ഓണ്‍ലൈന്‍ പഠനത്തിന് സൗകര്യമില്ലാത്തവര്‍ക്ക് നല്‍കാനായി വിവോ കേരള സൗജന്യമായി ജില്ലാഭരണകൂടത്തിന് കൈമാറിയ സ്മാര്‍ട്ട് ഫോണുകളില്‍ രണ്ടെണ്ണം ജില്ലാകളക്ടര്‍ എ അലക്സാണ്ടര്‍ രണ്ടു വിദ്യാര്‍ത്ഥിനികള്‍ക്ക് സമ്മാനിച്ചു. പത്താം ക്ലാസ് വിദ്യാര്‍ത്ഥിനി അതുല്യ ബാബു, ബിരുദ വിദ്യാര്‍ത്ഥിനി ആര്‍ ഗോപിക എന്നിവര്‍ കളക്ടറുടെ ചേമ്പറില്‍ ഫോണുകള്‍ ഏറ്റുവാങ്ങി. 

മാവേലിക്കര താലൂക്ക് ആശുപത്രി കോവിഡ് ആശുപത്രിയാക്കി മാറ്റുന്നു. ജൂലൈ 14 ന് ജില്ല കളക്ടര്‍ എ.അലക്‌സാണ്ടറുടെ അധ്യക്ഷതയില്‍ ജില്ല മെഡിക്കല്‍ ഓഫീസര്‍ ആരോഗ്യം, മെഡിക്കല്‍ കോളേജ് മെഡിസിന്‍ എച്ച്ഒഡി, ഡോ.സുമ, മെഡിക്കല്‍ കോളജ് സൂപ്രണ്ട്, മാവേലിക്കര താലൂക്ക് ആശുപത്രി സൂപ്രണ്ട്, എന്നിവരുടെ സാന്നിധ്യത്തില്‍ നടന്ന യോഗത്തിലാണ് തീരുമാനം. 

ജില്ലയില്‍ സമ്പര്‍ക്കത്തിലൂടെ കോവിഡ് 19 രോഗബാധ കൂടുതലായി റിപ്പോര്‍ട്ടു ചെയ്യപ്പെട്ട പ്രദേശങ്ങളെ പ്രത്യേകം ക്ലസ്റ്ററുകളായി തിരിച്ച് രോഗ നിരീക്ഷണ നിയന്ത്രണ പ്രവര്‍ത്തനങ്ങള്‍ നടത്തുന്നുവെന്ന് ജില്ലാമെഡിക്കല്‍ ഓഫീസര്‍ (ആരോഗ്യം) അറിയിച്ചു. കായംകുളം, കുറത്തികാട്, നൂറനാട്, പള്ളിത്തോട്, എഴുപുന്ന എന്നിവിടങ്ങളാണ് പ്രത്യേക ക്ലസ്റ്ററുകളായി കണ്ടെത്തിയിരിക്കുന്നത്. ഇവിടങ്ങളില്‍ ആരോഗ്യസ്ഥാപനം കേന്ദ്രീകരിച്ച് പ്രത്യേക നോഡല്‍ ഓഫീസര്‍മാരെ നിയോഗിക്കുകയും കണ്‍ട്രോള്‍ റൂം സജ്ജീകരിക്കുകയും ചെയ്തിട്ടുണ്ട്.  ക്ലസ്റ്റര്‍ പ്രദേശങ്ങളില്‍ പ്രത്യേക മൈക്ക് അനൗണ്‍സ്‌മെന്റ് നടന്നു വരുന്നു.

ആലപ്പുഴ: അടിയന്തിര ഘട്ടത്തിൽ ആവശ്യമെങ്കിൽ കോവിഡ് ചികിത്സയ്ക്ക് ഫസ്റ്റ് ലൈൻ ട്രീറ്റ്‌മെന്റ് സെന്റർ ആക്കുന്നതിന് അമ്പലപ്പുഴ ഉർസുല ആശുപത്രിയിലെ സജ്ജീകരണങ്ങളും സംവിധാനങ്ങളും ജില്ല കളക്ടർ എ അലക്‌സാണ്ടർ നേരിട്ടുസന്ദർശിച്ച് വിലയിരുത്തി. കോവിഡ് ചികിൽസകേന്ദ്രമാക്കുന്നതിന് ആശുപത്രിയും അനുബന്ധ സംവിധാനങ്ങളും വിട്ടുനൽകാൻ ഉർസുല ആശുപത്രി അധികൃതർ കളക്ടറോട് സന്നദ്ധത അറിയിച്ചു. 32 കിടക്കകൾക്കാണ് ഇവിടെ സൗകര്യമുള്ളത്.

ഇന്ന്ആശുപത്രി നിരീക്ഷണത്തില്‍ പ്രവേശിപ്പിക്കപ്പെട്ടവര്‍ 21

ആശുപത്രി നിരീക്ഷണത്തില്‍നിന്ന്ഇന്ന്ഒഴിവാക്കപ്പെട്ടവര്‍ 6

ആശുപത്രി നിരീക്ഷണത്തില്‍കഴിയുന്നവര്‍ആകെ 589

Details of IP -316 in MCH,   25 in Harippad,   2 in kayamkulam,  5 in G.H.,  241 in CFLTC Kayamkulam

ക്വാറന്റയിനില്‍നിന്ന്ഇന്ന്ഒഴിവാക്കപ്പെട്ടവര്‍ 472

ഇന്ന്  ക്വാറന്റയിന്‍ നിര്‍ദേശിക്കപ്പെട്ടവര്‍ 623

രോഗംസ്ഥിരീകരിച്ചവരുമായി നേരിട്ട് സമ്പര്‍ക്കം പുര്‍ത്തിയവര്‍(പ്രൈമറി) ഇന്ന് 128

കൊറോണ വൈറസ് ബാധയുമായി ബന്ധപ്പെട്ട് വസ്തുനിഷ്ഠമല്ലാത്ത വാർത്തകൾ  വാട്ട്സ് ആപ്പിലോ മറ്റ് സാമൂഹിക മാധ്യമങ്ങളിലോ പ്രചരിപ്പിക്കുന്നത് കുറ്റകരമാണെന്നും കർശന നടപടി നേരിടേണ്ടി വരുമെന്നും  ജില്ലാ കളക്ടർ എ അലക്സാണ്ടർ അറിയിച്ചു.    നിരീക്ഷണത്തില്‍ കഴിയുന്നവരെ സംബന്ധിച്ചോ, അനാവശ്യഭീതിപരത്തുന്നതിനായോ വ്യാജവാർത്ത നല്കാൻ ശ്രമിക്കരുത്.   കൂടാതെ ആരോഗ്യ പ്രവർത്തകരെ അധിക്ഷേപിക്കുന്ന വിധത്തിലുള്ള പോസ്റ്റുകളും മറ്റും ഷെയർ ചെയ്യുന്നതു രോഗപ്രതിരോധ നടപടികളെ പിന്നോട്ട് വലിക്കും. 

പട്ടികവര്‍ഗ്ഗ വികസന വകുപ്പ് മുഖേന നടപ്പിലാക്കുന്ന ലാന്റ്  ബാങ്ക് പദ്ധതിയിലേക്ക്  ജില്ലയിലെ 19.25 ഏക്കര്‍ ഭൂമി ഏറ്റെടുത്തു.ഭൂരഹിതരായ പട്ടികവര്‍ഗ്ഗകാര്‍ക്ക് വിതരണം ചെയ്യുന്നതിന് വേണ്ടി തല്‍പരരായ പൊതുജനങ്ങളില്‍  നിന്ന് വിലനല്‍കിയാണ് ഭൂമി ഏറ്റെടുത്തത്.ഇതിന് വേണ്ടി 2.10 കോടിരൂപയാണ് പട്ടികവര്‍ഗ്ഗ വികസനവകുപ്പ് ചെലവഴിച്ചത്.ഭൂരഹിതരായ  പട്ടിക വര്‍ഗ്ഗകാരുടെ ക്ഷേമം ലക്ഷ്യമാക്കിയാണ് ലാന്റ് ബാങ്ക് പദ്ധതി നടപ്പിക്കുന്നത്.ഏറ്റെടുത്ത ഭൂമി പ്ലോട്ടുകളിലായി തിരിച്ച്,ഭൂമിക്കായി അപേക്ഷിച്ച  അര്‍ഹരായ പട്ടികവര്‍ഗ്ഗകാരില്‍ നിന്നും നറുക്കെടുപ്പിലൂടെ തെരഞ്ഞെടുക്കപ്പെടുന്നവര്‍ക്ക് ഭൂമി വിതരണം ചെയ്യും.

ഹയര്‍ സെക്കന്ററി നാഷണല്‍ സര്‍വ്വീസ് സ്‌കീമിന്റെ ആഭിമുഖ്യത്തില്‍ ജില്ലയില്‍ ഹരിതകാന്തി പദ്ധതി ആരംഭിച്ചു. ഇതിന്റെ ഭാഗമായി കോവിഡ് പശ്ചാത്തലത്തില്‍ വീടുകളില്‍ കഴിയുന്ന എന്‍ എസ് എസ് വളണ്ടിയര്‍മാര്‍ 10 വീതം പച്ചക്കറി തൈകള്‍ അവരവരുടെ വീടുകളില്‍ വെച്ചു പിടിപ്പിക്കും. ഓണക്കാലത്ത് വിളവെടുക്കുക എന്ന ലക്ഷ്യത്തോടെ നടപ്പിലാക്കുന്ന പദ്ധതിയില്‍ വീടുകളില്‍ സൗകര്യപ്രദമായ സ്ഥലത്തോ ഗ്രോ ബാഗുകളിലോ നടുന്ന പച്ചക്കറി തൈകളുടെ വിളവെടുപ്പ് വരെയുള്ള വിവിധ  ഘട്ടങ്ങള്‍ ഫോട്ടോ എടുത്ത് പ്രോഗ്രാം ഓഫീസര്‍മാരും വളണ്ടിയര്‍മാരും ഉള്‍പ്പെടുന്ന വാട്‌സ്ആപ്പ് ഗ്രൂപ്പുകളില്‍ ഷെയര്‍ ചെയ്യും.

ജില്ലയില്‍ അനുദിനം കോവിഡ് രോഗികളുടെ എണ്ണത്തില്‍ ഉണ്ടാകുന്ന വര്‍ദ്ധനവിന്റെ  പശ്ചാത്തലത്തില്‍ ആവശ്യമായ ചികിത്സാ സൗകര്യങ്ങള്‍ ഒരുക്കിയിട്ടുണ്ടെന്ന് ജില്ലാ മെഡിക്കല്‍ ഓഫീസര്‍ ഡോ.എ.വി.രാംദാസ് അറിയിച്ചു.

 നിലവില്‍ ജില്ലയിലെ കോവിഡ് ചികിത്സാ കേന്ദ്രങ്ങളിലായി 606 പേരെ കിടത്തി ചികിത്സിക്കാനുള്ള സൗകര്യങ്ങളുണ്ട്. രണ്ട് ദിവസത്തിനുള്ളില്‍ ആയിരം കിടക്കകളുള്ള ചികിത്സാ കേന്ദ്രങ്ങള്‍ സജ്ജീകരിക്കാന്‍ ജില്ലാ ഭരണകൂടവും ആരോഗ്യവകുപ്പും പ്രവര്‍ത്തനങ്ങള്‍ ആരംഭിച്ചു കഴിഞ്ഞു. 10  ദിവസത്തിനകം 4000 പേരെ കിടത്തി ചികിത്സിക്കാനുള്ള സൗകര്യങ്ങള്‍ തയ്യാറാക്കും. 

കോവിഡ് രോഗവ്യാപനം ജില്ലയില്‍ രൂക്ഷമാകുന്ന സാഹചര്യത്തില്‍ ജില്ലയിലെ സര്‍ക്കാര്‍-സ്വകാര്യ ചികിത്സാ കേന്ദ്രങ്ങളില്‍ രോഗപ്പകര്‍ച്ച സാധ്യത ഒഴിവാക്കുന്നതിന് കൂടുതല്‍ ജാഗ്രത പുലര്‍ത്തണമെന്ന് ജില്ലാ മെഡിക്കല്‍ ഓഫീസര്‍  ഡോ. എ.  വി.  രാംദാസ് അറിയിച്ചു. പൊതുജനങ്ങള്‍ അനാവശ്യ ആശുപത്രി സന്ദര്‍ശനം ഒഴിവാക്കണം. രോഗികളുടെ കൂടെ ഒന്നില്‍ കൂടുതല്‍ ആളുകള്‍  ആശുപത്രികള്‍ സന്ദര്‍ശിക്കാതിരിക്കാനും പ്രത്യേകം ശ്രദ്ധിക്കണം. കിടത്തിച്ചികിത്സ ആവശ്യമുള്ളവരുടെ കൂട്ടിരിപ്പിനു ഒരാള്‍ മാത്രമേ ഉണ്ടാകാന്‍ പാടുള്ളൂ.