ലൈഫ് മിഷന്‍ മൂന്നാംഘട്ടം അംഗീകൃത ഗുണഭോക്തൃ പട്ടികയില്‍ ഉള്‍പ്പെട്ട ചില ഗുണഭോക്താക്കള്‍ക്ക് രേഖാ പരിശോധന വേളയില്‍ രേഖകള്‍ സമര്‍പ്പിക്കാന്‍ സാധിക്കാത്തവര്‍ക്ക് ജൂണ്‍ എട്ടു മുതല്‍ 15 വരെ സമര്‍പ്പിക്കാന്‍ അവസരം. രേഖകള്‍ സമര്‍പ്പിച്ചിട്ടില്ലാത്ത മുഴുവന്‍ ഗുണഭോക്താക്കളും ബന്ധപ്പെട്ട തദ്ദേശ സ്വയംഭരണ സ്ഥാപനങ്ങളില്‍ ഹാജരായി അര്‍ഹത തെളിയിക്കാമെന്ന് ലൈഫ് മിഷന്‍ ജില്ലാ കോ-ഓര്‍ഡിനേറ്റര്‍ അറിയിച്ചു.
(പി.ആര്‍.കെ നമ്പര്‍ 1576/2020)
 

* ചികിത്സയിലുള്ളത് 1029 പേർ
* 10 പുതിയ ഹോട്ട് സ്‌പോട്ടുകൾ

കോഴിക്കോട് ജില്ലയില്‍ ഇന്ന് (06.06.20) പുതുതായി വന്ന 421 പേര്‍ ഉള്‍പ്പെടെ 7704 പേര്‍ നിരീക്ഷണത്തില്‍. ഇതുവരെ 33,935 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 31 പേര്‍ ഉള്‍പ്പെടെ 136 പേരാണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 100 പേര്‍ മെഡിക്കല്‍ കോളേജിലും 36 പേര്‍ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലുമാണ്. 26 പേര്‍ ഡിസ്ചാര്‍ജ്ജ് ആയി.

ആറ് എയര്‍ ഇന്ത്യ ജീവനക്കാരടക്കം
ഏഴ് പേര്‍ക്ക്  രോഗമുക്തി

കോഴിക്കോട് ജില്ലയില്‍ ഇന്ന് (06.06.2020) 4 പേര്‍ക്ക് കൂടി കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ ഡോ. ജയശ്രി വി അറിയിച്ചു. മൂന്ന് അഴിയൂര്‍ സ്വദേശികളും ഒരു ഏറാമല സ്വദേശിയുമാണ് പോസിറ്റീവായത്. നാല് പേരും ഇതര സംസ്ഥാനങ്ങളില്‍ നിന്ന് എത്തിയവരാണ്.

ജില്ലയിലെ സ്വകാര്യ ആശുപത്രിയില്‍ ചികിത്സയിലായിരുന്ന കണ്ണൂരിലെ ആറ് എയര്‍ഇന്ത്യാ ജീവനക്കാരും കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററില്‍ ചികിത്സയിലായിരുന്ന 33 വയസ്സുള്ള ഫറോക്ക് സ്വദേശിയും ഇന്ന് രോഗമുക്തി നേടി.

പല ആവശ്യങ്ങള്‍ക്കായി ജില്ലയിലെത്തി തിരികെ പോവാനാവാതെ കുടുങ്ങിപ്പോയ ഇതര സംസ്ഥാനങ്ങളില്‍ നിന്നുള്ളവര്‍ 24 മണിക്കൂറിനകം വിവരം അറിയിക്കണം. നാട്ടിലേക്ക് തിരികെ പോവാന്‍ ആഗ്രഹിക്കുന്നവര്‍ അവരുടെ പേര്, വിലാസം, ജില്ല, സംസ്ഥാനം, മൊബൈല്‍ നമ്പര്‍ ഉള്‍പ്പെടെയുള്ള വിവരങ്ങള്‍ 1077 എന്ന നമ്പറില്‍ വിളിച്ചോ 9446538900എന്ന നമ്പറില്‍ വാട്ട്‌സാപ്പ് വഴിയ dmcellkozhikode@gmail.comഎന്ന ഇ-മെയിലിലോ നല്‍കണം. ഇങ്ങനെ ജില്ലയില്‍ കുടുങ്ങിപ്പോയവരെ കുറിച്ച് അറിയാവുന്നവര്‍ ഈ വിവരം അവര്‍ക്ക് എത്രയും വേഗം എത്തിക്കണമെന്നും അഭ്യര്‍ഥിക്കുന്നു.

കുരുവട്ടൂർ എ.എം.എൽ.പി സ്കൂൾ പാലേത്ത്പുയിൽ പുല്ല്യാട്ട് ക്ഷേത്രം റോഡ്  ഗതാഗത വകുപ്പ് മന്ത്രി എ.കെ ശശീന്ദ്രൻ ഉദ്ഘാടനം ചെയ്തു. സ്ഥലം എം.എൽ.എ കൂടിയായ മന്ത്രിയുടെ പ്രാദേശിക ഫണ്ടിൽ നിന്നും 13 ലക്ഷം രൂപ വിനിയോഗിച്ചാണ്  റോഡ് പണി പൂർത്തീകരിച്ചത്. കുരുവട്ടൂർ ഗ്രാമപഞ്ചായത്ത് പ്രസിഡൻ്റ് പി അപ്പുകുട്ടൻ അധ്യക്ഷത വഹിച്ചു. ബ്ലോക്ക് പഞ്ചായത്ത് മെമ്പർ രതി തടത്തിൽ, സ്റ്റാൻ്റിംഗ് കമ്മിറ്റി ചെയർമാൻ  കെ കെ കൃഷ്ണദാസ്, ഗ്രാമപഞ്ചായത്ത് വാർഡ് മെമ്പർമാരായ കെ ഷീബ, എം രാധ, എ സരിത തുടങ്ങിയവർ പങ്കെടുത്തു.

മഴക്കാല ആരംഭത്തോട്കൂടി ജില്ലയില്‍ പകര്‍ച്ചവ്യാധികള്‍ ഉണ്ടാകാന്‍  സാധ്യതയുള്ളതിനാല്‍ എല്ലാവരും മുന്‍കരുതല്‍ സ്വീകരിക്കണമെന്ന് ജില്ലാമെഡിക്കല്‍ ഓഫീസര്‍ ഡോ. ജയശ്രി വി അറിയിച്ചു. മഴക്കാലത്ത് ജലജന്യരോഗങ്ങളും കൊതുകുജന്യരോഗങ്ങളും മറ്റു വൈറല്‍ പനികളും പിടിപെടാന്‍ സാധ്യതകൂടുതലാണ്. വ്യക്തിശുചിത്വത്തോടൊപ്പം പരിസരശുചിത്വവും ആഹാരശുചിത്വവും വിട്ടുവീഴ്ചയില്ലാതെ പാലിക്കണം.  

വ്യക്തിശുചിത്വം:

കൈകള്‍സോപ്പ് ഉപയോഗിച്ച് ഇടക്കിടയ്ക്ക് കഴുകണം, കൈകാല്‍ നഖങ്ങള്‍ വെട്ടിവൃത്തിയായി സൂക്ഷിക്കണം, മലമൂത്രവിസര്‍ജനത്തിന് ശേഷം കൈകള്‍ സോപ്പ് ഉപയോഗിച്ച് കഴുക്കണം.

പരിസരശുചിത്വം:

പേരാമ്പ്ര ബ്ലോക്കിലെ വിവിധ വികസന പ്രവർത്തനങ്ങൾ തൊഴിൽ, എക്സൈസ് മന്ത്രി ടി.പി രാമകൃഷ്ണൻ സന്ദർശിച്ചു.
ചങ്ങരോത്ത് പഞ്ചായത്ത് പാറച്ചാലിൽ കുടിവെള്ള പദ്ധതിയുമായി ബന്ധപ്പെട്ട നിർ മ്മാണ പ്രവർത്തനങ്ങൾ മന്ത്രി സന്ദർശിച്ചു വിലയിരുത്തി. പെരുവണ്ണമുഴി ചെറുകിട ജലവൈദ്യുത പദ്ധതിയുടെ നിർമ്മാണപ്രവർത്തനവും ഡാം പ്രദേശത്തെ  നവീകരണ പ്രവർത്തനങ്ങളും മന്ത്രി സന്ദർശിച്ചു.
 

സംസ്ഥാന സർക്കാർ വിക്ടേഴ്സ് ചാനൽ വഴിനടത്തുന്ന ഓൺലൈൻ പഠനം കുറ്റമറ്റ രീതിയിൽ നടക്കുന്നുവെന്ന് ഉറപ്പു വരുത്തുമെന്ന് ഗതാഗത മന്ത്രി എ കെ ശശീന്ദ്രൻ പറഞ്ഞു. ഇത് സംബന്ധിച്ച് കോഴിക്കോട് ഗവൺമെന്റ് ഗസ്റ്റ് ഹൗസിൽ ചേർന്ന അവലോകന യോഗത്തിൽ സംസാരിക്കുകയായിരുന്നു മന്ത്രി. മണ്ഡലത്തിലെ വായനശാലകൾ, അംഗൻവാടികൾ, ഹാളുകൾ എന്നിവിടങ്ങളിൽ ഇതിനായി സജ്ജീകരണങ്ങൾ ഏർപ്പെടുത്തുന്നതിനുള്ള നടപടി തദ്ദേശ സ്വയംഭരണ സ്ഥാപനങ്ങളുടെ നേതൃത്വത്തിൽ സ്വീകരിച്ചു വരുന്നുണ്ട്. ക്ലാസ്സുകൾ നടക്കുന്ന കേന്ദ്രങ്ങളിൽ വാർഡ് മെമ്പർമാരുടെ നേതൃത്വത്തിൽ കമ്മറ്റികൾ രൂപീകരിക്കും.