കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  25) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 13 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 24  പേരെ അറസ്റ്റ് ചെയ്തു. 
 
*മാസ്ക് ധരിക്കാത്ത 164 പേർക്കെതിരെ കേസ്* 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 164 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 

കോവിഡ് 19 ബാധിതരായി  ജില്ലയില്‍ നിലവില്‍ 332 പേരാണ് ചികിത്സയിലുള്ളത്.  ഇന്ന് (ജൂലൈ 25) ജില്ലയില്‍ 35 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 36 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 31399 സാമ്പിളുകള്‍ പരിശോധനയ്ക്കായി അയച്ചതില്‍ 29611 പരിശോധനാ ഫലങ്ങളാണ് ലഭ്യമായത്. ഇന്ന് 364 പരിശോധനാ ഫലങ്ങളാണ് ലഭിച്ചത്. പുതുതായി 136 സാമ്പിളുകൾ അയച്ചു. 1381 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1037 പേർ രോഗമുക്തി നേടി. ഇനി 1788 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

പാലക്കാട് ജില്ലയിൽ ഇന്ന്(ജൂലൈ 25) കോട്ടയം, മലപ്പുറം സ്വദേശികൾക്ക് ഉൾപ്പെടെ 35 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 
ഇതിൽ പട്ടാമ്പിയിലും സമീപ പ്രദേശങ്ങളിലും നടത്തിയ പരിശോധനകളിലൂടെ രോഗബാധ കണ്ടെത്തിയ
17 പേരും ഉൾപ്പെടും.
കൂടാതെ രണ്ട് അതിഥി തൊഴിലാളികൾ ഉൾപ്പെടെ ഇതര സംസ്ഥാനങ്ങളിൽ നിന്ന് വന്ന നാല് പേരും സമ്പർക്കത്തിലൂടെ രോഗം ബാധിച്ച 13 പേരും ആണ് ഉള്ളത്.
ജില്ലയിൽ ഇന്ന് 23 പേർ രോഗ മുക്തി നേടിയതായും ആരോഗ്യവകുപ്പ് അധികൃതർ അറിയിച്ചു.

എലപ്പുള്ളി താലൂക്കാശുപത്രിയില്‍ താല്‍കാലിക അടിസ്ഥാനത്തില്‍ ഹോസ്പിറ്റല്‍ അറ്റന്‍ഡര്‍ ഗ്രേഡ്-2 (ക്ലീനിങ് സ്റ്റാഫ്) നിയമനം നടത്തുന്നു. ഏഴാം ക്ലാസ്സ് യോഗ്യതയുള്ള 30  നും 50 നും ഇടയില്‍ പ്രായമുള്ളവര്‍ക്ക് അപേക്ഷിക്കാം. താത്പര്യമുള്ളവര്‍ ജൂലൈ 27 ന് വൈകിട്ട് 5 നകം 
 0491 2584431 എന്ന നമ്പറിലോ thelappully@gmail.com ലോ പേരും ഫോൺ  നമ്പറും അറിയിക്കണം. കൂടിക്കാഴ്ചയുടെ സ്ഥലവും തീയതിയും നേരിട്ട് അറിയിക്കുമെന്ന് ആശുപത്രി സൂപ്രണ്ട് അറിയിച്ചു.

കോവിഡ് 19 പ്രതിരോധത്തിന്റെ  ഭാഗമായി ജില്ലാ മൃഗാശുപത്രിയിൽ  ചികിത്സയുമായി ബന്ധപ്പെട്ട്  ക്രമീകരണങ്ങൾ ഏർപ്പെടുത്തിയതായി ചീഫ് വെറ്റിനറി സർജൻ അറിയിച്ചു. ജില്ലാ  മൃഗാശുപത്രിയിൽ തിരക്ക് വർദ്ധിക്കുന്ന സാഹചര്യത്തിലാണ് നടപടി. 

 *ക്രമീകരണങ്ങൾ ഇപ്രകാരം*
  
1. നഗരസഭ അതിർത്തിക്ക് പുറത്തുള്ളവർ അതത് പ്രദേശങ്ങളിലെ മൃഗാശുപത്രിയിലെ സേവനങ്ങൾ പരമാവധി പ്രയോജനപ്പെടുത്തുക. 

2. അത്യാവശ്യഘട്ടങ്ങളിൽ മാത്രം മൃഗങ്ങളെ ആശുപത്രിയിൽ കൊണ്ടുവരിക. പരമാവധി ഡോക്ടർമാരെ  ഫോണിൽ ബന്ധപ്പെട്ട്  സഹായം തേടുക. 
ഡോ. ജോജു  ഡേവിസ്-9447417100,  ഡോ. രഞ്ജിത്ത് മോഹൻ- 9447278281.

185 പേര്‍ രോഗ മുക്തരായി
ഉറവിടമറിയാതെ 16 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍  592 പേര്‍
ഇതുവരെ രോഗബാധ സ്ഥിരീകരിച്ചത്  1,630 പേര്‍ക്ക്
1,330 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 37,323 പേര്‍