തിരുവനന്തപുരം വട്ടിയൂര്‍ക്കാവ് സെന്‍ട്രല്‍ പോളിടെക്‌നിക് കോളേജിലെ കണ്ടിന്യൂയിംഗ് എജ്യുക്കേഷന്‍ സെല്ലില്‍ ആരംഭിക്കുന്ന ഡിപ്ലോമ ഇന്‍ കമ്പ്യൂട്ടര്‍ ആപ്ലിക്കേഷന്‍ (ഡി.സി.എ), കമ്പ്യൂട്ടറൈസ്ഡ് ഫിനാന്‍ഷ്യല്‍ അക്കൗണ്ടിംഗ് (ടാലി), ആട്ടോകാഡ് 2ഡി, ആട്ടോകാഡ് 3ഡി, മൊബൈല്‍ ഫോണ്‍ ടെക്‌നോളജി, അഡ്വാന്‍സ്ഡ് കമ്പ്യൂട്ടര്‍ ഹാര്‍ഡ്‌വെയര്‍, ടോട്ടല്‍ സ്റ്റേഷന്‍, റ്റി.പി കോഴ്‌സുകളിലേക്ക് അപേക്ഷ ക്ഷണിച്ചു. അപേക്ഷാഫോറവും വിവശദവിവരങ്ങളും കണ്ടിന്യൂയിംഗ് എജ്യുക്കേഷന്‍ സെല്‍ ഓഫീസില്‍ ലഭിക്കും. ഫോണ്‍ : 0471 - 2360611.

പി.എന്‍.എക്‌സ്.3627/17

ആര്‍. ബാലകൃഷ്ണപിള്ള ചെയര്‍മാനും പ്രൊഫ. പി.കെ. മാധവന്‍ നായര്‍, മാത്യു സ്റ്റീഫന്‍ (മുന്‍ എം.എല്‍.എ), കരിമ്പുഴ രാമന്‍, കെ.സി. സോമന്‍ നമ്പ്യാര്‍, ബി. രാമചന്ദ്രന്‍ നായര്‍, അഡ്വ. ആര്‍. ഗോപാലകൃഷ്ണപിള്ള എന്നിവര്‍ അനൗദേ്യാഗിക അംഗങ്ങളുമായി കേരള സംസ്ഥാന മുന്നാക്ക സമുദായ ക്ഷേമ കോര്‍പറേഷന്‍ ഡയറക്ടര്‍ ബോര്‍ഡ് പുന:സംഘടിപ്പിച്ച് ഉത്തരവായി. പൊതു ഭരണ വകുപ്പ് പ്രിന്‍സിപ്പല്‍ സെക്രട്ടറി മനോജ് ജോഷി, ധനകാര്യവകുപ്പ് ജോയിന്റ് സെക്രട്ടറി പ്രീത.ബി.എസ്, മുന്നാക്ക സമുദായ ക്ഷേമ കോര്‍പറേഷന്‍ മാനേജിംഗ് ഡയറക്ടര്‍ ഡോ. കെ. അമ്പാടി എന്നിവര്‍ ഔദേ്യാഗിക അംഗങ്ങളാണ്.

പി.എന്‍.എക്‌സ്.3628/17

സംസ്ഥാന ദാരിദ്ര്യ നിര്‍മ്മാര്‍ജന മിഷന്റെ (കുടുംബശ്രീ) ജില്ലാ ഓഫീസുകളില്‍ ഡെപ്യൂട്ടേഷന്‍ നിയമനത്തിന് കേന്ദ്ര-സംസ്ഥാന സര്‍ക്കാര്‍/അര്‍ദ്ധസര്‍ക്കാര്‍ ജീവനക്കാരില്‍ നിന്നും അപേക്ഷ ക്ഷണിച്ചു. കുടുംബശ്രീ ജില്ലാ മിഷനുകളിലെ അസിസ്റ്റന്റ് ജില്ലാ മിഷന്‍ കോ-ഓര്‍ഡിനേറ്റര്‍, ഓഫീസ് സെക്രട്ടേറിയല്‍ സ്റ്റാഫ് എന്നീ തസ്തികകളിലാണ് നിയമനം. യോഗ്യതയുള്ള ജീവനക്കാര്‍ ചട്ടപ്രകാരം അവരുടെ മാതൃവകുപ്പില്‍ നിന്നുള്ള എന്‍.ഒ.സി സഹിതം അപേക്ഷിക്കണം. കോട്ടയം, മലപ്പുറം, കോഴിക്കോട്, കണ്ണൂര്‍ എന്നിവിടങ്ങളിലാണ് അസി. ജില്ലാമിഷന്‍ കോ-ഓര്‍ഡിനേറ്ററുടെ ഒഴിവുകള്‍. 26500 - 56700 (പുതുക്കിയത്) ആണ് ശമ്പള സ്‌കെയില്‍.

സര്‍ക്കാരിന്റെ ഹരിതകേരളം പദ്ധതിയുമായി ബന്ധപ്പെട്ട് സെക്രട്ടേറിയറ്റിലെ ആസൂത്രണ സാമ്പത്തിക കാര്യ (സി.പി.എം.യു) വകുപ്പിലേക്ക് കമ്പ്യൂട്ടര്‍ അസിസ്റ്റന്റ് തസ്തികയില്‍ ഒരു വര്‍ഷത്തേക്ക് കരാര്‍ അടിസ്ഥാനത്തില്‍ നിയമനം നടത്തുന്നതിന് ആഗസ്റ്റ് 26 ന് രാവിലെ 11ന് ആസൂത്രണ സാമ്പത്തിക കാര്യ (സി.പി.എം.യു) ഡയറക്ടറുടെ ചേമ്പറില്‍ വാക്ക്-ഇന്‍-ഇന്റര്‍വ്യൂ നടത്തും. സ്റ്റാറ്റിസ്റ്റിക്‌സ്, കമ്പ്യൂട്ടര്‍ സയന്‍സ്, മാത്തമാറ്റിക്‌സ് വിഷയങ്ങളില്‍ ബിരുദാനന്തര ബിരുദം/എം.സി.എ ബിരുദം, വേഡ് പ്രോസസിംഗ്, ഡാറ്റാ അനാലിസിസ് എന്നിവയില്‍ പ്രാവീണ്യം.

സ്ത്രീകള്‍ക്കു നേരേയുള്ള അതിക്രമങ്ങള്‍ തടയാന്‍ വ്യാപകമായ ബോധവത്കരണം ആവശ്യമാണെന്നും സമൂഹത്തില്‍ നിന്ന് സ്ത്രീകള്‍ക്ക് ആദരവ് ലഭിക്കേണ്ടതുണ്ടെന്നും ആരോഗ്യ സാമൂഹ്യനീതി വകുപ്പ് മന്ത്രി കെ. കെ. ശൈലജ ടീച്ചര്‍ പറഞ്ഞു. സാമൂഹ്യനീതി വകുപ്പ് തൈക്കാട് ഗസ്റ്റ് ഹൗസില്‍ സംഘടിപ്പിച്ച മാതാപിതാക്കളുടെയും മുതിര്‍ന്ന പൗരന്‍മാരുടെയും ക്ഷേമവും സംരക്ഷണവും പഠനക്ലാസ് ഉദ്ഘാടനം ചെയ്യുകയായിരുന്നു മന്ത്രി. സ്ത്രീകള്‍ക്ക് നേരേയുണ്ടാകുന്ന അതിക്രമങ്ങള്‍ക്കുള്ള ശിക്ഷകളെക്കുറിച്ചും നിയമങ്ങളെക്കുറിച്ചും അവബോധമുണ്ടാക്കണം. ഇതിനാവശ്യമായ നടപടി സാമൂഹ്യനീതി വകുപ്പ് സ്വീകരിക്കുമ്പോള്‍ ആഭ്യന്തര വകുപ്പിന്റെ എല്ലാ പിന്തുണയുമുണ്ട്.

ഒന്‍പത്, പത്ത്, 11, 12 ക്ലാസുകളില്‍ പഠിക്കുന്ന മത്സ്യത്തൊഴിലാളി ക്ഷേമനിധി ബോര്‍ഡില്‍ അംഗമായതും ആംആദ്മി ബീമയോജന ലിസ്റ്റില്‍ ഉള്‍പ്പെട്ടിട്ടുളളതുമായ മത്സ്യത്തൊഴിലാളികളുടെ മക്കളായ വിദ്യാര്‍ത്ഥികള്‍ക്ക് ആം ആദ്മി ബീമ യോജന പദ്ധതി 2017 -18 പ്രകാരം സ്‌കോളര്‍ഷിപ്പിന് അപേക്ഷിക്കാം. പ്രതിവര്‍ഷം പരമാവധി രണ്ടു മക്കള്‍ക്ക് ലഭിക്കും. 2017 മാര്‍ച്ചില്‍ പ്ലസ്ടു പൂര്‍ത്തിയാക്കുന്ന വിദ്യാര്‍ത്ഥികള്‍ക്കും സ്‌കോളര്‍ഷിപ്പിന് അപേക്ഷിക്കാം. അനുബന്ധരേഖകള്‍ സഹിതം ആഗസ്റ്റ് 15നകം ഫിഷറീസ് ഓഫീസുകളില്‍ അപേക്ഷിക്കണം.

പി.എന്‍.എക്‌സ്.3382/17

സംസ്ഥാന വ്യവസായ വകുപ്പിന് കീഴിലുള്ള പൊതുമേഖല വ്യവസായ പുനസംഘടനാ ബോര്‍ഡ് (റിയാബ്) പൊതുമേഖല സഥാപനങ്ങളില്‍ ജി.എസ്.റ്റി നടപ്പാക്കുമ്പോള്‍ എന്ന വിഷയത്തില്‍ ശില്പശാല സംഘടിപ്പിക്കുന്നു. ഇന്ന് (ആഗസ്റ്റ് നാല്) രാവിലെ 10 ന് എറണാകുളം ഗസ്റ്റ് ഹൗസിലാണ് ശില്പശാല. വിദഗ്ധര്‍ വിവിധ വിഷയങ്ങളില്‍ ക്ലാസ്സുകളെടുക്കും. വകുപ്പിന് കീഴിലുള്ള പൊതുമേഖലാ സ്ഥാപനങ്ങളിലെ മാനേജിങ് ഡയറക്ടര്‍ക്കും ഉന്നത ഉദേ്യാഗസ്ഥര്‍ക്കും ജി.എസ്.റ്റിയെക്കുറിച്ച് കൂടുതല്‍ അവബോധം വരുത്തുന്നതിനാണ് ശില്പശാല.

പി.എന്‍.എക്‌സ്.3381/17

സംസ്ഥാന വൈദ്യുതി ഉപദേശക സമിതി യോഗം ആറുമാസത്തിലൊരിക്കല്‍ ചേരണം എന്ന ഭേദഗതി സംബന്ധിച്ച് അഭിപ്രായങ്ങളും നിര്‍ദ്ദേശങ്ങളും 25 ന് മുമ്പ് സമര്‍പ്പിക്കണമെന്ന് റഗുലേറ്ററി കമ്മീഷന്‍ സെക്രട്ടറി അറിയിച്ചു. ഭേദഗതിയുടെ കരട് വിജ്ഞാപനം erckerala.orgയില്‍ പ്രസിദ്ധീകരിച്ചിട്ടുണ്ട്.

പി.എന്‍.എക്‌സ്.3380/17

കേരള ഹൈക്കോടതിയുടെ ഇ കോര്‍ട്ട് പദ്ധതിയില്‍ സെന്‍ട്രല്‍ പ്രോജക്ട് കോ ഓര്‍ഡിനേറ്റര്‍ വിഭാഗത്തില്‍ വിവിധ ഒഴിവുകളില്‍ കരാര്‍ നിയമനത്തിന് ഓണ്‍ലൈനില്‍ അപേക്ഷിക്കാം. ഡെവലപ്പറുടെ അഞ്ചും സീനിയര്‍ ടെക്‌നിക്കല്‍ ഓഫീസറുടെ ഒന്നും സീനിയര്‍ ഓഫീസര്‍/ടെക്‌നിക്കല്‍ അസിസ്റ്റന്റിന്റെയും സീനിയര്‍ ഡെവലപ്പറുടെയും രണ്ടു വീതവും ഒഴിവുകളുണ്ട്. വിശദവിവരം www.hckrecruitment.nic.in ല്‍ ലഭിക്കും. 1982 ജനുവരി രണ്ടിനും അതിനു ശേഷവും ജനിച്ചവര്‍ക്ക് അപേക്ഷിക്കാം.

പി.എന്‍.എക്‌സ്..3379/17

മട്ടന്നൂര്‍ നഗരസഭാ തിരഞ്ഞെടുപ്പ് നടക്കുന്ന സാഹചര്യത്തില്‍ മട്ടന്നൂര്‍ നഗരസഭ, തലശേരി നഗരസഭ, ഇരിട്ടി ബ്ലോക്ക് പഞ്ചായത്ത്, തലശ്ശേരി ബ്ലോക്ക് പഞ്ചായത്ത് എന്നിവയുടെ പരിധിയിലെ സര്‍ക്കാര്‍, അര്‍ദ്ധ സര്‍ക്കാര്‍, പൊതുമേഖലാ സ്ഥാപനങ്ങള്‍ എന്നിവയിലെ പോളിംഗ് ഡ്യൂട്ടിക്ക് നിയോഗിച്ചിട്ടുളള ജീവനക്കാരെയും അധ്യാപകരെയും തിരഞ്ഞെടുപ്പ് കഴിയുന്നതുവരെ സ്ഥലം മാറ്റരുതെന്ന് സര്‍ക്കാര്‍ ഉത്തരവായി. ഏതെങ്കിലും ഉദേ്യാഗസ്ഥനെ സ്ഥലം മാറ്റണമെങ്കില്‍ ഉത്തരവിറക്കുന്നതിന് മുമ്പ് സംസ്ഥാന തിരഞ്ഞെടുപ്പ് കമ്മീഷന്റെ അനുമതി വാങ്ങണം.

പി.എന്‍.എക്‌സ്.3378/17