കോട്ടയം ജില്ലാ കളക്ടറുടെ താലൂക്ക് തല ഓണ്‍ലൈന്‍ പരാതി പരിഹാര അദാലത്തിലേക്ക് കാഞ്ഞിരപ്പള്ളി താലൂക്കില്‍നിന്നുള്ള അപേക്ഷകള്‍ നാളെ(ജൂണ്‍ 12) വൈകുന്നേരം നാലു വരെ അക്ഷയ കേന്ദ്രങ്ങള്‍ വഴി സമര്‍പ്പിക്കാം. 

മുഖ്യമന്ത്രിയുടെ ദുരിതാശ്വാസ നിധിയില്‍നിന്നും ചികിത്സാ ധനസഹായം ലഭിക്കുന്നതിനുള്ള അപേക്ഷകള്‍ നിലവില്‍ ഓണ്‍ലൈനില്‍ സ്വീകരിക്കുന്നതിനാല്‍  ചികിത്സാ ധനസഹായത്തിനുള്ള അപേക്ഷകള്‍ ജില്ലാ കളക്ടറുടെ താലൂക്ക് തല അദാലത്തില്‍ പരിഗണിക്കുന്നതല്ല. റേഷന്‍ കാര്‍ഡിനും വീടും സ്ഥലവും ലഭിക്കുന്നതിനുമുള്ള അപേക്ഷകളും താലൂക്ക് തല അദാലത്തില്‍നിന്ന് ഒഴിവാക്കിയിട്ടുണ്ട്.

കോട്ടയം ജില്ലയില്‍ കോവിഡ് ബാധിച്ച് ചികിത്സയിലായിരുന്ന രണ്ടു പേര്‍ക്ക് രോഗം ഭേദമായി. കോട്ടയം മെഡിക്കല്‍ കോളേജ് ആശുപത്രിയില്‍ കഴിഞ്ഞിരുന്ന ചങ്ങനാശേരി പെരുന്ന സ്വദേശിയും(33) കുറുമ്പനാടം സ്വദേശിനി(56)യുമാണ് രോഗമുക്തരായത്. ഇരുവരെയും ഡിസ്ചാര്‍ജ് ചെയ്തു. 

ലോക്ഡൗണ്‍ സാഹചര്യത്തില്‍ സംസ്ഥാന സര്‍ക്കാര്‍ പ്രഖ്യാപിച്ച സൗജന്യ  പലവ്യ ഞ്ജന കിറ്റ് ഇതു വരെ  കൈപ്പറ്റാത്ത റേഷന്‍ കാര്‍ഡ് ഉടമകള്‍ക്കായി വിതരണം ആരംഭിച്ചു. സപ്ലൈകോ വില്‍പനശാലകളില്‍ നിന്ന് ജൂണ്‍ 15 വരെ കിറ്റുകള്‍ ലഭിക്കുമെന്ന്   മാനേജിംഗ് ഡയറക്ടര്‍   പി. എം. അലി അസ്ഗര്‍ പാഷ അറിയിച്ചു.

എംപ്ലോയ്‌മെന്റ് എക്‌സ്‌ചേഞ്ചില്‍ നേരിട്ട് എത്താതെ രജിസ്‌ട്രേഷന്‍ പുതുക്കാനും പുതിയ രജിസ്‌ട്രേഷനും സര്‍ട്ടിഫിക്കറ്റ് കൂട്ടിച്ചേര്‍ക്കലിനും   ക്രമീകരണം  ഏര്‍പ്പെടുത്തിയതായി ജില്ലാ എംപ്ലോയ്‌മെന്റ് ഓഫീസര്‍ അറിയിച്ചു. www.eemployment.kerala.gov.in എന്ന വെബ് സൈറ്റിലാണ് ഇതിന് സൗകര്യമുള്ളത്.
ജൂലൈ വരെയുള്ള  എംപ്ലോയ്‌മെന്റ് രജിസ്‌ട്രേഷന്‍ പുതുക്കുന്നതിന്   ഓഗസ്റ്റ് 27  വരെ സമയം അനുവദിച്ചിട്ടുണ്ട്. ഫോണ്‍ 0481-2560413

വെള്ളാവൂര്‍ വില്ലേജില്‍ പുനലൂര്‍- പൊന്‍കുന്നം റോഡില്‍ മണിമലയ്ക്ക് സമീപം റോഡരികില്‍ ശേഖരിച്ചിരിക്കുന്ന ഏകദേശം 72 ക്യൂബിക് മീറ്റര്‍ കരിങ്കല്ല് ജൂണ്‍ 17ന്  രാവിലെ 11.30ന് പൊന്‍കുന്നം കെഎസ്ടിപി ഡിവിഷന്‍ ഓഫീസ് പരിസരത്ത് ലേലം ചെയ്യും. ക്വട്ടേഷന്‍ ജൂണ്‍ 16 വൈകുന്നേരം 4.30നകം എക്‌സിക്യൂട്ടീവ് എന്‍ജിനീയര്‍ക്ക് നല്‍കണം. ഫോണ്‍:  04828206961

കോട്ടയം ജനറല്‍ ആശുപത്രിയിലെ കോവിഡ് സെല്ലില്‍ സര്‍ജിക്കല്‍ ഗൗണ്‍,  ഷൂ കവര്‍, ഡ്രേപ്, ഏപ്രണ്‍, ഡെലിവറി കിറ്റ് എന്നിവ കുറഞ്ഞ വിലയ്ക്ക് ലഭ്യമാക്കുവാന്‍ ദര്‍ഘാസ് ക്ഷണിച്ചു. ജൂണ്‍ 15ന് രാവിലെ 11.30 നകം ആശുപത്രി സൂപ്രണ്ടിന്  സമര്‍പ്പിക്കണം. ഫോണ്‍ : 0481 2563612 , 2563611

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് (ജൂൺ 10)  വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 9  കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 14 പേരെ അറസ്റ്റ് ചെയ്തു. 3 വാഹനങ്ങൾ പിടിച്ചെടുത്തു.  മരണാനന്തര ചടങ്ങുകൾക്ക്  ആളുകൾ കൂട്ടം കൂടിയതിനും കണ്ടേയ്‌ൻമെന്റ്  സോണുകളിൽ സമയ പരിധി കഴിഞ്ഞും കടകൾ പ്രവർത്തിച്ചതിനും നിരീക്ഷണ കാലാവധി പൂർത്തിയാകും മുൻപേ പുറത്തിറങ്ങിയതിനുമാണ് 
കേസ് രജിസ്റ്റർ ചെയ്തത്.

 മാസ്ക് ധരിക്കാത്ത 45 പേർക്കെതിരെ കേസ് 

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 178 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 46 പേർ നിരീക്ഷണത്തിലുമുണ്ട്. ഇന്ന് 22 പേരെയാണ്  ആശുപത്രിയിൽ പ്രവേശിപ്പിച്ചത്. 

 ഇന്ന് (ജൂൺ 10) ജില്ലയിൽ  6 പേർക്കാണ് കോവിഡ് 19 സ്ഥിരീകരിച്ചത്. പരിശോധനയ്ക്കായി ഇന്ന് 617 സാമ്പിളുകൾ അയച്ചു. 

പരിശോധനയ്ക്കായി ഇതുവരെ 12,158 സാമ്പിളുകൾ  അയച്ചതിൽ 245 പേർക്കാണ് പോസിറ്റീവായത്. ഇതിൽ  65 പേർ രോഗമുക്തരായി ആശുപത്രി വിട്ടു. ആകെ 9997 പരിശോധനാ ഫലങ്ങളാണ് ഇതുവരെ  ലഭ്യമായത്. ഇനിയും 2161 സാമ്പിളുകളുടെ ഫലം ലഭിക്കാനുണ്ട്.

മഴക്കാലത്തോടനുബന്ധിച്ചുള്ള ദുരന്തനിവാരണ പ്രവര്‍ത്തനങ്ങള്‍ ശക്തിപ്പെടുത്തുന്നതിന്റെ ഭാഗമായി ഇന്റര്‍ ഏജന്‍സി ഗ്രൂപ്പ് പാലക്കാട് താലൂക്ക് തല കമ്മിറ്റി രൂപീകരിച്ചു. പാലക്കാട് തഹസില്‍ദാരുടെ അധ്യക്ഷതയില്‍ ചേര്‍ന്ന യോഗത്തില്‍ വിവിധ വകുപ്പുകളിലെ ഉദ്യോഗസ്ഥരും സന്നദ്ധസംഘടനകളിലെ പ്രതിനിധികളും പങ്കെടുത്തു. ചെയര്‍മാനായി പാലക്കാട് തഹസില്‍ദാരെയും കോ-ഓഡിനേറ്ററായി എ.കെ.ഫിര്‍ദോസിനേയും കണ്‍വീനറായി അഭിലാഷിനേയും തിരഞ്ഞെടുത്തു.  

കോവിഡ്-19 വ്യാപനം തടയുന്നതിന്റെ ഭാഗമായി കെട്ടിട നിര്‍മാണ തൊഴിലാളി ക്ഷേമനിധി ബോര്‍ഡ് ജില്ലാ ഓഫീസില്‍ നിന്നും ലഭിക്കുന്ന വിവിധ ആനുകൂല്യങ്ങള്‍, പെന്‍ഷന്‍ എന്നിവയ്ക്കുള്ള അപേക്ഷകള്‍ പരമാവധി അംഗീകൃത ട്രേഡ് യൂണിയനുകള്‍ മുഖേന സമര്‍പ്പിക്കണമെന്ന് ജില്ലാ എക്‌സിക്യുട്ടീവ് ഓഫീസര്‍ അറിയിച്ചു. ഫയല്‍ സംബന്ധമായ അന്വേഷണങ്ങള്‍ക്കായി പൊതുജനങ്ങള്‍ ഓഫീസ് സന്ദര്‍ശിക്കുന്നത് ഒഴിവാക്കുകയും പരമാവധി ഫോണ്‍ മുഖേനയുള്ള അന്വേഷണം നടത്തുകയും ചെയ്യണം. ഫോണ്‍-9746089138, 8921078545, 0491 2546873.