കോവിഡ് 19 ബാധിതരായി  ജില്ലയില്‍ നിലവില്‍ 396 പേരാണ് ചികിത്സയിലുള്ളത്.  ഇന്ന് (ജൂലൈ 27) ജില്ലയില്‍ 41 പേര്‍ക്കാണ് കോവിഡ് 19 സ്ഥിരീകരിച്ചത്. ഇന്ന് 33 പേരെ ആശുപത്രിയില്‍ പ്രവേശിപ്പിക്കുകയും ചെയ്തു.  

ഇതുവരെ 31732 സാമ്പിളുകള്‍ പരിശോധനയ്ക്കായി അയച്ചതില്‍ 30294 പരിശോധനാ ഫലങ്ങളാണ് ലഭ്യമായത്. ഇന്ന് 368 പരിശോധനാ ഫലങ്ങളാണ് ലഭിച്ചത്. പുതുതായി 191 സാമ്പിളുകൾ അയച്ചു. 1464 പേർക്കാണ് ഇതുവരെ  പരിശോധനാഫലം പോസിറ്റീവായത്. ഇതുവരെ 1054 പേർ രോഗമുക്തി നേടി. ഇനി 1078 സാമ്പിളുകളുടെ പരിശോധനാ ഫലം കൂടി ലഭിക്കാനുണ്ട്. 

    ജില്ലയില്‍ കോവിഡ് പോസിറ്റീവ് കേസുകള്‍ വര്‍ധിച്ചു വരുന്ന സാഹചര്യത്തില്‍ പരിശോധന നടത്തുന്നതിനും ആശുപത്രികളിലും ക്വാറന്റൈന്‍ കേന്ദ്രങ്ങളിലും ഉപയോഗിക്കുന്നതിനുള്ള പി.പി.ഇ. കിറ്റുകള്‍ പി.കെ കുഞ്ഞാലിക്കുട്ടി എം.പിയുടെ നേതൃത്വത്തില്‍ വിതരണം ചെയ്തു. കലക്ടറേറ്റില്‍ നടന്ന ചടങ്ങില്‍ ജില്ലാ കലക്ടര്‍ കെ.ഗോപാലകൃഷ്ണന്‍ പി.പി.ഇ കിറ്റുകള്‍ ഏറ്റുവാങ്ങി ജില്ലാ മെഡിക്കല്‍ ഓഫീസര്‍ ഡോ.കെ.സക്കീനയ്ക്ക് കൈമാറി. 

പാലക്കാട് ജില്ലയിലെ കോവിഡ് പ്രതിരോധ വുമായി ബന്ധപ്പെട്ട പ്രവർത്തനങ്ങൾ വിലയിരുത്താൻ മന്ത്രി എ.കെ ബാലൻ നാളെ(ജൂലൈ 28) രാവിലെ 11 മണിക്ക്  ജില്ലാ കളക്ടർ, ഫസ്റ്റ് ലൈൻ ട്രീറ്റ്മെന്റ് സെന്റർ നോഡൽ ഓഫീസർ   എസ്.കാർത്തികേയൻ , എ.ഡി.എം ,ജില്ലാ പോലീസ് മേധാവി, ഡി.എം.ഒ  എന്നിവരെ ഉൾപ്പെടുത്തി  ഓൺലൈനായി അവലോകന യോഗം  നടത്തും. തിരുവനന്തപുരത്ത് നിന്നാണ് മന്ത്രി പ്രവർത്തനങ്ങൾ വിലയിരുത്തുക.

    കോവിഡ് പ്രതിരോധപ്രവര്‍ത്തനങ്ങള്‍ ഊര്‍ജ്ജിതമാക്കുന്നതിനാവശ്യമായ സഹായ സഹകരണങ്ങള്‍ ജനപ്രതിനിധികളുടെ ഭാഗത്തുനിന്നു ഉണ്ടാകുമെന്ന് പി.കെ കുഞ്ഞാലിക്കുട്ടി എം.പി പറഞ്ഞു. കലക്ടറേറ്റ് കോണ്‍ഫറന്‍സ് ഹാളില്‍ ചേര്‍ന്ന യോഗത്തില്‍ ജില്ലയിലെ കോവിഡ് പ്രതിരോധപ്രവര്‍ത്തനങ്ങള്‍ സംബന്ധിച്ച് ജില്ലാകലക്ടര്‍ കെ. ഗോപാലകൃഷ്ണനുമായി ജനപ്രതിനിധികള്‍ ചര്‍ച്ച ചെയ്തു. ആവശ്യമെങ്കില്‍ കൂടുതല്‍ സഹായങ്ങള്‍ ലഭ്യമാക്കും. 
    യോഗത്തില്‍ എം.എല്‍.എമാരായ പി.ഉബൈദുള്ള, പി.അബ്ദുല്‍ ഹമീദ്, ജില്ലാ പഞ്ചയാത്ത് പ്രസിഡന്റ് എ.പി ഉണ്ണികൃഷ്ണന്‍, ജില്ലാ മെഡിക്കല്‍ ഓഫീസര്‍ ഡോ.കെ സക്കീന തുടങ്ങിയവര്‍ പങ്കെടുത്തു.   
 

പാലക്കാട് ജില്ലയിൽ ഇന്ന്(ജൂലൈ 27) ഒരു മലപ്പുറം സ്വദേശിക്ക് ഉൾപ്പെടെ  41 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 
ഇതിൽ പട്ടാമ്പിയിലും സമീപ പ്രദേശങ്ങളിലുമുള്ള എട്ടുപേർ ഉൾപ്പെടെ സമ്പർക്കത്തിലൂടെ രോഗം ബാധിച്ച 12 പേർ, ഇതര സംസ്ഥാനങ്ങളിൽ നിന്ന് വന്ന 13 പേർ, വിവിധ രാജ്യങ്ങളിൽ നിന്ന് വന്ന 12 പേർ, ഉറവിടം അറിയാത്ത മൂന്നുപേർ, ഒരു മലപ്പുറം സ്വദേശിയായ ആരോഗ്യപ്രവർത്ത എന്നിവരാണ് ഉൾപ്പെടുന്നത്. കൂടാതെ 12 പേർക്ക് രോഗമുക്തി ഉള്ളതായി അധികൃതർ അറിയിച്ചു.

അഞ്ച് ഇടങ്ങളിലായി  പന്ത്രണ്ടര ലക്ഷം മത്സ്യകുഞ്ഞുങ്ങളെ നിക്ഷേപിക്കും

ഖാദി ഓണം, ബക്രീദ്  മേളയുടെ വില്‍പ്പന  ആരംഭിച്ചു.  ജില്ലാ ഖാദി ഗ്രാമ വ്യവസായ കാര്യാലയത്തിന് കീഴിലുള്ള കെ.ജി.എസ് മേജര്‍ ഭവനില്‍ നടന്ന ആദ്യവില്‍പ്പനയും ഉദ്ഘാടനവും ജില്ലാ പഞ്ചായത്ത് പ്രസിഡന്റ്  അഡ്വ. കെ. ശാന്തകുമാരി നിര്‍വഹിച്ചു.
പാലക്കാട് നഗരസഭാ കൗണ്‍സിലര്‍ .പി.ആര്‍ സുജാത പരിപാടിയില്‍  അധ്യക്ഷയായി.

വിനോദസഞ്ചാര വകുപ്പിന് കീഴിലുള്ള ഫുഡ്ക്രാഫ്റ്റ് ഇന്‍സ്്റ്റിറ്റിയൂട്ടിന്റെ തിരൂര്‍ കേന്ദ്രത്തില്‍ 2020 -2021 വര്‍ഷത്തെ പി.എസ്.സി അംഗീകൃത തൊഴിലധിഷ്ടിത കോഴ്സുകളിലേക്ക് ഓണ്‍ലൈനായി അപേക്ഷിക്കാനുള്ള തിയ്യതി ഓഗസ്റ്റ് ആറ് വരെ നീട്ടിയതായി പ്രിന്‍സിപ്പാള്‍  അറിയിച്ചു . അപേക്ഷിക്കുന്നതിനും കൂടുതല്‍ വിവരങ്ങള്‍ക്കും www.fcikerala.org സന്ദര്‍ശിക്കുക. ഫോണ്‍ 0494 2430802, 9447539585