ഖാദി ബക്രീദ്  -ഓണം മേളയുടെ ജില്ലാതല ഉദ്ഘാടനം കാഞ്ഞങ്ങാട്  രാംനഗറിലെ ഖാദി വില്‍പന കേന്ദ്രത്തില്‍ അജാനൂര്‍ ഗ്രാമപഞ്ചായത്ത് മെമ്പര്‍ കെ എം ഗോപാലന്‍ നിര്‍വ്വഹിച്ചു.ചടങ്ങില്‍  പി കെ സി ഡയറക്ടര്‍ പി. സുരേശന്‍ , ഡെപ്യൂട്ടി ഡയറക്ടര്‍ കെ  പി .ദിനേഷ് കുമാര്‍ , പ്രോജക്റ്റ് ഓഫീസര്‍  കെ വി രാജേഷ് ,  പി.സുഭാഷ് , പി. കുഞ്ഞികൃഷ്ണന്‍ ,ബീന. കെ എന്നിവര്‍ സംബന്ധിച്ചു. ആഗസ്റ്റ് 30 വരെ കേരള ഖാദിഗ്രാമ വ്യവസായ ബോര്‍ഡിന് കീഴിലുള്ള വില്‍പന കേന്ദ്രങ്ങളില്‍ ഖാദി തുണിത്തരങ്ങള്‍ക്ക് 30 ശതമാനം വരെ റിബേറ്റ് ലഭിക്കും.സര്‍ക്കാര്‍-അര്‍ദ്ധ സര്‍ക്കാര്‍ ജീവനക്കാര്‍ക്ക് ഒരു ലക്ഷം രൂപ വരെ ക്രെഡിറ്റ് സൗകര്യവും ലഭിക്കും .

കേരള പോസ്റ്റല്‍  സര്‍ക്കിള്‍ വടക്കന്‍ മേഖല ആഗസ്റ്റ് 14 രാവിലെ 11 ന്

വീഡിയോ കോണ്‍ഫറന്‍സ് വഴി തപാല്‍ അദാലത്ത് സംഘടിപ്പിക്കും.തപാല്‍ വകുപ്പ്  നല്‍കുന്ന സേവനങ്ങളായ മണിഓര്‍ഡര്‍,പാര്‍സല്‍,സ്പീഡ് പോസ്റ്റ്,സേവിങ്‌സ് ബാങ്ക്,കത്ത്  എന്നിവ സംബന്ധമായ പരാതികള്‍ മിനി രാജന്‍ എം,ലിങ്ക് ഓഫീസര്‍ റ്റു അസിസ്റ്റന്റ് ഡയരക്ടര്‍,  പോസ്റ്റ് മാസ്റ്റര്‍ ജനറല്‍ കാര്യാലയം,വടക്കന്‍ മേഖല, നടക്കാവ്,കാഴിക്കോട്-673011 എന്ന വിലാസത്തില്‍ ആഗസ്റ്റ് ഏഴിനകം സമര്‍പ്പിക്കണം. പരാതി ഉള്ളടക്കം ചെയ്ത കവറിനു പുറത്ത് തപാല്‍ അദാലത്ത് എന്ന് രേഖപ്പെടുത്തിയിരിക്കണം.

കേരള സര്‍ക്കാര്‍ സ്ഥാപനമായ ഐ.എച്ച്.ആര്‍.ഡിയുടെ കീഴില്‍ മഹാത്മാ ഗാന്ധി സര്‍വ്വകലാശാലയില്‍ അഫിലിയേറ്റ് ചെയ്തിട്ടുള്ള കടത്തുരുത്തി , കട്ടപ്പന, കാഞ്ഞിരപ്പള്ളി , കോന്നി, മല്ലപ്പള്ളി, മറയൂര്‍ , നെടുംകണ്ടം , പയ്യപ്പാടി, പീരുമേട്, തൊടുപുഴ , പുത്തന്‍വേലിക്കര എന്നിവിടങ്ങളില്‍ പ്രവര്‍ത്തിക്കുന്ന  11 അപ്ലൈഡ് സയന്‍സ് കോളേജുകളിലേക്ക് ഡിഗ്രി  പ്രവേശനത്തിന് ഓണ്‍ലൈന്‍ വഴി അപേക്ഷ ക്ഷണിച്ചു .അപേക്ഷ http://ihrd.kerala.gov.in/cascap എന്ന വെബ്‌സൈറ്റ് വഴി ഓണ്‍ലൈനായി സമര്‍പ്പിക്കാം.  ഓരോ കോളേജിലേയും പ്രവേശനത്തിന് പ്രത്യേകം പ്രത്യേകം അപേക്ഷകള്‍ സമര്‍പ്പിക്കണം.  ഓണ്‍ലൈന

മലയോരത്തിന്റെ വികസന സ്വപ്നങ്ങള്‍ക്ക് നിറം പകരുന്ന മലയോര ഹൈവേ നിര്‍മ്മാണം ജില്ലയില്‍ പുരോഗതിയില്‍. ജില്ലയിലെ നന്ദാരപ്പദവില്‍ നിന്നാരംഭിക്കുന്ന മലയോര ഹൈവെയുടെ ആദ്യ റീച്ചായ നന്ദാരപ്പദവ് - ചേവാര്‍ റീച്ച് ആഗസ്റ്റ് അവസാനത്തോടെ മുഴുവന്‍ പണികളും പൂര്‍ത്തീകരിച്ച് ഉദ്ഘാടനത്തിന് സജ്ജമാകും. 23 കിലോമീറ്റര്‍ നീളമുള്ള റീച്ച് 5467 ലക്ഷം രൂപ ചിലവിട്ടാണ് നിര്‍മ്മാണം പൂര്‍ത്തീകരിക്കുന്നത്.  കോവിഡ് മൂലം രണ്ട് മാസത്തോളം നിര്‍മ്മാണ പ്രവൃത്തികള്‍ മുടങ്ങിയെങ്കിലും നിര്‍മ്മാണം പുനരാംരംഭിച്ചപ്പോള്‍ പ്രവൃത്തികള്‍ അതിവേഗം മുന്നേറുന്നു.

കേരള കശുവണ്ടി തൊഴിലാളി ആശ്വാസ ക്ഷേമനിധി അംഗങ്ങളുടെ മക്കളില്‍ 2019-20 അധ്യായന വര്‍ഷം എസ്.എസ്.എല്‍.സി, സിബിഎസ്ഇ , പ്ലസ്ടു(സ്റ്റേറ്റ്, സിബിഎസ്ഇ) പരീക്ഷകളില്‍ എറ്റവും കൂടുതല്‍ മാര്‍ക്ക് വാങ്ങി വിജയിച്ചവര്‍ക്ക് ക്യാഷ് അവാര്‍ഡ് നല്‍കും.

മലബാര്‍ ദേവസ്വം ബോര്‍ഡിനു കീഴിലെ ഹോസ്ദുര്‍ഗ് താലൂക്കിലുളള കയ്യൂര്‍ ഗ്രാമത്തിലെ ആലന്തട്ട മഹാവിഷ്ണു ക്ഷേത്രത്തില്‍ പാരമ്പര്യേതര ട്രസ്റ്റിമാരുടെ ഒഴിവുകളിലേക്ക് ക്ഷേത്ര പരിസരവാസികളായ ഹിന്ദു മതവിശ്വാസികളില്‍ നിന്നും അപേക്ഷ ക്ഷണിച്ചു. അപേക്ഷ മലബാര്‍ ദേവസ്വം ബോര്‍ഡിന്റെ, കാസര്‍കോട് ഡിവിഷന്‍ നീലേശ്വരത്തുളള അസിസ്റ്റന്റ്  കമ്മീഷണറുടെ ഓഫീസില്‍ ആഗസ്റ്റ് 10 ന് വൈകുന്നേരം അഞ്ചിനകം ലഭിക്കണം.  നിര്‍ദ്ദഷ്ട മാതൃകയിലുളള അപേക്ഷ ഫോറം മലബര്‍ ദേവസ്വം ബോര്‍ഡ് വെബ്്‌സെറ്റിലും നീലേശ്വരത്തുളള അസിസ്റ്റന്റ് കമ്മീഷണറുടെ ഓഫീസിലും ലഭ്യമാണ്. 

തളിപ്പറമ്പ് നാടുകാണി കിന്‍ഫ്ര ടെക്‌സ്റ്റെയില്‍സ് സെന്ററില്‍ സ്ഥിതി ചെയ്യുന്ന അപ്പാരല്‍ ട്രയിനിങ് ആന്റ് ഡിസൈന്‍ സെന്റര്‍ നടത്തുന്ന മൂന്ന് വര്‍ഷം ദൈര്‍ഘ്യമുളള ബി വോക് ഫാഷന്‍ ഡിസൈന്‍ ആന്റ് റീട്ടെയില്‍ ( ബി വോക് എഫ് ഡി ആര്‍) എന്ന റെഗുലര്‍ ഡിഗ്രി കോഴ്‌സിലേക്ക് അപേക്ഷ ക്ഷണിച്ചു.

നീലേശ്വരം നഗരത്തിലെ ഒരു ചുമട്ടുതൊഴിലാളിക്കും അദ്ദേഹത്തിന്റെ കുടുംബത്തിനും കോവിഡ്- പോസിറ്റീവ് സ്ഥിരീകരിച്ചതിന്റെ പശ്ചാത്തലത്തില്‍ നഗരസഭാ പരിധിയിലെ വിവിധ പ്രദേശങ്ങള്‍ അണുവിമുക്തമാക്കി.  ഫയര്‍ ആന്റ് റസ്‌ക്യൂ ഫോഴ്‌സ്, നീലേശ്വരം നഗരസഭ ആരോഗ്യ വിഭാഗം, വ്യാപാരി സംഘടനകളുടെ യുവജന വിഭാഗം തുടങ്ങിയവര്‍ അണുനശീകരണ പ്രവര്‍ത്തനങ്ങള്‍ക്ക് നേതൃത്വം നല്‍കി. 

ഗാര്‍ഹിക പീഡനത്തിനിരയാകുന്ന സ്ത്രീകള്‍ക്ക് പരിരക്ഷയൊരുക്കാനായി വനിതാശിശു വികസന വകുപ്പ് നാഷണല്‍ സര്‍വ്വീസ് സ്‌കീമുമായി ചേര്‍ന്ന് വാട്സ് ആപ്പ്, മെസ്സേജ് സംവിധാനം ഒരുക്കി. ലോക് ഡൗണ്‍ കാലത്തും സ്ത്രീകള്‍ക്കും കുട്ടികള്‍ക്കും കൃത്യമായ നിയമ പരിരക്ഷ ഉറപ്പാക്കുക എന്ന ലക്ഷ്യത്തോടെ ഏപ്രില്‍ 11നാണ് പദ്ധതി ആരംഭിച്ചത്. പരാതികള്‍ സ്വീകരിക്കുകയും ഗാര്‍ഹിക അതിക്രമങ്ങളില്‍ നിന്നും വനിതകളെ സംരക്ഷിക്കുന്ന നിയമത്തിന്റെ പരിരക്ഷ ഉറപ്പാക്കുകയും ചെയ്ത് ജില്ലാ വിമണ്‍ പ്രൊട്ടക്ഷന്‍ ഓഫീസ് സജീവമായി രംഗത്തുണ്ട്.