ജില്ലയില്‍ 70 പേര്‍ക്ക് കൂടി കോവിഡ് 19 സ്ഥിരീകരിച്ചതായി ജില്ലാ കളക്ടര്‍ അറിയിച്ചു. 51 പേര്‍ക്ക് സമ്പര്‍ക്കത്തിലൂടെയാണ് രോഗം സ്ഥിരീകരിച്ചത്.

ജില്ലയില്‍ താഴെപ്പറയുന്ന ഗ്രാമപഞ്ചായത്ത് വാര്‍ഡുകള്‍ കണ്ടെയ്ന്‍മെന്റ് മേഖല പട്ടികയില്‍ നിന്നും ഒഴിവാക്കി, ഈ വാര്‍ഡുകളില്‍ ഏര്‍പെടുത്തിയിരുന്ന കര്‍ശന നിയന്ത്രണങ്ങള്‍ പിന്‍വലിച്ചു.

കൊടുവായൂര്‍ സാമൂഹ്യാരോഗ്യ കേന്ദ്രത്തില്‍ കോവിഡ്  പ്രതിരോധ പ്രവര്‍ത്തനത്തിന്റെ ഭാഗമായി ഡോക്ട്ര്‍, ജൂനിയര്‍ പബ്ലിക് നഴ്‌സ്, ലാബ് ടെക്‌നീഷ്യന്‍ ഒഴിവുകളിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു.  താത്പര്യമുളളവര്‍ യോഗ്യതാ സര്‍ട്ടിഫിക്കറ്റ്, ആധാര്‍കാര്‍ഡ് എന്നിവയുടെ അസ്സലും പകര്‍പ്പും മെഡിക്കല്‍ ഫിറ്റ്‌നസ്സ് സര്‍ട്ടിഫിക്കറ്റ്, പ്രവൃത്തി പരിചയ സര്‍ട്ടിഫിക്കറ്റുമായി ജൂലൈ 30 ന് രാവിലെ 10.30 ന് നടക്കുന്ന കൂടിക്കാഴ്ചയില്‍ സൂപ്രണ്ട് മുമ്പാകെ ഹാജരാകണം. പരിസരപ്രദേശത്തുളളവര്‍ക്ക് മുന്‍ഗണന.

വിദ്യാഭ്യാസ വകുപ്പില്‍ പാര്‍ട്ട് ടൈം മീനിയല്‍ തസ്തികയിലേയ്ക്ക് എംപ്ലോയ്മെന്റ് എക്സ്ചേഞ്ച് മുഖേന സിവില്‍ സ്റ്റേഷനിലെ വിദ്യാഭ്യാസ ഉപഡയറക്ടറേറ്റില്‍ ജൂലൈ 29, 30, ഓഗസ്റ്റ് മൂന്ന് മുതല്‍ 10 വരെ നടത്താനിരുന്ന ഇന്റര്‍വ്യൂ മാറ്റിയതായി വിദ്യാഭ്യാസ ഉപഡയറക്ടര്‍ അറിയിച്ചു. പുതുക്കിയ തിയ്യതി പിന്നീട് അറിയിക്കും. ഫോണ്‍: 0491-2505469, 6238663363.

പാലക്കാട് ജില്ലയിലെ ഇന്‍ഷുറന്‍സ് മെഡിക്കല്‍ സര്‍വ്വീസസ് വകുപ്പിലേക്ക്  സ്റ്റാഫ് നഴ്‌സ് ഗ്രേഡ് - 2 നെ (കാറ്റഗറി നമ്പര്‍-132/2018) തെരഞ്ഞെടുക്കുന്നതിനായി 2019 സെപ്റ്റംബറില്‍ നടത്തിയ   പരീക്ഷയുടെ ഷോര്‍ട്ട് ലിസ്റ്റ് പ്രസിദ്ധീകരിച്ചു.