മുത്തൂര്‍ ജംഗഷനില്‍ ട്രാഫിക് സിഗ്നല്‍ ലൈറ്റുകള്‍ സ്ഥാപിക്കുന്നതിനുള്ള ജോലികള്‍ തുടങ്ങി. സിഗ്നലുകള്‍ സ്ഥാപിക്കുന്നതിന് ആവശ്യമായ നിര്‍ദ്ദേശങ്ങള്‍ നല്‍കുന്നതിനായി മാത്യു ടി. തോമസ് എംഎല്‍എയുടെ നേതൃത്വത്തില്‍ തിരുവല്ല മുനിസിപ്പല്‍ ചെയര്‍മാന്‍ കെ.ജയകുമാര്‍, തിരുവല്ല ഡിവൈ.എസ്.പി: ടി.രാജപ്പന്‍, മോട്ടോര്‍ വാഹന വകുപ്പ് ഉദ്യോഗസ്ഥര്‍, പൊതുമരാമത്ത് നിരത്ത് വിഭാഗം എ എക്‌സ് ഇ സുഭാഷ്‌കുമാര്‍. സി. ബി, പൊതുമരാമത്ത് ഇലക്‌ട്രോണിക്‌സ് അസി.എന്‍ജിനീയര്‍ മാത്യു ജോണ്‍, അഡ്വ. കെ. പ്രകാശ്ബാബു എന്നിവര്‍ സന്ദര്‍ശിച്ചു

തിരുവല്ല ബൈപ്പാസിന്റെ അവസാന റീച്ചിലെ വയാഡക്ടിന്റെ ഗര്‍ഡറുകള്‍ സ്ഥാപിക്കുന്ന ജോലികള്‍ തുടങ്ങി. ഈ റീച്ചില്‍ ഒരു സ്പാനില്‍ നാലുവീതം ആകെ 36 ഗര്‍ഡറുകള്‍ ആണുള്ളത്. 24 മീറ്റര്‍ നീളമുള്ള ഗര്‍ഡറിന് 45 ടണ്‍ ഭാരമാണുള്ളത്. 300 ടണ്‍, 90 ടണ്‍ ഭാരവാഹക ശേഷിയുള്ള ജര്‍മ്മന്‍ നിര്‍മ്മിത ക്രെയിനുകള്‍ ഉപയോഗിച്ചാണ് ജോലികള്‍ ചെയ്യുന്നത്. ആദ്യഘട്ടമായി 12 ഗര്‍ഡറുകള്‍ ഇന്നു തന്നെ(ജൂലൈ 7) ഉറപ്പിക്കുവാനാണ് ഉദ്ദേശിക്കുന്നത്.

കോവിഡ് - 19 പ്രതിരോധവുമായി ബന്ധപ്പെട്ട് തിരുവനന്തപുരം നഗരത്തില്‍ ട്രിപ്പിള്‍ ലോക് ഡൗണ്‍ പ്രഖ്യാപിച്ച സാഹചര്യത്തില്‍ നോട്ടറി നിയമനവുമായി ബന്ധപ്പെട്ട് ജൂലൈ ഏഴ്, ഒന്‍പത് തീയതികളില്‍ ഗവണ്‍മെന്റ് സെക്രട്ടറിയേറ്റില്‍ നടത്താന്‍ നിശ്ചയിച്ചിരുന്ന അഭിഭാഷകരുടെ ഇന്റര്‍വ്യൂ മാറ്റിവച്ചു. പുതുക്കിയ തീയതി പിന്നീട് അറിയിക്കുമെന്ന് നിയമ സെക്രട്ടറി അറിയിച്ചു.

2020 ജൂലൈ മാസം പത്തനംതിട്ട ജില്ലയിലെ റേഷന്‍ കാര്‍ഡുടമകള്‍ക്ക് വിതരണം ചെയ്യുന്നതിനായി  3377 മെട്രിക് ടണ്‍ അരിയും 519 മെട്രിക് ടണ്‍ ഗോതമ്പും അനുവദിച്ചതായി ജില്ലാ സപ്ലൈ ഓഫീസര്‍ അറിയിച്ചു.

മുന്‍ഗണനാ വിഭാഗത്തില്‍പ്പെട്ട കാര്‍ഡുകളിലെ (പിങ്ക് കാര്‍ഡ്) ഓരോ അംഗത്തിനും കിലോ ഗ്രാമിന് 2 രൂപാ നിരക്കില്‍ 4 കിലോ ഗ്രാം അരിയും 1 കിലോ ഗ്രാം ഗോതമ്പും, എ.എ.വൈ കാര്‍ഡുകള്‍ക്ക്(മഞ്ഞ കാര്‍ഡ്) സൗജന്യ നിരക്കില്‍ കാര്‍ഡൊന്നിന് 30 കിലോ ഗ്രാം അരിയും 5 കിലോ ഗ്രാം ഗോതമ്പും റേഷന്‍ കടകളില്‍ നിന്ന് ഈ മാസം ലഭിക്കും. 

കൽപ്പറ്റയിൽ ആദിവാസി വിപണന കേന്ദ്രം ആരംഭിക്കുമെന്ന് സി കെ ശശീന്ദ്രൻ എം.എൽ.എ പറഞ്ഞു . കൽപ്പറ്റ അമൃതില്‍  നടന്ന 'ആദിവാസികളുടെ ഉപജീവന മാർഗങ്ങൾ’ എന്ന വിഷയത്തിൽ നടത്തിയ ശില്പശാല ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ആദിവാസി വിപണന കേന്ദ്രത്തിനായി എം.എൽ.എ ഫണ്ടിൽ നിന്നും 10 ലക്ഷം രൂപ വിനിയോഗിക്കുമെന്നും അദ്ദേഹം അറിയിച്ചു.

വിംസ് മെഡിക്കൽ കോളേജ് സർക്കാർ ഏറ്റെടുക്കുന്നതിന്റെ സാധ്യത  പരിശോധിക്കുന്നതിൻ്റെ ഭാഗമായി ജൂലൈ ഒമ്പതിന് (വ്യാഴാഴ്ച) വിദഗ്ധ സമിതി ആശുപത്രി സന്ദർശിക്കും. ഡോക്ടർ ആസാദ് മൂപ്പൻ സർക്കാരിന് നൽകിയ കത്തിന്റെ അടിസ്ഥാനത്തിലാണ്  വിദഗ്ധ സമിതിയെ സർക്കാർ നിയോഗിച്ചത്. തിരുവനന്തപുരം മെഡിക്കൽ കോളേജിലെ ഡോ. വിശ്വനാഥന്റെ നേതൃത്വത്തിലുള്ള സംഘമാണ് ആശുപത്രി സന്ദർശിക്കുന്നത്. സർക്കാർ നിശ്ചയിക്കുന്ന വിലയിൽ നിന്നും 250 കോടിയുടെ ചാരിറ്റി ഫണ്ട് ആസാദ് മൂപ്പൻ പ്രഖ്യാപിച്ചിട്ടുണ്ട്. മൂന്നാഴ്ചയ്ക്കകം സമിതി സർക്കാരിന് റിപ്പോർട്ട് സമർപ്പിക്കും.

ജില്ലയില്‍ എട്ട് പേര്‍ക്ക് കൂടി കോവിഡ് സ്ഥിരീകരിച്ചു.  ജൂണ്‍ 30 ന് കര്‍ണാടകയിലെ ഷിമോഗയില്‍ നിന്നെത്തി സ്ഥാപനത്തില്‍ നിരീക്ഷണത്തിലായിരുന്ന കമ്പളക്കാട് സ്വദേശിയായ 48 കാരന്‍, ഇയാള്‍ക്കൊപ്പം വന്ന് വീട്ടില്‍ നിരീക്ഷണത്തിലായിരുന്ന മുള്ളന്‍കൊല്ലി സ്വദേശിയായ 36 കാരന്‍, ജൂണ്‍ 30ന് ബാംഗ്ലൂരില്‍ നിന്നെത്തി വീട്ടില്‍ നിരീക്ഷണത്തിലായിരുന്ന മുള്ളന്‍കൊല്ലി സ്വദേശിയായ 22 കാരന്‍,

ജില്ലയിലെ പകര്‍ച്ചവ്യാധി പ്രതിരോധ പ്രവര്‍ത്തനത്തിന്റെ  ഭാഗമായി നടത്തുന്ന ബോധല്‍ക്കരണ പ്രവര്‍ത്തങ്ങളോടനുബന്ധിച്ച് പൊതുജനങ്ങള്‍ ,സ്‌കൂള്‍ , കോളേജ് വിദ്യാര്‍ത്ഥികള്‍ എന്നിവര്‍ക്കായി   ആരോഗ്യ വകുപ്പ് ഷോര്‍ട്ട് ഫിലിം,ഡിജിറ്റല്‍ പോസ്റ്റര്‍ ഡിസൈന്‍ മത്സരം  എന്നിവ സംഘടിപ്പിക്കും.ഷോര്‍ട്ട് ഫിലിം  മത്സരത്തില്‍ ജില്ലയിലെ ആര്‍ക്കും പങ്കെടുക്കാം. ഡെങ്കിപ്പനി, എലിപ്പനി എന്നിവയിലേതെങ്കിലും ഒന്നിനെക്കുറിച്ചുള്ള ബോധവല്‍ക്കരണമാണ് വിഷയം.മലയാളത്തില്‍ ആയിരിക്കണം.

കാസര്‍കോട്  വികസനപാക്കേജില്‍ ഉള്‍പ്പെടുത്തി ജില്ലയിലെ വിവിധ ആരോഗ്യകേന്ദ്രങ്ങള്‍ ആര്‍ദ്രം നിലവാരത്തിലേക്ക് ഉയര്‍ത്തുന്നതിന്റെ ഭാഗമായി ബന്തടുക്ക  പ്രാഥമിക ആരോഗ്യ  കേന്ദ്രം പുതിയ ബ്ലോക്ക് നിര്‍മ്മാണത്തിന് ഭരണാനുമതിയായി. 1.83 കോടി രൂപയാണ് പദ്ധതിയ്ക്കായി വകയിരുത്തിയിട്ടുള്ളത്.കെ കുഞ്ഞിരാമന്‍  എംഎല്‍എയുടെ ആസ്തി വികസന ഫണ്ടില്‍ നിന്ന് പത്ത് ലക്ഷം രൂപ ബന്തടുക്ക പി.എച്ച്.സി സ്‌പെഷ്യല്‍ ബ്ലോക്ക് നിര്‍മ്മാണത്തിന് അനുവദിച്ചിട്ടുണ്ട്. കുറ്റിക്കോല്‍ ഗ്രാമപഞ്ചായത്ത് വിഹിതമായി  അഞ്ച്  ലക്ഷം രൂപയും നിര്‍മ്മാണത്തിനായി അനുവദിച്ചിട്ടുണ്ട്. ബാക്കി 168 ലക്ഷം രൂപ കാസര്‍കോട് വികസന പാക്കേജില്‍ നിന്നും ലഭ്യമാകും.

 കോവിഡ് 19 പ്രതിരോധത്തിന്റെ ഭാഗമായി സമ്പര്‍ക്കത്തിലൂടെയുള്ള രോഗവ്യാപനം തടയാന്‍   ശക്തമായ നടപടി സ്വീകരിക്കാന്‍ ജനപ്രതിനിധികളുടെ  യോഗം തീരുമാനിച്ചതായി റവന്യൂ വകുപ്പ് മന്ത്രി ഇ ചന്ദ്രശേഖരന്‍ പറഞ്ഞു. ജോലി ആവശ്യാര്‍ത്ഥം ജില്ലയില്‍ നിന്ന് മംഗലാപുരത്തേക്ക് ദിവസേന പോയിവരാന്‍ അനുവദിക്കില്ല.  കര്‍ണ്ണാടകയില്‍ ജോലി ചെയ്യുകയാണെങ്കില്‍, അവിടെ ചുരുങ്ങിയത് 28  ദിവസം താമസിച്ച് ജോലി ചെയ്യണം.