ദുരന്തമുഖത്ത് പകച്ചു നില്‍ക്കാതെ ജനങ്ങളുടെ ഒറ്റക്കെട്ടായുള്ള രക്ഷാപ്രവര്‍ത്തനങ്ങളാണ് കരിപ്പൂർ  വിമാനദുരന്തത്തിൽ കാണാന്‍ സാധിച്ചത്. അപകടത്തിൽ പരിക്കേറ്റവരെ പ്രവേശിപ്പിച്ച ഹോസ്പിറ്റലുകളിൽ അടിയന്തരമായി രക്തം ആവശ്യമായി വന്നു. സമൂഹമാധ്യമങ്ങളിലും വിവിധ ഗ്രൂപ്പുകളിലും രക്തം ആവശ്യമാണെന്ന സന്ദേശം പ്രചരിപ്പിച്ച് നിമിഷ നേരങ്ങള്‍ക്കുള്ളില്‍ രക്തം നല്‍കാന്‍ വിവിധ ഭാഗങ്ങളില്‍ നിന്നും ജനങ്ങളെത്തി. വിവിധ ബ്ലഡ് ഡോണേര്‍സ് ഗ്രൂപ്പിന്റെ നേതൃത്വത്തിലും അല്ലാതെ നേരിട്ടും രക്തം നല്‍കാനായി ജനങ്ങള്‍ എത്തിയിരുന്നു. 

പരിക്കേറ്റവരുടെ ചികിത്സാ ചെലവ് സര്‍ക്കാര്‍ വഹിക്കും

    മലപ്പുറം ജില്ലയിലെ നിറമരുതൂര്‍ (16, 17), കോട്ടക്കല്‍ മുന്‍സിപ്പാലിറ്റി (എല്ലാ വാര്‍ഡുകളും) പുതിയ ഹോട്ട് സ്പോട്ടുകളായി പ്രഖ്യാപിച്ചു. കൊണ്ടോട്ടി താലൂക്കില്‍ കൊണ്ടോട്ടി നഗരസഭ, പള്ളിക്കല്‍, പുളിക്കല്‍ പഞ്ചായത്തുകള്‍ ഒഴികെയുള്ള  പഞ്ചായത്തുകളെ കണ്ടെയ്ന്‍മെന്റ് സോണില്‍ നിന്ന് ഒഴിവാക്കി.
 

ശക്തമായി തുടരുന്ന മഴയില്‍ വെള്ളം കയറിയതിനെ തുടര്‍ന്ന് നിരവധി കുടുംബങ്ങളെ ബന്ധു വീടുകളിലേക്കും ക്യാമ്പുകളിലേക്കും മാറ്റിപ്പാര്‍പ്പിച്ചു. 1817 കുടുംബങ്ങളില്‍ നിന്നായി 8105 പേരാണ് ഇതുവരെ ബന്ധുവീടുകളിലേക്ക് മാറിയത്. 30 കുടുംബങ്ങളില്‍ നിന്നായി 86 പേര്‍ ക്യാമ്പുകളിളിലും കഴിയുന്നുണ്ട്. 20 വീടുകള്‍ പൂര്‍ണമായും 978 വീടുകള്‍ ഭാഗികമായും തകര്‍ന്നതായാണ് കണക്ക്. ജില്ലയില്‍ ഇന്നലെ പുതുതായി ഒമ്പത് ക്യാമ്പുകള്‍ ആരംഭിച്ചു.                                                                        

കരിപ്പൂരില്‍ എയര്‍ ഇന്ത്യ വിമാനം റണ്‍വേയില്‍ നിന്ന് തെന്നിമാറി താഴേക്ക് പതിച്ച് 18 പേര്‍ മരിച്ച സംഭവത്തില്‍ അന്വേഷണം നടത്തുന്നതിനായി പൊലീസിന്റെ നേതൃത്വത്തില്‍ സംഘം രൂപികരിച്ചു. മലപ്പുറം അഡീഷനല്‍ എസ്.പി. ജി.  സാബു വിന്റെ നേതൃത്വത്തില്‍ 30 അംഗ ടീമാണ്  രൂപീകരിച്ചത്. മലപ്പുറം ഡി.വൈ.എസ്.പി ഹരിദാസന്‍ മുഖ്യ അന്വേഷണ ഉദ്യോഗസ്ഥനായിരിക്കും. പെരിന്തല്‍മണ്ണ എ.എസ്. പി ഹേമലത,  ഇന്‍സ്പെക്ടര്‍മാരായ ഷിബു,  കെ.എം ബിജു, സുനീഷ് പി. തങ്കച്ചന്‍,  തുടങ്ങിയവരും  സൈബര്‍ സെല്‍ അംഗങ്ങളും   ടീമില്‍ അംഗങ്ങളാണ്.

കാലവര്‍ഷം ശക്തമായ സാഹചര്യത്തില്‍ ജില്ലയില്‍ വിവിധ താലൂക്കുകളിലായി  21 ക്യാമ്പുകള്‍ തുടരുന്നു. മൂന്ന് ക്യാമ്പുകള്‍ അവസാനിച്ചു. നിലമ്പൂര്‍ താലൂക്കിലെ അകമ്പാടം ഡിയു-എ കോളജ്,  എം. എം. എം എ.എല്‍.പി. എസ് വെളുമ്പിയംപാടം, ഏറനാട് താലൂക്കിലെ വെണ്ടേക്കുംപൊയില്‍ സാംസ്‌കാരികനിലയം എന്നീ ക്യാമ്പുകളാണ് അവസാനിച്ചത്. വെണ്ടേക്കുംപൊയില്‍ സാംസ്‌കാരിക നിലയത്തിലെ ആളുകളെ മൂലേപ്പാടം ജി. എല്‍. പി. എസിലേക്ക് മാറ്റിയിട്ടുണ്ട്. ജില്ലയിലെ 21 ക്യാമ്പുകളില്‍ 321 കുടുംബങ്ങളിലായി 1003 പേരാണ് കഴിയുന്നത്.