പുതുതായി കൊവിഡ് ബാധ റിപ്പോര്‍ട്ട് ചെയ്യപ്പെട്ട ജില്ലയിലെ 13 തദ്ദേശ സ്വയംഭരണ വാര്‍ഡുകള്‍ കൂടി കണ്ടെയിന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. ആന്തൂര്‍ 6, ഇരിട്ടി 21, പയ്യന്നൂര്‍ 28, മാലൂര്‍ 7 എന്നീ വാര്‍ഡുകളാണ് പുതുതായി കണ്ടെയിന്‍മെന്റ് സോണുകളായത്.
ഇവിടങ്ങളില്‍ വിദേശ രാജ്യങ്ങളില്‍ നിന്നും ഇതര സംസ്ഥാനങ്ങളില്‍ നിന്നും എത്തിയവര്‍ക്കാണ് കൊവിഡ് ബാധയെന്നതിനാല്‍ രോഗികളുടെ വീട് കേന്ദ്രമാക്കി 100 മീറ്റര്‍ ചുറ്റളവില്‍ വരുന്ന പ്രദേശങ്ങളാണ് കണ്ടെയിന്‍മെന്റ് സോണുകളാക്കുക.

ജില്ലയില്‍ കൊവിഡ് രോഗികളുടെ എണ്ണം ക്രമാതീതമായി വര്‍ദ്ധിക്കുകയും സമ്പര്‍ക്കത്തിലൂടെയുള്ള രോഗ വ്യാപനം കൂടിവരികയും ചെയ്യുന്ന സാഹചര്യത്തില്‍ പ്രതിരോധ നടപടികള്‍ ശക്തിപ്പെടുത്തുന്നതിനായി ജില്ലാ കലക്ടര്‍ കൂടുതല്‍ നിയന്ത്രണങ്ങള്‍ ഏര്‍പ്പെടുത്തി. സന്നദ്ധ സംഘടനകള്‍, ക്ലബുകള്‍, വായനശാലകള്‍, റസിഡന്‍സ് അസോസിയേഷനുകള്‍, മറ്റ് കൂട്ടായ്മകള്‍ എന്നിവ സംഘടിപ്പിക്കുന്ന വിവിധ പരിപാടികളില്‍ ആളുകള്‍ കൂടുന്നതായി റിപ്പോര്‍ട്ട് ചെയ്യപ്പെട്ടതിനെ തുടര്‍ന്നാണ് നടപടി.
നിയന്ത്രണങ്ങള്‍:
1) വായനശാലകളില്‍ ഇരുന്നുകൊണ്ടുള്ള വായന അനുവദനീയമല്ല.

കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന്‍ കൊവിഡ് ട്രീറ്റ്മെന്റ് സെന്ററുകളിലും ചികില്‍സയിലായിരുന്ന 33 പേര്‍ കൂടി ഇന്നലെ രോഗം ഭേദമായി ആശുപത്രി വിട്ടു. ഇതോടെ ജില്ലയിലെ കൊവിഡ് ബാധിതരില്‍ രോഗമുക്തി നേടിയവരുടെ എണ്ണം 784 ആയി. ബാക്കി 452 പേര്‍ വിവിധ ആശുപത്രികളില്‍ ചികില്‍സയിലാണ്. ബാക്കി ഏഴു പേര്‍ മരണപ്പെട്ടിരുന്നു.

ജില്ലയില്‍ 38 പേര്‍ക്ക് കൂടി ഇന്ന് (ജൂലൈ 27) കൊവിഡ് സ്ഥിരീകരിച്ചതായി ജില്ലാ കലക്ടര്‍ അറിയിച്ചു. ഇവരില്‍ 23 പേര്‍ ആരോഗ്യപ്രവര്‍ത്തകരാണ്. വിദേശത്ത് നിന്നെത്തിയ നാലു പേര്‍, ഇതര സംസ്ഥാനങ്ങളില്‍ നിന്നെത്തിയ നാലു പേര്‍, നാലു പോലീസുകാര്‍ എന്നിവര്‍ക്കും സമ്പര്‍ക്കത്തിലൂടെ മൂന്ന് പേര്‍ക്കും രോഗം സ്ഥിരീകരിച്ചു. കൊവിഡ് 19 ബാധിച്ച് ആശുപത്രികളിലും ഫസ്റ്റ്ലൈന്‍ കൊവിഡ് ട്രീറ്റ്മെന്റ് സെന്ററുകളിലും ചികില്‍സയിലായിരുന്ന 33 പേര്‍ കൂടി ഇന്നലെ രോഗമുക്തി നേടി.

താല്‍ക്കാലിക നിയമനം

ജില്ലാ ആശുപത്രിയില്‍ എന്‍ എച്ച് എമ്മിന്റെ കീഴില്‍  ഡോക്ടര്‍, സ്റ്റാഫ് നഴ്‌സ്, ക്ലീനിങ് സ്റ്റാഫ് എന്നീ തസ്തികകളിലേക്ക്  ദിവസവേതനാടിസ്ഥാനത്തില്‍ നിയമനം നടത്തുന്നു.  ഡോക്ടര്‍ - എം ബി ബി എസ്, ടി സി എം സി രജിസ്‌ട്രേഷന്‍.  സ്റ്റാഫ് നഴ്‌സ് - അംഗീകൃത സ്ഥാപനത്തില്‍ നിന്നും ഡിഗ്രി/ഡിപ്ലോമ ഇന്‍ ജനറല്‍ നഴ്‌സിംഗ് ആന്റ് മിഡ്‌വൈഫറി അല്ലെങ്കില്‍ ബി എസ് സി നഴ്‌സിംഗ് ആണ് യോഗ്യത.  താല്‍പര്യമുള്ളവര്‍ യോഗ്യത, മേല്‍വിലാസം എന്നിവ തെളിയിക്കുന്ന രേഖകള്‍ സഹിതം ജൂലായ് 29 ന് രാവിലെ 10 മണിക്ക് ജില്ലാ ആശുപത്രി സൂപ്രണ്ട് ഓഫീസില്‍  നടക്കുന്ന അഭിമുഖത്തിന് ഹാജരാകണം.

കൊവിഡ് സുരക്ഷാ മാനദണ്ഡങ്ങള്‍ പാലിക്കാത്ത വാഹനങ്ങള്‍ക്കെതിരെ കര്‍ശന നടപടികളുമായി മോട്ടോര്‍വാഹന വകുപ്പ്. കൊവിഡ് മാനദണ്ഡങ്ങള്‍ പാലിക്കാതെ യാത്രക്കാരെ കുത്തിനിറച്ച് കൊണ്ട് പോകുന്ന ബസുകള്‍ക്കെതിരെയും കാബിന്‍ വേര്‍തിരിക്കാത്ത  വാഹനങ്ങള്‍ക്കെതിരെയും ശക്തമായ പരിശോധനയും നിയമനടപടികളും സ്വീകരിക്കുമെന്ന് കണ്ണൂര്‍ ആര്‍ ടി ഒ ഇ എസ് ഉണ്ണിക്കൃഷ്ണന്‍ അറിയിച്ചു. കൊവിഡ് 19 രോഗബാധിതരുടെ എണ്ണം വര്‍ധിച്ചുവരുന്ന സാഹചര്യത്തിലാണ് നടപടി.

കൊവിഡ് രോഗ വ്യാപനം രൂക്ഷമാവുന്ന സാഹചര്യത്തില്‍ തളിപ്പറമ്പ് മിനി സിവില്‍ സ്റ്റേഷനില്‍ നിയന്ത്രണങ്ങള്‍ ഏര്‍പ്പെടുത്തി. മിനി സിവില്‍ സ്റ്റേഷനില്‍ അനധികൃത വാഹന പാര്‍ക്കിങ്ങും ആളുകള്‍ അനാവശ്യമായി എത്തുന്നതും ശ്രദ്ധയില്‍പ്പെട്ടതിനെ തുടര്‍ന്നാണ് നിയന്ത്രണങ്ങള്‍ ഏര്‍പ്പെടുത്തുന്നതെന്ന്  സബ് കലക്ടറുടെ ഉത്തരവില്‍ പറയുന്നു. ജൂലൈ 28 മുതല്‍ തളിപ്പറമ്പ് മിനി സിവില്‍ സ്റ്റേഷനില്‍ പുറത്ത് നിന്നുള്ളവരുടെ വാഹനങ്ങള്‍ക്ക് പ്രവേശനം അനുവദിക്കുന്നതല്ല.

കണ്ണൂര്‍ മെഡിക്കല്‍ കോളേജ് ആശുപത്രിയില്‍ ഡോക്ടര്‍, നഴ്‌സ് ഉള്‍പ്പെടെയുള്ള ആരോഗ്യ പ്രവര്‍ത്തകര്‍ക്ക് കൊവിഡ്  19 സ്ഥിരീകരിച്ച സാഹചര്യത്തില്‍ നിയന്ത്രണങ്ങള്‍ ഏര്‍പ്പെടുത്തി. ജനറല്‍ ഒപി, സമ്പര്‍ക്കം ഉണ്ടായ വാര്‍ഡുകള്‍, ഡിപ്പാര്‍ട്ട്‌മെന്റ് ഓഫീസുകള്‍, ഓപ്പറേഷന്‍ തീയറ്റര്‍, ഐസിയു തുടങ്ങിയ അണുബാധ ഉണ്ടാവാന്‍ സാധ്യതയുള്ള സ്ഥലങ്ങള്‍  30 വരെ അടച്ചിടും. അണുനശീകരണം നടത്തി 31 ന് ഇവ തുറന്നു പ്രവര്‍ത്തിക്കുകയും ചെയ്യും. ആശുപത്രി സന്ദര്‍ശിക്കുന്ന കൊവിഡ് 19 വിദഗ്ധ സംഘത്തിന്റെ റിപ്പോര്‍ട്ടിന്റെ അടിസ്ഥാനത്തില്‍ തുടര്‍ നടപടികള്‍ സ്വീകരിക്കും.

മുണ്ടേരി സ്‌കൂള്‍  കിച്ചന്‍ ബ്ലോക്ക് ശിലാസ്ഥാപനം നടന്നു
കൊവിഡ് കാലം സമസ്ത മേഖലയിലും തിരിച്ചടി നേരിട്ടപ്പോള്‍ വിദ്യാഭ്യാസ മേഖലയില്‍ ഇതുവരെ അനുഭവിക്കാത്ത ദുരിതമാണ് ഉണ്ടായതെന്നും ഇതിനെ അതിജീവിച്ച് പുതിയ പാതയിലൂടെ സഞ്ചരിക്കണമെന്നും കെ കെ രാഗേഷ് എം പി പറഞ്ഞു. നാഷണല്‍ തെര്‍മല്‍ പവര്‍ കോര്‍പ്പറേഷന്‍ മുണ്ടേരി ഗവ.ഹയര്‍ സെക്കണ്ടറി സ്‌കൂള്‍ കിച്ചന്‍ ആന്റ് ഡൈനിംഗ് ബ്ലോക്കിന് അനുവദിച്ച 2.5 കോടി രൂപയുടെ പദ്ധതിക്ക് തറക്കല്ലിട്ട് സംസാരിക്കുകയായിരുന്നു എം പി.