ലോക പരിസ്ഥിതി ദിനാചരണത്തിന്റെ ഭാഗമായി സാമൂഹ്യ വനവത്ക്കരണ വിഭാഗം വനവത്ക്കരണ പരിപാടികൾക്ക് തുടക്കം കുറിച്ചു. ജില്ലാതല ഉദ്ഘാടനം ഗവ. ചീഫ് വിപ്പ് അഡ്വ. കെ രാജൻ കൈനൂരിലുള്ള ബി എസ് എഫ് സെന്ററിൽ നിർവഹിച്ചു.
നാലുലക്ഷം തൈകൾ തൃശൂർ സാമൂഹ്യ വനനത്ക്കരണ വിഭാഗം ഈ വർഷം ഉൽപ്പാദിച്ചിരുന്നു. അതിൽ 3.5 ലക്ഷം തൈകൾ 86 പഞ്ചായത്തുകളിലേക്കും നഗരസഭകളിലേക്കും തൊഴിലുറപ്പുതൊഴിലാളികൾ വഴി നട്ടുപിടിപ്പിക്കുന്നതിനായി നൽകി.

തൃശൂർ ജില്ലയിൽ സാങ്കേതിക വിദ്യാഭ്യാസ വകുപ്പിലെ ട്രേഡ്‌സ്മാൻ (വെൽഡിങ്) തസ്തികയുടെ (കാറ്റഗറി നമ്പർ 544/2013) തിരഞ്ഞെടുപ്പിനു വേണ്ടി 01/12/2016 ന് നിലവിൽ വന്ന റാങ്ക് പട്ടിക കാലാവധി പൂർത്തിയായതിനെ തുടർന്ന് 01/12/2019 മുതൽ റദ്ദായതായി പി എസ് സി ജില്ലാ ഓഫീസർ അറിയിച്ചു.

തൃശൂർ ജില്ലാ സഹകരണ ബാങ്കിലെ പബ്ലിക് റിലേഷൻസ് ഓഫീസർ തസ്തികയുടെ (കാറ്റഗറി നമ്പർ 018/13) തിരഞ്ഞെടുപ്പിനു വേണ്ടി 24/01/2017 ന് നിലവിൽ വന്ന റാങ്ക് പട്ടിക കാലാവധി പൂർത്തിയായതിനെ തുടർന്ന് 24/01/2020 മുതൽ റദ്ദായതായി പി എസ് സി ജില്ലാ ഓഫീസർ അറിയിച്ചു.

ഇരിങ്ങാലക്കുട ഉണ്ണായി വാര്യർ സ്മാരക കലാനിലയത്തിന്റെ ഭരണസമിതി യോഗം ജൂൺ 17 രാവിലെ 11 ന് കലാനിലയത്തിൽ ചേരുമെന്ന് സെക്രട്ടറി അറിയിച്ചു.

ചാലക്കുടി ബി എസ് എൻ എൽ പെൻഷനേഴ്സ് അസോസിയേഷൻ 67700 രൂപ സി എം ഡി ആർ എഫിലേക്ക് സംഭാവന നൽകി . അസോസിയേഷൻ ഏരിയകമ്മിറ്റി സെക്രട്ടറി എ. പ്രഭാകറിൽ നിന്നും ബി ഡി ദേവസ്സി എം എൽ എ ചെക്ക് ഏറ്റുവാങ്ങി.

ചാലക്കുടി ബി എസ് എൻ എൽ പെൻഷനേഴ്സ് അസോസിയേഷൻ 67700 രൂപ സി എം ഡി ആർ എഫിലേക്ക് സംഭാവന നൽകി . അസോസിയേഷൻ ഏരിയകമ്മിറ്റി സെക്രട്ടറി എ. പ്രഭാകറിൽ നിന്നും ബി ഡി ദേവസ്സി എം എൽ എ ചെക്ക് ഏറ്റുവാങ്ങി.

ചാലക്കുടി ബി എസ് എൻ എൽ പെൻഷനേഴ്സ് അസോസിയേഷൻ 67700 രൂപ സി എം ഡി ആർ എഫിലേക്ക് സംഭാവന നൽകി . അസോസിയേഷൻ ഏരിയകമ്മിറ്റി സെക്രട്ടറി എ. പ്രഭാകറിൽ നിന്നും ബി ഡി ദേവസ്സി എം എൽ എ ചെക്ക് ഏറ്റുവാങ്ങി.

അനിൽ അക്കര എം എൽ എയുടെ നേതൃത്വത്തിൽ നടപ്പിലാക്കുന്ന നമ്മുടെ വടക്കാഞ്ചേരി പദ്ധതി പ്രകാരം തോളൂർ ഗ്രാമപഞ്ചായത്തിലെ 12-ാം വാർഡിൽ ഓണസമൃദ്ധി പച്ചക്കറി കൃഷിക്ക് തുടക്കമായി. പദ്ധതിയുടെ ഉദ്ഘാടനം അനിൽ അക്കര എം എൽ എ നിർവ്വഹിച്ചു. സി കെ ലോറൻസ് അധ്യക്ഷനായി. പദ്ധതി കോർഡിനേറ്റർ ഡോ. ജയിംസ് ചിറ്റിലപ്പിള്ളി മുഖ്യ പ്രഭാഷണം നടത്തി. പുഴയ്ക്കൽ ബ്ലോക്ക് പഞ്ചായത്ത് അംഗം അഡ്വ. ലൈജ്ജു സി എടക്കളത്തൂർ, തോളൂർ ഗ്രാമപഞ്ചായത്ത് അംഗങ്ങളായ ശ്രീകല കുഞ്ഞുണ്ണി, തോമസ് ചിറമ്മൽ, വേലായുധൻ തുടങ്ങിയവർ പങ്കെടുത്തു.

കേരള ജല അതോറിറ്റി, വാട്ടർ വർക്‌സ് സബ് ഡിവിഷൻ തൃശൂർ ഓഫീസിൽ എംപ്ലോയ്‌മെന്റ് എക്‌സ്‌ചേഞ്ച് മുഖേന വാച്ച്മാൻ തസ്തികയിലേക്ക് ഏപ്രിൽ 20,21,22 തിയതികളിൽ നടത്താനിരുന്ന അഭിമുഖം ജൂൺ 10, 11, 12 തിയതികളിലായി നടത്തും. അഭിമുഖത്തിന് ഓഫീസിൽ നിന്ന് മുൻ തിയതികളിൽ അറിയിപ്പ് ലഭിച്ച ഉദ്യോഗാർത്ഥികൾ ഹാജരാകണമെന്ന് അസി. എക്‌സിക്യൂട്ടീവ് എൻജിനീയർ അറിയിച്ചു.

ലോക പരിസ്ഥിതി ദിനത്തോടനുബന്ധിച്ച് തൃശൂർ സിറ്റി പോലീസും ഓൺലൈൻ കൂട്ടായ്മയായ ഗാങ് ഓഫ് തൃശൂരും സംയുക്തമായി സംഘടിപ്പിച്ച 'പ്ലാന്റ് എ ട്രീ' ചലഞ്ചിന് ആവേശകരമായ പ്രതികരണം. ലോകത്തിന്റെ വിവിധ ഭാഗങ്ങളിൽ താമസിക്കുന്നവർ സിറ്റി പോലീസ് ആരംഭിച്ച വൃക്ഷത്തെ നടുന്നതിനായുള്ള 'പ്ലാന്റ് എ ട്രീ' ചലഞ്ചിന്റെ ഭാഗമായി തൃശൂർ സിറ്റി പോലീസിന്റെ ഫേസ്ബുക്ക് പേജിലും ഗാങ് ഓഫ് തൃശൂർ ഫേസ്ബുക്ക് ഗ്രൂപ്പിലും അനേകം ആളുകൾ വൃക്ഷത്തൈ നടുന്ന ഫോട്ടോകൾ പങ്കുവെച്ചു.

കലക്ടറേറ്റ് അങ്കണത്തിലെ ഔഷധ സസ്യ ഉദ്യാന നവീകരണത്തിന്റെ ഉദ്ഘാടനവും ലോക പരിസ്ഥിതി ദിനാചരണവും തദ്ദേശസ്വയംഭരണ വകുപ്പ് മന്ത്രി എ സി മൊയ്തീൻ നിർവഹിച്ചു. വിദ്യാഭ്യാസ വകുപ്പ് മന്ത്രി പ്രൊഫ. സി രവീന്ദ്രനാഥ് അധ്യക്ഷത വഹിച്ചു.
ഇതോടൊപ്പം ഇപ്പോഴുള്ള ഉദ്യാനത്തിനോട് അനുബന്ധിച്ചുള്ള 10 സെൻറ് സ്ഥലത്തും ഔഷധസസ്യങ്ങൾ വെച്ചുപിടിപ്പിച്ചിട്ടുണ്ട്. ഔഷധിയും സംസ്ഥാന മെഡിക്കൽ പ്ലാൻറ് ബോർഡും ചേർന്നാണ് ആവശ്യമുള്ള തൈകൾ നൽകിയത്. ജില്ലാ കളക്ടർ എസ് ഷാനവാസ്, ഔഷധി എം ഡി കെ വി ഉത്തമൻ, കെ എസ് രജിതൻ, ഡോ ഒ എൽ പയസ്, എ ഡി എം റെജി പി ജോസഫ് തുടങ്ങിയവർ പങ്കെടുത്തു.