ജില്ലയിലെ കോവിഡ് പ്രാഥമിക ചികിത്സാ കേന്ദ്രങ്ങളില്‍ പൊലീസ് പട്രോളിംഗ് ശക്തമാക്കുമെന്നും പുറത്ത് നിന്നുള്ള ഒരു ഭക്ഷ്യവസ്തുവും അനുവദിക്കില്ലെന്നും ജില്ലാ കലക്ടര്‍ അറിയിച്ചു.
ചാത്തന്നൂര്‍ കുമ്മല്ലൂരിലെ കോവിഡ് പ്രാഥമിക ചികിത്സാ കേന്ദ്രത്തില്‍ കഴിഞ്ഞ ദിവസം അന്തേവാസികള്‍ക്ക് ഭക്ഷണം നല്‍കാനെന്ന പേരില്‍ അതിക്രമിച്ചു കയറി ലഹരി വസ്തുക്കള്‍ കൈമാറിയതും സമാധാന ഭംഗമുണ്ടാക്കിയതും ആരോഗ്യപ്രവര്‍ത്തകരെ കയ്യേറ്റം ചെയ്യാന്‍ ശ്രമിച്ചതും ഗൗരവമായി കാണുമെന്നും ഇത്തരക്കാര്‍ക്കെതിരെ കര്‍ശന നടപടി സ്വീകരിക്കുമെന്നും കലക്ടര്‍ അറിയിച്ചു. ജില്ലാ പോലീസ് മേധാവിമാരെ ഇതിനായി ചുമതലപ്പെടുത്തിയിട്ടുണ്ട്.

കോവിഡ് വ്യാപനം നേരിടുന്നതിന് പ്രാഥമിക ചികിത്സാ കേന്ദ്രങ്ങളുടെ രൂപീകരണം അനിവാര്യമായതിനാല്‍ സ്ഥാപന നിരീക്ഷണ കേന്ദ്രമായ സെന്റ് സേവ്യഴ്‌സ് വിദ്യാനികേതന്‍, പ്രവാസി വെല്‍ഫെയര്‍ സെന്ററായ വള്ളിക്കാവ് മാതാ അമൃതാനന്ദമയി മഠം ആയുര്‍വേദ കോളജിലെ ലേഡീസ് ഹോസ്റ്റല്‍ എന്നിവ കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററായി ഏറ്റെടുത്ത് ജില്ലാ കലക്ടര്‍ ഉത്തരവായി. ഇതിനായി തഹസീല്‍ദാര്‍മാരെ ചുമലപ്പെടുത്തിയിട്ടുണ്ട്.
(പി.ആര്‍.കെ നമ്പര്‍ 1984/2020)
 

കോവിഡ് വ്യാപനം തടയുന്നതിന് വാര്‍ഡുതല കര്‍മ സമിതികളുടെ പ്രവര്‍ത്തനം ശക്തിപ്പെടുത്താന്‍ ഗ്രാമപഞ്ചായത്ത് സെക്രട്ടറിമാര്‍ക്ക് മാര്‍ഗനിര്‍ദേശങ്ങളായി.  10 മുതല്‍ 15  വരെ വീടുകള്‍ അടങ്ങുന്ന ഓരോ ക്ലസ്റ്റര്‍ ഗ്രൂപ്പുകള്‍ രൂപീകരിച്ച് അവയെ സ്വയം നിയന്ത്രിത ക്ലോസ്ഡ് ഗ്രൂപ്പുകളായി മാറ്റണം. ക്ലസ്റ്ററിനുളളില്‍ കര്‍ശനമായും കോവിഡ് മാനദണ്ഡങ്ങള്‍ നടപ്പിലാക്കപ്പെടുന്നുണ്ടെന്ന് ഉറപ്പ് വരുത്തണം. രൂപീകരിക്കപ്പെടുന്ന ഗ്രൂപ്പുകള്‍ തമ്മില്‍ പരസ്പര സമ്പര്‍ക്കം ഒഴിവാക്കണം.

പത്തനംതിട്ട ജില്ലയില്‍ ഇന്ന് (25) 52 പേര്‍ക്ക് കോവിഡ്-19 സ്ഥിരീകരിച്ചു.  

കുമ്പഴ ക്ലസ്റ്ററുമായി ബന്ധമുള്ളവര്‍ ജില്ലാ ഭരണകൂടത്തെ വിവരം അറിയിക്കണമെന്ന് ജില്ലാ കളക്ടര്‍ പി.ബി.നൂഹ് അറിയിച്ചു. വിളിക്കേണ്ട നമ്പര്‍ 0468- 2228220. ജില്ലയില്‍ ജൂലൈ ആറിനും, എട്ടിനുമായി മൂന്ന് പേര്‍ക്കാണ് കുമ്പഴ ക്ലസ്റ്ററില്‍ ആദ്യമായി കോവിഡ് സ്ഥിരീകരിച്ചത്. തുടര്‍ ദിവസങ്ങളില്‍ ഉറവിടം അറിയാതെയുള്ള രോഗബാധിതര്‍ ഉണ്ടായതിനാല്‍ കുമ്പഴയെ ജില്ലയിലെ ആദ്യ ക്ലസ്റ്ററായി ആരോഗ്യ വകുപ്പ് പ്രഖ്യാച്ചിരുന്നു. ഇവിടെ നിന്നും ഇതുവരെ 238 പേര്‍ കോവിഡ് പോസിറ്റീവ് ആയിട്ടുണ്ട്. 567 പ്രൈമറി കോണ്ടാക്റ്റും, 907 സെക്കന്‍ഡറി കോണ്ടാക്റ്റും ഇതുവരെ കണ്ടെത്തിയിട്ടുണ്ട്.

കോവിഡ് 19 ന്റെ പശ്ചാത്തലത്തിൽ ഡ്രൈവറുടെയും യാത്രക്കാരുടെയും സുരക്ഷ കണക്കിലെടുത്ത്,  സർവീസ് നടത്തുന്ന എല്ലാ യാത്ര ബസ്സുകളും ഡ്രൈവറുടെ ക്യാബിൻ അക്രിലിക് ഷീറ്റുകൊണ്ടു വേർതിരിക്കാനും പരിശോധനയിൽ ഇത്തരത്തിൽ വേർതിരിക്കാതെ സർവീസ് നടത്തുന്നത് കണ്ടെത്തിയാൽ ഉടൻ  നടപടി  എടുക്കുമെന്ന് എൻഫോഴ്‌സ്‌മെന്റ് ആർ. ടി. ഒ പി ശിവകുമാർ അറിയിച്ചു.

കോവിഡ് 19 ബാധിതരായി ജില്ലയില്‍ നിലവില്‍ 322 പേരാണ് ചികിത്സയിലുള്ളത്.  ഇന്ന് (ജൂലായ് 24) ജില്ലയില്‍ ഒരു കണ്ണൂർ സ്വദേശിക്ക് ഉൾപ്പെടെ 58 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 93 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 31263 സാമ്പിളുകള്‍ പരിശോധനയ്ക്കായി അയച്ചതില്‍ 29247 പരിശോധനാ ഫലങ്ങളാണ് ലഭ്യമായത്. ഇന്ന് 347 പരിശോധനാ ഫലങ്ങളാണ് ലഭിച്ചത്. പുതുതായി 165 സാമ്പിളുകൾ അയച്ചു. 1347 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1014 പേർ രോഗമുക്തി നേടി. ഇനി 2016 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

കോവിഡ് 19 രോഗവ്യാപനം തടയുന്നതിനുള്ള  സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ജൂലൈ  24) വൈകിട്ട് 6.30 വരെ ജില്ലയിൽ പോലീസ് നടത്തിയ പരിശോധനയിൽ 9 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 11  പേരെ അറസ്റ്റ് ചെയ്തു. 
 
മാസ്ക് ധരിക്കാത്ത 189 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 189 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തി കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു.