പൊഴുതന ഗ്രാമപഞ്ചായത്തിലെ സാന്ത്വനം പാലിയേറ്റീവ് കെയര്‍ യൂണിറ്റിന് ആംബുലന്‍സ് വാങ്ങുന്നതിന് സി.കെ.ശശീന്ദ്രന്‍ എം.എല്‍.എ.യുടെ പ്രത്യേക വികസന നിധിയില്‍ നിന്ന് 9,50,000 രൂപ അനുവദിച്ചു.

അറിയിപ്പ്

ദേശീയ ദുരന്ത നിവാരണ അതോറിറ്റിയുടെ ആഭിമുഖ്യത്തില്‍ ജില്ലയിലെ ദുരന്തനിവാരണവുമായി ബന്ധപ്പെട്ട ഉദ്യോഗസ്ഥര്‍ക്ക് കലക്ട്രേറ്റില്‍ വീഡിയോ കോണ്‍ഫറന്‍സ് വഴി പരിശീലനം നല്‍കി. ജില്ലാ കളക്ടര്‍ ചെയര്‍മാനായ ജില്ലാ ദുരന്ത നിവാരണ അതോറിറ്റി സ്വീകരിക്കേണ്ട നടപടിക്രമങ്ങള്‍, ദുരന്തങ്ങള്‍ നേരിടാനുള്ള സേനയെ സജ്ജമാകാനുള്ള നിര്‍ദ്ദേശങ്ങള്‍ തുടങ്ങിയവയാണ് വീഡിയോ കോണ്‍ഫറന്‍സിലൂടെ പങ്കുവെച്ചത്.

വയനാട്ടില്‍ മൊബൈല്‍ മെഡിക്കല്‍ ആന്‍ഡ് സര്‍വെലന്‍സ് യൂണിറ്റ് സ്ഥാപിക്കുന്നതിനുള്ള താല്‍പര്യപത്രം ആരോഗ്യകേരളം വയനാട് ജില്ലാ ഓഫിസില്‍ സമര്‍പ്പിക്കുന്നതിനുള്ള തീയതി ആഗസ്റ്റ് ഒന്ന് വരെ ദീര്‍ഘിപ്പിച്ചതായി ജില്ലാ പ്രോഗ്രാം മാനേജര്‍ അറിയിച്ചു. വിശദവിവരങ്ങള്‍ക്ക് കൈനാട്ടിയിലുള്ള ആരോഗ്യകേരളം ഓഫിസുമായി ബന്ധപ്പെടാം.  ഫോണ്‍ 04936 202771.

കേരള ഖാദി ഗ്രാമവ്യവസായ ബോര്‍ഡിന്റെ കല്‍പ്പറ്റ പള്ളിത്താഴെ റോഡില്‍ പ്രവര്‍ത്തിക്കുന്ന ഖാദി ഗ്രാമസൗഭാഗ്യയില്‍ ബക്രീദ്- ഓണം പ്രാമാണിച്ച്  ജൂലൈ 28 മുതല്‍ ആഗസ്റ്റ് 30 വരെ ഖാദി തുണിത്തരങ്ങള്‍ക്ക്് 10 ശതമാനം മുതല്‍ 30 ശതമാനം വരെ ഗവ.സ്പെഷ്യല്‍ റിബേറ്റ് ആരംഭിച്ചതായി പ്രോജക്ട് ഓഫീസര്‍ അറിയിച്ചു. ഫോണ്‍: 04936 203603.

ബത്തേരിയിലെ മലബാര്‍ ട്രേഡിങ് കമ്പനിയിലെ ജീവനക്കാരായ നിരവധി പേര്‍ക്ക് കോവിഡ് സ്ഥിരീകരിച്ച പശ്ചാത്തലത്തില്‍ ജൂലൈ 5 മുതല്‍ ഈ വ്യാപാര സ്ഥാപനത്തില്‍ വന്ന മുഴുവന്‍ പേരും അടിയന്തരമായി അതത് പ്രാഥമികാരോഗ്യ കേന്ദ്രങ്ങളില്‍ റിപ്പോര്‍ട്ട് ചെയ്യണമെന്ന് ജില്ലാ കലക്ടര്‍ ഡോ. അദീല അബ്ദുള്ള അറിയിച്ചു. സമ്പര്‍ക്കമുള്ളവരുടെ കോവിഡ് പരിശോധന നടത്തേണ്ടത് അനിവാര്യമായതിനാല്‍ ഇക്കാര്യത്തില്‍ വീഴ്ച വരുത്തുന്നത് വ്യക്തിപരമായും കുടുംബപരമായും സാമൂഹികമായും വലിയ പ്രത്യാഘാതങ്ങള്‍ക്ക് കാരണമാകുമെന്ന് കലക്ടര്‍ പറഞ്ഞു.

എറണാകുളം: കോവിഡ് 19 രോഗത്തിന്റെ അതിവ്യാപനമുണ്ടായാൽ നേരിടാന്‍ ഒരുങ്ങി ജില്ലയിലെ ഫസ്റ്റ്ലൈന്‍ ട്രീറ്റ്‌മെന്റ് സെന്റെറുകൾ (എഫ്.എല്‍.ടി.സി) . ജില്ലയിലെ വിവിധ തദ്ദേശ സ്വയംഭരണ സ്ഥാപനങ്ങളിലായി ഇതുവരെ തയ്യാറായിട്ടുള്ളത് 142 എഫ്.എല്‍.ടി.സികളാണ്. ഇവിടങ്ങളിൽ 7887 കിടക്കകളാണ് സജ്ജീകരിച്ചിരിക്കുന്നത്. 600 മുതല്‍ 800 കിടക്കകൾ വിവിധ കേന്ദ്രങ്ങളിലായി ഉടന്‍ സജ്ജമാകും. 10,000 കിടക്കകളാണ് വിവിധ എഫ്.എല്‍.ടി.സികളിലായി ജില്ലയില്‍ സജ്ജമാക്കുവാന്‍ ലക്ഷ്യമിടുന്നത്.

കൊച്ചി: സംസ്ഥാനത്തെ പട്ടികജാതി വിഭാഗത്തില്‍പ്പെട്ട വിദ്യാര്‍ഥികളുടെ പഠന നിലവാരം മെച്ചപ്പെടുത്തുന്നതിന്റെ ഭാഗമായി പട്ടികജാതി വികസന വകുപ്പിന്റെ പഠനമുറി ധനസഹായ പദ്ധതി 2020-21 പ്രകാരം ജില്ലയിലെ സര്‍ക്കാര്‍/എയ്ഡഡ്, സ്‌പെഷ്യല്‍/ടെക്‌നിക്കല്‍ സ്‌കൂളുകളില്‍ പഠിക്കുന്നതും (സ്റ്റേറ്റ് സിലബസ്) ഗ്രാമസഭാ ലിസ്റ്റ് നിലവില്‍ ഇല്ലാത്തതുമായ പഞ്ചായത്തുകളിലെ ഹൈസ്‌കൂള്‍, പ്ലസ് ടു തലത്തില്‍ പഠിക്കുന്ന വിദ്യാര്‍ഥികളുടെ മാതാപിതാക്കളില്‍ നിന്നും അപേക്ഷ ക്ഷണിച്ചു.

കൊച്ചി: ജില്ലാ എംപ്ലോയ്‌മെന്റ് എക്‌സ്‌ചേഞ്ചിന്റെ ആഭിമുഖ്യത്തില്‍ പ്ലസ്ടു  വിജയിച്ച കുട്ടികള്‍ക്കായി ഉപരിപഠന സാധ്യതകളെ പരിചയപ്പെടുത്തുന്നതിനായി ഓഗസ്റ്റ് മൂന്നിന്  വെബിനാര്‍(ഓണ്‍ലൈന്‍ സെമിനാര്‍) നടത്തുന്നു. പ്രസ്തുത വെബിനാറില്‍ പങ്കെടുക്കുവാന്‍ താല്പിര്യമുള്ള  ഈ വര്‍ഷം പ്ലസ്ടു വിജയിച്ച കുട്ടികള്‍ 0484 2422452,  9744998342 ഫോണ്‍ നമ്പറില്‍ ബന്ധപ്പെട്ട് തങ്ങളുടെ പേര് രജിസ്റ്റര്‍ ചെയ്യേണ്ടതാണ്. ആദ്യം രജിസ്റ്റര്‍ ചെയ്യുന്ന 150 പേര്‍ക്കായിരിക്കും അവസരം ലഭിക്കുന്നത്.