ഓര്‍ഫനേജ് കണ്‍ട്രോള്‍ ബോര്‍ഡിനു കീഴിലും അല്ലാതെയും പ്രവര്‍ത്തിക്കുന്ന ശിശു സംരക്ഷണ സ്ഥാപനങ്ങള്‍ രജിസ്‌ട്രേഷന്‍ നടത്തുന്നതിനുള്ള സമയപരിധി ഡിസംബര്‍ 15 വരെ നീട്ടി.

2015 ലെ ജൂവനൈല്‍ ജസ്റ്റിസ് (കെയര്‍ ആന്റ് പ്രൊട്ടക്ഷന്‍ ഓഫ് ചില്‍ഡ്രന്‍) ആക്ടിനു കീഴിലാണ് രജിസ്റ്റര്‍ ചെയ്യേണ്ടത്. സംസ്ഥാനത്തെ ശിശു സംരക്ഷണ സ്ഥാപനങ്ങളുടെ ബാഹുല്യം കണക്കിലെടുത്താണ് സമയപരിധി നീട്ടിയത്.

പി.എന്‍.എക്‌സ്.5110/17

പാലക്കാട് മെഡിക്കല്‍ കോളേജിലെ ഡയറക്ടര്‍ തസ്തികയിലേക്ക്  അപേക്ഷ സമര്‍പ്പിക്കുന്നതിനുള്ള അവസാന തീയതി ഡിസംബര്‍ 30 വരെ നീട്ടിയതായി പട്ടികജാതി പട്ടികവര്‍ഗ വികസന വകുപ്പ് അറിയിച്ചു.

പി.എന്‍.എക്‌സ്.5109/17

ഇ-പഞ്ചായത്ത് ട്രെയിനിംഗ് പദ്ധതിയുടെ ഗുണഭോക്താക്കള്‍ക്ക് ആധാര്‍ എടുക്കുന്നതിനുളള  തീയതി ഡിസംബര്‍ 31 വരെ നീട്ടി. നിലവില്‍ ആധാര്‍ ഇല്ലാത്ത ഗുണഭോക്താക്കള്‍ക്ക്  പദ്ധതിയുടെ ആനുകൂല്യങ്ങള്‍ മറ്റു തിരിച്ചറിയല്‍ രേഖകള്‍ മുഖേന ലഭ്യമാക്കും.

പി.എന്‍.എക്‌സ്.5108/17

സ്റ്റേറ്റ് ഹോര്‍ട്ടികള്‍ച്ചര്‍ മിഷന്‍ ഡയറക്ടറുടെ പൂര്‍ണ അധിക ചുമതല മണ്ണ് പര്യവേഷണ മണ്ണ് സംരക്ഷണ വകുപ്പ് ഡയറക്ടര്‍ ജെ. ജസ്റ്റിന്‍ മോഹന് നല്‍കി ഉത്തരവായി.

പി.എന്‍.എക്‌സ്.5107/17

രജിസ്‌ട്രേഷന്‍ വകുപ്പ് ഡിസംബര്‍ 23ന് നടത്തുന്ന ആധാരം തയ്യാറാക്കല്‍ ലൈന്‍സന്‍സിനുളള പരീക്ഷയുടെ ഹാള്‍ ടിക്കറ്റുകള്‍ അപേക്ഷകള്‍ സമര്‍പ്പിച്ച സബ് രജിസ്ട്രാര്‍ ഓഫീസുകളില്‍ നിന്നും ഡിസംബര്‍ നാല് മുതല്‍ എട്ട് വരെ വിതരണം ചെയ്യും. അപേക്ഷകന്റെ ഫോട്ടോ പതിച്ച തിരിച്ചറിയല്‍ കാര്‍ഡും ആറ് മാസത്തിനുളളില്‍ എടുത്ത പാസ് പോര്‍ട്ട് സൈസ് ഫോട്ടോയും സഹിതം ബന്ധപ്പെട്ട സബ് രജിസ്ട്രാറില്‍ നിന്ന്, നേരിട്ടെത്തി ഹാള്‍ടിക്കറ്റ് വാങ്ങാം.

പി.എന്‍.എക്‌സ്.5106/17

2018 ലെ കേരള സര്‍ക്കാര്‍ കലണ്ടര്‍ തിരുവനന്തപുരം ഗവണ്‍മെന്റ് സെന്‍ട്രല്‍ പ്രസിലെ പബ്ലിക്കേഷന്‍ കൗണ്ടര്‍, അച്ചടി വകുപ്പിന് കീഴിലുളള കേരളത്തിലെ വിവിധ ജില്ലാ ഫോറം സ്റ്റോറുകള്‍ എന്നിവിടങ്ങളില്‍ വില്പനയ്ക്ക് തയ്യാറായി.  നികുതി ഉള്‍പ്പെടെ 29 രൂപയാണ് വില.  നിശ്ചിത വിലയില്‍ നിന്നും കൂട്ടി വില്ക്കുന്നതു ശ്രദ്ധയില്‍പ്പെട്ടാല്‍ dir.printing@kerala.gov.in ല്‍ അച്ചടി വകുപ്പ് ഡയറക്ടറുടെ ശ്രദ്ധയില്‍പ്പെടുത്താം.  10 കലണ്ടര്‍  ഒന്നിച്ച് വാങ്ങുമ്പോള്‍ ഒരു കലണ്ടര്‍ സൗജന്യമായി ലഭിക്കും.

പി.എന്‍.എക്‌സ്.5105/17

2018 മാര്‍ച്ചില്‍ നടക്കുന്ന എസ്.എസ്.എല്‍.സി പരീക്ഷയുടെ ഫീസ് 300 രൂപ സൂപ്പര്‍ ഫൈനോടെ ഡിസംബര്‍ എട്ട് വരെ പരീക്ഷാ കേന്ദ്രങ്ങളില്‍ സ്വീകരിക്കും.

പി.എന്‍.എക്‌സ്.5104/17

കാക്കനാട്: ജില്ല പഞ്ചായത്ത് സംസ്ഥാന യുവജന ക്ഷേമ ബോര്‍ഡിന്റെ ആഭിമുഖ്യത്തില്‍ സംഘടിപ്പിച്ച ജില്ലാതല കേരളോത്സവത്തില്‍ 184 പോയന്റോടെ പറവൂര്‍ ബ്ലോക്ക് ഓവറോള്‍ ചാംപ്യന്‍മാരായി. 148 പോയന്റോടെ വാഴക്കുളം ബ്ലോക്കും 133 പോയന്റോടെ ഏലൂര്‍ നഗരസഭയും യഥാക്രമം രണ്ടും മൂന്നും സ്ഥാനങ്ങളിലെത്തി. കൊച്ചി കോര്‍പ്പറേഷനില്‍ നിന്നുള്ള റെവീന ജെയിംസ് ആണ് കലാതിലകം. കായിക പ്രതിഭകളായി സീനിയര്‍ വനിത വിഭാഗത്തില്‍ ഡിവിന ലൂസി മരിയ (പള്ളുരുത്തി ബ്ലോക്ക്), ജിബ ജിന്‍സണ്‍ (കോതമംഗലം ബ്ലോക്ക്), സീനിയര്‍ പുരുഷ വിഭാഗത്തില്‍ ജിന്‍സ് ബേബി, ജൂനിയര്‍ വിഭാഗത്തില്‍ ഷാഹുല്‍ ഹമീദ് (മുവാറ്റുപുഴ ബ്ലോക്ക്), ജൂനിയര്‍ വനിത വിഭാഗത്തില്‍ കെ.കെ.

കാക്കനാട്: വിമുക്ത ഭടന്മാരുടെ പുനരധിവാസത്തിനായി ഡയറക്ടര്‍ ജനറല്‍ റീസെറ്റില്‍മെന്റിന്റെ വെബ് സൈറ്റില്‍ നിരവധി ഒഴിവുകള്‍ അപ്‌ലോഡ് ചെയ്തിട്ടുണ്ട്. ജില്ല സൈനിക ക്ഷേമ ഓഫീസില്‍ പുനരധിവാസത്തിനായി പേര് രജിസ്റ്റര്‍ ചെയ്തിട്ടുള്ള താത്പര്യമുള്ള വിമുക്ത ഭടന്മാര്‍ www.desw.gov.in എന്ന വെബ് സൈറ്റ് പരിശോധിച്ച് പേരും രജിസ്‌ട്രേഷന്‍ നമ്പറും ജില്ല സൈനിക ക്ഷേമ ഓഫീസില്‍ ഡിസംബര്‍ ഏഴിനു മുമ്പ് നല്‍കണം. സംശയനിവാരണത്തിനും വിശദ വിവരങ്ങള്‍ക്കും 011-26192356 എന്ന നമ്പറിലോ dirsedgr@desw.gov.in എന്ന ഇ മെയിലിലോ ബന്ധപ്പെടുക. 

കാക്കനാട്: തിരഞ്ഞെടുപ്പ് കമ്മീഷന്‍ അഖിലേന്ത്യാടിസ്ഥാനത്തില്‍ നടത്തുന്ന ക്വിസ് മത്സരവുമായി ബന്ധപ്പെട്ട് ജില്ലാടിസ്ഥാനത്തിലുള്ള സ്‌കൂള്‍ വിദ്യാര്‍ഥികളുടെ മത്സരം ഡിസംബര്‍ നാലിന് ഉച്ചകഴിഞ്ഞ് മൂന്നിന് കളക്ട്രേറ്റ് സ്പാര്‍ക്ക് ഹാളില്‍ നടക്കും. നേരത്തേ രാവിലെ 11 ന് നടത്താനാണ് നിശ്ചയിച്ചിരുന്നത്.