കാലവർഷത്തെ തുടർന്ന് ജില്ലയിൽ ഓഗസ്റ്റ് എട്ട്   രാവിലെ എട്ടുമുതൽ ഇന്ന് (ഓഗസ്റ്റ് 9) രാവിലെ എട്ടു വരെ ലഭിച്ചത് 41.85 മില്ലിമീറ്റർ മഴ. ജില്ലയിലെ ആറു  താലൂക്കുകളിലായി ലഭിച്ച ശരാശരി മഴയാണിത്. 

 ഒറ്റപ്പാലം താലൂക്കിൽ 78.8 മില്ലിമീറ്റർ, പട്ടാമ്പി 64.7, ആലത്തൂർ 43.1,  മണ്ണാർക്കാട് 23.4, പാലക്കാട് 22.1, ചിറ്റൂർ 19 മില്ലിമീറ്റർ മഴയാണ് ലഭിച്ചത്.
 

മൂന്നാർ രാജമല പെട്ടിമുടി ദുരന്തത്തിൽ മന്ത്രി ടി.പി. രാമകൃഷ്ണൻ അഗാധമായ ദുഃഖം രേഖപ്പെടുത്തി.
ലയങ്ങളിൽ താമസിക്കുന്ന തോട്ടം തൊഴിലാളികുടുംബങ്ങളാണ് കേരളത്തെ നടുക്കിയ ദുരന്തത്തിനിരയായത്.
ദുരന്തത്തിൽ ഉറ്റവരെ നഷ്ടമായവരുടെ തീരാവേദനയിൽ പങ്കുചേരുന്നു.
രക്ഷാപ്രവർത്തനത്തിനും
ദുരന്തത്തിനിരയായവർക്ക് ആശ്വാസമെത്തിക്കാനും സർക്കാർ സാധ്യമായ എല്ലാ നടപടികളും കൈക്കൊള്ളും.
ദുരിതാശ്വാസ -രക്ഷാപ്രവർത്തനങ്ങളിൽ സജീവ പങ്കാളികളാകാൻ മന്ത്രി എല്ലാ ജനവിഭാഗങ്ങളോടും അഭ്യർഥിച്ചു.