9 പേര്‍ക്ക് രോഗമുക്തി

കോഴിക്കോട് ജില്ലയില്‍ ഇന്ന് 26 കോവിഡ് പോസിറ്റീവ് കൂടി റിപ്പോര്‍ട്ട് ചെയ്തതായി ജില്ലാ മെഡിക്കല്‍ ഓഫീസര്‍ അറിയിച്ചു. ഇതോടെ 324 കോഴിക്കോട് സ്വദേശികളാണ് കോവിഡ് പോസിറ്റീവായി ചികിത്സയിലുള്ളത്.ഒന്‍പത് പേരാണ് രോഗമുക്തരായത്.

ജൂലൈ 17ന് നാദാപുരം, വടകര, കൊടുവളളി എന്നിവിടങ്ങളില്‍ വച്ച് നടന്ന ആന്റീജന്‍ ടെസ്റ്റില്‍ 19 പേര്‍ പോസിറ്റീവായി.

ദേശീയ ആരോഗ്യദൗത്യത്തിന് കീഴില്‍ ജൂലൈ 24 ന് നടത്താനിരുന്ന വാഹനങ്ങളുടെ ടെണ്ടര്‍ നടപടി താല്‍ക്കാലികമായി റദ്ദു ചെയ്തതായി ആരോഗ്യ കേരളം ജില്ലാ പ്രോഗ്രാം മാനേജര്‍ അറിയിച്ചു. കോവിഡ് 19 സാഹചര്യത്തില്‍ സിവില്‍ സ്‌റ്റേഷനിലേക്ക് പൊതുജനങ്ങളുടെ സന്ദര്‍ശനം ജില്ലാ കലക്ടര്‍ നിയന്ത്രിച്ച സാഹചര്യത്തിലാണ് നടപടി.

*

19/07/2020 രാത്രി 11.30 വരെയുള്ള സമയത്ത് പൊഴിയൂർ മുതൽ കാസർഗോഡ് വരെയുള്ള കേരള  തീരത്ത് 2.5 മുതൽ 3.8 മീറ്റർ വരെ ഉയരത്തിൽ തിരമാലക്ക് സാധ്യതയുണ്ടെന്ന് ദേശീയ സമുദ്ര സ്ഥിതി പഠന കേന്ദ്രം (INCOIS) അറിയിച്ചു. തീരദേശവാസികൾ ജാഗ്രത പാലിക്കണം.

മൽസ്യബന്ധന ഉപകരണങ്ങളുടെ സുരക്ഷ ഉറപ്പാക്കണം. മൽസ്യബന്ധന യാനങ്ങൾ (ബോട്ട്, വള്ളം etc) ഹാർബറിൽ സുരക്ഷിതമായി കെട്ടിയിട്ട് സൂക്ഷിക്കുക.

*INCOIS_IMD_KSDMA*
പുറപ്പെടുവിച്ച സമയം 18/07/2020, 1 pm

കോവിഡ് വ്യാപനം രൂക്ഷമാവുന്ന സാഹചര്യത്തില്‍ ജില്ലയിലെ ഷോപ്പിംഗ് കോപ്ലക്‌സുകള്‍, മാളുകള്‍, സൂപ്പര്‍മാര്‍ക്കറ്റുകള്‍ തുടങ്ങിയ വാണിജ്യ/സ്ഥാപനങ്ങളിലെ പ്രവര്‍ത്തനങ്ങള്‍ക്ക് ജില്ലാ കലക്ടര്‍ സാംബശിവ റാവു മാര്‍ഗനിര്‍ദേശങ്ങള്‍ പുറത്തിറക്കി.

കോവിഡ് 19 വ്യാപനം രൂക്ഷമാവുന്ന സാഹചര്യത്തില്‍ ജില്ലയില്‍ ജൂലായ് 20, 21 തീയ്യതികളില്‍ ക്ഷേത്രങ്ങളിലും മറ്റ് ബന്ധപ്പെട്ട സ്ഥലങ്ങളിലും ജനങ്ങള്‍ കൂടിച്ചേര്‍ന്ന് വാവ് ബലിതര്‍പ്പണം നടത്തുന്നത് നിരോധിച്ചു ജില്ലാ കലക്ടര്‍  ഉത്തരവിറക്കി. അതേസമയം വീടുകളില്‍ ബലിതര്‍പ്പണ ചടങ്ങുകള്‍ നടത്താവുന്നതാണ്. മതപരമായ ചടങ്ങുകളും കൂടിചേരലുകളും അനുവദിക്കില്ല.

കോവിഡ് പ്രതിരോധ നടപടികളുടെ ഭാഗമായി കോഴിക്കോട് ജില്ലയില്‍ ഇന്ന് (ജൂലൈ 19) സമ്പൂര്‍ണ്ണ ലോക്ഡൗണ്‍. ഇനിയൊരു അറിയിപ്പുണ്ടാകുന്നതുവരെ ഞായറാഴ്ചകളിലെ ലോക്ഡൗണ്‍ തുടരും.
മാളുകള്‍, സൂപ്പര്‍ മാര്‍ക്കറ്റുകള്‍, ഷോപ്പിങ് മാളുകള്‍ എന്നിവ തുറക്കാന്‍ പാടില്ല. അവശ്യവസ്തുക്കള്‍ വില്‍ക്കുന്ന കടകളും മെഡിക്കല്‍ ഷോപ്പുകളും മാത്രമേ തുറക്കാവൂ. വൈദ്യസഹായത്തിനും മറ്റ് അടിയന്തര ആവശ്യങ്ങള്‍ക്കുമല്ലാതെ പൊതുജനങ്ങള്‍ യാത്ര ചെയ്യരുതെന്ന് ജില്ലാ ഭരണകൂടം അറിയിച്ചു.

ഉള്ളിയേരി ഗ്രാമപഞ്ചായത്തിലെ കക്കഞ്ചേരി പൂമഠത്തിൽ മരുതോളിതാഴെ ജി യു പി സ്കൂൾ റോഡിന്റെ പ്രവൃത്തി ഉദ്ഘാടനം പുരുഷൻ കടലുണ്ടി എംഎൽഎ നിർവഹിച്ചു. പഞ്ചായത്ത് പ്രസിഡണ്ട് ഷാജു ചെറുക്കാവിൽ അദ്ധ്യക്ഷത വഹിച്ചു.

മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയിൽ  20 ലക്ഷം രൂപ വകയിരുത്തിയാണ് റോഡിന്റെ പ്രവർത്തി നടത്തുന്നത്. ഗ്രാമപഞ്ചായത്തിന്റെ  ആറ്  ലക്ഷം രൂപയും റോഡിന്റെ വികസനത്തിന് ചിലവഴിക്കും.

ചടങ്ങിൽ വൈസ് പ്രസിഡണ്ട് ചന്ദ്രിക പൂമഠത്തിൽ, ശങ്കരൻ കുന്നത്ത് സത്യൻ കെ കെ മാധവൻ കോളങ്ങാട്ട് എന്നിവർ പങ്കെടുത്തു.

ആകെ നിരീക്ഷണത്തിലുള്ളത് 14,636 പേര്‍

ഇന്ന് (ജൂലൈ 17) പുതുതായി വന്ന 486 പേര്‍ ഉള്‍പ്പെടെ ജില്ലയില്‍ 14,636 പേര്‍ നിരീക്ഷണത്തില്‍ ഉണ്ട്.
ജില്ലയില്‍ ഇതുവരെ 67,268 പേര്‍ നിരീക്ഷണം പൂര്‍ത്തിയാക്കി. ഇന്ന് പുതുതായി വന്ന 66 പേര്‍ ഉള്‍പ്പെടെ 364 പേര്‍ ആണ് ആശുപത്രികളില്‍ നിരീക്ഷണത്തിലുള്ളത്. ഇതില്‍ 162 പേര്‍ മെഡിക്കല്‍ കോളേജിലും 90 പേര്‍ കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററായ കോഴിക്കോട്ടെ ലക്ഷദ്വീപ് ഗസ്റ്റ്ഹൗസിലുമാണ്. 112 പേര്‍ എന്‍.ഐ.ടി കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററിലും നിരീക്ഷണത്തിലാണ്. 47 പേര്‍ ഇന്ന് ഡിസ്ചാര്‍ജ്ജ് ആയി.

10 പേര്‍ക്ക് രോഗമുക്തി
പുതുതായി 486 പേര്‍ കൂടി നിരീക്ഷണത്തില്‍  

കോഴിക്കോട് ജില്ലയില്‍ ഇന്ന് (ജൂലൈ 17) 32 കോവിഡ് പോസിറ്റീവ്  കൂടി റിപ്പോര്‍ട്ട് ചെയ്തതായി  ജില്ലാ  മെഡിക്കല്‍ ഓഫീസര്‍ ഡോ. ജയശ്രി.വി അറിയിച്ചു.

1) 42 വയസ്സുള്ള ഒളവണ്ണ സ്വദേശി 07.07.2020ന് സൗദിയില്‍ നിന്നും കണ്ണൂരില്‍ എത്തി കോഴി
ക്കോട് കൊറോണ കെയര്‍ സെന്ററില്‍ എത്തി നിരീക്ഷണത്തില്‍ ആയിരുന്നു.  16.07.2020ന്
പോസിറ്റീവ് എന്‍.ഐ.ടി എഫ്.എല്‍.ടിസി.യില്‍ ചികില്‍സയിലാണ്.