കേരള ഷോപ്‌സ് ആന്‍ഡ് കമേഴ്‌സ്യല്‍ എസ്റ്റാബ്ലിഷ്‌മെന്റ്‌സ് തൊഴിലാളി ക്ഷേമനിധി ബോര്‍ഡില്‍ രജിസ്റ്റര്‍ ചെയ്ത  അംഗങ്ങള്‍ക്ക്  ധനസഹായം വിതരണം ചെയ്യുന്നത് ഊര്‍ജിതപ്പെടുത്തുന്നതിനായി ബോര്‍ഡിന്റെ ജില്ലാ ഓഫീസില്‍ യോഗം ചേര്‍ന്നു. യോഗത്തില്‍ വിവിധ ട്രേഡ് യൂനിയന്‍ നേതാക്കള്‍, വ്യാപാരവ്യവസായ സമിതി/ ഏകോപനസമിതി, തൊഴിലുടമാ പ്രതിനിധികള്‍ എന്നിവര്‍ പങ്കെടുത്തു.  യോഗത്തില്‍ ബോര്‍ഡ് ഡയറക്ടര്‍ സുബ്രപ്മണ്യന്‍ അധ്യക്ഷനായി. എം.റിനീഷ് ധനസഹായ പദ്ധതിയെപ്പറ്റി വിശദീകരിച്ചു.
(എം.പി.എം 2374/2020)
 

ഈ വര്‍ഷം ഫെബ്രുവരിയില്‍ കോട്ടയം ഗവണ്‍മെന്‍റ് മോഡല്‍ എച്ച്.എസിലും മൗണ്ട്കാര്‍മ്മല്‍ ഗേള്‍സ് എച്ച്.എസിലും നടന്ന കെ.ടെറ്റ് പരീക്ഷയില്‍ വിജയിച്ചവരുടെ  സര്‍ട്ടിഫിക്കറ്റ് പരിശോധന കോട്ടയം വിദ്യാഭ്യാസ ഉപഡയറക്ടറുടെ ഓഫീസില്‍ ജൂണ്‍ 29 മുതല്‍ നടക്കും.

നിശ്ചിത തീയതികളില്‍ ഹാള്‍ടിക്കറ്റ്, മാര്‍ക്ക് ഷീറ്റ്, ഒറിജിനല്‍ സര്‍ട്ടിഫിക്കറ്റ്, സര്‍ട്ടിഫിക്കറ്റിന്‍റെ പകര്‍പ്പ്, ഇളവുകള്‍ക്ക് യോഗ്യതയുള്ളവര്‍ അത് തെളിയിക്കുന്ന സര്‍ട്ടിഫിക്കറ്റ് എന്നിവ ഹാജരാക്കണം. കോവിഡ് പ്രതിരോധ മാനദണ്ഡങ്ങള്‍ പാലിച്ചായിരിക്കും സര്‍ട്ടിഫിക്കറ്റ് പരിശോധന. സമയക്രമം ചുവടെ.

ജൂണ്‍ 29

ലോക്ക്ഡൗണ്‍  കാലത്ത് കൗമാരക്കാരുടെ  സര്‍ഗാത്മക കഴിവുകള്‍ പ്രോത്സാഹിപ്പിക്കുന്നതിനും  ക്രിയാത്മകമാക്കുന്നതിനുമായി ജില്ലാ ഭരണകൂടവും ആരോഗ്യവകുപ്പും ആരോഗ്യകേരളവും  സംയുക്തമായി നടത്തിയ ചിത്രരചനാ മത്സരഫലം പ്രസിദ്ധീകരിച്ചു. മത്സരഫലം ആരോഗ്യ കേരളത്തിന്റെ ഫേസ്ബുക്ക് പേജായ ''National Health mission malappuram-ആരോഗ്യകേരളം മലപ്പുറം' എന്നതിലാണ് പ്രസിദ്ധീകരിച്ചിട്ടുള്ളത്. കേരളത്തിന്റെ വിവിധ ഭാഗങ്ങളില്‍ നിന്നായി 222 കുട്ടികള്‍ മത്സരത്തില്‍  പങ്കെടുത്തു. 'കോവിഡ് കാലത്തെ സൂപ്പര്‍ഹീറോ' എന്ന വിഷയത്തെ ആസ്പദമാക്കിയാണ്  ചിത്രരചനാ മത്സരം നടത്തിയത്. 
(എം.പി.എം 2373/2020)
 

വൈക്കം താലൂക്കിലെ പരാതികള്‍ പരിഹരിക്കുന്നതിനായി ജില്ലാ കളക്ടര്‍ എം. അഞ്ജന ജൂലൈ നാലിന് ഓണ്‍ലൈന്‍ അദാലത്ത് നടത്തും. കോവിഡ് പ്രതിരോധ സംവിധാനങ്ങള്‍ നിലനില്‍ക്കുന്ന സാഹചര്യത്തില്‍ സര്‍ക്കാര്‍ നിര്‍ദേശപ്രകാരമാണ് വീഡിയോ കോണ്‍ഫറന്‍സിലൂടെ അദാലത്ത് നടത്തുന്നത്. 

താനൂര്‍ ഗവ. ആര്‍ട്‌സ് ആന്‍ഡ് സയന്‍സ് കോളജില്‍ മൂന്നാം സെമസ്റ്റര്‍ ബി.ബി.എ. കോഴ്‌സില്‍ ഒരു സീറ്റ് ഒഴിവുണ്ട്. താത്പര്യമുള്ളവര്‍  ജൂണ്‍ 30 ന് ഉച്ചയ്ക്ക് രണ്ടിനകം യോഗ്യതാ സര്‍ട്ടിഫിക്കറ്റുകളുടെ സാക്ഷ്യപ്പെടുത്തിയ പകര്‍പ്പ് സഹിതം കോളജ് ഓഫീസില്‍ ഹാജരായി അപേക്ഷ സമര്‍പ്പിക്കണമെന്ന് പ്രിന്‍സിപ്പല്‍ അറിയിച്ചു.
(എം.പി.എം 2372/2020)
 

സാമൂഹ്യനീതി വകുപ്പിന്റെ വയോ മധുരം പദ്ധതി പ്രകാരം വേങ്ങര ഗ്രാമപഞ്ചായത്തില്‍ ഗ്ലൂക്കോമീറ്റര്‍ വിതരണം ചെയ്തു.  വിതരണോദ്ഘാടനം വേങ്ങര ബ്ലോക്ക് പഞ്ചായത്ത് പ്രസിഡന്റ്  ചാക്കീരി അഹമ്മദ് ഹഖ് നിര്‍വഹിച്ചു. 2019- 2020 സാമ്പത്തിക വര്‍ഷത്തില്‍ ഗ്ലൂക്കോമീറ്ററിന് അപേക്ഷിച്ചിരുന്നവര്‍ക്കാണ് ഉപകരണങ്ങള്‍ നല്‍കിയത്. 345 രൂപയോളം  വിലവരുന്ന ഉപകരണത്തിന്  60 വയസ്സിനു മുകളിലുള്ള ബി.പി.എല്‍ വിഭാഗത്തില്‍പ്പെട്ട പ്രമേഹ രോഗികളാണ് അര്‍ഹര്‍. വേങ്ങര സായം പ്രഭയില്‍  നടന്ന ചടങ്ങില്‍ വേങ്ങര സി.ഡി.പി.ഒ സിജി  മജീദ്, സാമൂഹ്യ നീതി വകുപ്പ് ഉദ്യോഗസ്ഥന്‍  അബ്ദുള്‍ അസീസ് തുടങ്ങിയവര്‍ പങ്കെടുത്തു.
(എം.പി.എം 2370/2020)

ദേശീയ ജന്തുരോഗ നിയന്ത്രണ പദ്ധതിയുടെ ഒന്നാം ഘട്ടത്തില്‍ കോട്ടയം ജില്ലയില്‍ 73079 വളര്‍ത്തുമൃഗങ്ങള്‍ക്ക് കുളമ്പുരോഗ പ്രതിരോധ കുത്തിവയ്പ്പ് നല്‍കി.  പശുക്കള്‍-65285, പോത്ത്, എരുമ- 4429, പന്നി- 3365 എന്നിങ്ങനെയാണ് കുത്തിവയ്പ്പ് നല്‍കിയ മൃഗങ്ങളുടെ കണക്ക്.