ജില്ലയിലെ പ്രഥമിക ചികിത്സാ കേന്ദ്രങ്ങളിലെ ചികിത്സയിലുള്ളവരുടെ എണ്ണം സംബന്ധിച്ച് തെറ്റായ വിവരം നല്‍കിയതിന് ജില്ലാ മെഡിക്കല്‍ ഓഫീസര്‍ ഡോ ആര്‍ ശ്രീലത വിശദീകരണം തേടി. പ്രാഥമിക-കോവിഡ് ചികിത്സാ കേന്ദ്രങ്ങളിലെ കിടക്കകളുടെ എണ്ണം രോഗികളുടെ എണ്ണമായി തെറ്റായി രേഖപ്പെടുത്തി ആശയക്കുഴപ്പം ഉണ്ടാക്കിയതിനാണ് ബന്ധപ്പെട്ടവരോട് വിശദീകരണം തേടിയത്.

ജില്ലയിലെ വിവിധ കോവിഡ് പ്രാഥമിക ചികിത്സാ കേന്ദ്രങ്ങളില്‍ ചികിത്സയിലുള്ളവര്‍. ഒഴിവുള്ള ബെഡുകള്‍ ബ്രായ്ക്കറ്റില്‍.
വാളകം മേഴ്സി ഹോസ്പിറ്റര്‍ - 27(82), അസീസിയ വനിതാ ഹോസ്റ്റര്‍ - 0(60), ശാസ്താംകോട്ട ബി എം സി - 0(103), ശാസ്താംകോട്ട സെന്റ് മേരീസ് - 31(77), ആശ്രാമം ന്യൂ ഹോക്കി സ്റ്റേഡിയം - 40(160), വിളക്കുടി - 21(59), ഇളമാട് ഹംദാന്‍-6(114), കരുനാഗപ്പള്ളി - 4(97), ചന്ദനത്തോപ്പ് - 57(43), കൊട്ടാരക്കര ബ്രദറണ്‍-0(175), വെളിയം എ കെ എസ് ആഡിറ്റോറിയം - 0(105), കൊല്ലം എസ് എന്‍ ലോ കോളജ് - 0(200).
(പി.ആര്‍.കെ നമ്പര്‍ 2122/2020)

ജില്ലയില്‍ പ്രകൃതിക്ഷോഭത്തോടനുബന്ധിച്ച് വളര്‍ത്തു മൃഗങ്ങളെ സുരക്ഷിതായ സ്ഥാനങ്ങളിലേക്ക് മാറ്റി പാര്‍പ്പിക്കുന്നതിന് ജില്ലാ ആസ്ഥാനത്ത് കണ്‍ട്രോള്‍ റൂം തുടങ്ങി. അതത് ഗ്രാമപഞ്ചായത്തിലെ മൃഗസംരക്ഷണ സ്ഥാപനങ്ങളെ മാറ്റിപാര്‍പ്പിക്കുന്നതിന് ബന്ധപ്പെടാം. അടിയന്തര ഘട്ടത്തില്‍ കണ്‍ട്രോള്‍ റൂം സേവനത്തിന് ബന്ധപ്പെടാം. ഫോണ്‍-9446096855.
(പി.ആര്‍.കെ നമ്പര്‍ 2121/2020)

ക്വിറ്റ് ഇന്ത്യ സമര വാര്‍ഷിക ദിനമായ നാളെ(ആഗസ്റ്റ് 9) സ്വാത്യന്ത്യ സമര സേനാനിയായ ഉളിയക്കോവില്‍ മിക്കി ഭവനില്‍ വി ഭാസ്‌കരനെ ജില്ലാ കലക്ടര്‍ ബി അബ്ദുല്‍ നാസര്‍ ആദരിക്കും. അംഗ വസ്ത്രവും ഷാളും നല്‍കിയാണ് ആദരവ്. ക്വിറ്റ് ഇന്ത്യ ദിനത്തില്‍ സ്വാതന്ത്ര്യ സമര സേനാനികളെ ആദരിക്കണമെന്ന സര്‍ക്കാര്‍ നിര്‍ദേശത്തെ തുടര്‍ന്നാണ് നടപടി.
(പി.ആര്‍.കെ നമ്പര്‍ 2120/2020)
 

പത്തനംതിട്ടയില്‍ പ്രളയ ദുരിതാശ്വാസ പ്രവര്‍ത്തനത്തിനായി ആവശ്യമെങ്കില്‍ കൊല്ലത്തുനിന്നും മത്സ്യത്തൊഴിലാളികള്‍ പുറപ്പെടും. ജില്ലാ കലക്ടര്‍ ബി അബ്ദുല്‍ നാസര്‍ മത്സ്യത്തൊഴിലാളി പ്രതിനിധികളുമായി സംസാരിച്ച ശേഷമാണ് തീരുമാനം. പത്തനംതിട്ടയില്‍ നിന്ന് ഇത് സംബന്ധിച്ച് അഭ്യര്‍ത്ഥന ലഭിച്ചിരുന്നു.

ജില്ലയില്‍ മഴ തുടരുന്ന  സാഹചര്യത്തില്‍ ഏത് അടിയന്തര ഘട്ടത്തെയും നേരിടാന്‍ ദുരന്ത നിവാരണ വിഭാഗം സജ്ജമായതായി ജില്ലാ ദുരന്ത നിവാരണ അതോറിറ്റി ചെയര്‍മാന്‍ കൂടിയായ കൊല്ലം ജില്ലാ കലക്ടര്‍ ബി അബ്ദുല്‍ നാസര്‍ അറിയിച്ചു.  

അഴീക്കോട് മേഖല ചെമ്മീൻ വിത്തുൽപ്പാദന കേന്ദ്രത്തിൽ റൗണ്ട് എഫ്ആർപി ടാങ്ക് (10 ടൺ) വാങ്ങുന്നതിന് ദർഘാസ് ക്ഷണിച്ചു. ദർഘാസ് സ്വീകരിക്കുന്ന അവസാന തീയതി ആഗസ്റ്റ് 20 വൈകീട്ട് മൂന്ന് മണി. ഫോൺ: 0480-2819698.
 

ജില്ലയിൽ കോവിഡ് -19 പ്രതിരോധ പ്രവർത്തനങ്ങളോടൊപ്പം പകർച്ചവ്യാധികളായ ഡെങ്കിപ്പനി, എലിപ്പനി, മലമ്പനി എന്നിവയെ ശ്രദ്ധിക്കണമെന്ന് ജില്ലാ മെഡിക്കൽ ഓഫീസർ അറിയിച്ചു. പ്രധാനമായും വെളളം കെട്ടി കിടന്ന് കൊതുക് മുട്ടയിട്ട് പെരുകുന്നതാണ് ഇത്തരം രോഗങ്ങൾക്ക് കാരണമാകുന്നത്. മാലിന്യം ക്യത്യമായി സംസ്‌ക്കരിക്കുന്നതിലുളള അലംഭാവവും ഇതിന് കാരണമാകുന്നു. ഡെങ്കിപ്പനി, ചിക്കുൻഗുനിയ, മലമ്പനി തുടങ്ങിയ രോഗങ്ങളെ പ്രതിരോധിക്കുന്നതിന് കൊതുക് പെറ്റുപെരുകാനുള്ള സാഹചര്യം ഒഴിവാക്കണമെന്നും ഡി എം ഒ മുന്നറിയിപ്പുനൽകി.

തൃശൂർ ജില്ലയിലെ അഴീക്കോട് ഫെറി മുതൽ ചേറ്റുവ വരെയുലള കനോലി കനാൽ, കരുവന്നൂർ പുഴ, ചാലക്കുടിപ്പുഴ , കെഎൽഡിസി കനാൽ, റിസർവോയറുകൾ, കോൾപ്പാടങ്ങൾ എന്നീ ഉൾനാടൻ ജലാശങ്ങളിൽ ഫിഷറീസ് ഉദ്യോഗസ്ഥർക്ക് പട്രോളിംഗ് നടത്തുന്നത്തിന് വളളം വാടകയ്ക്ക് ലഭ്യമാക്കുന്നതിന് ക്വട്ടേഷൻ ക്ഷണിച്ചു. ക്വട്ടേഷൻ സ്വീകരിക്കുന്ന അവസാന തീയതി ആഗസ്റ്റ് 12 വൈകീട്ട് മൂന്ന് മണി. ഫോൺ: 0487-2441132.

പീച്ചി ആക്ഷൻ പ്ലാൻ 2020- 21 പദ്ധതിയിലുൾപ്പെടുത്തി പീച്ചി ഹാച്ചറിയുടെ പദ്ധതി പ്രവർത്തനങ്ങൾക്കായി ഫീഡ്, അഡിറ്റീവ്സ്, ലൈവ് ഫീഡ് എന്നിവ വിതരണം ചെയ്യുന്നതിന് അംഗീകൃത സ്ഥാപനങ്ങൾ, ഏജൻസികൾ, ഡീലർമാർ എന്നിവയിൽനിന്നും ടെണ്ടർ ക്ഷണിച്ചു. റീ ടെണ്ടർ സ്വീകരിക്കുന്ന അവസാന തീയതി ആഗസ്റ്റ് 26 ഉച്ച രണ്ട് മണി. കൂടുതൽ വിവരങ്ങൾ തൃശൂർ പള്ളിക്കുളം ആമ്പക്കാടൻ ജംഗ്ഷനിലുള്ള ഫിഷറീസ് ഡെപ്യൂട്ടി ഡയറക്ടറുടെ കാര്യാലയത്തിൽ നിന്നും ലഭിക്കുന്നതാണെന്ന് ഫിഷറീസ് ഡെപ്യൂട്ടി ഡയറക്ടർ അറിയിച്ചു. ഫോൺ- 0487-2441132. ഇമെയിൽ വിലാസം dftsr@ gmail.com.