പൊതുജനസുരക്ഷയ്ക്ക് റെഡ്ബട്ടൺ ടെർമിനലുമായി തൃശൂർ സിറ്റി പോലീസ്. ഇന്റലിജന്റ് റോബോട്ടിക്ക് സാങ്കേതിക വിദ്യ അടിസ്ഥാനപ്പെടുത്തി 24 മണിക്കൂറും പൊതുജനസുരക്ഷ ഉറപ്പാക്കുന്ന റെഡ്ബട്ടൺ സംവിധാനമാണ് ജില്ലയിൽ ആരംഭിച്ചിട്ടുള്ളത്. ഇതോടെ ക്രമസമാധാന പാലനത്തിന് വികസിത രാജ്യങ്ങളിൽ ഉപയോഗിച്ചുവരുന്ന ഇന്റലിജന്റ് റോബോട്ടിക് സംവിധാനം ഇന്ത്യയിൽ ആദ്യമായി കേരളാ പോലീസും ഉപയോഗപ്പെടുത്തുകയാണ്.

തൃശൂർ ജില്ലയിൽ കോവിഡ് ഫസ്റ്റ് ലൈൻ ട്രീറ്റ്‌മെന്റ് സെന്റർ ഒരുക്കുന്നതിനാവശ്യമായ സാധന സാമഗ്രികളായ ഹോസ്പിറ്റൽ കട്ടിൽ, റെക്‌സിൻ കവർ, തലയിണ ചെറിയത്, ബെഡ് ഷീറ്റ്, കോട്ടൺ ബെഡ് കവർ, കൈ ഇല്ലാത്ത പ്ലാസ്റ്റിക് കസേര, പ്ലാസ്റ്റിക് ബക്കറ്റ്, പ്ലാസ്റ്റിക് മഗ് എന്നിവ വിതരണം ചെയ്യുന്നതിന് ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ജൂലൈ 22 ഉച്ചയ്ക്ക് 12 മണി. വിശദവിവരങ്ങൾ കളക്ടറേറ്റിൽ ലഭ്യമാണ്. ഫോൺ: 0487 2433469, 2433471.

പട്ടികവര്‍ഗ്ഗ വികസന വകുപ്പിന് കീഴില്‍ പ്രവര്‍ത്തിക്കുന്ന നല്ലൂര്‍നാട് എ.എം.എം.ആര്‍.ജി.എച്ച്.എസ്.എസില്‍  പ്ലസ് വണ്‍ സയന്‍സ്, കൊമേഴ്സ് ബാച്ചുകളിലേക്ക് അപേക്ഷ ക്ഷണിച്ചു. പത്താംതരം പാസായവരും കുടുംബ വാര്‍ഷിക വരുമാനം ഒരു ലക്ഷം രൂപയില്‍ കവിയാത്തതുമായ എസ്.ടി, എസ്.സി, ജനറല്‍ വിഭാഗത്തിലുള്ള ആണ്‍കുട്ടികള്‍ക്ക് അപേക്ഷിക്കാം. പ്രവേശനം ലഭിക്കുന്ന വിദ്യാര്‍ത്ഥികളുടെ താമസം,ഭക്ഷണം, വസ്ത്രം, പഠനാനുബന്ധ ചെലവുകള്‍ സര്‍ക്കാര്‍ വഹിക്കും.

ജില്ലയിലെ ഓരോ പഞ്ചായത്തിലും പനി ക്ലിനിക്കുകള്‍ തുടങ്ങുന്നതിന് പ്രത്യേക കെട്ടിടങ്ങള്‍ കണ്ടെത്തി സജ്ജമാക്കാന്‍ ജില്ലാ കലക്ടര്‍ ഡോ. അദീല അബ്ദുള്ള മുഴുവന്‍ തദ്ദേശ സ്വയംഭരണ സ്ഥാപന സെക്രട്ടറിമാര്‍ക്കും നിര്‍ദ്ദേശം നല്‍കി. കോവിഡിനിടെ പകര്‍ച്ചപ്പനി കൂടുകയാണെങ്കില്‍ കോവിഡ് വ്യാപന സാധ്യത ഒഴിവാക്കുന്നതിനായി പനി ബാധിതരുടെ ചികിത്സയ്ക്കായി പ്രത്യേക സൗകര്യങ്ങള്‍ ആവശ്യമായി വരുമെന്നതിനാലാണ് മുന്‍കരുതല്‍.

കോവിഡ് പ്രതിരോധ പ്രവര്‍ത്തനങ്ങളുടെ ഭാഗമായി ജില്ലയില്‍ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററുകളും റിവേഴ്‌സ് ക്വാറന്റീന്‍ സൗകര്യങ്ങളും ഒരുക്കുന്നതിനുള്ള സ്‌പെഷല്‍ ഓഫീസറായി ഡോ. വീണ എന്‍. മാധവന്‍ ചുമതലയേറ്റു. 2010 ബാച്ച് ഐ.എ.എസ് ഉദ്യോഗസ്ഥയാണ്. നിലവില്‍ ഉന്നത വിദ്യാഭ്യാസ വകുപ്പ് അഡീഷണല്‍ സെക്രട്ടറിയും അസാപ് സി.ഇ.ഒ.യ വീണ 2012- 14 കാലയളവില്‍ മാനന്തവാടി സബ് കലക്ടറായിരുന്നു.

മീനങ്ങാടി ഗവൺമെന്റ് പോളിടെക്നിക്ക് കോളേജ് ക്യാമ്പസിൽ നിൽക്കുന്ന മരങ്ങൾ ജൂലൈ 28 നു രാവിലെ 11 മണിക്ക് ലേലം ചെയ്യും.
ഫോൺ 04936 247420

കോവിഡ് പശ്ചാത്തലത്തില്‍ വിവിധ ആരോഗ്യ സ്ഥാപനങ്ങളില്‍ ആരോഗ്യകേരളം, വയനാട് താല്‍ക്കാലിക നിയമനം നടത്തുന്നു. യോഗ്യരായവര്‍ ബയോഡാറ്റ, യോഗ്യത തെളിയിക്കുന്ന സര്‍ട്ടിഫിക്കറ്റികളുടെ പകര്‍പ്പ് സഹിതം ജൂലൈ 19ന് വൈകീട്ട് അഞ്ചിനകം dpmwyndhr@gmail.com എന്ന ഇ-മെയില്‍ വിലാസത്തില്‍ അയക്കണം. തപാല്‍ വഴിയോ നേരിട്ടോ അപേക്ഷകള്‍ സ്വീകരിക്കില്ല. പ്രായപരിധി 01.04.2020 ന് 40 വയസ്സ് കവിയരുത്. ഏത് തസ്തികയിലേക്കാണ് അപേക്ഷിക്കുന്നതെന്ന് അപേക്ഷയുടെ മുകള്‍ ഭാഗത്ത് വ്യക്തമാക്കണം.

തസ്തികകളും യോഗ്യതയും:

ഗ്രീന്‍ പ്രോട്ടോക്കോള്‍ പാലിക്കുന്നതിന്റെ ഭാഗമായി ഹരിത കേരള മിഷന്റെ നേതൃത്വത്തില്‍ നടപ്പിലാക്കുന്ന പെന്‍ ബൂത്ത് പദ്ധതി പ്രകാരം ശേഖരിച്ച ഉപയോഗ ശൂന്യമായ പ്ലാസ്റ്റിക് പേനകള്‍ പുനഃചംക്രമണത്തിനായി കൈമാറി. കലക്ട്രേറ്റില്‍ വിവിധ ഭാഗങ്ങളില്‍ സ്ഥാപിച്ച പെന്‍ ബൂത്തില്‍ നിന്ന് ശേഖരിച്ച 10.5 കിലോ പേനകളാണ് എ.ഡി.എം ഇ. മുഹമ്മദ് യൂസഫ്
കേരള സ്‌ക്രാപ്പ് മെര്‍ച്ചന്റ്‌സ് അസോസിയേഷന്‍ ജില്ലാ പ്രസിഡന്റ് എം.സി. ബാവയ്ക്ക് കൈമാറിയത്.