കനത്ത മഴയും വെള്ളപ്പൊക്കവും ഉണ്ടാകുമെന്നുള്ള മുന്നറിയിപ്പുള്ളതിനാല്‍ വെള്ളം കയറുന്ന താഴ്ന്ന ഭാഗങ്ങളിലെ ഉപഭോക്താക്കള്‍ വീടുമാറി താമസിക്കേണ്ടി വരുന്ന സാഹചര്യങ്ങളില്‍ മീറ്റര്‍ ചേമ്പറില്‍ ഉള്ള വാല്‍വ് അടച്ചിടണമെന്ന് കേരള ജല അതോറിറ്റി എക്സിക്യൂട്ടീവ എഞ്ചിനീയര്‍ അറിയിച്ചു. അല്ലാത്തപക്ഷം വാട്ടര്‍ മീറ്ററിനു ശേഷമുള്ള ഭാഗങ്ങളില്‍ പൈപ്പ് പൊട്ടിയാല്‍ വലിയ തോതിലുള്ള ജല നഷ്ടമുണ്ടാവാനും, ഉപഭോക്താവിന് അധിക തുക അടയ്ക്കേണ്ടതായും വരും. ഇതിനാല്‍ മുന്‍കരുതലെടുക്കുന്നതിന് ബന്ധപ്പെട്ട ഉപഭോക്താക്കള്‍ ശ്രദ്ധിക്കണമെന്നും അറിയിച്ചു.

ഈ വര്‍ഷത്തെ സ്വാതന്ത്ര്യദിനാഘോഷ പരിപാടികള്‍ കൊവിഡ് രോഗവ്യാപനസാഹചര്യത്തില്‍ ചടങ്ങ് മാ്രതമായി ചുരുക്കും. പരേഡ് ഉള്‍പ്പെടെയുള്ള പരിപാടികള്‍ ഒഴിവാക്കും. പൊതുജനങ്ങള്‍ക്ക് ചടങ്ങിലേക്ക് പ്രവേശനം ഉണ്ടായിരിക്കില്ല. ജനപ്രതിനിധികള്‍, വിശിഷ്ട വ്യക്തികള്‍, ഉദ്യോഗസ്ഥര്‍, മാധ്യമ പ്രവര്‍ത്തകര്‍ എന്നിങ്ങനെയുള്ള വിഭാഗങ്ങളില്‍ നിന്നുള്ള പ്രത്യേക ക്ഷണിതാക്കളെ പാസ് നല്‍കിയായിരിക്കും ചടങ്ങുകളില്‍ പങ്കെടുപ്പിക്കുക. ജില്ലാ കലക്ടര്‍ ടി വി സുഭാഷിന്റെ അധ്യക്ഷതയില്‍ ചേര്‍ന്ന ഇതുസംബന്ധിച്ച യോഗത്തിലാണ് തീരുമാനം. രാവിലെ ഒമ്പത് മണിക്ക് ചടങ്ങ് ആരംഭിക്കും.

അടുത്ത ദിവസങ്ങളില്‍  അതിതീവ്ര മഴയും ഒറ്റപ്പെട്ട അതിശക്തമായ മഴ വ്യാപകമായി ലഭിക്കാന്‍ സാധ്യതയുളള സാഹചര്യത്തില്‍ അതീവ ജാഗ്രത പുലര്‍ത്തണമെന്ന് ജില്ലാ കലക്ടര്‍ അറിയിച്ചു. സര്‍ക്കാര്‍ സംവിധാനങ്ങളും പൊതുജനങ്ങളും തയ്യാറെടുപ്പുകള്‍ പൂര്‍ത്തീകരിച്ച് അതീവ ജാഗ്രത പാലിക്കേണ്ടതാണ്. ഏതാനും ദിവസങ്ങളില്‍ ഒന്നില്‍ കൂടുതല്‍ ന്യൂനമര്‍ദങ്ങള്‍ രൂപപ്പെടാനുള്ള സാധ്യതയുണ്ട്. മഴ ഏത് സമയം വേണമെങ്കിലും ശക്തിപ്പെട്ടേക്കാം.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 8) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 84 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 160 പേരെ അറസ്റ്റ് ചെയ്തു. 

 മാസ്ക് ധരിക്കാത്ത 463 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 463 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ ശേഷം കോടതിയിൽ പിഴ അടയ്ക്കാൻ നോട്ടീസ് നൽകി വിട്ടയച്ചു. 
 

ജില്ലയില്‍ 33 പേര്‍ക്ക് ഇന്ന് (ആഗസ്ത് 6) കൊവിഡ് സ്ഥിരീകരിച്ചു. 17 പേര്‍ക്ക് സമ്പര്‍ക്കത്തിലൂടെയാണ് രോഗബാധ. വിദേശത്ത് നിന്ന് എത്തിയ ഒരാള്‍ക്കും ഇതര സംസ്ഥാനത്ത് നിന്ന് എത്തിയ 14 പേര്‍ക്കും ഡിഎസ്സിയിലെ ഒരു ഡോക്ടര്‍ക്കുമാണ് പുതുതായി രോഗം സ്ഥിരീകരിച്ചത്. കൊവിഡ് ബാധിച്ച് ചികില്‍സയിലായിരുന്ന 10 പേര്‍ കൂടി ഇന്ന് രോഗമുക്തി നേടി.
കരിപ്പൂര്‍ വിമാനത്താവളം വഴി ജൂലൈ ഒന്നിന് അബൂദാബിയില്‍ നിന്നെത്തിയ രാമന്തളി സ്വദേശി 58കാരി,  

കക്കോടി ബ്രാഞ്ച് കനാലിന്റെ ഭാഗമായി ചേളന്നൂർ 8/2ൽ അണ്ടർ ടണൽ മാറ്റി പുതിയ അക്വഡക്ട് നിർമ്മിക്കുന്നതിന് ഒന്നരക്കോടിയുടെ ഭരണാനുമതി. കോഴിക്കോട് ബാലുശ്ശേരി റോഡിനു കുറുകെ അണ്ടർ ടണൽ വഴി വെള്ളം ഒഴുക്കിയിരുന്നതിനാൽ  ഒഴുക്കിനു ശക്തി കുറഞ്ഞ പൂളക്കടവ്, ചേവായൂർ,  പുതിയങ്ങാടി ഭാഗങ്ങളിലേക്ക് വെള്ളം ലഭിക്കാത്ത അവസ്ഥയുണ്ടായിരുന്നു. പുതിയ അക്വഡക്ട്  നിർമ്മിക്കുന്നതിലൂടെ വർഷങ്ങളായുള്ള ഈ പ്രശ്നത്തിന് ശാശ്വത പരിഹാരമാകും.

ജില്ലയില്‍ 61 പേര്‍ക്ക് ഇന്ന് (ആഗസ്ത് 5) കൊവിഡ് സ്ഥിരീകരിച്ചു. 38 പേര്‍ക്ക് സമ്പര്‍ക്കത്തിലൂടെയാണ് രോഗബാധ. വിദേശത്ത് നിന്ന് എത്തിയ മൂന്ന് പേര്‍ക്കും ഇതര സംസ്ഥാനത്ത് നിന്ന് എത്തിയ 17 പേര്‍ക്കും രണ്ട് ഡിഎസ്‌സി ഉദ്യോഗസ്ഥര്‍ക്കും ഒരു ആരോഗ്യപ്രവര്‍ത്തകനും രോഗം സ്ഥിരീകരിച്ചു.
കൊവിഡ് ബാധിച്ച് ചികില്‍സയിലായിരുന്ന 49 പേര്‍ കൂടി ഇന്ന് രോഗമുക്തി നേടി

കോഴിക്കോട് ഗവ. എഞ്ചിനീയറിങ്ങ് കോളേജിലെ കെമിക്കല്‍ എഞ്ചിനീയറിംഗ് ഡിപ്പാര്‍ട്ട്മെന്റിലേക്കാവശ്യമായ ഹൈ ക്വാളിറ്റി ക്യാമറ വാങ്ങുന്നതിന് ക്വട്ടേഷന്‍ ക്ഷണിച്ചു. അവസാന തീയതി ആഗസ്റ്റ് 19ന് രണ്ട്  മണി വരെ. ഫോണ്‍: 0495 2383220, 2383210. വെബ്സൈറ്റ്: www.geckkd.ac.in.

മട്ടന്നൂരില്‍ വൃദ്ധയ്ക്ക് ലൈംഗിക പീഡനമേല്‍ക്കാനിടയായ സംഭവത്തിലും അശമന്നൂര്‍ ഗ്രാമപഞ്ചായത്ത് പ്രസിഡണ്ടിനെതിരെ വനിതാ ജീവനക്കാരി നല്‍കിയ പീഡന പരാതിയിലും റിപ്പോര്‍ട്ട് തേടാന്‍ വനിതാ കമ്മിഷന്‍ ചെയര്‍പേഴ്സണ്‍ എം സി ജോസഫൈന്‍ ഡയറക്ടര്‍ക്ക് നിര്‍ദേശം നല്‍കി. കഴിഞ്ഞ മാസം അവസാനത്തോടെയാണ് മട്ടന്നൂരില്‍ കേസിനാസ്പദമായ സംഭവമുണ്ടായത്. ഒറ്റയ്ക്ക് താമസിക്കുകയായിരുന്ന എഴുപത്തിയഞ്ചുകാരിക്കാണ് പീഡനം നേരിട്ടത്. കേസില്‍ അയല്‍വാസിയെ അറസ്റ്റ് ചെയ്തിരുന്നു. കണ്ണൂര്‍ എസ് പിയാണ് റിപ്പോര്‍ട്ട് നല്‍കേണ്ടത്.

സംസ്ഥാനത്ത് തദ്ദേശ സ്വയംഭരണ സ്ഥാപനങ്ങള്‍ വഴി മാത്യകാപരമായി ശുചിത്വ മാലിന്യ സംസ്‌കരണം നടത്തുന്ന ഹരിത കര്‍മ്മ സേനകളെ കുറിച്ച് ഹരിതകേരള മിഷനും കില, ഗുലാത്തി ഇന്‍സ്റ്റിറ്റ്യൂട്ട് ഓഫ് ഫിനാന്‍സ് ആന്റ് ടാക്സെഷനും ചേര്‍ന്ന് സംഘടിപ്പിക്കുന്ന ദേശീയ വെബിനാര്‍ പരമ്പരയില്‍ ഇന്ന് (ആഗസ്റ്റ് 8)  ഉച്ചക്ക്  2.30 മുതല്‍ 4.30 വരെ നടക്കുന്ന ഫേസ്ബുക്ക് ലൈവ് പരിപാടിയില്‍ അജൈവ മാലിന്യ ശേഖരണവും സംസ്‌കരണവും സംബന്ധിച്ച് വടകര മുന്‍സിപ്പാലിറ്റി അവതരണം നടത്തുന്നു.