കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂൺ 25)  വൈകിട്ട് 7.30 വരെ ജില്ലയിൽ പോലീസ് നടത്തിയ പരിശോധനയിൽ 46 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. 108 പ്രതികളിൽ 93 പേരെ അറസ്റ്റ് ചെയ്തു. 5 വാഹനങ്ങൾ പിടിച്ചെടുത്തു. സമര പരിപാടികളിൽ പങ്കെടുത്തതിനും ക്വാറന്റൈൻ  നിർദ്ദേശങ്ങൾ പാലിക്കാത്തതിനുമാണ് കേസ്.

 മാസ്ക് ധരിക്കാത്ത 750 പേർക്കെതിരെ കേസ് 

 ദുബായ്,  ബഹറിൻ,  മസ്കറ്റ്,  ഷാർജ,  റാസൽഖൈമ, അബുദാബി,  ദോഹ,   അൽ ഐൻ, ജിദ്ദ എന്നിവിടങ്ങളില്‍ നിന്നും നെടുമ്പാശ്ശേരി, കരിപ്പൂർ,  കണ്ണൂർ,  തിരുവനന്തപുരം അന്താരാഷ്ട്ര വിമാനത്താവളങ്ങളിലായി  ഇന്നലെ (ജൂണ്‍ 24) ജില്ലയിലെത്തിയത് 132 പാലക്കാട് സ്വദേശികള്‍.  ഇവരിൽ 26 പേർ ഇന്‍സ്റ്റിറ്റ്യൂഷനല്‍ ക്വാറന്റൈനില്‍ പ്രവേശിച്ചു.  

 ദുബായ്,  ഷാർജ,  റാസൽഖൈമ, അബുദാബി,  മസ്കറ്റ്, ദോഹ,  ബഹറിൻ എന്നിവിടങ്ങളിൽ നിന്നും കൊച്ചി അന്താരാഷ്ട്ര വിമാനത്താവളത്തിൽ എത്തിയ 118 പേരിൽ 17 പേർ  ഇൻസ്റ്റിറ്റ്യൂഷനൽ ക്വാറന്റൈനിൽ പ്രവേശിച്ചു. 101 പേർ വീടുകളിൽ നിരീക്ഷണത്തിലാണ്.

അട്ടപ്പാടിയിൽ കാട്ടാന ഭീഷണി നേരിടുന്ന ഷോളയൂർ, കത്താളക്കണ്ടി പ്രദേശങ്ങൾ അട്ടപ്പാടി നോഡൽ ഓഫീസറും ഒറ്റപ്പാലം സബ് കലക്ടറുമായ അർജ്ജുൻ പാണ്‌ഡ്യൻ സന്ദർശിച്ചു. ജനപ്രതിനിധികളോടും ഊരു നിവാസികളോടും ചർച്ചചെയ്ത് സ്ഥിതിഗതികൾ വിലയിരുത്തി. ഒറ്റപ്പെട്ട പ്രദേശങ്ങളിൽ തെരുവ് വിളക്കുകൾ ഉൾപ്പെടെയുള്ള സംവിധാനങ്ങൾ ഒരുക്കുന്നതിന് വേണ്ട നടപടി സ്വീകരിക്കാൻ ബന്ധപ്പെട്ട ഉദ്യോഗസ്ഥരോട് പരിശോധിച്ച് റിപ്പോർട്ട് നൽകുന്നതിനും ചുമതലപ്പെടുത്തി. പഞ്ചായത്ത് അധികൃതർ, വനം വകുപ്പ് ഉദ്യോഗസ്ഥർ എന്നിവരും സംബന്ധിച്ചു.
 

ജില്ലാ ആശുപത്രിയിൽ നിന്നും 35 കോവിഡ് ബാധിതരെ പാലക്കാട് ഗവ.മെഡിക്കൽ കോളേജിൽ പ്രവർത്തന സജ്ജമായ ഫസ്റ്റ് ലൈൻ ട്രീറ്റ്മെൻറ് സെൻററിലേക്ക് മാറ്റുമെന്ന് ഡി.എം.ഒ ഡോ.കെ.പി റീത്ത അറിയിച്ചു. ഇന്ന് രാത്രിയോടെയാവും   രോഗികളെ മാറ്റുക. നൂറു പേരെയും കിടത്തി ചികിത്സിക്കാനുള്ള സജ്ജീകരണങ്ങൾ ഇവിടെ ഒരുക്കിയിട്ടുണ്ട്.

കോവിഡ് 19 മായി ബന്ധപ്പെട്ട് ജില്ലയില്‍ നിലവില്‍ 214 പേരാണ് ചികിത്സയിലുള്ളത്. കൂടാതെ, വിവിധ ആശുപത്രികളിലായി 12 പേർ നിരീക്ഷണത്തിലുമുണ്ട്. ഇന്ന് (ജൂണ്‍ 25) ജില്ലയില്‍ 24 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 31 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 17036 സാമ്പിളുകള്‍ പരിശോധനയ്ക്കായി അയച്ചതില്‍ 16068 പരിശോധനാ ഫലങ്ങളാണ് ലഭ്യമായത്. 435 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇന്ന് 428 പരിശോധനാ ഫലങ്ങളാണ് ലഭിച്ചത്. ഇതുവരെ 218 പേർ രോഗമുക്തി നേടി.  പുതുതായി 294 സാമ്പിളുകളും അയച്ചു. 

പാലക്കാട് ജില്ലയിൽ ഇന്ന്(ജൂൺ 25) മൂന്ന് കുട്ടികൾക്ക്‌ ഉൾപ്പെടെ 24  പേർക്ക്  കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. ഇന്ന് അഞ്ച് പേർക്ക് രോഗ മുക്തി ഉള്ളതായും  അധികൃതർ അറിയിച്ചിട്ടുണ്ട്.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

കുവൈത്ത്-6

കല്ലടിക്കോട് കരിമ്പ സ്വദേശികളായ രണ്ടുപേർ (59 പുരുഷൻ, 57 സ്ത്രീ),

ഷൊർണൂർ പരുത്തിപ്ര സ്വദേശി (28 പുരുഷൻ),

ജൂൺ 12ന് വന്ന ലക്കിടി സ്വദേശികളായ രണ്ടുപേർ (32,39 പുരുഷൻ)

കേരളശ്ശേരി സ്വദേശി (40 പുരുഷൻ)