12 പേര്‍ രോഗ മുക്തരായി
ഉറവിടമറിയാതെ 9 പേര്‍ക്ക് വൈറസ്ബാധ
രോഗബാധിതരായി ചികിത്സയില്‍ 657 പേര്‍
ഇതുവരെ രോഗബാധ സ്ഥിരീകരിച്ചത് 1,994 പേര്‍ക്ക്
801 പേര്‍ക്ക് കൂടി പ്രത്യേക നിരീക്ഷണം
ആകെ നിരീക്ഷണത്തിലുള്ളത് 33,769 പേര്‍

ജില്ലാ നിര്‍മിതി കേന്ദ്രയില്‍ സൈറ്റ് എഞ്ചിനീയര്‍ തസ്തികയിലേക്ക് കരാര്‍ അടിസ്ഥാനത്തില്‍ നിയമനം നടത്തുന്നു. സിവില്‍ എഞ്ചിനീയറിങില്‍ ബി.ടെക് ബിരുദമാണ് യോഗ്യത. മൂന്ന് ഒഴിവുകളാണുള്ളത്. താത്പര്യമുള്ളവര്‍ ബയോഡാറ്റ സഹിതമുള്ള അപേക്ഷ മെമ്പര്‍ സെക്രട്ടറി, ജില്ലാ നിര്‍മിതി കേന്ദ്രം, സിവില്‍ സ്റ്റേഷന്‍, മലപ്പുറം എന്ന വിലാസത്തില്‍ നല്‍കണം. nirmithi kend...@gmail.com  എന്ന  ഇ-മെയില്‍ വിലാസത്തിലും അപേക്ഷ നല്‍കാം. അപേക്ഷ സ്വീകരിക്കുന്ന അവസാന തീയതി: ഓഗസ്റ്റ് 14.
 

സംസ്ഥാന കളിമണ്‍പാത്ര നിര്‍മാണ വിപണന ക്ഷേമ വികസന കോര്‍പ്പറേഷന്‍ നല്‍കുന്ന വായ്പാ പദ്ധതിയനുസരിച്ചുള്ള അപേക്ഷകള്‍ നല്‍കേണ്ട അവസാന തീയതി ഓഗസ്റ്റ് 15 വരെ  നീട്ടി.  വിശദ വിവരങ്ങള്‍ www.keralapottery.org - വെബ്സൈറ്റ് സന്ദര്‍ശിക്കണം.
 

കോവിഡ് വ്യാപനത്തിന്റെ പശ്ചാത്തലത്തില്‍ പരിശോധനയുടെ എണ്ണം കൂട്ടുന്നതിനായുള്ള ട്രൂനാറ്റ് മെഷീന്‍  പെരിന്തല്‍മണ്ണ ജില്ലാ ആശുപത്രിയില്‍ ഉടന്‍ പ്രവര്‍ത്തനം ആരംഭിക്കും. മഞ്ചേരി മെഡിക്കല്‍ കോളജ് ആശുപത്രിയിലെ തിരക്കും മറ്റു പരിമിധികളും കണക്കിലെടുത്താണ് പെരിന്തല്‍മണ്ണ ജില്ലാ ആശുപത്രിയില്‍ ട്രൂനാറ്റ് സൗകര്യമൊരുക്കുന്നത്.