പന്തളം തെക്കേക്കര ഗ്രാമപഞ്ചായത്തില്‍ പുതിയതായി തുടങ്ങുന്ന കോവിഡ് ഫസ്റ്റ് ലൈന്‍ ട്രീറ്റ്‌മെന്റ് സെന്ററിലേക്ക്(സിഎഫ്എല്‍ടിസി) സെക്യൂരിറ്റി ഗാര്‍ഡ്, ശുചീകരണ തൊഴിലാളികള്‍ എന്നിവരുടെ താത്ക്കാലിക ഒഴുവുകളിലേക്ക് ദിവസവേതന അടിസ്ഥാനത്തില്‍ കോവിഡ് 19 പ്രോട്ടോക്കോള്‍ പാലിച്ച് 25-60 വയസിനും ഇടയില്‍ പ്രായമുള്ളവരെ നിയമിക്കുന്നു. താത്പര്യമുള്ളവര്‍ ആഗസ്റ്റ് മൂന്നിന് വൈകിട്ട് അഞ്ചിനകം ഗ്രാമപഞ്ചായത്ത് ഓഫീസില്‍ അപേക്ഷ സമര്‍പ്പിക്കണമെന്ന് ഗ്രാമപഞ്ചായത്ത് സെക്രട്ടറി അറിയിച്ചു.    

സംസ്ഥാന സര്‍ക്കാര്‍ സ്ഥാപനമായ ഐഎച്ച്ആര്‍ഡിയുടെ കീഴില്‍ മഹാത്സാഗാന്ധി സര്‍വകലാശാലയുമായി അഫിലിയേറ്റ് ചെയ്തിട്ടുള്ള അപ്ലൈഡ് സയന്‍സ് കോളജുകളില്‍ ഡിഗ്രി കോഴ്‌സുകളില്‍ അനുവദിച്ച 50 ശതമാനം സീറ്റുകളില്‍ ഓണ്‍ലൈന്‍ വഴി പ്രവേശനത്തിന് അപേക്ഷ ക്ഷണിച്ചു. ഓരോ കോളജിലെയും പ്രവേശനത്തിന് പ്രത്യേകം അപേക്ഷ നല്‍കണം. അപേക്ഷയുടെ പ്രിന്റൗട്ട് നിര്‍ദിഷ്ട അനുബന്ധങ്ങള്‍, രജിസ്‌ട്രേഷന്‍ ഫീസ് ഓണ്‍ലൈനായി അടച്ച വിവരങ്ങള്‍ എന്നിവ സഹിതം പ്രവേശനം ആഗ്രഹിക്കുന്ന കോളജില്‍ ലഭ്യമാക്കണം. കൂടുതല്‍ വിവരം www.ihrd.ac.in എന്ന വെബ്‌സൈറ്റില്‍ ലഭിക്കും. 

ഓണ്‍ലൈന്‍ പഠനത്തിന് ടെലിവിഷന്‍ ലഭ്യമല്ലാത്ത വിദ്യാര്‍ഥികള്‍ക്ക് നല്‍കുന്നതിനായി ഫെയ്‌സ്ബുക്ക് കൂട്ടായ്മയിലെ അംഗങ്ങള്‍ ചേര്‍ന്ന് ടെലിവിഷന്‍ കൈമാറി. ആറന്മുളക്കാരന്‍ എന്ന ഫെയ്‌സ്ബുക്ക് കൂട്ടായ്മയിലെ അംഗങ്ങളാണ് 32 ഇഞ്ച് എല്‍ഇഡി ടി.വി ജില്ലാ കളക്ടര്‍ പി.ബി നൂഹിന് കൈമാറിയത്. കൂട്ടയ്മയിലെ അംഗങ്ങളായ ശ്രീലേഖാ അമ്പോറ്റി, പ്രമോദ് അമ്പോറ്റി, എബി ഫിലിപ്പ്, നവമി പ്രസാദ്, ശ്രീലക്ഷ്മി വേണുഗോപാല്‍ എന്നിവര്‍ ചേര്‍ന്നാണ് ടെലിവിഷന്‍ കൈമാറിയത്.

ഇലന്തൂര്‍ ഗ്രാമപഞ്ചായത്തില്‍ തരിശുകൃഷി ചെയ്ത് വരുന്നവരും, കൃഷി ചെയ്യാന്‍ താത്പര്യമുള്ളവരുമായ കര്‍ഷകര്‍ സുഭിക്ഷകേരളം പദ്ധതിയുടെ ഭാഗമായ  www.aims.kerala.gov.in  എന്ന വെബ്‌പോര്‍ട്ടലില്‍ പേര് രജിസ്റ്റര്‍ ചെയ്യണമെന്ന് ഇലന്തൂര്‍ കൃഷി ഓഫീസര്‍ അറിയിച്ചു. നിലവില്‍ കൃഷിഭവനിലോ ഗ്രാമപഞ്ചായത്ത് അംഗങ്ങളുടെ പക്കലോ അപേക്ഷ നല്‍കാത്തവര്‍ ഉടന്‍ കൃഷിഭവനുമായി ബന്ധപെടണം. ഫോണ്‍ നമ്പര്‍ 04682263004.

മണിയാര്‍ ബാരേജിന്റെ 5 ഷട്ടറുകള്‍  20 സെന്റിമീറ്റര്‍ വീതം ഇന്ന്(ജൂലൈ 29) ഉച്ചയ്ക്ക് 12.10ന്  തുറന്നു. സ്പില്‍ വേയിലൂടെ വരുന്ന ജലത്തിന്റെ അളവ് 67 ക്യൂമെക്സ് മാത്രമാണ്. ആയതിനാല്‍ കക്കാട്ടാറിന്റെ റാന്നി പെരുനാട് ഭാഗങ്ങളില്‍  60 സെന്റിമീറ്റര്‍ വരെയും പമ്പയാറില്‍  വടശേരിക്കര ഭാഗം വരെ 40 സെന്റിമീറ്റര്‍ വരെയും ,കോഴഞ്ചേരി ഭാഗം വരെ 20 സെന്റിമീറ്റര്‍ വരെയും ജലനിരപ്പ് ഉയരുന്നതിന് സാധ്യത ഉണ്ട്.

കല്‍പ്പറ്റ നഗരസഭ ഡിവിഷന്‍ (18) റാട്ടകൊല്ലി പണിയ കോളനി ഉള്‍പ്പെടുന്ന പ്രദേശത്തെ മൈക്രോ കണ്ടെയ്ന്‍മെന്റ് സോണ്‍ പരിധിയില്‍ നിന്നും ഒഴിവാക്കിയതായി ജില്ലാ കലക്ടര്‍ അറിയിച്ചു.

ജല ജീവന്‍ മിഷന്‍