ദുരന്ത നിവാരണ അതോറിറ്റി പുറത്തിറക്കിയ ദുരന്ത പ്രതികരണ മാര്‍ഗരേഖ പൂര്‍ത്തീകരിക്കാന്‍ കോട്ടയം ജവഹര്‍ ബാലഭവനില്‍ ചേര്‍ന്ന യോഗം തീരുമാനിച്ചു.   

ഡല്‍ഹിയില്‍നിന്ന് ജൂണ്‍ രണ്ടിന് ട്രെയിനില്‍ കോട്ടയത്ത് എത്തിയ രണ്ടു യുവതികള്‍ക്ക് കോവിഡ്-19 സ്ഥിരീകരിച്ചു. കങ്ങഴയിലെ ക്വാറന്‍റയിന്‍ കേന്ദ്രത്തില്‍ കഴിഞ്ഞിരുന്ന വെള്ളാവൂര്‍ സ്വദേശിനി(34), ഹോം ക്വാറന്‍റയിനില്‍ കഴിഞ്ഞിരുന്ന ഗര്‍ഭിണിയായ എരുമേലി സ്വദേശിനി(31) എന്നിവരെയാണ് രോഗം ബാധിച്ചതിനെത്തുടര്‍ന്ന് ആശുപത്രിയില്‍ പ്രവേശിപ്പിച്ചത്. വെള്ളാവൂര്‍ സ്വദേശിനിക്കൊപ്പമെത്തിയ ഭര്‍ത്താവിന്‍റെയും മകന്‍റെയും പരിശോധനാഫലം നെഗറ്റീവാണ്. 

ഇടുക്കി ജില്ലാ ആശുപത്രിയില്‍ ലബോറട്ടറിയിലെ വിവിധ രക്ത പരിശോധനകള്‍ക്കാവശ്യമായ ആശുപത്രി ഫാര്‍മസി സ്റ്റോറില്‍ ലഭ്യമല്ലാത്ത റീഏജന്റുകള്‍ ഗുണമേന്‍മ ഉറപ്പാക്കി ലഭ്യമാക്കുന്നതിനും ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരതിന്റെ ആര്‍.ബി.എസ്.കെ കീഴില്‍ ഓര്‍ത്തോപീഡിക് ഇംബ്ലാറ്റിന്റെ വിവിധ തരത്തിലുള്ള ശാസ്ത്രീയ ഉപകരണങ്ങളും മറ്റു സഹായികളും രോഗികള്‍ക്ക് കുറഞ്ഞ നിരക്കില്‍ ലഭ്യമാക്കുന്നതിനും  അംഗീകൃത വിതരണക്കാരില്‍ നിന്നും ആരോഗ്യ ഇന്‍ഷുറന്‍സ് പദ്ധതിയായ ആയുഷ്മാന്‍ ഭാരത് പി.എം.ജെ.എ.വൈ ആര്‍.ബി.എസ്.കെ/ ജെ.എസ്.എസ്.കെ പദ്ധതികള്‍ പ്രകാരം ആശുപത്രിയില്‍ ചികിത്സയ്‌ക്കെത്തുന്ന രോഗികള്‍ക്ക് എം.ആര്‍.ഐ/ സി.റ്റി/ യു.

ഇളംദേശം ബ്ലോക്ക് പഞ്ചായത്തിന്റെ പരിധിയില്‍ വണ്ണപ്പുറം, കുടയത്തൂര്‍ ഗ്രാമപഞ്ചായത്തുകളില്‍ യഥാക്രമം പട്ടയക്കുടി, കൂവപ്പള്ളി എന്നിവിടങ്ങളില്‍ പ്രവര്‍ത്തിക്കുന്ന പട്ടികവര്‍ഗ്ഗ സഹായ കേന്ദ്രങ്ങളിലേക്ക് ഓണറേറിയം വ്യവസ്ഥയില്‍ ഫെസിലിറ്റേറ്റര്‍മാരെ നിയമിക്കുന്നതിന് പട്ടികവര്‍ഗ്ഗ ഉദ്യോഗാര്‍ത്ഥികളില്‍ നിന്നും അപേക്ഷ ക്ഷണിച്ചു. ഡി.സി.എ, പി.ജി.ഡി.സി.എ വിദ്യാഭ്യാസ യോഗ്യതയും പ്രവൃത്തി പരിചയവും ബന്ധപ്പെട്ട പഞ്ചായത്ത് പരിധിയില്‍ താമസിക്കുന്നവര്‍ക്കും മുന്‍ഗണന.

ദേവികുളം  താലൂക്കിലെ പൊതുജനങ്ങളുടെ പരാതികള്‍ സ്വീകരിക്കുന്നതിനും പരിഹാരം കാണുന്നതിനുമായി ജില്ലാകലക്ടര്‍ ഇന്ന് (12.6) ഓണ്‍ലൈന്‍ പരാതിപരിഹാര അദാലത്ത് നടത്തും. അപേക്ഷകള്‍ ദേവികുളം താലൂക്ക് ഓഫീസില്‍ നേരിട്ട് സമര്‍പ്പിക്കണം. അപേക്ഷ സമര്‍പ്പിക്കുന്നതിനോടൊപ്പം ഓരോ വ്യക്തിക്കും കലക്ടറുമായി വീഡിയോ കോണ്‍ഫറന്‍സിലൂടെ നേരിട്ട് സംവദിക്കാന്‍ പ്രത്യേക സമയം ലഭിക്കും.

 ഇടുക്കി അസി. കളക്ടറായി സൂരജ് ഷാജി ഐഎഎസ്  ചുമതലയേറ്റു. ന്യൂഡല്‍ഹി കേരളഹൗസ് മുന്‍ കണ്‍ട്രോളര്‍  ഷാജി മൃത്യുഞ്ജയന്റെയും അധ്യാപിക അനിലയുടെയും മകനായ സൂരജ് 2019 ബാച്ച് സിവില്‍ സര്‍വീസിലെ 225-ാം റാങ്ക് ജേതാവാണ്. ഡല്‍ഹി വസുന്ധര എന്‍ക്ലേവിലാണ് കുടുംബം താമസിക്കുന്നത്.

 ദേശീയപാതയിലും സംസ്ഥാനപാതയിലും ഇനിയും അപകട നിലയിലുള്ള മരങ്ങള്‍ അടിയന്തിരമായി മുറിച്ചുമാറ്റാന്‍ ജില്ലാ കളക്ടര്‍ എച്ച്. ദിനേശന്‍ ദേശീയപാതാ അതോറിറ്റിക്കും  പൊതുമരാമത്തു വകുപ്പിനും വനംവകുപ്പിനും നിര്‍ദേശം നല്‍കി. മഴ കനത്തുവരുന്ന  ഇക്കാര്യത്തില്‍ ഉടന്‍ നടപടി സ്വീകരിക്കണം. ജില്ലാ ദുരന്തനിവാരണ അതോറിറ്റി അവലോകനയോഗത്തിലാണ് ചെയര്‍മാന്‍ കൂടിയായ ജില്ലാ കളക്ടര്‍ ഇക്കാര്യം പരാമര്‍ശിച്ചത്. ജില്ലാ പഞ്ചായത്ത് പ്രസിഡന്റ് കൊച്ചുത്രേസ്യ പൗലോസും എഡി എം ആന്റണി സ്‌കറിയയും വിവിധ വകുപ്പുകളുടെ പ്രതിനിധികളും യോഗത്തില്‍ പങ്കെടുത്തു.