അകത്തേത്തറ ഗ്രാമ പഞ്ചായത്ത് കൃഷിഭവന്റെ പുതിയ കെട്ടിട ഉദ്ഘാടനം ജൂലൈ 29 ന് വൈകിട്ട് നാലിന് കൃഷി വകുപ്പ് മന്ത്രി വി.എസ്. സുനില്‍കുമാര്‍ ഓണ്‍ലൈനായി നിര്‍വ്വഹിക്കും. കേരള ഭരണ പരിഷ്‌കാര കമ്മീഷന്‍ ചെയര്‍മാനും മലമ്പുഴ എം.എല്‍.എയുമായ വി.എസ്. അച്ചുതാനന്ദന്റെ ആസ്തി വികസന നിധിയില്‍ നിന്നും അമ്പത് ലക്ഷം രൂപ ചെലവഴിച്ചാണ് കെട്ടിടം നിര്‍മ്മിച്ചത്. ഉദ്ഘാടന പരിപാടിയില്‍ വി.എസ്. അച്ചുതാനന്ദന്‍ എംഎല്‍എ അധ്യക്ഷനാവും. അകത്തേത്തറ ഗ്രാമപഞ്ചായത്ത് പ്രസിഡന്റ് ഡി. സദാശിവന്‍, ജനപ്രതിനിധികള്‍, രാഷ്ട്രീയ പാര്‍ട്ടി പ്രതിനിധികള്‍, കര്‍ഷക പ്രതിനിധികള്‍, കൃഷിവകുപ്പ് ഉദ്യോഗസ്ഥര്‍ എന്നിവര്‍ പങ്കെടുക്കും.

    മലപ്പുറം ജില്ലാ വനിതാ ശിശുവികസന ഓഫീസിന്റെ ഔദ്യോഗിക ആവശ്യത്തിനായി 2020-21 സാമ്പത്തിക വര്‍ഷത്തേക്ക് കരാര്‍ അടിസ്ഥാനത്തില്‍ ഇലക്ട്രിക്ക് വാഹനം വാടകയ്ക്ക് എടുക്കുന്നതിന് ദര്‍ഘാസ് ക്ഷണിച്ചു. ടെന്‍ഡര്‍ സ്വീകരിക്കുന്ന അവസാന തീയതി: ഓഗസ്റ്റ് 10.  കൂടുതല്‍ വിവരങ്ങള്‍ക്ക് ജില്ലാ വനിതാ ശിശുവികസന ഓഫീസുമായി ബന്ധപ്പെടണം. ഫോണ്‍ : 0483 2950084. 
 

    പിന്നാക്ക വിഭാഗ വികസന വകുപ്പിന്റെ അഭിഭാഷക ധനസഹായ പദ്ധതിക്ക് (2020-21) അപേക്ഷ ക്ഷണിച്ചു. കേരള ബാര്‍ കൗണ്‍സിലില്‍ 2019 ജൂലൈ ഒന്നിനും 2020 ജൂണ്‍ 30നും ഇടയില്‍ എന്റോള്‍ ചെയ്ത് സംസ്ഥാനത്ത് തന്നെ പ്രാക്ടീസ് ചെയ്യുന്ന  ഒ.ബി.സി വിഭാഗത്തില്‍പ്പെട്ട നിയമ ബിരുദധാരികള്‍ക്ക് അപേക്ഷിക്കാം.  അപേക്ഷ സ്വീകരിക്കുന്ന അവസാന തീയതി ഓഗസ്റ്റ് 20. അപേക്ഷാ ഫോമിന്റെ മാതൃകയും വിശദവിവരങ്ങളും www.bcdd.kerala.gov.in  എന്ന വെബ്‌സൈറ്റില്‍ ലഭിക്കും.  കൂടുതല്‍ വിവരങ്ങള്‍ക്ക് പിന്നാക്ക സമുദായ വികസന വകുപ്പ് കോഴിക്കോട് മേഖലാ ഓഫീസുമായി ബന്ധപ്പെടണം. ഫോണ്‍ : 0495-2377786,  ഇ-മെയില്‍ : bcddkkd@gmail.com.
 

    വേങ്ങര പാണ്ടികശാല തേര്‍ക്കയം കനാല്‍ ലിങ്ക് റോഡ് കോണ്‍ക്രീറ്റ് ചെയ്യുന്നതിന് തുക അനുവദിച്ചു. വേങ്ങര ഗ്രാമപഞ്ചായത്തിന്റെ 2020 - 2021 വാര്‍ഷിക പദ്ധതിയിലുള്‍പ്പെടുത്തി 10 ലക്ഷം രൂപയാണ് അനുവദിച്ചത്.  റോഡ് യഥാര്‍ഥ്യമാകുന്നതോടെ പ്രദേശത്തെ  പതിനഞ്ചോളം കുടുംബങ്ങള്‍ക്ക് ആശ്വാസമാകും.
 

    ലോക്ക്ഡൗണ്‍ കാലത്ത് മികച്ച രീതിയില്‍ കൃഷി ചെയ്ത ക്ലബുകളെ കണ്ടെത്തുന്നതിനായി ഹരിതകേരളം ജില്ലാമിഷനും നെഹ്റു യുവകേന്ദ്രയും സംയുക്ത മായി സംഘടിപ്പിച്ച  'ലോക്ഡൗണ്‍ കാല കൃഷി'യിലെ വിജയികളെ പ്രഖ്യാപിച്ചു. പൂക്കോട്ടുംപാടം ഐ.സി.സി ഇന്റിമേറ്റ് കള്‍ച്ചറല്‍ ക്ലബ്, എ.ആര്‍ നഗര്‍ പെങ്ങോട്ടുകുണ്ട് വിക്ടറി ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ്, ചെറിയമുണ്ടം മൈനങ്ങാടി ഷൈന്‍ ആര്‍ട്‌സ് സ്‌പോര്‍ട്‌സ് ക്ലബ്, തെന്നല എഫ്.സി ആര്‍ട്‌സ് ആന്‍ഡ് സ്‌പോര്‍ട്‌സ് ക്ലബ് എന്നിവരെയാണ് മികച്ച ക്ലബുകളായി  തെരഞ്ഞെടുത്തത്. 

    തിരൂരങ്ങാടി താലൂക്കില്‍ റേഷന്‍ മുന്‍ഗണനാ പട്ടികയില്‍ നിന്ന്  അനര്‍ഹരെ നീക്കുന്നതിനുളള നടപടികള്‍ ഊര്‍ജ്ജിതമാക്കി. അനര്‍ഹമായി മഞ്ഞ, പിങ്ക് കാര്‍ഡുകള്‍ കൈവശം വച്ചിരിക്കുന്നവര്‍ മുന്‍ഗണനാ പട്ടികയില്‍ നിന്ന് സ്വയം ഒഴിവാകാന്‍ താലൂക്ക് സപ്ലൈ ഓഫീസില്‍ നേരിട്ട് ഹാജരാകണമെന്ന് താലൂക്ക് സപ്ലൈ ഓഫീസര്‍ അറിയിച്ചു. നേരില്‍ ഹാജരാകുന്നവരില്‍ നിന്നും പിഴ ഈടാക്കുന്നതല്ല.  അനര്‍ഹരായവര്‍ സ്വയം ഒഴിവായില്ലെങ്കില്‍ അര ലക്ഷം രൂപ പിഴയും ഒരു വര്‍ഷം വരെ തടവും ലഭിക്കാവുന്ന കുറ്റമാണ് ചുമത്തുക.     

ചികിത്സയ്ക്ക് നാല് പ്രത്യേക ക്ലിനിക്കുകള്‍