ജില്ലാ വെറ്ററിനറി കേന്ദ്രത്തിന്റെ കോമ്പൗണ്ടില്‍ നില്‍ക്കുന്ന മരങ്ങള്‍ മുറിച്ചു നീക്കം ചെയ്യുന്നതിനുള്ള ലേലം ജൂണ്‍ 18 ന് രാവിലെ 11 ന് ഓഫീസ് പരിസരത്ത് നടക്കും.  ലേലത്തില്‍ പങ്കെടുക്കുന്നവര്‍ക്ക് പ്രവൃത്തി ദിവസങ്ങളില്‍ രാവിലെ 11 മുതല്‍ വൈകീട്ട് 4 വരെ ചീഫ് വെറ്ററനറി ഓഫീസറുടെ അനുമതിയോടുകൂടി മരങ്ങള്‍ പരിശോധിക്കാം.

കുപ്പിവെള്ളത്തിന് അമിത വില ഈടാക്കുന്നതായി വ്യാപക പരാതി ലഭിക്കുന്നതിനെ തുടര്‍ന്ന് പരിശോധന ശക്തമാക്കി ലീഗല്‍ മെട്രോളജി വകുപ്പ്.  നിലവിലെ സര്‍ക്കാര്‍ ഉത്തരവ് പ്രകാരം ഒരു ലിറ്റര്‍ കുപ്പിവെള്ളത്തിന് ഈടാക്കാവുന്ന പരമാവധി വില 13 രൂപയും  അര ലിറ്റര്‍ വെള്ളത്തിന് 6.രൂപ 50 പൈസയുമാണ്. അതില്‍ കൂടുതല്‍ വില ഈടാക്കുന്നത് ശ്രദ്ധയില്‍പ്പെട്ടാല്‍ ശക്തമായ നിയമ നടപടി സ്വീകരിക്കുമെന്നും ഡെപ്യൂട്ടി കണ്‍ട്രോളര്‍ രാജേഷ് സാം അറിയിച്ചു.

കുടുംബശ്രീ ഉല്‍പന്നങ്ങള്‍ കമ്മീഷന്‍ വ്യവസ്ഥയില്‍ വില്‍പ്പന നടത്തുന്നതിന് കുടുംബശ്രീ ഹോംഷോപ്പ് മാര്‍ക്കറ്റിംഗ് എക്‌സിക്യൂട്ടീവുകളെ തെരഞ്ഞെടുക്കുന്നു. 18 നും 45 നും ഇടയില്‍ പ്രായമുള്ള പത്താംതരം പാസായ കുടുംബശ്രീ അംഗങ്ങള്‍ക്കോ  കുടുംബാംഗങ്ങള്‍ക്കോ അപേക്ഷിക്കാം. വെള്ളക്കടലാസില്‍ തയ്യാറാക്കിയ അപേക്ഷ, ബയോഡാറ്റ, സര്‍ട്ടിഫിക്കറ്റുകള്‍ എന്നിവ സഹിതം ജില്ലാ മിഷന്‍ കോഓര്‍ഡിനേറ്റര്‍, കുടുംബശ്രീ മിഷന്‍, പോപ്പുലര്‍ ബില്‍ഡിംഗ്, സിവില്‍ സ്റ്റേഷന് എതിര്‍വശം, കല്‍പ്പറ്റ നോര്‍ത്ത് എന്ന വിലാസത്തില്‍ തപാലായോ നേരിട്ടോ അപേക്ഷിക്കാം. അപേക്ഷകള്‍ ജൂണ്‍ 20 നകം ലഭിക്കണം. ഫോണ്‍ 9400206640, 04936-206589.

   കോവിഡ് 19 പ്രതിരോധത്തിന്റെ ഭാഗമായി കണ്ടെന്‍മെന്റ് സോണില്‍ ഉള്‍പ്പെടുത്തിയിരുന്ന മുട്ടില്‍ ഗ്രാമപഞ്ചായത്തിലെ 4,5,6 വാര്‍ഡുകള്‍, തവിഞ്ഞാല്‍ പഞ്ചായത്തിലെ 8,9,10 വാര്‍ഡുകള്‍, മീനങ്ങാടി പഞ്ചായത്തിലെ 8,11,12,13,14,15,18 വാര്‍ഡുകള്‍, പനമരം പഞ്ചായത്തിലെ 19,23 വാര്‍ഡുകള്‍ എന്നിവയെ  കണ്ടെന്‍മെന്റ് സോണില്‍ നിന്നൊഴിവാക്കിയതായി ജില്ലാ കളക്ടര്‍ അറിയിച്ചു.

          കോവിഡ് പ്രതിരോധത്തിന്റെ  ഭാഗമായി  വ്യാഴാഴ്ച 224 പേര്‍ കൂടി നിരീക്ഷണത്തിലായതോടെ ജില്ലയില്‍ നിരീക്ഷണത്തില്‍ കഴിയുന്നത് ആകെ 3551 പേര്‍. 1706 ആളുകള്‍ വിവിധ കോവിഡ് കെയര്‍ സെന്ററുകളിലാണ് നിരീക്ഷണത്തിലുളത് . വ്യാഴാഴ്ച 244 പേര്‍ നിരീക്ഷണം പൂര്‍ത്തിയാക്കി. ഇരുപത് പേര്‍ മാനന്തവാടി ജില്ലാ ആശുപത്രിയിലും  ഒരാള്‍  കോഴിക്കോട് ബീച്ച് ആശുപത്രിയിലും ചികിത്സയിലുണ്ട്.

ആലപ്പുഴ: കാർത്തികപ്പള്ളി താലൂക്കിൽ പള്ളിപ്പാട് പഞ്ചായത്തിൽ ആറാം വാർഡിൽ കുരീത്തറ ജങ്ഷനില്‍ പുതുതായി അനുവദിച്ച റേഷൻ ഷോപ്പ് സ്ഥിരമായി നടത്തുന്നതിന് അംഗീകൃത ചില്ലറ വ്യാപാരിയായി നിയമിക്കുന്നതിന് താൽപര്യമുള്ള പട്ടിക ജാതി-പട്ടികവർഗ്ഗക്കാരിൽ നിന്ന് അപേക്ഷ ക്ഷണിച്ചു. അപേക്ഷ അടക്കം ചെയ്ത കവറിന്റെ മുകൾഭാഗത്ത് ,സി.എസ്5 -2392/14 നമ്പര്‍ പ്രകാരം റീട്ടെയിൽ റേഷൻഷോപ്പ് നടത്തുന്നതിനുള്ള അപേക്ഷ എന്ന് വ്യക്തമായി എഴുതണം. പ്രസിദ്ധീകരണം മുതല്‍ 30 ദിവസം വൈകിട്ട് മൂന്നു വരെ അപേക്ഷകൾ സ്വീകരിക്കും. കൂടുതല്‍ വിവരങ്ങള്‍ക്ക് കാര്‍ത്തികപ്പള്ളി താലൂക്ക് സപ്ലൈ ഓഫീസുമായി ബന്ധപ്പെടണം.

ആലപ്പുഴ: കെ-ടെറ്റ് ഫെബ്രുവരി 2020 പരീക്ഷയിൽ വിദ്യാഭ്യാസ ജില്ലയുടെ പരിധിയിൽ വിജയികളായവർ സർട്ടിഫിക്കറ്റ് പരിശോധന നടത്തുന്നതിനായി കാറ്റഗറി രണ്ടിൽ വിജയികളായവർ ജൂൺ 18നും, കാറ്റഗറി ഒന്ന്, മൂന്ന്, നാലിൽ ,വിജയികളായവർ ജൂൺ 19നും ആലപ്പുഴ ഗവൺമെന്റ് ഗേൾസ് എച്ച്.എസ്.എസ് ഓഡിറ്റോറിയത്തിൽ ഹാജരാകണം. വിജയികൾ അവരുടെ അസൽ ഹാൾ ടിക്കറ്റ്, ഹാൾടിക്കറ്റിന്റെ പകർപ്പ്, എല്ലാ സർട്ടിഫിക്കറ്റുകളുടെയും മാർക്ക് ലിസ്റ്റിന്റെയും അസലും പകർപ്പും, മാർക്ക് ആനുകൂല്യം ലഭിച്ചവർ ജാതി സർട്ടിഫിക്കറ്റിന്റെ അസലും പകർപ്പും പരിശോധന സമയത്ത് ഹാജരാക്കണമെന്ന് ജില്ല വിദ്യാഭ്യാസ ഓഫീസർ അറിയിച്ചു.

ആലപ്പുഴ: നിർമ്മിതി കേന്ദ്രത്തിൽ ഫിനാൻസ് ഓഫീസർ തസ്തികയിലേക്ക് വിരമിച്ച സർക്കാർ ജീവനക്കാരിൽ നിന്ന് യോഗ്യതയുള്ളവരെ തിരഞ്ഞെടുക്കുന്നു. യോഗ്യത: അക്കൗണ്ടൻസിയിൽ ബിരുദം,, ഏതെങ്കിലും സർക്കാർ വകുപ്പുകളിൽ ഡിവിഷണൽ അക്കൗണ്ടന്റ് തസ്തികയിൽ അഞ്ചു വർഷത്തിൽ കുറയാത്ത സേവനം , ഫിനാൻസ് ഓഫീസർ തസ്തികയിൽ രണ്ടു വർഷത്തിൽ കുറയാത്ത പരിചയം. പ്രായം: 2020 ജനുവരി ഒന്നിന് 60 വയസിൽ അധികരിക്കാൻ പാടില്ല. ഒരു വർഷത്തേയ്ക്ക് കരാർ അടിസ്ഥാനത്തിലാണ് നിയമനം. അപേക്ഷകർ സർട്ടിഫിക്കറ്റുകളുടെ പകർപ്പ് സഹിതം ജൂൺ 30നകം സെക്രട്ടറി ആൻഡ് റവന്യൂ ഡിവിഷണൽ ഓഫീസർ, നിർമ്മിതി കേന്ദ്രം, ആലപ്പുഴ എന്ന വിലാസത്തിൽ നൽകണം.