കേരള വാട്ടർ അതോറിറ്റിയുടെ പി എച്ച് സെക്ഷൻ ഗുരുവായൂരിന് കീഴിലുള്ള ഗുരുവായൂർ, ചാവക്കാട് മുൻസിപ്പാലിറ്റികളിലെ കുടിവെള്ള കണക്ഷന് വേണ്ടിയുള്ള അപേക്ഷകൾ സ്വീകരിക്കുന്നത് പുനരാരംഭിച്ചു. അപേക്ഷകർ ഫോം പൂരിപ്പിച്ച് ഓഫീസിൽ എത്തിക്കേണ്ടതാണ്.
 

കാണം/വെറുമ്പാട്ടാവകാശ ഭൂമിക്ക് ജന്മം അനുവദിച്ച് ക്രയസർട്ടിഫിക്കറ്റ് നൽകുന്നതുമായി ബന്ധപ്പെട്ട് തൃശൂർ ലാൻഡ് ട്രൈബ്യൂണൽ ആൻഡ് ഡെപ്യൂട്ടി കളക്ടർ (എൽ ആർ) ജൂലൈ 18 ന് തൃശൂർ കളക്ടറേറ്റിൽ നടത്താൻ നിശ്ചയിച്ച എസ്എം കേസുകളുടെ വിചാരണ 2021 ഫെബ്രുവരി 20 ലേക്ക് മാറ്റി.

ജീവനക്കാർക്കും കുടുംബശ്രീ പ്രവർത്തകർക്കും കോവിഡ് സ്ഥിരീകരിച്ചതിനെ തുടർന്ന് അടച്ചിട്ട കുന്നംകുളം നഗരസഭയിൽ സേവനങ്ങൾക്കായി ഓൺലൈൻ സൗകര്യം ഏർപ്പെടുത്തി. നികുതികൾ അടയ്ക്കൽ ഓൺലൈനായും അപേക്ഷകൾ ഇ മെയിൽ വഴിയും വാട്സ്ആപ്പ് വഴിയും നൽകാനുള്ള സൗകര്യവും ഒരുക്കിയിട്ടുണ്ട്. നികുതികൾ tax. Isgkerala.gov.in എന്ന വെബ്സൈറ്റിലൂടെ അടയ്ക്കാം. അപേക്ഷകൾ kunnamkulamsecretary@gmail.com എന്ന വിലാസത്തിലും 9539022221 എന്ന വാട്ട്സ്ആപ്പ് നമ്പരിലും സമർപ്പിക്കാം. ഓഫീസ് നമ്പർ- 04885 222221.
 

ജില്ലയുടെ തീരപ്രദേശങ്ങളിൽ ഇതര സംസ്ഥാനങ്ങളിൽ നിന്നും ഇതര ജില്ലകളിൽ നിന്നും വള്ളങ്ങളിലും ബോട്ടുകളിലും കരമാർഗ്ഗവും എത്തിച്ചേർന്ന് അനധികൃതമായി മത്സ്യ കച്ചവടമോ മത്സ്യബന്ധനമോ നടത്തുന്നത് കർശനമായി നിരോധിച്ചുകൊണ്ട് ജില്ലാ കളക്ടർ എസ് ഷാനവാസ് ഉത്തരവിറക്കി. കോവിഡ് 19 സമൂഹ വ്യാപന തോത് ഉയരുന്ന സാഹചര്യം കണക്കിലെടുത്ത് ജില്ലയുടെ തീരപ്രദേശങ്ങളിൽ രോഗ നിർവ്യാപന നടപടികൾ ഫലപ്രദമായി നടപ്പിൽ വരുത്തുന്നതിന്റെ ഭാഗമായാണിത്. നിയമലംഘകർക്കെതിരെ കർശന നടപടി സ്വീകരിക്കും. രാത്രികാല പട്രോളിംഗ് കർശനമാക്കും. ഉത്തരവ് ലംഘിക്കുന്നവർക്കെതിരെ മാതൃകാപരമായ ശിക്ഷാ നടപടികൾ സ്വീകരിക്കുമെന്നും കളക്ടർ അറിയിച്ചു.

ജില്ലയിൽ കോവിഡ് ഫസ്റ്റ് ലൈൻ സെന്ററുകൾ തയ്യാറാക്കുന്നതിന് ആവശ്യമുള്ള വസ്തുക്കൾ സമാഹരിക്കുന്നതിന്റ ഭാഗമായി സുമനസ്സുകളുടെ സഹായം തേടുന്നു. സെൻററുകൾക്കാവശ്യമായ കിടക്കകൾ, ബെഡ്ഷീറ്റുകൾ, തലയിണകൾ, തലയിണ കവറുകൾ, കട്ടിൽ, സ്റ്റീൽ പ്ലേറ്റ്, ഗ്ലാസ് പ്ലേറ്റ്, സ്പൂൺ ജഗ്ഗുകൾ എന്നിവ കളക്ടറേറ്റിൽ എത്തിക്കണമെന്ന് ജില്ലാ കളക്ടർ എസ് ഷാനവാസ് അറിയിച്ചു. കോവിഡ് ലൈൻ സെന്ററിലൂടെ 5000 കിടക്കകൾ ആണ് ജില്ലയിൽ തയ്യാറാക്കുക.

ജില്ലയില്‍ 35 പേര്‍ക്ക് ഇന്നലെ (ജൂലൈ 15) കൊവിഡ് ബാധ സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ എട്ടു പേര്‍ വിദേശത്ത് നിന്നും 15 പേര്‍ ഇതര സംസ്ഥാനങ്ങളില്‍ നിന്നും എത്തിയവരാണ്. ഡിഎസ് സി ഉദ്യോഗസ്ഥരാണ് ഒന്‍പതു പേര്‍. മൂന്നു പേര്‍ക്ക് സമ്പര്‍ക്കം മൂലമാണ് രോഗബാധ. കൊവിഡ് ബാധിച്ച് വിവിധ ആശുപത്രികളില്‍ ചികിത്സയിലായിരുന്ന അഞ്ച് കണ്ണൂര്‍ സ്വദേശികള്‍ ഇന്നലെ രോഗമുക്തരായി.

കേരള കര്‍ഷക കടാശ്വാസ കമ്മീഷന്‍ ജില്ലയിലെ കര്‍ഷകര്‍ക്ക് നല്‍കിയ അവാര്‍ഡില്‍ സര്‍ക്കാര്‍ ഏറ്റെടുത്ത ബാധ്യതാ തുക ബാങ്കുകള്‍ക്ക് അനുവദിച്ചു.ജില്ലയിലെ 18 സര്‍വ്വീസ് സഹകരണ ബാങ്കുകള്‍ക്കായി 61,74,695 രൂപയാണ്  അനുവദിച്ചത്. വായ്പയെടുത്ത 221 കര്‍ഷകര്‍ക്ക് ഇതിന്റെ ആനുകൂല്യം ലഭിക്കും. സര്‍ക്കാര്‍ ഏറ്റെടുത്ത ബാധ്യത കര്‍ഷകര്‍ തന്നെ അടച്ചിടുണ്ടെങ്കില്‍ അവ തിരികെ നല്‍കും. വിവിധ കടാശ്വാസ പദ്ധതികള്‍ പ്രകാരം ബാങ്കുകള്‍ക്ക് അനുവദിച്ച തുക ഇപ്രകാരമാണ്,

ജില്ലയിലെ ഓണ്‍ലൈന്‍ പഠന സൗകര്യമില്ലാത്ത വിദ്യാര്‍ത്ഥികള്‍ക്ക് നല്‍കുന്നതിനായി വിവോ ഗ്രൂപ്പ് 10 സമാര്‍ട്ട് ഫോണുകള്‍ ജില്ലാ കളക്ടര്‍ ഡോ. അദീല അബ്ദുള്ളയ്ക്ക് കൈമാറി. വിവോ ഗ്രൂപ്പ് വയനാട് ബിസിനസ് മാനേജര്‍ വി.എസ് സൂഹൈല്‍, റീറ്റെയില്‍ മാനേജര്‍ എം.കെ ജംഷീര്‍ എന്നിവരാണ് ഫോണുകള്‍ കൈമാറിയത്. സംസ്ഥാനത്ത് വിവോ ഗ്രൂപ്പ് വിദ്യാര്‍ത്ഥികള്‍ക്കായി 140 ഫോണുകളാണ്  നല്‍കിയത്.