കടപ്പാക്കടയിലെ ഗവണ്‍മെന്റ് ഫുഡ് ക്രാഫ്റ്റ് ഇന്‍സ്റ്റിറ്റ്യൂട്ടില്‍ ഹോട്ടല്‍ മാനേജ്‌മെന്റ് കോഴ്‌സിലേക്ക് ഓഗസ്റ്റ് ആറുവരെ അപേക്ഷിക്കാം. www.fcikerala.org  വെബ്‌സൈറ്റ് വഴി ഓണ്‍ലൈനായി അപേക്ഷ സമര്‍പ്പിക്കാം. വിശദ വിവരങ്ങള്‍ 0474-2767635, 8089561251, 9946320222 എന്നീ നമ്പരുകളില്‍ ലഭിക്കും.
(പി.ആര്‍.കെ നമ്പര്‍ 2028/2020)

അഭിഭാഷകര്‍ക്ക് പിന്നാക്ക വിഭാഗ വികസന വകുപ്പ് നല്‍കുന്ന ധനസഹായത്തിന് അപേക്ഷിക്കാം. ഒ ബി സി വിഭാഗത്തില്‍പ്പെട്ട വാര്‍ഷിക വരുമാനം ഒരു ലക്ഷത്തിനകത്തുള്ളവര്‍ യോഗ്യരാണ്. കേരള ബാര്‍ കൗണ്‍സിലില്‍ 2019 ജൂലൈ ഒന്നിനും 2020 ജൂണ്‍ 30 നും ഇടയില്‍ എന്റോള്‍ ചെയ്ത് സംസ്ഥാനത്ത് പ്രാക്ടീസ് ചെയ്യുന്നവരാകണം. തിരുവനന്തപുരം മുതല്‍ എറണാകുളം വരെയുള്ളവര്‍ അപേക്ഷയും അനുബന്ധ രേഖകളും ഓഗസ്റ്റ് 20 നകം ഡെപ്യൂട്ടി ഡയറക്ടര്‍, പിന്നാക്ക വിഭാഗ വികസന വകുപ്പ്, രണ്ടാം നില, സിവില്‍ സ്റ്റേഷന്‍ കാക്കനാട്, എറണാകുളം-682030 വിലാസത്തില്‍ നല്‍കണം.

ഐ എച്ച് ആര്‍ ഡിയുടെ കീഴില്‍ മഹാത്മാ ഗാന്ധി സര്‍വകലാശാലയുമായി അഫിലിയേറ്റ് ചെയ്തിട്ടുള്ള കടത്തുരുത്തി(0482-9264177, 8547005049), കട്ടപ്പന(0486-8250160, 8547005053), കാഞ്ഞിരപ്പള്ളി(0482-8206480, 8547005075), കോന്നി(0468-2382280, 8547005074), മല്ലപ്പള്ളി(0469-2681426, 8547005033), മറയൂര്‍(0486-5253010, 8547005072), നെടുംകണ്ടം(0486-8234472, 8547005067), പയ്യപ്പാടി(പുതുപ്പള്ളി 0481-2351631, 8547005040), പീരുമേട്(0486-9232373, 8547005041), തൊടുപുഴ(0486-2257447, 8547005047), പുത്തന്‍വേലിക്കര(0484-2487790, 8547005069) എന്നിവിടങ്ങളിലെ 11 അപ്ലൈഡ് സയന്‍സ് കോളേജുകളിലേക്ക് 2020-21 അധ്യയന വര്‍ഷം  ഡിഗ്രി ക

ജില്ലയില്‍ കണ്ടയിന്‍മെന്റ് സോണുകളില്‍ ഇളവ് അനുവദിച്ച ഇടങ്ങളില്‍ കോവിഡ് മാനദണ്ഡങ്ങള്‍ പാലിച്ച് കശുവണ്ടി ഫാക്ടറികള്‍ തുറക്കുമെന്ന് മന്ത്രി ജെ മേഴ്സിക്കുട്ടിയമ്മ. ജില്ലയിലെ ജനപ്രതിനിധികള്‍, ഉദ്യോഗസ്ഥര്‍ എന്നിവരുമായി നടത്തിയ അവലോകന യോഗത്തിലാണ് ഇക്കാര്യം അറിയിച്ചത്. ഫാക്ടറി മാനേജ്മെന്റുകള്‍ കോവിഡ് മാനദണ്ഡങ്ങള്‍ ഉറപ്പാക്കണം. ഒരു വാര്‍ഡില്‍ ഒരു രോഗി മാത്രമുള്ള ചില ഇടങ്ങള്‍ കണ്ടയിന്‍മെന്റ് സോണുകള്‍ ആകാറുണ്ട്.

കുളക്കട ഗ്രാമപഞ്ചായത്തിലെ പ്രാഥമിക ചികിത്സാ കേന്ദ്രം പ്രവര്‍ത്തനം ആരംഭിച്ചു. കലയപുരം മാര്‍ ഇവാനിയോസ് ബഥനി സ്‌കൂളിലാണ് 150 കിടക്കകളോടെ ചികിത്സ കേന്ദ്രം സജ്ജീകരിച്ചത്. പി അയിഷാ പോറ്റി എം എല്‍ എ ഉദ്ഘാടനം ചെയ്തു. കോവിഡ് രോഗപ്രതിരോധത്തിനായി എല്ലാവരും ഒറ്റക്കെട്ടായി പ്രവര്‍ത്തിക്കുന്നതിനാലാണ് അതിവേഗം ഇത്തരത്തിലൊരു ചികിത്സാ കേന്ദ്രം ഒരുക്കാന്‍ സാധിച്ചതെന്ന് എം എല്‍ എ പറഞ്ഞു.

ജില്ലയില്‍ ഇന്നലെ(ജൂലൈ 29) വിവിധ ആശുപത്രികളില്‍ നിന്നായി 146 പേര്‍ കോവിഡ് രോഗമുക്തരായി ആശുപത്രി വിട്ടു. പാരിപ്പള്ളി മെഡിക്കല്‍ കോളജ് ആശുപത്രി(42), വാളകം മേഴ്‌സി ഹോസ്പിറ്റല്‍(15),  അസീസിയ ഹോസ്റ്റല്‍(2), ശാസ്താംകോട്ട ബി എം സി(21), ശാസ്താംകോട്ട സെന്റ് മേരീസ്(16), ആശ്രാമം ന്യൂ ഹോക്കി സ്റ്റേഡിയം(17), വിളക്കുടി ലിറ്റില്‍ ഫ്‌ളവര്‍ ആശുപത്രി(11), ഇളമാട് ഹംദാന്‍(22) എന്നിങ്ങനെയാണ് രോഗമുക്തരായവരുടെ കണക്കുകള്‍.
(പി.ആര്‍.കെ നമ്പര്‍ 2030/2020)

കൊട്ടാരക്കര താലൂക്ക് ആശുപത്രിയിലെ ഡോക്ടര്‍ ഉള്‍പ്പടെ ജില്ലയില്‍ ഇന്നലെ(ജൂലൈ 29) 84 പേര്‍ക്ക് കോവിഡ് സ്ഥിരീകരിച്ചു. രോഗമുക്തര്‍ ആദ്യമായി എണ്ണത്തില്‍ നൂറ് കടന്നത് ആശ്വാസമായി. ജില്ലയില്‍ പ്രതിരോധ പ്രവര്‍ത്തനങ്ങള്‍ ഫലം കാണുന്നുണ്ടെന്ന് രോഗമുക്തരുടെ കണക്കുകള്‍ വ്യക്തമാക്കുന്നു. രോഗബാധിതരില്‍ ഒരാള്‍ വിദേശത്ത് നിന്നും അഞ്ചുപേര്‍ ഇതരസംസ്ഥാനങ്ങളില്‍ നിന്നും എത്തിയവരാണ്.