ബാവിക്കര ജി എല്‍ പി സ്‌കൂളിലെ പഴയ കെട്ടിടാവശിഷങ്ങള്‍ വില്‍ക്കാന്‍ ക്വട്ടേഷന്‍ ക്ഷണിച്ചു. ആഗസ്റ്റ് 20 നകം ക്വട്ടേഷന്‍ സ്‌കൂള്‍ ഓഫീസില്‍ ലഭിക്കണം. ഫോണ്‍ 9495537979.

കോവിഡ് രോഗവ്യാപനത്തിന്റെ കാലത്ത് നാം ഏറ്റവും കൂടുതല്‍ കേട്ട വാക്കുകളില്‍ ഒന്നാണ് ആന്റിജന്‍ ടെസ്റ്റ്. കോവിഡ് രോഗനിര്‍ണ്ണയം എളുപ്പത്തില്‍ സാധ്യമാക്കുന്ന പരിശോധന മാര്‍ഗ്ഗമാണ് ഇത്.ആര്‍ ടി പി സി ആര്‍ ടെസ്റ്റ് നടത്തിയാല്‍ ഫലം ലഭിക്കാന്‍ ഒരു ദിവസമെങ്കിലുമെടുക്കുമെങ്കില്‍,പരാമാവധി 30 മിനുട്ട് കൊണ്ട് ഫലമറിയാംഎന്നതു തന്നെയാണ് ആന്റിജന്‍ ടെസ്റ്റിന്റെ മേന്‍മ.ഇത്  വളരെ വേഗം രോഗികളെ കണ്ടെത്തുന്നതിനും ചികിത്സ നല്‍കുന്നതിനും സഹായിക്കുന്നു.റാപ്പിഡ് ടെസ്റ്റ് എന്ന പേരിലും ഇത്  അറിയപ്പെടുന്നു..

കുമ്പള ഗ്രാമപഞ്ചായത്തിലെ ആരിക്കാടി കടവത്ത് സ്‌കൂളില്‍ ഇന്ന് (ജൂലൈ 29) രാവിലെ 10 ന്  കോവിഡ്-19 സ്രവപരിശോധനാ ക്യാമ്പ് നടത്തും. പനി, ചുമ, തൊണ്ടവേദന തുടങ്ങിയ കോവിഡ് രോഗലക്ഷണങ്ങള്‍ ഉള്ളവരും കോവിഡ് രോഗികളുമായി അടുത്ത സമ്പര്‍ക്കം പുലര്‍ത്തിയ ആളുകളും ക്യാമ്പില്‍ പങ്കെടുക്കണം. ആരിക്കാടി പ്രദേശത്തുള്ളവര്‍ക്കാണ് പരിശോധന നടത്തുന്നത്. കോവിഡ് പ്രോട്ടോകോള്‍ പാലിച്ചായിരിക്കണം ആളുകള്‍ ക്യാമ്പിലെത്തേണ്ടത്. രാവിലെ ഒമ്പതിന രജിസ്ട്രേഷന്‍ ആരംഭിക്കും. 60 പേരുടെ സ്രവ പരിശോധനയാണ് ക്യാമ്പില്‍ നടത്തുകയെന്ന് ഹെല്‍ത്ത് സൂപ്പര്‍വൈസര്‍ ബി അഷ്റഫ് പറഞ്ഞു.

രണ്ടുപേർ വിദേശത്തു നിന്നും ഏഴ് പേർ മറ്റു സംസ്ഥാനങ്ങളിൽ നിന്നും എത്തിയവരാണ്. 20 പേർക്ക് സമ്പർക്കത്തിലൂടെ ആണ് രോഗം ബാധിച്ചത്. ഒരു ആരോഗ്യ പ്രവർത്തകയ്ക്കും രോഗം സ്ഥിരീകരിച്ചിട്ടുണ്ട്.

കര്‍ണ്ണാടക മെഡിക്കല്‍ എഞ്ചിനീയറിങ് പ്രവേശന പരീക്ഷ എഴുതുന്ന ജില്ലയിലെ 343 വിദ്യാര്‍ഥികള്‍ക്കായി  ജൂലൈ 30 31, ആഗസ്റ്റ് ഒന്ന് തീയ്യതികളില്‍ കാഞ്ഞങ്ങാട് നിന്ന് തലപ്പാടി വരെ 11 കെ എസ് ആര്‍ ടി സി ബസുകള്‍ ഏര്‍പ്പെടുത്തിയിട്ടുണ്ടെന്ന് ജില്ലാ കളക്ടര്‍ ഡോ ഡി സജിത് ബാബു അറിയിച്ചു. രാവിലെ 5.30 മുതല്‍ ഒരോ മിനിറ്റും ഇടവിട്ട് 11 ബസുകളാണ് ഒരുക്കിയിട്ടുള്ളത്. ആറ് ബസുകള്‍ കാഞ്ഞങ്ങാട് മാവുങ്കാല്‍ ചെര്‍ക്കള വഴിയും അഞ്ച് ബസുകള്‍ ചന്ദ്രഗിരി വഴിയുമാണ് തലപ്പാടിയിലെത്തുന്നത്. എവിടെ നിന്ന് വേണമെങ്കിലും വിദ്യാര്‍ഥികള്‍ക്ക് ബസില്‍ കയറാന്‍ അവസരമുണ്ട്.

കോവിഡ് 19 ന്റെ പശ്ചാത്തലത്തില്‍ പ്രായമായവരെയും കിടപ്പുരോഗികളെയും പ്രത്യേകം ശ്രദ്ധിക്കണമെന്ന് ജില്ലാ മെഡിക്കല്‍ ഓഫീസര്‍ അറിയിച്ചു. സമ്പര്‍ക്കത്തിലൂടെയുളള കോവിഡ് 19 രോഗബാധ വര്‍ദ്ധിക്കുന്ന സാഹചര്യത്തില്‍ പ്രായമായവരും കുട്ടികളും കിടപ്പുരോഗികളും പ്രത്യേകം ശ്രദ്ധിക്കണം. പ്രായമുളളവര്‍ വീടിനു പുറത്തു പോകരുത്. കടകളില്‍ പോവുകയോ ചടങ്ങുകളില്‍ സംബന്ധിക്കുകയോ ചെയ്യരുത്. വീട്ടില്‍ കിടപ്പുരോഗികള്‍ ഉണ്ടെങ്കില്‍ അവരെ പരിചരിക്കുന്നവര്‍ മാസ്‌ക് ധരിക്കണം. നിലവില്‍ കഴിച്ചുകൊണ്ടിരിക്കുന്ന മരുന്നുകള്‍ മുടക്കം കൂടാതെ കൃത്യസമയത്ത് കഴിക്കുന്നു എന്ന് ഉറപ്പുവരുത്തണം.

ആലപ്പുഴ: കോവിഡ് വ്യാപനആശങ്കകൾക്കിടയിൽ പട്ടണക്കാട് ബ്ലോക്ക് പഞ്ചായത്ത് നിവാസികൾക്ക് പുത്തൻ പ്രതീക്ഷയേകി തുറവൂർ താലൂക്ക് ആശുപത്രി. കോവിഡ് നിർണയ ടെസ്റ്റുകളിൽ ഏറ്റവും പ്രധാനപ്പെട്ട പരിശോധനയായ ട്രൂ നാറ്റ് ടെസ്റ്റ് തുറവൂർ താലൂക്ക് ആശുപത്രിയിൽ ഉടൻ ആരംഭിക്കും.

ആലപ്പുഴ : കോവിഡ് പ്രതിരോധത്തിന്റെ ഭാഗമായി അവശ്യ സേവനങ്ങളെല്ലാം ഒരു വിളിപ്പാടകലെയൊരുക്കി ആര്യാട് ബ്ലോക്ക് പഞ്ചായത്ത്. കോവിഡ് കെയർ കൺട്രോൾ സെന്റർ പ്രവർത്തന സജ്ജമാക്കിയാണ് സേവനങ്ങൾ ആവശ്യക്കാരിൽ എത്തിക്കുന്നത്‌. ബ്ലോക്ക് പരിധിയിൽ ക്വാറന്റൈനിലും റിവേഴ്‌സ് ക്വാറന്റൈനിലും കഴിയുന്നവർക്കായാണ് കോവിഡ് കെയർ കൺട്രോൾ സെന്ററിലൂടെ സേവനങ്ങൾ ലഭ്യമാക്കുന്നത്‌. ജീവതാളം പെയ്ൻ & പാലിയേറ്റീവിന്റെ സഹകരണത്തോടെയാണ് കോവിഡ് കെയർ കൺട്രോൾ സെന്ററിന്റെ പ്രവർത്തനം.

അമ്പലവയല്‍ പഞ്ചായത്തിലെ 8, 18 വാര്‍ഡുകള്‍ കൂടി കണ്ടെയ്ന്‍മെന്റ് സോണുകളായി ജില്ലാ കലക്ടര്‍ പ്രഖ്യാപിച്ചു. 5, 6, 7, 13 വാര്‍ഡുകള്‍ കണ്ടെയ്ന്‍മെന്റായി തുടരും.

പുല്‍പ്പള്ളി ഗ്രാമപഞ്ചായത്തിലെ വാര്‍ഡ് 4 ഒഴികെയുള്ള എല്ലാ വാര്‍ഡുകളെയും കണ്ടെയ്ന്‍മെന്റ് സോണുകളില്‍ നിന്ന് ഒഴിവാക്കി. നാലാം വാര്‍ഡ് (അത്തിക്കുനി) കണ്ടെയ്ന്‍മെന്റ് ആയി തുടരും.