ആരോഗ്യകേന്ദ്രങ്ങളും മെഡിക്കല്‍ ഷോപ്പുകളും പ്രവര്‍ത്തിക്കും

സംസ്ഥാനത്തിന്റെ വികസനപ്രവർത്തനങ്ങളുടെ ധനശേഖരണാർഥം 1000 കോടി രൂപയുടെ കടപ്പത്രം പുറപ്പെടുവിക്കുന്നു. ഇതിനായുള്ള ലേലം ജൂൺ ഒമ്പതിന് റിസർവ് ബാങ്കിന്റെ മുംബൈ ഫോർട്ട് ഓഫീസിൽ ഇ-കുബേർ സംവിധാനം വഴി നടക്കും. ലേലം സംബന്ധിച്ച വിജ്ഞാപനത്തിനും (നമ്പർ: എസ്.എസ്-1/174/2020, എസ്.എസ്-1/175/2020 ഫിൻ. തിയതി 05.06.2020) വിശദാംശങ്ങൾക്കും ധനവകുപ്പിന്റെ വെബ്സൈറ്റ് (www.finance.kerala.gov.in) സന്ദർശിക്കുക.
പി.എൻ.എക്സ്. 2069/2020

മുഖ്യമന്ത്രിയുടെ ദുരിതാശ്വാസനിധിയിലേക്ക് ജില്ലയിൽ നിന്നും വ്യാഴാഴ്ച (ജൂൺ 5) ലഭിച്ചത് 1,15,000 രൂപ. 15,000 രൂപ പണമായും 1 ലക്ഷം രൂപ ചെക്കായുമാണ് ലഭിച്ചത്. ഇതോടെ ജില്ലയിൽ നിന്നും 2020 ഏപ്രിൽ മുതൽ ജൂൺ 5 വരെ സിഎംഡിആർഎഫിലേക്ക് ലഭിച്ച മൊത്തം തുക 4,29,83,019 രൂപയായി.

ലൈഫ്മിഷൻ മൂന്നാം ഘട്ട പ്രാഥമിക ലി സ്റ്റിൽ ഉൾപ്പെട്ടവർക്ക് അർഹതാരേഖകൾ ഹാജരാകൻ ഒരവസരം കൂടി നൽകുന്നു. തദ്ദേശ സ്വയം ഭരണ സ്ഥാപനങ്ങളിൽ രേഖാ പരിശോനക്കുള്ള അവസരം ജൂൺ എട്ട് മുതൽ 15 വരെ നീട്ടിയതായി ലൈഫ്മിഷൻ ജില്ലാ കോ-ഓർഡിനേറ്റർ അറിയിച്ചു.

പുനർ ഗേഹം പദ്ധതിയുടെ ഭാഗമായി ജില്ലയിൽ 4 മോട്ടിവേറ്റർമാരെ താത്കാലികമായി നിയമിക്കുന്നു. മത്സ്യഗ്രാമങ്ങളിലെ മത്സ്യത്തൊഴിലാളി കുടുംബങ്ങളിൽ പെട്ടവരാണ് അപേക്ഷിക്കേണ്ടതാണ്. ബിരുദവും കംപ്യുട്ടർ പരിജ്ഞാനവുമാണ് യോഗ്യത. താൽപര്യമുള്ളവർ കുടുംബാംഗം മൽസ്യത്തൊഴിലാളിയാണെന്ന് തെളിയിക്കുന്ന ക്ഷേമനിധി പാസ്സ് ബുക്കിന്റെ അസ്സൽ, യോഗ്യത തെളിയിക്കുന്ന രേഖകൾ സഹിതം 10.06.2020 നു മുമ്പായി രെജിസ്റ്റഡ് തപാലിലോ ഓഫിസിൽ നേരിട്ടോ സമർപ്പിക്കേണ്ടതാണ്. പ്രവർത്തി പരിചയമുള്ളവർക്ക് മുൻഗണന. വിവരങ്ങൾക്ക് 04872441132 ഈ നമ്പറിൽ ബന്ധപെടുക.

പുനർഗേഹം പദ്ധതിയുടെ ഭാഗമായി താൽകാലികാടിസ്ഥാനത്തിൽ പ്രൊജക്റ്റ് കോ ഓർഡിനേറ്ററെ നിയമിക്കുന്നു. അംഗീകൃത യൂണിവേഴ്‌സിറ്റിയിൽ നിന്നും സോഷ്യൽ വർക്ക്/സോഷ്യോളജി/സൈക്കോളജി ഇവയിൽ ഏതെങ്കിലും ഒരു വിഷയത്തിനുള്ള ബിരുദാനന്തര ബിരുദം. എംഎസ് ഓഫിസ് /കെ ജി ടി ഇ /വേർഡ് പ്രോസസ്സിംഗ് (ഇംഗ്ലീഷ് & മലയാളം )പി ജി ഡി സി എ ഇവയിൽ ഏതെങ്കിലും ഒരു വിഷയത്തിൽ നേടിയ കംപ്യുട്ടർ പരിജ്ഞാനം. 25000 രൂപ പ്രതിമാസം നൽകും. പ്രായം 22 നും 45 നും മധ്യേ. താൽപര്യമുള്ളവർ തൃശൂർ ഫിഷറീസ് ഡെപ്യുട്ടി ഡയറക്ടറുടെ കാര്യാലയത്തിൽ ജൂൺ 9 നു മുൻപായി അപേക്ഷ സമർപ്പിക്കേണ്ടതാണ്. അപേക്ഷ നേരിട്ടോ രജിസ്റ്റേർഡ് തപാലായോ അപേക്ഷിക്കേണ്ടതാണ്.

പുതുക്കാട് റെയിൽവേ സ്റ്റേഷൻ പരിസരത്ത് മന്ത്രി സി. രവീന്ദ്രനാഥിന്റെ ജൈവ വൈവിധ്യ ഉദ്യാനവും, എം.പി ടി.എൻ പ്രതാപന്റെ എം പി യുടെ ഹരിതം പദ്ധതിയും ആരംഭിച്ചു. കൊടകര ബ്ലോക്ക് പഞ്ചായത്തും പുതുക്കാട് പഞ്ചായത്തും സംയുക്തമായി നടപ്പിലാക്കുന്ന പദ്ധതി തുടങ്ങി.

ലോക്ക് ഡൌൺ ഇളവുകൾ വരുത്തിയതോടെ വെള്ളിയാഴ്ച (ജൂൺ 5) ഗുരുവായൂർ ക്ഷേത്രത്തിൽ ഒമ്പത് വിവാഹങ്ങൾ നടന്നു. രാവിലെ ആറുമണിക്കും പത്തരയ്ക്കും ഇടയിലായിരുന്നു വിവാഹങ്ങൾ. പാലക്കാട്, എറണാകുളം തുടങ്ങി വിവിധ ജില്ലകളിൽ നിന്നും വധൂവരന്മാർ കുടുംബത്തോടൊപ്പമെത്തി. കോവിഡ് ലോക്ക് ഡൌൺ മൂലം തീയതി മാറ്റി വെച്ച വിവാഹങ്ങളാണ് നടന്നതിലധികവും. മാർച്ച് 24ന് ലോക്ക് ഡൌൺ പ്രഖ്യാപിച്ചതോടെ ക്ഷേത്രത്തിൽ നിർത്തി വെച്ചിരുന്ന വിവാഹ ചടങ്ങുകളാണ് ഇന്നലെ പുനരാരംഭിച്ചത്.

തൃശൂർ ജില്ലയിൽ 8 പേർക്കു കൂടി കോവിഡ് സ്ഥിരീകരിച്ചു. വിദേശത്തുനിന്നും ഇതര സംസ്ഥാനങ്ങളിൽ നിന്നുമായി തിരിച്ചെത്തിയ 5 പേർക്കും സമ്പർക്കത്തിലൂടെ 3 പേർക്കുമാണ് രോഗം സ്ഥിരീകരിച്ചത്. 4 പുരുഷന്മാരും 4 സ്ത്രീകളും ഇതിൽ ഉൾപ്പെടുന്നു.