തൃശൂർ ജില്ലാ എംപ്ലോയ്‌മെന്റ് എക്‌സ്‌ചേഞ്ചിലെ വൊക്കേഷണൽ ഗൈഡൻസ് യൂണിറ്റിന്റെ നേതൃത്വത്തിൽ പ്ലസ് ടു കോമേഴ്‌സ്/ഹ്യൂമാനിറ്റീസ് പാസ്സായ കുട്ടികൾക്കായി ഉപരിപഠന സാധ്യതകളെക്കുറിച്ച് സൗജന്യ വെബിനാർ നടത്തുന്നു. ആഗസ്റ്റ് അഞ്ച് ഗൂഗിൾ മീറ്റ് ആപ്ലിക്കേഷൻ വഴിയാണ് വെബിനാർ നടത്തുക. ആദ്യം രജിസ്റ്റർ ചെയ്യുന്ന 250 കുട്ടികൾക്കാണ് പങ്കെടുക്കാൻ സാധിക്കുക. താൽപര്യമുളളവർ ആഗസ്റ്റ് നാലിനകം പേര് രജിസ്റ്റർ ചെയ്യണം. ഫോൺ: 0487 2331016, 2333742, 9446228282.

തൃശൂർ കയർ പ്രൊജക്ട് ഓഫീസിന്റെ ഔദ്യോഗിക ആവശ്യങ്ങൾക്കായി പ്രതിമാസ നിരക്കിൽ കാർ ലഭ്യമാക്കാൻ ടെണ്ടർ ക്ഷണിച്ചു. ടെണ്ടർ സ്വീകരിക്കുന്ന അവസാന തീയതി ആഗസ്റ്റ് 20 വൈകീട്ട് മൂന്ന് മണി. ഫോൺ: 0487 2423047.
 

കേരള കലാമണ്ഡലം ആർട്ട് ഹയർ സെക്കണ്ടറി സ്‌ക്കൂൾ പ്ലസ് വൺ പ്രവേശനത്തിന് അപേക്ഷ ക്ഷണിച്ചു. പത്താം ക്ലാസ് ജയിച്ച 2020 ജൂൺ ഒന്നിന് 20 വയസ്സ് കവിയാത്തവർക്ക് അപേക്ഷിക്കാം. പട്ടികജാതി/പട്ടികവർഗ വിഭാഗകാർക്ക് രണ്ട് വർഷം വയസ്സിളവ് ലഭിക്കും. പൂരിപ്പിച്ച അപേക്ഷ സ്വീകരിക്കുന്ന അവസാന തീയതി ആഗസ്ത് 14. കൂടുതൽ വിവരങ്ങൾ കലാമണ്ഡലത്തിന്റെ ഔദ്യോഗിക വെബ്‌സൈറ്റായ www.kalamandalam.org ൽ നിന്ന് ലഭ്യമാണ്.

കേരളത്തിന്റെ കാർഷിക സംസ്കൃതിയിൽ വലിയ പങ്കാണ് ക്ഷീരമേഖലക്കുള്ളത്. ക്ഷീരകർഷകർക്ക് കൈത്താങ്ങാവാൻ മാതൃകപരമായ പദ്ധതി ആവിഷ്കരിച്ച് അവസാനഘട്ടത്തിൽ എത്തിയിരിക്കുകയാണ് കോട്ടൂർ ഗ്രാമപഞ്ചായത്ത്.  'മിഷൻ സേഫ് മിൽക്ക് കോട്ടൂർ '  എന്ന് പേരിട്ടിരിക്കുന്ന പദ്ധതി മറ്റ് ഗ്രാമ പഞ്ചായത്തുകൾക്കും അനുകരണീയമായ മാതൃകയാണ്. ഒരു സൊസൈറ്റിയുടെ കീഴിലെ എല്ലാ കര്‍ഷകരുടെയും പാലുല്‍പ്പാദന ഘട്ടങ്ങള്‍ ശാസ്ത്രീയമായി ഏകീകരിക്കുക എന്നതാണ് പദ്ധതിയുടെ ലക്ഷ്യം. 

കളിമൺപാത്ര നിർമ്മാണ വിപണന ക്ഷേമ വികസന കോർപ്പറേഷൻ നൽകുന്ന പദ്ധതിയനുസരിച്ചുളള അപേക്ഷകൾ നൽകേണ്ട അവസാന തീയതി ആഗസ്റ്റ് 15 വരെ നീട്ടി. വിശദവിവരങ്ങൾ www.keralapottery.org എന്ന വെബ്‌സൈറ്റിൽ ലഭിക്കും.

    ക്രിട്ടിക്കല്‍ കണ്ടെയിന്‍മെന്റ് പരിധിയില്‍ വരുന്ന അഞ്ചുതെങ്ങ്, കടയ്ക്കാവൂര്‍ ഗ്രാമപഞ്ചായത്തുകളില്‍ നിബന്ധനകളോടെ അക്ഷയ സെന്ററുകള്‍ പ്രവര്‍ത്തിക്കാന്‍ അനുമതി നല്‍കിയതായി ജില്ലാ കളക്ടര്‍ ഡോ. നവജ്യോത് ഖോസ അറിയിച്ചു. പ്രദേശത്തെ പ്രത്യേക സാഹചര്യം കണക്കിലെടുത്താണ് തീരുമാനം. അക്ഷയ സെന്ററുകള്‍ രാവിലെ ഒന്‍പതു മുതല്‍ ഉച്ചയ്ക്ക് ഒരുമണി വരെ മാത്രമേ പ്രവര്‍ത്തിക്കാന്‍ പാടുള്ളു. തിരക്ക് കുറയ്ക്കുന്നതിനായി ടോക്കണ്‍ സമ്പ്രദായം ഏര്‍പ്പെടുത്തണം. ജീവനക്കാരും പൊതുജനങ്ങളും സാനിറ്റൈസര്‍, മാസ്‌ക്, സാമൂഹിക അകലം ഉള്‍പ്പടെയുള്ള കോവിഡ് മാനദണ്ഡങ്ങള്‍ കൃത്യമായും പാലിക്കണമെന്നും കളക്ടര്‍ അറിയിച്ചു.

നാഷണൽ സ്‌കിൽസ് ക്വാളിഫിക്കേഷൻ ഫ്രയിംവർക്ക് (എൻ എസ്‌ക്യൂ എഫ്) പാഠ്യപദ്ധതി ജില്ലയിലെ മുഴുവൻ വിഎച്ച്എസ്ഇ സ്‌കൂളുകളിലും നടപ്പിലാക്കുന്നു. ഹയർ സെക്കൻഡറി തലത്തിൽ അക്കാദമിക് വിഷയങ്ങൾക്കൊപ്പം തൊഴിൽ നൈപുണ്യവും ശക്തിപ്പെടുത്തുന്നത് ലക്ഷ്യമിട്ടാണ് പൊതുവിദ്യാഭ്യാസ വകുപ്പ് പദ്ധതി പ്രാവർത്തികമാക്കിയത്. ഇത് പ്രകാരം ഈ അദ്ധ്യയന വർഷം മുതൽ വി എച്ച് എസ് ഇ സ്‌കൂളുകളിൽ നടത്തുന്ന വൊക്കേഷണൽ കോഴ്‌സുകൾ എൻ എസ് ക്യു എഫ് അധിഷ്ഠിത പാഠ്യപദ്ധതിക്കനുസൃതമായ കോഴ്‌സുകളിലേക്ക് മാറ്റിയിട്ടുണ്ട്.

ജില്ലാ വനിതാ ശിശുവികസന ഓഫീസിലെ ഔദ്യോഗികാവശ്യത്തിനായി ഇലക്ട്രിക്ക് കാർ 2020-21 സാമ്പത്തിക വർഷത്തേക്ക് ലഭ്യമാക്കാൻ ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ആഗസ്റ്റ് 17 ഉച്ചയ്ക്ക് 2 മണി. ഫോൺ: 0487 2361500.