രണ്ട് ദിവസത്തിനകം 2500 കിടക്കകളാകും

ജില്ലയില്‍ കോവിഡ് വ്യാപന സാധ്യത മുന്നില്‍ കണ്ട് രോഗബാധിതരെ ചികിത്സിക്കുന്നതിനുള്ള പ്രാഥമിക ചികിത്സാ കേന്ദ്രങ്ങളായ കോവിഡ് ഫസ്റ്റ്‌ലൈന്‍ ട്രീറ്റ്‌മെന്റ് സെന്ററുകളുടെ (സി.എഫ്.എല്‍.ടി.സി) സജ്ജീകരണം അന്തിമഘട്ടത്തില്‍. എട്ട് കേന്ദ്രങ്ങളിലായി 1500 ഓളം കിടക്കകള്‍ ഇന്നലെയോടെ സജ്ജമായി. ജൂലൈ 23 നകം കിടക്കകളുടെ എണ്ണം 2500 ആക്കി വര്‍ധിപ്പിക്കുന്നതിനുള്ള ക്രമീകരണങ്ങളാണ് ജില്ലാ ഭരണകൂടം പൂര്‍ത്തിയാക്കി വരുന്നത്.

വയനാട് ജില്ലയില്‍ ഇന്ന് (20.07.20) 26 പേര്‍ക്ക് കോവിഡ് സ്ഥിരീകരിച്ചതായി ജില്ലാ മെഡിക്കല്‍ ഓഫീസര്‍ അറിയിച്ചു. ഇതില്‍ ആറ് പേര്‍ വിദേശത്ത് നിന്നും 13 പേര്‍ ഇതര സംസ്ഥാനങ്ങളില്‍ നിന്നും വന്നവരാണ്. ഏഴ് പേര്‍ക്ക് സമ്പര്‍ക്കത്തിലൂടെയാണ് രോഗം പകര്‍ന്നത്. ജില്ലയില്‍ ഇന്ന് രോഗം സ്ഥിരീകരിച്ചവരില്‍ ഒരു മലപ്പുറം സ്വദേശിയും ഒരു തൃശൂര്‍ സ്വദേശിയുമുണ്ട്.

പത്തനംതിട്ട ജില്ലയില്‍ ഇന്ന് (20) മൂന്നു പേര്‍ക്ക് കോവിഡ്-19 സ്ഥിരീകരിച്ചു. ഇതില്‍ രണ്ടു പേര്‍ക്ക് ട്രൂനാറ്റ് പരിശോധനയിലൂടെയും, ഒരാള്‍ക്ക് ആര്‍ടിപിസിആര്‍ പരിശോധനയിലൂടെയും ആണ് രോഗം സ്ഥിരീകരിച്ചത്. ഇന്ന് (20) രോഗം സ്ഥിരീകരിച്ചവരില്‍ രണ്ടു പേര്‍ മറ്റ് സംസ്ഥാനങ്ങളില്‍ നിന്നും വന്നവരും, ഒരാള്‍ സമ്പര്‍ക്കത്തിലൂടെ രോഗം ബാധിച്ചതുമാണ്.

മറ്റ് സംസ്ഥാനങ്ങളില്‍ നിന്ന് വന്നവര്‍
1) ഉത്തര്‍പ്രദേശില്‍ നിന്നും എത്തിയ ഇതര സംസ്ഥാന തൊഴിലാളിയായ 28 വയസുകാരന്‍. ട്രൂനാറ്റ് പരിശോധനയിലൂടെ രോഗം സ്ഥിരീകരിച്ചു.
2) മഹാരാഷ്ട്രയില്‍ നിന്നും എത്തിയ പത്തനംതിട്ട സ്വദേശിയായ 25 വയസുകാരന്‍.  

കോവിഡ് രോഗത്തിന്റെ പശ്ചാത്തലത്തില്‍ പത്തനംതിട്ട  മിലിറ്ററി  കാന്റീന്‍  ഇനി ഒരു അറിയിപ്പ് ഉണ്ടാകുന്നതു വരെ തുറന്നു പ്രവര്‍ത്തിക്കില്ല. സ്റ്റേഷന്‍  ഹെഡ്ക്വാര്‍ട്ടര്‍  നിര്‍ദേശ പ്രകാരമാണ് അടച്ചതെന്ന് കാന്റീന്‍ മാനേജര്‍ അറിയിച്ചു. 

 
 ജലജീവന്‍ മിഷനില്‍ ഉള്‍പ്പെടുത്തി 2020-2l സാമ്പത്തിക വര്‍ഷം അടൂര്‍ മണ്ഡലത്തിലെ ഏഴു പഞ്ചായത്തിലെ 2600 വീടുകള്‍ക്ക് കുടിവെള്ള കണക്ഷന്‍ നല്‍കുമെന്ന് ചിറ്റയം ഗോപകുമാര്‍ എംഎല്‍എ അറിയിച്ചു. പന്തളം തെക്കേക്കര 250, തുമ്പമണ്‍ 300, കൊടുമണ്‍ 1000, ഏഴംകുളം 300, ഏറത്ത് 150, കടമ്പനാട് 500, പള്ളിക്കല്‍ 100 എന്നീ നിലയിലാണ് കണക്ഷന്‍ നല്‍കുന്നത്. നിലവില്‍ കുടിവെള്ള പൈപ്പ്‌ലൈന്‍ കടന്നു പോകുന്ന ഭാഗങ്ങളില്‍ അഞ്ചു മുതല്‍ 60 മീറ്റര്‍ നീളത്തില്‍ പൈപ്പ് ലൈന്‍ സ്ഥാപിച്ചു കൊടുക്കും. പദ്ധതി 3.99 കോടി രൂപ വിനിയോഗിച്ചാണ് നടപ്പാക്കുന്നതെന്ന് ചിറ്റയം ഗോപകുമാര്‍ എംഎല്‍എ പറഞ്ഞു.

സംസ്ഥാനത്ത് കോവിഡ് പ്രതിരോധ പ്രവര്‍ത്തനങ്ങള്‍  ശക്തിപ്പെടുത്തുന്നതിന്  വാര്‍ഡ് സമിതികള്‍, റാപ്പിഡ് റെസ്‌പോണ്‍സ് ടീമുകള്‍,  കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററുകള്‍ എന്നിവയുടെ പ്രവര്‍ത്തനങ്ങളുമായി  ബന്ധപ്പെട്ട് തദ്ദേശസ്വയംഭരണ വകുപ്പ് മന്ത്രി, ആരോഗ്യ വകുപ്പ് മന്ത്രി എന്നിവരുടെ നേതൃത്വത്തില്‍ തദ്ദേശഭരണ ജനപ്രതിനിധികള്‍, ആരോഗ്യപ്രവര്‍ത്തകര്‍, മറ്റ് ഉദ്യോഗസ്ഥര്‍ എന്നിവരുടെ യോഗം വിളിച്ചു. 22ന് ഉച്ചയ്ക്കു ശേഷം മൂന്നിന് വീഡിയോ കോണ്‍ഫറന്‍സിംഗ് മുഖേനയാണ് യോഗം.

സംസ്ഥാന സര്‍ക്കാരിന്റെ നിര്‍ദേശപ്രകാരം കോവിഡ് ഫസ്റ്റ് ലൈന്‍ ട്രീറ്റ്മെന്റ് സെന്ററുകള്‍ക്കായി (സി.എഫ്.എല്‍.ടി.സി) കണ്ടെത്തിയ കെട്ടിടങ്ങളുടെ പ്രവര്‍ത്തനം പൂര്‍ത്തീകരിച്ച് ജൂലൈ 23ന് ഉള്ളില്‍ ഏകദേശം 6500 ബെഡുകള്‍ ക്രമീകരിക്കാനാകുമെന്ന് ജില്ലാ കളക്ടര്‍ പി.ബി. നൂഹ് പറഞ്ഞു. കോവിഡ് പ്രതിരോധ പ്രവര്‍ത്തനങ്ങള്‍ ഏകോപിപ്പിക്കുന്നതിനായി സംസ്ഥാന സര്‍ക്കാര്‍ നിയോഗിച്ചിട്ടുള്ള ഐഎഎസ് ഉദ്യോഗസ്ഥന്‍ എസ്. ചന്ദ്രശേഖറിന്റെ സാന്നിധ്യത്തില്‍ കളക്ടറേറ്റില്‍ നിന്നു നടത്തിയ വീഡിയോ കോണ്‍ഫറന്‍സില്‍ സംസാരിക്കുകയായിരുന്നു കളക്ടര്‍.