താനാളൂര്‍ ഗ്രാമപഞ്ചായത്ത് ജനകീയാസൂത്രണ പദ്ധതിയില്‍ ഉള്‍പ്പെടുത്തി പട്ടര് പറമ്പില്‍ നിര്‍മിച്ച  ആയുഷ് പ്രൈമറി ഹെല്‍ത്ത് സെന്റര്‍ ഹോമിയോ ഡിസ്പെന്‍സറിയുടെ പുതിയ കെട്ടിടം നാടിന് സമര്‍പ്പിച്ചു. പുതിയ കെട്ടിടത്തിന്റെ ഉദ്ഘാടനം വി.  അബ്ദുറഹ്മാന്‍ എം.എല്‍.എ   നിര്‍വഹിച്ചു. പയ്ക്കര  ശ്രീധരന്‍നായരുടെ സ്മരണാര്‍ഥം കുടുംബാംഗങ്ങള്‍ സൗജന്യമായി വിട്ടു നല്‍കിയ ഭൂമിയിലാണ് പുതിയ കെട്ടിടം താനാളൂര്‍ ഗ്രാമപഞ്ചായത്ത് നിര്‍മിച്ചത്.

ജില്ലയിലെ കോവിഡ് ക്ലസ്റ്റര്‍ സോണുകളില്‍ അതീവ ജാഗ്രത തുടരുന്നതായി ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത അറിയിച്ചു. ജില്ലയില്‍ ഇപ്പോള്‍ 14 ക്ലസ്റ്ററുകളാണ് നിലവിലുള്ളത്. ചവറ, പ•ന, ശാസ്താംകോട്ട, ഇരവിപുരം, നെടുമ്പന, കൊട്ടാരക്കര, അഞ്ചല്‍, ഏരൂര്‍, ഇടമുളയ്ക്കല്‍, തലച്ചിറ, പൊഴിക്കര, ആലപ്പാട്, ഇളമാട്, ചിതറ എന്നിവയാണ് ക്ലസ്റ്ററുകള്‍. ക്ലസ്റ്റര്‍ സ്ഥലങ്ങളില്‍ പ്രത്യേക ശ്രദ്ധ നല്‍കി സ്രവപരിശോധനയും ബോധവത്കരണവും തുടരുകയാണ്.

ഭാരതീപുരം പത്തടി സ്വദേശി(34), ഭാരതീപുരം സ്വദേശി(42), അഞ്ചല്‍ തഴമേല്‍ സ്വദേശി(56), പുനലൂര്‍ കാര്യറ(53), പരവൂര്‍ തെക്കുംഭാഗം സ്വദേശി(48), തമിഴ്‌നാട് കടയപട്ടണം സ്വദേശി(38), തമിഴ്‌നാട് കന്യാകുമാരി സ്വദേശി(46), അഞ്ചല്‍ മാങ്കോട് സ്വദേശി(42), പുതക്കുളം സ്വദേശി(35), പെരിനാട് സ്വദേശി(66), തേവലക്കര സ്വദേശിനി(2), അഞ്ചല്‍ തഴമേല്‍ സ്വദേശി(47), ഏരൂര്‍ സ്വദേശി(45), അഞ്ചല്‍ ആനപ്പുഴയ്ക്കല്‍ സ്വദേശി(36), ചവറ സ്വദേശിനി(32), കൊട്ടാരക്കര സ്വദേശി(23), കൊല്ലം ആലുംമൂട് സ്വദേശി(44), കരുനാഗപ്പള്ളി കുളങ്ങര സ്വദ

കല്ലറ സ്വദേശിനിയായ ഒരു ആരോഗ്യ പ്രവര്‍ത്തക ഉള്‍പ്പടെ ജില്ലയില്‍ ഇന്നലെ(ജൂലൈ 24) 133 പേര്‍ക്ക് കോവിഡ് സ്ഥിരീകരിച്ചു. ഏഴുപേര്‍ വിദേശത്തു നിന്നും രണ്ടുപേര്‍ ഇതര സംസ്ഥാനത്ത് നിന്നും എത്തിയവരാണ്. നാലുപേരുടെ യാത്രാചരിതം ലഭ്യമല്ല. 119 പേര്‍ക്ക് സമ്പര്‍ക്കത്തിലൂടെ രോഗബാധ സംശയിക്കുന്നു.

ഐ എച്ച് ആര്‍ ഡിയുടെ കീഴില്‍ കേരളാ സര്‍വ്വകലാശാലയുമായി അഫിലിയേറ്റ് ചെയ്തിട്ടുള്ള അടൂര്‍(0473-4224076, 8547005045), ധനുവച്ചപുരം(0471-2234374, 8547005065), കുണ്ടറ(0474-2580866, 8547005066), മാവേലിക്കര(0479-2304494, 8547005046), കാര്‍ത്തികപ്പള്ളി (0479-2485370, 8547005018), കലഞ്ഞൂര്‍(0473-4272320, 8547005024), പെരിശ്ശേരി(0479-2456499, 9400400977), എന്നിവിടങ്ങളില്‍ പ്രവര്‍ത്തിക്കുന്ന ഏഴ് അപ്ലൈഡ് സയന്‍സ് കോളജുകളിലേക്ക് ഡിഗ്രി കോഴ്‌സുകളില്‍ അനുവദിച്ച 50 ശതമാനം സീറ്റുകളില്‍ ഓണ്‍ലൈന്‍ വഴി പ്രവേശനത്തിന് അപേക്ഷിക്കാം.

ജില്ലാ ഹോമിയോ ആശുപത്രിയിലെ അപകടാവസ്ഥയിലുള്ള അടുക്കളയും അതിന് മുകളിലുള്ള ബാത്ത് റൂമുകളും പൊളിച്ചു മാറ്റുന്നതിനുള്ള ലേലം ഓഗസ്റ്റ് എട്ടിന് രാവിലെ 11 ന് നടക്കും. വിശദ വിവരങ്ങള്‍ 0474-2791520 നമ്പരില്‍ ലഭിക്കും.
(പി.ആര്‍.കെ നമ്പര്‍ 1971/2020)

അപകടമരണത്തില്‍ ജീവന്‍ നഷ്ടപെട്ട തന്റെ ഭര്‍ത്താവിന്റെ അവയവങ്ങള്‍ ദാനം ചെയ്ത വഴി അനുജിത്തിന്റെ ഭാര്യ പ്രിന്‍സി മാതൃകയാണെന്ന് വനിതാ കമ്മീഷന്‍ അംഗം ഷാഹിദ കമാല്‍ പറഞ്ഞു. അനുജിത്തിന്റെ കുടുംബത്തെ സഹായിക്കേണ്ടത് സാമൂഹ്യ ഉത്തരവാദിത്വമാണ്. അതിനായി വനിതാ കമ്മീഷന്‍ മുന്‍കൈ എടുക്കും.  
മിശ്രവിവാഹിതരായ അനുജിത്ത്-പ്രിന്‍സി ദമ്പതികള്‍ക്ക് മുന്നു വയസുള്ള മകനും ഉണ്ട്. മിശ്ര വിവാഹത്തിന്റെ പേരില്‍ കുടുംബത്തില്‍ നിന്നും അകന്നു കഴിയേണ്ടിവന്ന ഈ കുടുംബത്തിന്റെ ഏക ആശ്രയമാണ് അനുജിത്തിലൂടെ നഷ്ടമായത്.

ആലപ്പാട് ആശുപത്രിയില്‍ ആരോഗ്യ പ്രവര്‍ത്തകര്‍ക്ക് കോവിഡ് സ്ഥിരീകരിച്ചതിനെ തുടര്‍ന്ന് അണുനശീകരണത്തിനായി ആശുപത്രി അടച്ചു. മൈനാഗപ്പള്ളി പി എച്ച് സി യിലെ  ജീവനക്കാരെ വച്ച് ഇന്ന്(ജൂലൈ 25) മുതല്‍ ആശുപത്രി പ്രവര്‍ത്തിക്കും. ആന്റിജന്‍ ടെസ്റ്റ് നടത്തി നെഗറ്റീവ് ആകുന്നവരെ തിരികെ ജോലിയില്‍ പ്രവേശിപ്പിക്കും. ഹൈ റിക്‌സ് വിഭാഗത്തിലുള്ളവരെ 14 ദിവസം ക്വാറന്‍ന്റൈനില്‍ ആക്കുമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു.
(പി.ആര്‍.കെ നമ്പര്‍ 1969/2020)

കൊട്ടാരക്കര താലൂക്ക് ആശുപത്രി ഗൈനക്കോളജി വിഭാഗം താത്കാലികമായി അടച്ചു. സിസേറിയന് വിധേയയായ യുവതിക്ക് കോവിഡ് സ്ഥിരീകരിച്ചതിനെ തുടര്‍ന്നാണ് അടച്ചിടല്‍. കാഷ്വാലിറ്റി ഡോക്ടര്‍ക്ക് രോഗം സ്ഥിരീകരിച്ചതിനാല്‍ കാഷ്വാലിറ്റിയില്‍ പുനക്രമീകരണം നടത്തും. ചികിത്സകള്‍ വിക്‌ടോറിയ, കുണ്ടറ ആശുപത്രികളിലേക്ക് മാറ്റും. കാഷ്വാലിറ്റി അണുവിമുക്തമാക്കും വരെ ആശുപത്രിയിലെ മറ്റൊരു കെട്ടിടത്തിലേക്ക് മാറ്റും - ഡി എം ഒ അറിയിച്ചു
(പി.ആര്‍.കെ നമ്പര്‍ 1968/2020)

കോവിഡ് രോഗം ബാധിക്കുന്ന പശ്ചാത്തലത്തില്‍ മത്സ്യത്തൊഴിലാളികളുടെയും അനുബന്ധ തൊഴിലാളികളുടെയും ജീവന്‍ രക്ഷിക്കുകയാണ് സര്‍ക്കാരിന്റെ ലക്ഷ്യമെന്ന് മന്ത്രി ജെ മേഴ്‌സിക്കുട്ടിയമ്മ പറഞ്ഞു. തൊഴില്‍ ലഭ്യമാക്കുന്നത് രണ്ടാമതായാണ് പരിഗണിക്കുക. മത്സ്യത്തൊഴിലാളികള്‍ക്ക് കൂടുതല്‍ ആനുകൂല്യങ്ങള്‍ നല്‍കുന്ന കാര്യം സര്‍ക്കാര്‍ പരിഗണിച്ച് വരികയാണ്. ജീവന്റെ വിലയുള്ള ജാഗ്രത അതാണ് സര്‍ക്കാര്‍ ഉദ്ദേശിക്കുന്നത്. ജാഗ്രത പുലര്‍ത്തി ജീവന്‍ നിലനിര്‍ത്തുക. ജീവനുണ്ടെങ്കിലല്ലേ തൊഴില്‍ ചെയ്യാന്‍ ആവൂ എന്നും മന്ത്രി ചോദിച്ചു. കലക്‌ട്രേറ്റില്‍ മാധ്യമ പ്രവര്‍ത്തകരുടെ ചോദ്യത്തിന് ഉത്തരമായാണ് മന്ത്രി ഇക്കാര്യം അറിയിച്ചത്.