എം എസ് ഡി പി  പദ്ധതിയില്‍ ഉള്‍പ്പെടുത്തി നിര്‍മ്മിച്ച പനമരം ഗവണ്മെന്റ് ഹയര്‍ സെക്കന്ററി സ്‌കൂളിന്റെ  പുതിയ കെട്ടിടത്തിന്റെ ഉദ്ഘാടനവും പനമരം  ഹൈസ്‌കൂളിനായി നിര്‍മ്മിക്കുന്ന  കെട്ടിടത്തിന്റെ  ശിലാസ്ഥാപ നവും പനമരം ബ്ലോക്ക് പഞ്ചായത്ത് പ്രസിഡന്റ്  ടി .എസ്  ദിലീപ് കുമാര്‍  നിര്‍വ്വഹിച്ചു. 1.5  കോടി  രൂപ ചെലവില്‍ ജില്ലാ നിര്‍മിതി കേന്ദ്രയാണ്  ഹയര്‍ സെക്കന്ററി സ്‌കൂളിന്റെ  കെട്ടിട നിര്‍മാണം  പൂര്‍ത്തിയാക്കിയത്. പനമരം  ഹൈസ്‌കൂളിനായി നിര്‍മ്മിക്കുന്ന  പുതിയ കെട്ടിടത്തിന് 1 കോടി   20 ലക്ഷം  രൂപയാണ്  വിനിയോഗിക്കുന്നത്.

ജില്ലയില്‍ മഴക്കെടുതി രൂക്ഷമാകുന്നതിനാലും ദുരിതാശ്വാസ ക്യാമ്പുകള്‍ തുറന്ന സാഹചര്യത്തിലും വിവിധ വകുപ്പുകളുടെ പ്രവര്‍ത്തനം ഉറപ്പുവരുത്തുന്നതിനായി ഇനിയൊരുത്തരവ് വരെ ജില്ലയിലെ എല്ലാ സര്‍ക്കാര്‍ ഓഫീസുകളും അവധി ദിവസങ്ങളില്‍ ഉള്‍പ്പെടെ തുറന്ന് പ്രവര്‍ത്തിക്കണമെന്ന് ജില്ലാ കളക്ടര്‍ ഡോ. അദീല അബ്ദുള്ള നിര്‍ദ്ദേശം നല്‍കി. ദുരന്തനിവാരണ നിയമ പ്രകാരമാണ് ഉത്തരവ്.

അതിതീവ്ര മഴയ്ക്ക് സാധ്യതയുളളതായി കേന്ദ്ര കാലാവസ്ഥ വകുപ്പ് അറിയിച്ച  സാഹചര്യത്തില്‍ (റെഡ് അലര്‍ട്ട്) പൊതുജനങ്ങള്‍ അതീവ ജാഗ്രത പാലിക്കണമെന്ന് ജില്ലാ ഭരണകൂടം അറിയിച്ചു.  24 മണിക്കൂറില്‍ 204.5 എം.എമ്മില്‍ കൂടുതല്‍ മഴ ലഭിക്കാനുളള സാധ്യതയുളളതിനാല്‍ മലയോര മേഖലയിലുളളവര്‍ രാത്രി ഗതാഗതം പൂര്‍ണ്ണമായി ഒഴിവാക്കണം. ഉരുള്‍പ്പൊട്ടല്‍,മണ്ണിടിച്ചില്‍ സാധ്യത മുന്നില്‍ കണ്ടുകൊണ്ടുളള മുന്‍കരുതലുകളും സ്വീകരിക്കണം. മാറി താമസിക്കേണ്ട ഇടങ്ങളിലുളളവര്‍ അധികൃതരുടെ നിര്‍ദ്ദേശങ്ങള്‍ പാലിക്കണം.

പനമരം ബ്ലോക്ക് പഞ്ചായത്തിലെ സഞ്ചരിക്കുന്ന മൃഗാശുപത്രി പുല്‍പ്പള്ളി ഗ്രാമപഞ്ചായത്തില്‍ ആഗസ്റ്റ് 10 മുതല്‍ 14 വരെ സേവനം നല്‍കും. ക്ഷീര കര്‍ഷകര്‍ക്ക് ക്ഷീര സംഘങ്ങള്‍ മുഖേന ഡ്യൂട്ടി ഡോക്ടറുമായി ബന്ധപ്പെടാം.  ഫോണ്‍ 9495478744.

കോവിഡ് പശ്ചാത്തലത്തില്‍ മൃഗങ്ങളുടെ ചികിത്സക്കായി ടെലിമെഡിസിന്‍ സംവിധാനവുമായി ജില്ലാ മൃഗസംരക്ഷണ വകുപ്പ്. കര്‍ഷകരുടെ സംശയ ദൂരീകരണത്തിനും അത്യാവശ്യ സഹായങ്ങള്‍ക്കുമായി ജില്ലാ തലത്തില്‍  ഒരുക്കിയ ടെലിമെഡിസിന്‍ സംവിധാനത്തിലേക്ക്‌ രാവിലെ 10 മുതല്‍ വൈകുന്നേരം 5 വരെ ജില്ലയിലെ കര്‍ഷകര്‍ക്ക് വിളിക്കാം.   നമ്പര്‍:  9188522710, 9895080007.

ജില്ലയിലെ 14 തദ്ദേശ സ്ഥാപനങ്ങളിലെ 106 വാര്‍ഡുകളാണ് ഇപ്പോള്‍ കണ്ടെയ്ന്‍മെന്റ് സോണുകളായുള്ളത്. എടവക പഞ്ചായത്ത് (20 വാര്‍ഡുകള്‍), തൊണ്ടര്‍നാട് (15 വാര്‍ഡുകള്‍), വെള്ളമുണ്ട (21വാര്‍ഡുകള്‍), തവിഞ്ഞാല്‍ (22 വാര്‍ഡുകള്‍) എന്നിവിടങ്ങളിലെ എല്ലാ വാര്‍ഡകളും കണ്ടെയ്ന്‍മെന്റ് പരിധിയിലാണ്.

കോവിഡ് സ്ഥിരീകരിച്ച, കൽപ്പറ്റ ചാത്തോട്ടുവയല് സ്വദേശിയായ അലവിക്കുട്ടി ഹാജി (60) നിര്യാതനായി. കൽപ്പറ്റ വിംസ് ആശുപത്രിയിൽ ചികിത്സയിലായിരുന്നു. ഓഗസ്റ്റ് അഞ്ചിനാണ് കോവിഡ് സ്ഥിരീകരിച്ചത്.

വയനാട് ജില്ലയിലെ വിവിധ താലൂക്കുകളിൽ ദുരന്ത നിവാരണ പ്രവർത്തനങ്ങളിലും കോവിഡ് 19 പ്രതിരോധ പ്രവർത്തനങ്ങളിലും ജില്ലാ മോട്ടോർ വാഹന വകുപ്പിന് ഒപ്പം ചേർന്ന് പ്രവർത്തിക്കാന്‍ സന്നദ്ധരായ വിവിധതരം വിഭാഗത്തിൽ പെട്ട വാഹന ഉടമകളും ഡ്രൈവർമാരും സന്നദ്ധത റജിസ്റ്റർ ചെയ്യണം.

ഇതിനായി വയനാട് ആർ.ടി.ഒ വെബ് അപ്ലിക്കേഷൻ തയ്യാറാക്കിയിട്ടുണ്ട്. ഈ ലിസ്റ്റിൽ നിന്നയിരിക്കും വിവിധ  സേവനങ്ങൾക്ക് വാഹനങ്ങൾ അനുവദിച്ച് കൊടുക്കുന്നത്. സേവനങ്ങൾക്ക് നിയോഗിച്ച വാഹനങ്ങൾക്ക് സർക്കാർ മാനദണ്ഡങ്ങൾ അനുസരിച്ച് വാടക ലഭ്യമാക്കുന്നതായിരിക്കും.

ആഗസ്റ്റ് 6 നു രാവിലെ 8.30 മുതല്‍
ആഗസ്റ്റ് 7 രാവിലെ 8.30 വരെ ലഭിച്ച മഴ (മില്ലി മീറ്റര്‍)