കോട്ടയം ജില്ലയിലെ കാര്‍ഷിക  മേഖലയില്‍ പ്രകൃതിക്ഷോഭത്തില്‍ ഇതുവരെ 30.71 കോടി രൂപയുടെ നാശനഷ്ടമുണ്ടായതായി പ്രാഥമിക കണക്ക്. ജൂലൈ 28 മുതല്‍ ഇന്നലെ(ഓഗസ്റ്റ് ഒന്‍പതു വരെ)1200.68 ഹെക്ടറിലെ കൃഷിയാണ് നഷ്ടമായത്. കപ്പ,വാഴ, റബര്‍, നെല്ല് എന്നിവയാണ് പ്രധാനമായും നശിച്ചത്.

ജില്ലയിൽ  മഴ തുടരുന്ന സാഹചര്യത്തിൽ  നെല്ലിയാമ്പതി ചെറുനെല്ലി കോളനിയിലെ ഒമ്പത് കുടുംബങ്ങളിലെ 27 പേരെ അയിലൂർ പ്രീ-മെടിക് ഹോസ്റ്റലിലേക്ക്  കെ.ബാബു എം.എൽ.എയുടെ നേതൃത്വത്തിൽ മാറ്റിപ്പാർപ്പിച്ചു. 10 സ്ത്രീകളും എട്ട് കുട്ടികളും ഒമ്പത് പുരുഷൻമാരുമാണ് സംഘത്തിലുള്ളത്.

 
പോത്തുണ്ടി ഡാമിന്റെ വൃഷ്ടിപ്രദേശങ്ങളിൽ  മഴ  തുടരുന്നതിനാൽ ഡാമിലെ നീരൊഴുക്ക്  ക്രമാതീതമായി ഉയർന്ന് ജലനിരപ്പ് കൂടുന്ന സാഹചര്യം കണക്കിലെടുത്ത്   ഓഗസ്റ്റ് 10 ന്  നിയന്ത്രിതമായ അളവിൽ ജലം തുറന്നു വിടാൻ സാധ്യതയുണ്ടെന്ന് എക്സിക്യൂട്ടീവ് എൻജിനീയർ അറിയിച്ചു.  പുഴയുടെ തീരത്ത് താമസിക്കുന്നവർ ജാഗ്രത പാലിക്കണം.

കോവിഡ് 19 രോഗവ്യാപനം തടയുന്നതിനുള്ള സർക്കാർ നിർദ്ദേശങ്ങൾ പാലിക്കാത്തതിനെ തുടർന്ന് ഇന്ന് (ഓഗസ്റ്റ് 9) വൈകിട്ട് 7 വരെ ജില്ലയിൽ പോലീസ് നടത്തിയ പരിശോധനയിൽ 83 കേസുകൾ രജിസ്റ്റർ ചെയ്തതായി സ്പെഷൽ ബ്രാഞ്ച് ഡി.വൈ.എസ്.പി എം. കൃഷ്ണൻ അറിയിച്ചു. ഇത്രയും കേസുകളിലായി 180 പ്രതികളാണ് ഉള്ളത്. ഇവരിൽ 161 പേരെ അറസ്റ്റ് ചെയ്തു. മൂന്ന് വാഹനങ്ങളും പിടിച്ചെടുത്തു.

 മാസ്ക് ധരിക്കാത്ത 275 പേർക്കെതിരെ കേസ് 

മാസ്ക് ധരിക്കാതെ പൊതുസ്ഥലങ്ങളിൽ ഇറങ്ങിയ 275 പേർക്കെതിരെ പോലീസ് കേസെടുത്തു.  മാസ്ക് ധരിക്കേണ്ടതിന്റെ   ആവശ്യകത ബോധ്യപ്പെടുത്തിയ   പിഴ അടയ്ക്കാൻ നോട്ടീസ് നൽകി വിട്ടയച്ചു. 

പട്ടാമ്പി മണ്ഡലത്തിൽ പ്രളയ സാധ്യതയുള്ള പ്രദേശങ്ങൾ മുഹമ്മദ് മുഹ്സിൻ എം.എൽ.എ സന്ദർശിച്ച് മുന്നൊരുക്കങ്ങൾ വിലയിരുത്തി. കഴിഞ്ഞ പ്രളയത്തിൽ വെള്ളം കയറി സാരമായ നാശനഷ്ടങ്ങൾ സംഭവിച്ച വിളയൂർ, തിരുവേഗപ്പുറ, കുലുക്കല്ലൂർ ഉൾപ്പെടെയുള്ള പ്രദേശങ്ങളാണ്  സന്ദർശിച്ചത്.
 
കഴിഞ്ഞ പ്രളയത്തിൽ ഏറെ നാശനഷ്ടങ്ങൾ സംഭവിച്ച തുടിക്കൽ ലിഫ്റ്റ് ഇറിഗേഷൻ പമ്പ് ഹൗസിൽ പ്രളയ സാദ്ധ്യത മുന്നിൽ കണ്ട് മോട്ടോറുകൾ അടക്കമുള്ള വസ്തുക്കൾ സുരക്ഷിത സ്ഥാനങ്ങളിലേക്ക് മാറ്റിയിരുന്നു. നിലവിൽ മണ്ഡലത്തിൽ എവിടെയും അപകടകരമായ അവസ്ഥ ഇല്ലെങ്കിലും ജാഗ്രത പാലിക്കണമെന്ന് എം.എൽ.എ അറിയിച്ചു.

പാലക്കാട് ജില്ലയിൽ ഇന്ന്(ഓഗസ്റ്റ് 9) ആലപ്പുഴ സ്വദേശി ഉൾപ്പെടെ 78
 പേർക്ക് കൊവിഡ് 19 സ്ഥിരീകരിച്ചതായി ആരോഗ്യവകുപ്പ് അധികൃതർ അറിയിച്ചു. 
ഇതിൽ  സമ്പർക്കത്തിലൂടെ രോഗബാധ ഉണ്ടായ 40പേർ,  ഇതര സംസ്ഥാനങ്ങളിൽ നിന്ന് വന്ന 10 പേർ, വിവിധ രാജ്യങ്ങളിൽ നിന്ന് വന്ന 16 പേർ, ഉറവിടം അറിയാത്ത രോഗബാധ ഉണ്ടായ 10
 പേർ , രണ്ട് ആരോഗ്യ പ്രവർത്തകർ എന്നിവർ ഉൾപ്പെടും. 80 പേർക്ക് രോഗമുക്തി ഉള്ളതായും അധികൃതർ അറിയിച്ചു.

ഇന്ന് രോഗം സ്ഥിരീകരിച്ചവരിൽ ഇതര സംസ്ഥാനങ്ങളിൽ നിന്നും വിദേശത്തുനിന്നും  വന്നവരുടെ കണക്ക് താഴെ കൊടുക്കും പ്രകാരമാണ്. 

രാജസ്ഥാൻ-1
കവളപ്പാറ സ്വദേശി (30 പുരുഷൻ)

ഇടുക്കിയിലെ രാജമലയിലുണ്ടായ ഉരുള്‍പൊട്ടലില്‍ കാണാതായ അവസാനത്തെ ആളെയും കണ്ടെത്തുംവരെ രക്ഷാപ്രവര്‍ത്തനം തുടരുമെന്ന് വനംവകുപ്പ് മന്ത്രി അഡ്വ. കെ.രാജു പറഞ്ഞു. രാജമലയിലെ ദുരന്തംനടന്ന പെട്ടിമുടിയില്‍ നേരിട്ടെത്തി രക്ഷാപ്രവര്‍ത്തനങ്ങള്‍ വിലയിരുത്തിയശേഷം സംസാരിക്കുകയായിരുന്നു അദ്ദേഹം.

പട്ടാമ്പി താലൂക്ക് പരിധിയിൽ വരുന്ന പട്ടാമ്പി നഗരസഭ, മുതുതല, കൊപ്പം, നാഗലശ്ശേരി, ഓങ്ങല്ലൂർ, തിരുവേഗപ്പുര, തിരുമിറ്റക്കോട് പഞ്ചായത്തുകളിൽ ഏർപ്പെടുത്തിയിട്ടുള്ള നിയന്ത്രണങ്ങൾ ഒരാഴ്ചകൂടി തുടരുമെന്ന്  ജില്ലാ കലക്ടർ ഡി. ബാലമുരളി അറിയിച്ചു. 
നിയന്ത്രണങ്ങൾ നിലനിന്നിരുന്ന മറ്റ് പഞ്ചായത്തുകളെ കണ്ടെയ്മെന്റ് സോണിൽ നിന്നും ഒഴിവാക്കിയിട്ടുണ്ട്.കോവിഡ് ബാധിതർ വർദ്ധിച്ചതിന്റെ  അടിസ്ഥാനത്തിൽ ജൂലൈ 20 മുതലാണ് പട്ടാമ്പി മേഖലയിൽ നിയന്ത്രണങ്ങൾ ആരംഭിച്ചത്.