ഹയർ സെക്കൻഡറി പരീക്ഷയിൽ ജില്ലയിലെ കുഴൽമന്ദം, തൃത്താല എം.ആർ.എസുകൾക്ക്  മികച്ച വിജയം. പെൺകുട്ടികൾ മാത്രം പഠിക്കുന്ന തൃത്താല എം.ആർ.എസ്. 100 ശതമാനം വിജയം നേടി. ബയോളജി സയൻസിൽ 37 വിദ്യാർഥികളാണ്  പരീക്ഷയെഴുതിയത്. അതിൽ രണ്ട് വിദ്യാർത്ഥികൾക്ക്  മുഴുവൻ വിഷയങ്ങൾക്കും എ.പ്ലസ് ലഭിച്ചു.  ആൺകുട്ടികൾ മാത്രം പഠിക്കുന്ന കുഴൽമന്ദം എം.ആർ.എസ് 97 ശതമാനം  വിജയം കൈവരിച്ചു. കൊമേഴ്സ് വിഭാഗത്തിൽ 38 വിദ്യാർഥികളും സയൻസ് വിഭാഗത്തിൽ 33 വിദ്യാർഥികളുമാണ് പരീക്ഷയെഴുതിയത്. രണ്ടു വിദ്യാർഥികൾക്ക് മുഴുവൻ വിഷയങ്ങൾക്കും  എ. പ്ലസ് ലഭിച്ചു.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  15) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 12 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 56 പ്രതികളാണ് ഉള്ളത്. ഇവരിൽ 33 പേരെ അറസ്റ്റ് ചെയ്തു. ഒരു വാഹനവും പിടിച്ചെടുത്തു.
 
*മാസ്ക് ധരിക്കാത്ത 172 പേർക്കെതിരെ കേസ്* 

കോവിഡ് 19 ബാധിതരായി  ജില്ലയില്‍ നിലവില്‍ 264 പേരാണ് ചികിത്സയിലുള്ളത്.  ഇന്ന് (ജൂലായ് 15) ജില്ലയില്‍ 19 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 17 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 28146 സാമ്പിളുകള്‍ പരിശോധനയ്ക്കായി അയച്ചതില്‍ 24367 പരിശോധനാ ഫലങ്ങളാണ് ലഭ്യമായത്. ഇന്ന് 406 പരിശോധനാ ഫലങ്ങളാണ് ലഭിച്ചത്. പുതുതായി 626 സാമ്പിളുകൾ അയച്ചു. 924 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 654 പേർ രോഗമുക്തി നേടി. ഇനി 3771 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂലൈ 15)ഒരു വയസ്സുകാരിക്കും ഒരു മലപ്പുറം സ്വദേശിക്കും ഉൾപ്പെടെ 19 പേർക്ക് കോവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു.യുഎഇ യിൽ നിന്നെത്തിയവരാണ് രോഗം സ്ഥിരീകരിച്ചവരിൽ കൂടുതലും. ഒരു അതിഥി തൊഴിലാളിയും പുതുപ്പരിയാരം സ്വദേശിയും ഉൾപ്പെടെ രണ്ട്  പേർക്ക് ഉറവിടം വ്യക്തമല്ലാതെ രോഗബാധ  ഉണ്ടായതായി അധികൃതർ അറിയിച്ചിട്ടുണ്ട്. കൂടാതെ ജില്ലയിൽ ഇന്ന് 53 പേർ രോഗമുക്തി നേടിയിട്ടുണ്ട്.

*ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്.* 

പത്തിരിപ്പാല ഗവ.ആര്‍ടസ്് ആന്‍ഡ് സയന്‍സ് കോളെജില്‍ ബി.ബി.എ തസ്തികയില്‍ഗസ്റ്റ് അധ്യാപക ഒഴിവ്. ബന്ധപ്പെട്ട വിഷയത്തില്‍ യു.ജിസി യോഗ്യതയും കോളെജ് വിദ്യാഭ്യാസ ഉപഡയറക്ടറുടെ  ഓഫീസില്‍ രജിസ്റ്റര്‍ ചെയ്തവര്‍ക്കും അഭിമുഖത്തില്‍പങ്കെടുക്കാം. താത്പര്യമുള്ളവര്‍ അസല്‍ സര്‍ട്ടിഫിക്കറ്റുമായി ജൂലൈ 24 ന് രാവിലെ 10 ന്കൂടിക്കാഴ്ചയ്ക്ക് എത്തണമെന്ന് പ്രിന്‍സിപ്പാള്‍ അറിയിച്ചു. ഫോണ്‍: 0491-2873999

ചിറ്റൂര്‍ ഗവ. ടെക്‌നിക്കല്‍ ഹൈസ്‌കൂളില്‍ എച്ച്.എസ്.ടി ഫിസിക്‌സ് തസ്തികയില്‍ ഒഴിവ്. ബന്ധപ്പെട്ട വിഷയത്തില്‍ ബിരുദവും ബിഎഡുമാണ് യോഗ്യത. താത്പര്യമുള്ളവര്‍ ജൂലൈ 24 ന് രാവിലെ 11 ന് അസല്‍ സര്‍ട്ടിഫിക്കറ്റുമായി അഭിമുഖത്തിന് എത്തണമെന്ന്  സൂപ്രണ്ട് അറിയിച്ചു. 

കോവിഡ് 19 വ്യാപനം പ്രതിരോധിക്കുന്നതിന്റെ ഭാഗമായി ജില്ലയില്‍ സര്‍വീസ് നടത്തുന്നപൊതുഗതാഗത സംവിധാനങ്ങളായ  ഓട്ടോറിക്ഷ, മോട്ടോര്‍ ക്യാബ് , കോണ്‍ട്രാക്ട് ക്യാരേജ്,  സ്റ്റേജ് ക്യാരേജ് തുടങ്ങി എല്ലാ പൊതുഗതാഗത വാഹനങ്ങളിലെ  ഡ്രൈവറുടെക്യാബിന്‍ അക്രിലിക് ഷീറ്റ് ഉപയോഗിച്ച്  യാത്രക്കാരില്‍ നിന്നും വേര്‍തിരിക്കണമെന്ന് ആര്‍.ടി.ഒ അറിയിച്ചു. ജില്ലയില്‍ സര്‍വ്വീസ് നടത്തുന്ന എല്ലാ പൊതുഗതാഗതവാഹനങ്ങളിലും സജ്ജീകരണം ഉറപ്പാക്കണം.  

സംസ്ഥാന കര്‍ഷക കടാശ്വാസ കമ്മീഷന്‍ ജില്ലയിലെ വിവിധ സഹകരണ ബാങ്കുകളില്‍നിന്ന് വായ്പയെടുത്ത 91 കര്‍ഷകര്‍ക്ക്  39.06 ലക്ഷം രൂപയുടെ കടാശ്വാസം അനുവദിച്ചതായി സഹകരണ വകുപ്പ് ജില്ലാ ജോയിന്റ് രജിസ്ര്ടാര്‍ അറിയിച്ചു. കടാശ്വാസം ലഭിച്ച കര്‍ഷകരുടെ പേരും തുകയും ബന്ധപ്പെട്ട ബാങ്കുകളുടെ ഹെഡ് ഓഫീസിലും ശാഖകളിലും  പ്രദര്‍ശിപ്പിക്കും.

പോലീസ് വകുപ്പില്‍ വനിതാ പോലീസ് കോണ്‍സ്റ്റബിള്‍(കാറ്റഗറി നമ്പര്‍ 008/2020), പോലീസ് കോണ്‍സ്റ്റബിള്‍ (009/2020) തസ്തികകളിലേക്ക് സ്പെഷല്‍ റിക്രൂട്ട്മെന്റിനായി അപേക്ഷ സ്വീകരിക്കുന്ന അവസാന തിയതി ഓഗസ്റ്റ് മൂന്ന് വൈകീട്ട് 5  വരെ നീട്ടിയതായി പി.എസ്.സി ജില്ലാ ഓഫീസര്‍ അറിയിച്ചു.  അട്ടപ്പാടി ബ്ലോക്ക് പരിധിയിലെ  വനാന്തരങ്ങളിലേയും വനാതിര്‍ത്തികളിലേയും സെറ്റില്‍മെന്റ് കോളനികളില്‍ താമസിക്കുന്ന പട്ടികവര്‍ഗവിഭാഗക്കാരായ ഉദ്യോഗാര്‍ത്ഥികള്‍ക്കാണ് അവസരം.