മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്ക് സര്‍വശിക്ഷാ അഭിയാന്റെ വിഹിതമായി 24, 47,087 രൂപ സംഭാവന ചെയ്തു. സ്റ്റേറ്റ് പ്രോജക്ട് ഡയറക്ടര്‍ ഡോ.എ.പി. കുട്ടികൃഷ്ണന്‍, അസി. പ്രോജക്ട് ഡയറക്ടര്‍ അനിലാ ജോര്‍ജ് എന്നിവര്‍ ചേര്‍ന്ന് തുക മുഖ്യമന്ത്രി പിണറായി വിജയന് കൈമാറി.

പി.എന്‍.എക്‌സ്.401/18

സംസ്ഥാനത്തെ ചെറുതും വലുതുമായ തുറമുഖങ്ങളുടെ വികസനത്തിനുള്ള പദ്ധതികള്‍ കാര്യക്ഷമമായി നടപ്പാക്കുമെന്ന് തുറമുഖ വികസന വകുപ്പ് മന്ത്രി രാമചന്ദ്രന്‍ കടന്നപ്പള്ളി. കേരളത്തിന്റെ തീരദേശ മേഖലയ്ക്ക് ധാരാളം വികസന സാധ്യതകളുണ്ട്. പക്ഷേ, വികസന പ്രവര്‍ത്തനങ്ങളുമായി മുന്നോട്ടു പോകുമ്പോള്‍ പ്രാദേശികമായ പല പ്രശ്‌നങ്ങളും തടസങ്ങളും ഉയര്‍ന്നുവരും. എന്നാല്‍ പ്രദേശത്തിന്റെ വികസനത്തിനുവേണ്ടിയുള്ള സര്‍ക്കാര്‍ നടപടികളോട് ജനങ്ങളും പ്രദേശവാസികളും സഹകരിച്ചു പ്രവര്‍ത്തിക്കണമെന്നും മന്ത്രി പറഞ്ഞു.

    മുഖ്യമന്ത്രിയുടെ ഓഖി ദുരിതാശ്വാസ ഫണ്ടിലേക്ക് ഊരാളുങ്കല്‍ ലേബര്‍ കോണ്‍ട്രാക്ട് സഹകരണ സംഘം പത്തുലക്ഷം രൂപ സംഭാവന നല്‍കി. ചെയര്‍മാന്‍ പാലേരി രമേശന്‍ മുഖ്യമന്ത്രിക്ക് ചെക്ക് കൈമാറി. മാനേജിംഗ് ഡയറക്ടര്‍ ഷാജു എസ്., ഡയറക്ടര്‍ ഡോ. ടി,പി. സേതുമാധവന്‍, അഭിജിത്ത് തുടങ്ങിയവര്‍ സംബന്ധിച്ചു.

പി.എന്‍.എക്‌സ്.399/18

    ഓഖി ദുരിതാശ്വാസ നിധിയിലേക്ക് കേരള സഹകരണ വികസന ക്ഷേമനിധി ബോര്‍ഡിന്റെ വിഹിതമായ അഞ്ചു ലക്ഷം രൂപയും ജീവനക്കാരുടെ വിഹിതമായ മുപ്പതിനായിരം രൂപയും ബോര്‍ഡ് വൈസ് ചെയര്‍മാന്‍ മമ്മിക്കുട്ടി മുഖ്യമന്ത്രിക്കു കൈമാറി.

പി.എന്‍.എക്‌സ്.398/18

മുഖ്യമന്ത്രിയുടെ ഓഖി ദുരിതാശ്വാസ നിധിയിലേക്ക് മന്ത്രിമാര്‍ ഒഴികെയുള്ള സിപിഐ(എം) എംഎല്‍എ മാരുടെ വിഹിതമായ ഏഴുലക്ഷത്തി ഇരുപതിനായിരം രൂപയുടെ ചെക്ക് മുഖ്യമന്ത്രി പിണറായി വിജയന് എസ്. ശര്‍മ എം.എല്‍.എ കൈമാറി. നിയമസഭയിലെ മുഖ്യമന്ത്രിയുടെ ചേംബറില്‍ എത്തിയാണ് വിഹിതം കൈമാറിയത്. ഇ.പി. ജയരാജന്‍, ഡി.കെ. മുരളി, സുരേഷ് കുറുപ്പ്, ബി. സത്യന്‍, ടി.വി. രാജേഷ് എന്നിവരും സംഘത്തിലുണ്ടായിരുന്നു. 

പി.എന്‍.എക്‌സ്.397/18

സാങ്കേതിക പരീക്ഷാ കണ്‍ട്രോളര്‍ നടത്തുന്ന കെ.ജി.റ്റി.ഇ (പ്രിന്റിംഗ് ടെക്‌നോളജി) പരീക്ഷയ്ക്ക് രജിസ്റ്റര്‍ ചെയ്ത യോഗ്യരായ പരീക്ഷാര്‍ത്ഥികള്‍ക്കുള്ള തിയറി പരീക്ഷ ഫെബ്രുവരി 17 ന് തിരുവനന്തപുരം വനിത പോളിടെക്‌നിക് കോളേജില്‍ നടത്തും. പരീക്ഷയുടെ ടൈംടേബിളും യോഗ്യരായ പരീക്ഷാര്‍ത്ഥികളുടെയും സര്‍വ്വീസിലുള്ള പരീക്ഷാര്‍ത്ഥികളുടെയും പട്ടികയും www.tekerala.org യില്‍ ലഭ്യമാണ്. ഹാള്‍ ടിക്കറ്റ് പരീക്ഷാ കേന്ദ്രത്തില്‍ നിന്നും ലഭിക്കും.

പി.എന്‍.എക്‌സ്.396/18

പരിസ്ഥിതി സംരക്ഷണ രംഗത്ത് മികച്ച പ്രവര്‍ത്തനം കാഴ്ച വയ്ക്കുന്ന വ്യക്തികളെയും സംഘടനകളെയും മാധ്യമ പ്രവര്‍ത്തകരേയും ആദരിക്കുന്നതിനായി പരിസ്ഥിതി കാലാവസ്ഥ വ്യതിയാന വകുപ്പ് ഏര്‍പ്പെടുത്തിയിട്ടുള്ള പരിസ്ഥിതി മിത്രം അവാര്‍ഡ് ജേതാക്കളെ പ്രഖ്യാപിച്ചു. എന്‍.കെ. സുകുമാരന്‍ നായര്‍ (പരിസ്ഥിതി സംരക്ഷകന്‍), വര്‍ഗ്ഗീസ് സി തോമസ്, ചീഫ് സബ് എഡിറ്റര്‍ മലയാള മനോരമ (പരിസ്ഥിതി പത്ര പ്രവര്‍ത്തകന്‍), ബിജു പങ്കജ്, റീജിയണല്‍ എഡിറ്റര്‍, മാതൃഭൂമി, (പരിസ്ഥിതി ദൃശ്യ മാധ്യമ പ്രവര്‍ത്തകന്‍), പമ്പ പരിരക്ഷണ സമിതി (പരിസ്ഥിതി സംരക്ഷണ സംഘടന) എന്നിവര്‍ക്കാണ് പുരസ്‌കാരം.

എല്‍.ബി.എസ് സെന്ററിന്റെ ആഭിമുഖ്യത്തില്‍ പ്രവര്‍ത്തിക്കുന്ന പൂജപ്പുര സെന്റര്‍ ഓഫ് എക്‌സലെന്‍സ് ഫോര്‍ ഡിസബിലിറ്റി സ്റ്റഡീസില്‍ ഗവേഷണ തല്പരരായ കേരളത്തിലെ സര്‍ക്കാര്‍ / എയ്ഡഡ് / സര്‍ക്കാര്‍ നിയന്ത്രിത സ്വാശ്രയ എഞ്ചിനീയറിംഗ്, മെഡിക്കല്‍ കോളേജ്, പോളിടെക്‌നിക് എന്നീ സ്ഥാപനങ്ങളിലെ അധ്യാപകരില്‍ നിന്ന് വിഭിന്നശേഷിയുള്ള കുട്ടികളുടെ വിഷയമടങ്ങുന്ന ഗവേഷണത്തിന് ധനസഹായം നല്‍കുന്നതിന് അപേക്ഷകള്‍ ക്ഷണിച്ചു.

നാഷണല്‍ എംപ്ലോയ്‌മെന്റ് സര്‍വീസിന്റെ ആഭിമുഖ്യത്തില്‍ വഴുതക്കാട് സര്‍ക്കാര്‍ വനിതാ കോളേജില്‍ ഫെബ്രുവരി 17ന് നിയുക്തി തൊഴില്‍മേള സംഘടിപ്പിക്കുന്നു.  എസ്.എസ്.എല്‍.സി, പ്ലസ്ടു, ഐ.ടി.ഐ, ബിരുദം, പാരാമെഡിക്കല്‍, എം.ബി.എ, ബി.ടെക്, എം.സി.എ, ഹോട്ടല്‍ മാനേജ്‌മെന്റ് യോഗ്യതയുളളവര്‍ക്ക് സ്വകാര്യ മേഖലയിലെ വിവിധ സ്ഥാപനങ്ങളില്‍ തൊഴില്‍ നേടുന്നതിന് അവസരം ലഭിക്കും.  എസ്.എസ്.എല്‍.സിക്ക് താഴെ വിദ്യാഭ്യാസ യോഗ്യതയുളളവര്‍ക്ക് ആയ, തയ്യല്‍, ക്ലീനിംഗ് സ്റ്റാഫ് തുടങ്ങിയ ഒഴിവുകളിലേക്ക് അവസരമുണ്ടാവും.

     എംപ്ലോയ്‌മെന്റ് എക്‌സ്‌ചേഞ്ചുകളില്‍  പേര് രജിസ്റ്റര്‍ ചെയ്തിട്ടുളള  വനിതകള്‍ക്കായുളള  ശരണ്യാ സ്വയംതൊഴില്‍ സഹായ പദ്ധതി പ്രകാരം ഗുണഭോക്താക്കളെ തെരഞ്ഞെടുക്കുന്നതിനായി  ഈ മാസം ആറിന്  രാവിലെ 11 മണിക്ക്  കളക്ടറേറ്റ് മിനി കോണ്‍ഫറന്‍സ് ഹാളില്‍ യോഗം ചേരും.