അഴിയൂര്‍ ഗ്രാമപഞ്ചായത്തിലെ  ചുങ്കം, മാഹി റെയില്‍വേ സ്റ്റേഷന്‍ എന്നിവിടങ്ങളിലെ 200 ഓട്ടോ തൊഴിലാളികള്‍ക്ക് ഹോമിയോ പ്രതിരോധ മരുന്നു വിതരണം ചെയ്തു. പഞ്ചായത്ത് പ്രസിഡന്റ് വി.പി.ജയന്‍ മരുന്ന് വിതരണം ഉദ്ഘാടനം ചെയ്തു. ഹോമിയോ ഡോക്ടര്‍ ഷംന ഉപയോഗക്രമം വിശദീകരിച്ചു. പഞ്ചായത്ത് സെക്രട്ടറി ടി.ഷാഹുല്‍ ഹമീദ്, തൊഴിലാളി നേതാക്കളായ കെ.വി.പ്രകാശന്‍, വി.കെ.നിസാര്‍, സി.വി.റിഷാദ്, കെ.പി.ഫൈസല്‍, നൗഷാദ്, എന്നിവര്‍ പങ്കെടുത്തു. വരും ദിവസങ്ങളില്‍ മറ്റ് പ്രദേശങ്ങളിലെ ഓട്ടോ ഡ്രൈവര്‍മാര്‍ക്കും മരുന്ന് നല്‍കും.

     ഓണം, ബക്രീദ് പ്രമാണിച്ച് ജില്ലയിലെ ഖാദി ഗ്രാമവ്യവസായ ബോര്‍ഡിന്റെ വിവിധ ഷോറൂമുകളില്‍ വില്‍ക്കപ്പെടുന്ന ഖാദി തുണിത്തരങ്ങള്‍ക്ക് 30 ശതമാനം റിബേറ്റ് ഓഗസ്റ്റ് 30 വരെ അനുവദിച്ചു.  മലപ്പുറം കോട്ടപ്പടി മുനിസിപ്പല്‍ ബസ് സ്റ്റാന്‍ഡിലുള്ള  ഖാദി ഗ്രാമസൗഭാഗ്യയിലും, ചങ്ങരംകുളം, എടപ്പാള്‍, താനൂര്‍, വടക്കുമുറി എന്നിവിടങ്ങളിലുള്ള ഷോറൂമുകളിലും ജില്ലയിലെ  ഗ്രാമ സൗഭാഗ്യകളിലും വില്‍ക്കപ്പെടുന്ന ഖാദി തുണിത്തരങ്ങള്‍ക്കാണ് റിബേറ്റ്. സര്‍ക്കാര്‍ അര്‍ധസര്‍ക്കാര്‍ ജീവനക്കാര്‍ക്ക് ഒരു ലക്ഷം രൂപ വരെ ക്രെഡിറ്റ് സൗകര്യം ലഭിക്കും. 
 

    ലൈഫ് ഭവന നിര്‍മാണ പദ്ധതിയുടെ ഗുണഭോക്തൃ പട്ടികയില്‍ ആദ്യഘട്ടത്തില്‍ ഉള്‍പ്പെടാതെ പോയ ഭവനരഹിതര്‍ക്കും ഭൂരഹിതര്‍ക്കും ഓഗസ്റ്റ് ഒന്ന് മുതല്‍ 14 വരെ അപേക്ഷിക്കാം. ഓണ്‍ലൈന്‍ മുഖേനയാണ് അപേക്ഷ സമര്‍പ്പിക്കേണ്‍ത്. തദ്ദേശഭരണ സ്ഥാപനങ്ങളില്‍ സജ്ജീകരിക്കുന്ന ഹെല്‍പ് ഡെസ്‌ക്കുകള്‍ വഴിയോ സ്വന്തമായോ ഓണ്‍ലൈനായി അപേക്ഷ സമര്‍പ്പിക്കാം.  ഒരു റേഷന്‍ കാര്‍ഡില്‍ ഉള്‍പ്പെട്ടവരെ ഒറ്റ കുടുംബമായിട്ടായിരിക്കും പരിഗണിക്കുക. 2020 ജൂലൈ ഒന്നിന് മുന്‍പ് റേഷന്‍ കാര്‍ഡുള്ളതും കാര്‍ഡില്‍ പേരുള്ള ഒരാള്‍ക്ക് പോലും ഭവനം ഇല്ലാത്തവരുമായ  ഭൂമിയുള്ള ഭവനരഹിതര്‍, ഭൂരഹിത ഭവനരഹിതര്‍ എന്നിവര്‍ക്കാണ് അപേക്ഷിക്കാനാവുക.  

കേരള തീരത്ത് നിന്ന് മൽസ്യതൊഴിലാളികൾ കടലിൽ പോകാൻ പാടുള്ളതല്ല. കോവിഡ് മാനദണ്ഡങ്ങൾ കർശനമായി പാലിക്കുക.

28-07-2020 മുതൽ 31-07-2020 വരെ : അറബിക്കടലിൽ കേരള,കർണാടക, ലക്ഷദ്വീപ്, മാലിദ്വീപ് എന്നീ സമുദ്ര മേഖലകളിൽ മണിക്കൂറിൽ 40 മുതൽ 50 കി മി വരെ വേഗതയിൽ ശക്തമായ കാറ്റിനും മോശം കാലാവസ്ഥക്കും സാധ്യതയുണ്ടെന്ന് കേന്ദ്ര കാലാവസ്ഥ വകുപ്പ് അറിയിച്ചു. ആയതിനാൽ പ്രസ്തുത ദിവസങ്ങളിൽ മൽസ്യ തൊഴിലാളികൾ കടലിൽ പോകാൻ പാടുള്ളതല്ല

പ്രത്യേക ജാഗ്രതാ നിർദ്ദേശം

    കോവിഡ് പ്രത്യേക ചികിത്സാ കേന്ദ്രമായ മഞ്ചേരി ഗവ. മെഡിക്കല്‍ കോളജ് ആശുപത്രിയില്‍ വൈറസ് ബാധിതനായി ചികിത്സയിലുള്ള തേഞ്ഞിപ്പലം സ്വദേശി (67) യുടെ ആരോഗ്യ നില അതീവ ഗുരുതരമാണെന്ന് ജില്ലാ മെഡിക്കല്‍ ഓഫീസര്‍ ഡോ. കെ. സക്കീന അറിയിച്ചു. ഹൃദയാഘാതമുണ്‍ാവുകയും ഹൃദയത്തിന്റെ പമ്പിങ് കുറയുകയും ചെയ്ത ഇയാള്‍ തീവ്ര പരിചരണ വിഭാഗത്തില്‍ ചികിത്സയിലാണ്.

    ബലിപെരുന്നാളിനോടനുബന്ധിച്ച് ഇന്നും നാളെയും (ജൂലൈ 29, 30) തീയതികളില്‍ കണ്‍െയ്ന്‍മെന്റ് സോണ്‍ ഒഴികെയുള്ള പ്രദേശങ്ങളില്‍ കടകള്‍ രാവിലെ ഏഴ് മുതല്‍ വൈകീട്ട് എട്ട് വരെ പ്രവര്‍ത്തിപ്പിക്കുന്നതിന്  കോവിഡ് മുഖ്യ സമിതി യോഗം അനുമതി നല്‍കി. കണ്‍െയ്ന്‍മെന്റ് സോണുകളില്‍ ഇതേ ദിവസങ്ങളില്‍ ആവശ്യവസ്തുക്കള്‍ വില്‍ക്കുന്ന കടകള്‍ വൈകീട്ട് അഞ്ച് വരെ പ്രവര്‍ത്തിപ്പിക്കാം. കണ്‍െയ്ന്‍മെന്റ് സോണുകളിലെ ചിക്കന്‍ സ്റ്റാളുകള്‍ക്കും തുറന്ന് പ്രവര്‍ത്തിക്കാം. കണ്‍െയ്ന്‍മെന്റ് സോണുകളിലുള്ള ബാങ്കുകള്‍ കുറഞ്ഞ ജീവനക്കാരെ ഉപയോഗപ്പെടുത്തി രാവിലെ 10 മുതല്‍ ഉച്ചക്ക് രണ്‍് വരെ പ്രവര്‍ത്തിപ്പിക്കാം. 

എം.എൽ.എ. യുടെ ആസ്തി വികസന ഫണ്ടിൽ നിന്നും ഒരു കോടി രൂപ ഫസ്റ്റ് ലൈൻ ട്രീറ്റ്മെന്റ് സെന്ററുകൾക്കായി നൽകിയതായും 
അതിനാൽ തരൂർ മണ്ഡലത്തിലെ  പശ്ചാത്തല സൗകര്യം ഉൾപ്പെടെയുള്ള കാര്യങ്ങൾക്ക് ആശങ്കപ്പെടേണ്ടതില്ലെന്നും  മന്ത്രി എ.കെ. ബാലൻ പറഞ്ഞു. തരൂർ മണ്ഡലത്തിലെ കോവിഡ് പ്രതിരോധ പ്രവർത്തനങ്ങളും വികസന പ്രാവർത്തനങ്ങളും വിലയിരുത്തുന്നതിനായി സംഘടിപ്പിച്ച സൂം മീറ്റിങ്ങിൽ സംസാരിക്കുകയായിരുന്നു മന്ത്രി. 

 ഒറ്റപ്പാലം താലൂക്ക് ആശുപത്രിക്ക് പി.ഉണ്ണി എം.എൽ.എ അനുവദിച്ച ആദ്യഘട്ട ഫണ്ടായ 1.90 ലക്ഷo രൂപയുടെ  കോവിഡ് പ്രതിരോധ സാമഗ്രികൾ ആശുപത്രിയിൽ എത്തിച്ചു എൻ 95 മാസ്ക്, പി പി ഇ കിറ്റ്, ഗ്ലൂക്കോമീറ്റർ, ടൂ ലെയർ മാസ്ക്  എന്നിവയാണ് ആദ്യഘട്ടത്തിൽ ആശുപത്രിയിൽ എത്തിച്ചത്. നഗരസഭ കൗൺസിലർ ടി പി പ്രദീപ് കുമാർ, ആശുപത്രി സൂപ്രണ്ട് ഡോ.താജ് പോൾ പനക്കൽ എന്നിവർ സാധനങ്ങൾ ഏറ്റുവാങ്ങി. 98.57 ലക്ഷം രൂപയുടെ കോവിഡ് പ്രതിരോധ പ്രവർത്തനങ്ങൾക്കാണ് പി.ഉണ്ണി എം.എൽ എ ഒറ്റപ്പാലം മണ്ഡലത്തിലാകെ നടപ്പിലാക്കുന്നത്.