കോന്നി ടൗണിലെ ചുമട്ടുതൊഴിലാളിയായ യുവാവിന് കോവിഡ് സ്ഥിരീകരിച്ച സാഹചര്യത്തില്‍ ജനങ്ങള്‍ കൂടുതല്‍ ജാഗ്രത പാലിക്കണമെന്ന് അഡ്വ. കെ.യു.ജനീഷ് കുമാര്‍ എംഎല്‍എ അഭ്യര്‍ഥിച്ചു. ഭയപ്പെടുകയല്ല ജാഗ്രതയും, മുന്‍കരുതലും എടുക്കുകയാണ് ആവശ്യം.
        ആരോഗ്യ വകുപ്പും, പഞ്ചായത്തും, പോലീസും നല്‍കുന്ന നിര്‍ദേശങ്ങള്‍ എല്ലാവരും കര്‍ശനമായും പാലിക്കണം. വിവിധ വകുപ്പുകള്‍ ജാഗ്രതയോടെ ഏകോപിച്ച് പ്രതിസന്ധികളെ തരണം ചെയ്യാനുള്ള പരിശ്രമത്തിലാണ്. എല്ലാവരുടെയും പിന്‍തുണയോടെ ഈ മഹാമാരിയെ അതിജീവിക്കാന്‍ കോന്നി ജനത ഒറ്റക്കെട്ടായി നില്‍ക്കണമെന്നും എംഎല്‍എ അഭ്യര്‍ഥിച്ചു.
 

കോന്നി ടൗണില്‍ ചുമട്ടുതൊഴിലാളിയായും, ഓട്ടോറിക്ഷാ തൊഴിലാളിയായും പ്രവര്‍ത്തിച്ചു കൊണ്ടിരുന്ന യുവാവിന് കോവിഡ് സ്ഥിരീകരിച്ച സാഹചര്യത്തില്‍ കോന്നിയില്‍ കോവിഡ് ടെസ്റ്റ് നടത്തണമെന്ന് ആവശ്യപ്പെട്ട് കെ.യു.ജനീഷ് കുമാര്‍ എംഎല്‍എ ജില്ലാ മെഡിക്കല്‍ ഓഫീസര്‍ക്ക് കത്ത് നല്‍കി. കോവിഡ് സ്ഥിരീകരിച്ച യുവാവിന് കോന്നി ടൗണില്‍ തൊഴില്‍ സംബന്ധമായ വ്യാപക സമ്പര്‍ക്കമാണ് ഉള്ളത്.

കോന്നി ഗവ.മെഡിക്കല്‍ കോളജിലെ നിര്‍മാണം പൂര്‍ത്തീകരിച്ച ഭാഗങ്ങള്‍ ശുചീകരിച്ച് ഉപയോഗ യോഗ്യമാക്കുന്നതിനുള്ള പ്രവര്‍ത്തനങ്ങള്‍ തുടങ്ങി. പ്രദേശവാസികളാണ് ശുചീകരണത്തില്‍ ഏര്‍പ്പെട്ടിരിക്കുന്നത്.  ശുചീകരിക്കുന്നതിന് മോപ്പിംഗ് മെഷീനും ഉപയോഗിക്കുന്നുണ്ട്. ശുചീകരണ പ്രവര്‍ത്തനങ്ങള്‍ അഡ്വ.കെ.യു.ജനീഷ് കുമാര്‍ എംഎല്‍എ സന്ദര്‍ശിച്ചു വിലയിരുത്തി
     പെയിന്റിംഗ് ജോലിയും പൂര്‍ത്തിയായി വരുന്നു. ഗ്രൗണ്ട് ഫ്‌ളോറിലെ പ്രവര്‍ത്തനങ്ങളാണ് പൂര്‍ത്തിയാകാനുളളത്. ബുധനാഴ്ചയോടു കൂടി അതും പൂര്‍ത്തിയാകും.

പത്തനംതിട്ട ജില്ലയില്‍ ഇന്ന് (1) 85 പേര്‍ക്ക് കോവിഡ്-19 സ്ഥിരീകരിച്ചു.
ഇന്ന് രോഗം സ്ഥിരീകരിച്ചവരില്‍ 12 പേര്‍ വിദേശ രാജ്യങ്ങളില്‍ നിന്ന് വന്നവരും, 14 പേര്‍ മറ്റ് സംസ്ഥാനങ്ങളില്‍ നിന്നും വന്നവരും, 59 പേര്‍ സമ്പര്‍ക്കത്തിലൂടെ രോഗം ബാധിച്ചവരുമാണ്. ചങ്ങനാശേരി ക്ലസ്റ്ററുമായി ബന്ധപ്പെട്ട് കോട്ടാങ്ങല്‍ കേന്ദ്രീകരിച്ചും, കുറ്റപ്പുഴ കേന്ദ്രീകരിച്ചും ഓരോ ലിമിറ്റഡ് കമ്മ്യൂണിറ്റി ക്ലസ്റ്ററുകള്‍ രൂപപ്പെട്ടിട്ടുണ്ട്.

വിദേശത്തുനിന്ന് വന്നവര്‍

കോവിഡ് 19 പ്രതിരോധ പ്രവര്‍ത്തനങ്ങളുടെ ഭാഗമായി പത്തനംതിട്ട  കെഎസ്ആര്‍റ്റിസി ഡിപ്പോയ്ക്ക് വീണാ ജോര്‍ജ് എംഎല്‍എ തെര്‍മല്‍ സ്‌കാനര്‍ കൈമാറി. കെഎസ്ആര്‍റ്റിസി പെന്‍ഷനേഴ്‌സ് ഓര്‍ഗനൈഷന്‍ ജില്ലാ കമ്മിറ്റിയാണ് തെര്‍മല്‍ സ്‌കാനര്‍ നല്‍കിയത്.
യാത്രക്കാര്‍ക്കും, കെഎസ്ആര്‍റ്റിസി ജീവനകാര്‍ക്കും,  തെര്‍മല്‍ സ്‌കാനര്‍ ഉപയോഗപ്രദമാകുമെന്ന് എംഎല്‍എ പറഞ്ഞു. ഇതോടൊപ്പം വാഹനം ശുചീകരിക്കുന്നതിനുള്ള മരുന്നുകളും, ജീവനകാര്‍ക്കുള്ള സാനിറ്റൈസറുകളും എംഎല്‍എ  കൈമാറി. ഡിപ്പോയ്ക്ക് വേണ്ടി ഡിറ്റിഒ റോയി ജേക്കബ് തെര്‍മല്‍ സ്‌കാനര്‍ എംഎല്‍എയില്‍നിന്ന് ഏറ്റു വാങ്ങി.

അടൂര്‍ നിയോജകമണ്ഡലത്തിലെ എട്ട് ഗ്രാമീണ റോഡുകള്‍ക്ക് മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയില്‍പ്പെടുത്തി 1.25 കോടി രൂപ അനുവദിച്ചതായി ചിറ്റയം ഗോപകുമാര്‍ എംഎല്‍എ അറിയിച്ചു. മുമ്പ് 7.5 കോടി രൂപ അനുവദിച്ചിരുന്നു. അതിന്റെ നിര്‍മാണം നടന്നുകൊണ്ടിരിക്കുകയാണ്.

     മഹാപ്രളയത്തില്‍  2018 ഓഗസ്റ്റില്‍ വെള്ളം കയറിയും മഴവെള്ളപ്പാച്ചിലും  തകര്‍ന്ന ഗ്രാമീണ റോഡുകള്‍ മുഖ്യമന്ത്രി പിണറായി വിജയന്റെ തദ്ദേശ റോഡ് പുനരുദ്ധാരണ പദ്ധതിയില്‍ ഉള്‍പ്പെടുത്തി പുനരുദ്ധരിക്കുന്നതിന്റെ സംസ്ഥാന തല ഉദ്ഘാടനം നാലിന് പകല്‍ 2.30 ന് റാന്നി അങ്ങാടിയില്‍ നടക്കും. മുഖ്യമന്ത്രി പിണറായി വിജയന്‍ വീഡിയോ കോണ്‍ഫറന്‍സ് മുഖേന ഉദ്ഘാടനം നിര്‍വഹിക്കും.

* ഉദ്ഘാടനം ആഗസ്റ്റ് നാലിന്
1000 കോടി രൂപയുടെ മുഖ്യമന്ത്രിയുടെ തദ്ദേശ റോഡ് പുനരുദ്ധാരണ പദ്ധതിയുടെ സംസ്ഥാനതല ഉദ്ഘാടനം ആഗസ്റ്റ് നാലിന് മുഖ്യമന്ത്രി പിണറായി വിജയൻ നിർവഹിക്കും. തദ്ദേശസ്വയംഭരണമന്ത്രി എ.സി മൊയ്തീൻ ചടങ്ങിൽ അധ്യക്ഷനായിരിക്കും. വൈകിട്ട് മൂന്നുമണിക്ക് ഓൺലൈനായി ഉദ്ഘാടനം 14 കേന്ദ്രങ്ങളിലായി നടക്കും.

* ചികിത്സയിലുള്ളത് 10,862 പേർ; 17 പുതിയ ഹോട്ട് സ്‌പോട്ടുകൾ