കോടതികളില്‍ പോക്‌സോ കേസുകളുടെ എണ്ണം കൂടിവരുകയും കേസുകള്‍ തീര്‍പ്പാക്കുന്നതില്‍ കാലതാമസം വരുകയും ചെയ്യുന്ന സാഹചര്യം കണക്കിലെടുത്ത് സംസ്ഥാന സര്‍ക്കാര്‍ ആരംഭിച്ച 17 ഫാസ്റ്റ് ട്രാക്ക് സ്‌പെഷല്‍ കോടതികളായ പോക്‌സോ കോടതിയില്‍ ഒന്നാണ് പത്തനംതിട്ടയിലേതെന്ന് വീണാജോര്‍ജ് എം.എല്‍.എ പറഞ്ഞു. നഗരസഭാ സമുച്ചയത്തിന്റെ  എതിര്‍വശത്ത് ഷൈന്‍ ടവറിന്റെ താഴത്തെ നിലയില്‍ ആരംഭിച്ച ജില്ലയിലെ ആദ്യത്തെ പോക്‌സോ കോടതിയുടെ പ്രവര്‍ത്തന ഉദ്ഘാടനം നിര്‍വഹിച്ചു സംസാരിക്കുകയായിരുന്നു വീണാജോര്‍ജ് എം.എല്‍.എ. 

ഇതര സംസ്ഥാനങ്ങളില്‍നിന്ന് മുംബൈ-തിരുവനന്തപുരം സ്പെഷ്യല്‍ ട്രെയിനില്‍ ചൊവ്വാഴ്ച (ജൂണ്‍ 30) പത്തനംതിട്ട ജില്ലക്കാരായ അഞ്ചു പേര്‍ കൂടി എത്തി. ഇവരില്‍ ഒരാളെ കോവിഡ് കെയര്‍ സെന്ററിലും നാലുപേരെ വീടുകളിലും നിരീക്ഷണത്തിലാക്കി.

എസ്ബിഐയുടെ ആഭിമുഖ്യത്തിലുള്ള ഗ്രാമീണ സ്വയംതൊഴില്‍ പരിശീലന ഉപദേശക സമിതിയുടെ ജില്ലാതല യോഗം നാളെ (3) രാവിലെ 11ന് കളക്ടറേറ്റില്‍ ചേരും. 

തിരുവനന്തപുരം, കൊച്ചി, കരിപ്പൂര്‍, കണ്ണൂര്‍ അന്താരാഷ്ട്ര  വിമാനത്താവളങ്ങളിലായി ചൊവ്വാഴ്ച (ജൂണ്‍ 30) 28 വിമാനങ്ങളില്‍ പത്തനംതിട്ട ജില്ലക്കാരായ 229 പ്രവാസികള്‍കൂടി എത്തി. ഇവരില്‍ 40 പേരെ വിവിധ കോവിഡ് കെയര്‍ സെന്ററുകളിലും രണ്ടു ഗര്‍ഭിണികള്‍ ഉള്‍പ്പെടെ 189 പേരെ വീടുകളിലും നിരീക്ഷണത്തിലാക്കി. 

തദ്ദേശസ്വയംഭരണ സ്ഥാപന തിരഞ്ഞെടുപ്പിന്റെ മുന്നോടിയായി നിലവിലുള്ള പോളിംഗ് സ്റ്റേഷനുകള്‍  പുനര്‍ക്രമീകരിക്കുന്നതിന്റെ ഭാഗമായി നാളെ (3) പകല്‍ മൂന്നിന് കൊടുമണ്‍ ഗ്രാമപഞ്ചായത്ത് കോണ്‍ഫറന്‍സ് ഹാളില്‍ രാഷ്ട്രീയ പാര്‍ട്ടി പ്രതിനിധികളുടെ യോഗം ചേരും. എല്ലാ രാഷ്ട്രീയ പാര്‍ട്ടി പ്രതിനിധികളും യോഗത്തില്‍ പങ്കെടുക്കണമെന്ന് ഗ്രാമ പഞ്ചായത്ത് സെക്രട്ടറി അറിയിച്ചു. 

ജില്ലയില്‍ 23 സിഐഎസ്എഫ് ഉദ്യോഗസ്ഥര്‍ ഉള്‍പ്പെടെ 26 പേര്‍ക്ക് ഇന്നലെ (ജൂണ്‍ 30) കോവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. മറ്റു മൂന്നു പേര്‍ വിദേശത്തു നിന്നു വന്നവരാണ്.
കണ്ണൂര്‍ വിമാനത്താവളം വഴി ജൂണ്‍ 20ന് മസ്‌കറ്റില്‍ നിന്ന് ഒവി 1426 വിമാനത്തിലെത്തിയ എരമം കുറ്റൂര്‍ സ്വദേശി 39കാരന്‍, 24ന് കുവൈറ്റില്‍ നിന്ന് ജെ9 1415 വിമാനത്തിലെത്തിയ ഏഴോം മൂന്നാംപീടിക സ്വദേശി 43കാരന്‍, കരിപ്പൂര്‍ വിമാനത്താവളം വഴി ജൂണ്‍ 11ന് കുവൈറ്റില്‍ നിന്ന് ജെ9 405 വിമാനത്തിലെത്തിയ ചിറക്കല്‍ സ്വദേശി 44കാരന്‍ എന്നിവരാണ് വിദേശത്തു നിന്നെത്തിയവര്‍.